KIBathrodite's Profile

本身都係諗住醫吓肚😂😂不過有位店員服務態度超級好，就覺得一定要post黎讚下佢🤗🤗非常有禮貌，而且好貼心，例如熱飲會提醒你隻杯熱要小心，其實係簡單嘅事但好少人會做到👍👍非常warm都講下嘢食，叻沙湯底夠濃，咖哩味重少椰奶，飲左少少亦唔會口乾，唔錯，配料同價錢都正正常常啦叫多左一個榴槤咖吔多士(半份)少少咖吔少少榴槤味，唔太夠香，普普通通啦，不過價錢唔貴咪當點下心囉熱奶茶一般，香味還可以，但唔夠滑…Read More

啱啱好趕得切6點前食埋個晚餐，叫咗砂鍋雲吞雞(轉刀削麵)$68，加多一隻醉溏心蛋+$10。刀削麵略為淋咗啲，特別係熱湯浸住食到最後已經淋哂；雞肉唔算硬但係又唔夠滑，都叫合格嘅；雞湯味道ok，唔係驚為天人，就勝在夠熱；雲吞都係正正常常，唔大隻一口size。醉蛋個溏心做得唔錯，酒味好濃，眼見個酒底應該好多料。可能我唔太好酒，覺得濃咗少少😂食到一半，我大膽咁將一匙羹醉蛋嘅酒倒咗入雞湯到😎結果呢次實驗係…好成功嘅！✌濃濃嘅酒味令成個湯底有層次同深度，又唔會太勁好入口😎整體黎講，樣樣野都係合格啦嘅level，好就好在咁凍嘅天氣食完會暖哂😚(同埋價錢都合理，份量啱啱好)…Read More

十年都唔黎一次上環，今次黎到試咗呢間聽講新開嘅東南亞風食店。由於好肚餓同埋貪心既關係，叫咗好多野食。首先係海南雞飯拼喇沙($108) + 熱南洋拉茶一個餐又有雞飯又有喇沙，啱哂我呢啲乜都想食既又大食既人。海南雞飯雞件幾多，皮薄肉滑，中間仲keep到有少少啫喱👍，醬料係蒜泥甜辣醬同黑豉油，正常合理，油飯夠味，唔等好突出，不過合格地好食👌，配埋舊雞啱啱好。喇沙好重椰奶味，辣味啱啱好，都叫幾香，反而相比下個蝦湯底味唔太夠濃👌，粉係米線黎，出奇地好彈牙煮得非常啱啱好👍，配料有一舊蝦一啲牙菜魚片豆卜咁啦，以呢個size黎講都幾多，味道不過不失咁啦。👌另外為咗滿足我第三個願望，加多咗件咖央多士($28)包唔係白麵包有谷麥既香味，烘得夠脆，加埋牛油同咖央醬都叫香既，牛油同咖央醬落多啲會更好。👌整體黎講都叫唔錯，合格線以上，唔會特登好遠走黎食，不過路過又想食海南雞飯既話會考慮再黎。…Read More