Joseph0225's Profile

今天打算和家人前往荃灣如心廣場的點一龍餐廳嘗試點心放題，大家懷着開心愉快嘅心情前往，但是到最後感覺有點失望。我明白從事餐飲業者的忙碌及煩惱，但是等待時間頗長實在有點失望及難過，第一輪點心比其他輪點心等待時間非常長，而且已經多次向服務人員表示此輪點心仍有很多點心未到枱，但是一個札髻的男性服務人員表示即蒸點心會有點耐，但是當時已經差不多45分鐘左右，同時期表示其他客人與我們叫的點心有部分一樣，而其他客人入座時間較我們遲20至30分鐘，但是其他客人已經進食中，之後每隔10至15分鐘所得到的答案如岀一徹，最後差不多離開時才有一名應該是比較高級的女性服務人員（店長/經理）向我們詢問有什麼點心仍未到達，最後家人們表示非常失望後已離去。…Read More

講下環境方面先，好睇得出前業主好比心機去裝修，想將外國漢堡文化帶入黎香港，所以比個“讚”前業主，唔係現任業主。我叫左個 L1 經典安格斯牛肉堡套餐，而我女朋友就叫左個 L9香煎優質雞腿扒套餐。先講下個經典安格斯牛肉堡套餐，當我問個waiter我想叫Medium既漢堡扒，佢同我講無得叫，我當堂呆左，我係無試過除左McDonald's 、Shake Shack、Five Guys外，係無試過比70蚊或以上既漢堡包都無得叫Medium、Medium Well 或Well Done既。無得叫Medium既漢堡扒都算，點知唔食就無事，一食就出事，成個漢堡扒無乜牛肉味，睇黎係雪藏得太耐啦。之後講下個香煎優質雞腿扒套餐，賣相睇落唔錯，但一食又出事，但汁咸到一個點，D飯又軟又硬咁，唔講唔覺自己係食緊白飯，以為自己食緊香煎飯焦優質雞腿扒包飯套餐咁，仲有最離譜就係D雞肉仲有一部分係生，係有血水，我地食完即屙。套餐跟湯 - 南瓜忌廉湯 - 呢個根本就係忌廉湯而係南瓜忌廉水，水份太多太稀啦。講埋服務方面先，兩個員工淨係識玩手機，咩都唔就做。仲有D員工應該要職業再培訓，連自己餐廳賣緊咩酒類都唔知，反問翻個客係咪呢支，唯一一點抵讚就係個服務員當個客淨係叫住一支啤酒先，仲要鍥而不捨咁推銷個客第二支半價！成間野係硬件上已經有點失色，希望係軟件上拎翻少少分啦，點知失敗又失敗，正一垃圾。…Read More

好兄弟基本上係我既平民飯堂，因為係屋企附近，啲野食係夠鍋氣，但有時太多味精，而且係呢個地段個價錢都唔算太貴，加上個老板都幾有霸氣兼好客，因為佢唔多中意啲客淨飲齋坐唔食野，最值得一提係啲海鮮係由老板一手一腳自己揀嫁，所以鮮味好夠。雖然可以夜晚有機會嘈啲，但係呢間餐廳近地鐵站，西鐵站，同埋巴士站同小巴站就係左近，既方便，食得夜得濟又唔怕無車坐。如果講我中意食呢間餐廳既野，應該都係椒鹽鮮魷，因為真係好足料又無偷工減料不過不足之處既一點就係，有啲野飲一定要係有水吧師傅係到先有得飲，6點之後就無，因為水吧師傅收6點:(…Read More

作為海南雞飯愛好者，今日行行下街見肚餓就睇下附近有咩食，之後就去左呢間開張無耐既坡島食野，因為呢到有我最中意食海南雞飯！首先講隻雞方面，市面好多海南雞飯都唔係整得好食，有啲好嚡口，但係呢間啲雞好嫩滑，好大份，即使您好肚餓，都一定食飽您！正之後就講醬汁方面，海南雞飯既醬汁都係由薑蓉，辣醬同海雞醬油而成，唔講辣醬同海雞醬油，淨係講薑蓉，市面上好多海南雞飯既薑蓉都係普普通通用白切雞飯既薑蓉，但係呢間餐廳既薑蓉，做到好似椰汁既稠，同時間又食得岀薑蓉味最後價錢方面，晚餐都係63蚊，另加凍檸茶都係66蚊一個人，係呢個地區食到咁好食既海南雞飯，但只係66蚊，一啲都唔貴，呢間餐廳都仲有拉茶飲午餐都只係59蚊，抵食下次再黎食過海南雞飯…Read More