AdaChang8834's Profile

今日嚟食下午茶，進舖後當時人流稀疏，職員多過客人，我坐下好奈都無問我食什麼，又無派下午茶menu，我就揮手，有一個女職員（直散頭髮剛過肩膀），當時佢掃緊地，又無行過嚟（ 只係幾步之間），態度好惡又好大聲咁問我食乜嘢？我就話無下午茶menu？她就好不耐煩答我，你唔係知道有咩食嘅咩？ 我當堂無言，為有問另一職員攞，見佢刻意對其它客人態度殷勤（係特登想做俾我睇），其實呢個職員平時見佢對客人說話語氣都好差。…Read More

因將將會搬入青衣住，食左幾次呢間燉奶佬，頭一次已經覺得侍應不瞅不睬，近次食完行去收銀處放底張單俾錢，個男人（矮細粒） 完全冇反應喺度計自己啲數 ，我再講一次唔該 都係冇反應， 跟住我再話唔該趕時間，佢就好唔耐煩𡁻咗一聲 ， 重用眼神掘住我， 將抓俾我嘅錢大力掉落枱面，講真 食物已經唔係好食啦，仲要咁嘅服務態度 ，唔會再去幫襯囉，感覺好受氣， 香港侍應服務態度大多數都唔好， 現在明白點解咁多人上大陸消費， 因為食得開心服務態度又好， 好在呢間唔係旅遊區，唔係香港真係多得佢唔少。…Read More

我係富華嘅常客，由初初開至今，差不多每個星期都起碼食2-3次，食物質素都不太差，味道比起新釗記好，但近日嚟左個高瘦識員後，變得好嘈，常常在我食緊嘢嘅時候，突然係我傍邊大聲高呼叫：有位入嚟，以前都唔係咁，講真覺得好滋擾，希望呢方便可以留意吓及改善。…Read More

呢間餐廳已經有一段時間無去，g前覺得佢食物好咸，服務態度差無再去，隔左一年，最近抽起條根再去幫襯過。入到去落單亞姐肥肥地態度都ok，食品嚟到覺得無以前咁咸，味道一般唔算好食，食嘢中聽到有個（4眼）待應不停講粗口，當出去櫃檯收銀處時，我俾錢個時好有禮貌講唔該，跟住我話想攞番張單，個收銀員聽到好晦氣，攞張單唔係俾我，係掉落張枱我自己執，仲黑口黑面，估唔到呢間餐廳，g前咁多符評都唔會改進，重俾以前更差，除非收銀員佢係老闆，如果唔係無理由個老闆唔知，點解呢d咁差嘅員工繼續用佢？…Read More

今日天氣凍左……叫早餐時同侍應講:唔講你俾杯熱d嘅水我，個侍應黑面（著黑衫主任）無應我，等左一陣無俾我，跟住同第二個侍應講，但見對方都係無行動，我就話:唔該我講左2次要杯熱水都無俾我，對方就好唔滿意好大聲話:等多一陣啦（都係著黑衫主任果個）…態度更加差，身為一個主任，應該以身作則，但係佢嘅服務態度反而係全店最差果個，唔明點解重做到主任？一早就食到一肚氣,食物又唔係好食唔洗錢都唔會再嚟，所以我決定唔會再幫襯。…Read More

好奈無去呢間飲茶，就約朋友飲中午茶，唔洗等就有位，食物就麻麻，個紅豆包賣相外型好怪，薄餐口感好似食擦子膠，個腸粉裏面嘅春卷唔脆，腸粉皮又厚又鞋。我地飲完茶去厠所，朋友準備入厠所之際，俾個酒樓員工一支箭打尖入厠所，我地話有無攪錯，問都唔問就入左去，點之俾佢用（粗口)鬧返轉頭，重叫我地有咩不滿去投訴佢，最好叫公司炒左佢，痴線……我地都有同經理講番呢件事，呢d咁嘅服務態度，真係令我大開眼界，第一次飲茶飲到一肚氣，呢間酒樓永遠唔會再幫襯，食物質素同員工態度一樣差…Read More

今晚等一次來雅廊食dinner buffet，因為有65折coupon，但整體嚟講，食物好差，鵝肝一D都唔香，龍躉肉質唔新鮮，所謂海鮮熱盤，只係攞食淨嘅龍蝦頭頭尾尾，落大量蒜蓉、辣椒來掩蓋不新鮮，長腳蟹肉質梅嘅，還有侍應態度差，大部分員工都黑口黑面，需然今晚係星期六，但客人不算多，而且都好有禮…無爭食物，為何會有咁嘅質素嘅員工👎🏻👎🏻👎🏻👎🏻👎🏻👎🏻👎🏻，我唔會再有下次光臨。…Read More