DonaldWong6898's Profile

餐廳冷氣唔涼，坐邊位有啲熱；嗌雞扒冇雞扒，嗌河粉冇河粉，嗌都削麵都冇刀削麵，隔離枱仲話冇生菜......重點黎喇，最後叫咗碗牛腩台灣麵，點知黎咗碗石頭腩台灣麵，咬唔入嘅牛腩，又實又韌，完全冇誇張，我都好驚訝點解元州牛肉麵會變成咁，非常失望，只好講如果下次再有朋友想黎就唔好叫牛腩啦，完。…Read More

晚上九點幾幫襯 又寫收零晨兩點半 點知個個侍應都好似收舖狀態 成個空間冇侍應 幾張枱揮手都冇人理 有人出現又發夢 完全唔望客人有冇需要 成五十幾蚊一杯嘢飲 俾百幾蚊服務費 舉手舉到攰 嗌伙記嗌到聲沙 食到一肚氣…Read More

夜晚遲咗食飯，八點幾先行到左近，諗住是旦搵間餐廳就行咗入嚟，本來都無乜寄望，點知原來好好彩。食咗幾串串燒，炒飯，同甜品。串燒有驚喜，一串長，一串強；炭燒豬頸肉，份量足足人哋x2，肥瘦適中，有炭燒香；菠蘿炒飯好多菠蘿，還有少有嘅提子乾，肉鬆腰果配搭一流；芒果糯米飯又多奶，芒果大大個；今時今日汽水仲賣$6一罐，平過去便利店，有良心餐廳；最後係送上一杯水，同個男仔講食藥，佢熱水會加啲冰，細心，唔計較，overall各方面都非常好評，值得鼓勵！…Read More

店舖很光鮮，又見新店，本身由細到大都喜愛車仔麵，所以好快就決定走入去，環境係舒服乾淨，一個人麻，間餐廳冇人都安排咗坐格仔自修位，唔緊要~坐底個男人話可以用QR Scan落單或傳統紙仔落單，我就話用紙仔，佢就好不屑嫌煩嘅樣劈落黎，本身想order鮑魚車仔麵餐，我唔食冬菇，所以最後都係散叫嗌咗四餸一麵，張紙都費事俾返個男人，麵來了，一下子好失望，四餸嘅麵好似隔離舖兩餸仲要少，牛腩好矜貴，得兩粒，丸唔駛講啦，啲餸每樣都係兩三塊，我唔係唔捨得食，真係好失望，我好奇望下個廚房係點，個男人收銀又以為自己好型好chok咁不屑眼神睥住，俾錢嗰時唔駛講，懶cool咁冇講嘢冇眼神收你錢，其實我都唔係要到一間當我大爺嘅店舖不停arigato，不過呢間真係唔會再回頭，倒帶，其實個男人由我冇安心出行開始已經黑口黑面。完。…Read More

真的有意外驚喜 虎蝦好大隻 夠紥實 海南雞好滑 咖喱軟殼蟹啲汁好香好濃 雜錦拼盤好足料 雞翼好食 泰粉湯底好有喺泰國食嗰啲feel 凍檸茶 荔枝梳打都有香口嘅感覺 美中不足係油飯唔夠香唔夠黃 男女收銀都很友善 外賣自取九折下值得支持…Read More