ritamahf's Profile

已經試過西環店兩次，所以今次專登過黎試試佐敦店。兩間店一樣先食雞煲(可以無限次添食)，有分小辣 BB辣或唔辣；因為要自己煮熟個雞，餐廳會比個鬧鐘提示每2分鐘搞動一次，總共搞4次。也可以在雪櫃攞D豬皮、腐竹、魷魚、牛柏葉等加入雞煲一齊煮更好味😋今次已經好忍口只食一個雞煲。雞煲後輪到蒸海鮮，按人頭每人一份包括象拔蚌、帶子、鮑魚、青口、石斑等。D粉絲和烏冬索晒海鮮汁所以勁好食😋加$398點左個龍蝦刺身，師傅一定好好刀工，片到薄薄龍蝦肉放冰上差D睇唔到😆講真我寧願食返上次點嘅象拔蚌刺身，不過好在有個龍蝦殼熬湯又幾好味😋之後就火鍋上場，用烏雞湯為湯底簡直要飲返兩碗才捨得涮肉。牛肉都可以無限添食，不過今晚要8點半交枱所以未能暢食，下次一定要book個無限時慢慢嘆。不過我都係鍾意西環店多D因為坐得舒服D☺️呢個店全晚座無虛席坐到出lift口真係有夠誇張咯😅…Read More

此餐廳位處海運和海港城通道，成日經過都見到人龍，今日見有時間又唔算太多人就等下位試下味。因為兩公婆都唔想食太多Carb，所以無叫貌似最多人點又主打嘅蛋包飯，而係點左豬扒三文治、漢堡扒、洋蔥圈。脆炸洋蔥圈上枱時熱辣辣啱啱炸起，前菜$78來講都算係大碟。豬扒三文治(忘記影相)有三件，雖然係厚切豬扒但麵包似係用普通茶記麵包加烘底，仲要賣$148就不太抵食。日式漢堡扒用鐵板上，整體賣相打卡靚但漢堡扒個質感…我只諗到「糜爛」二字較為合宜，漢堡扒能做到入口融化都係一絕，好適合啱啱整完牙嘅人食😅而實物比較宣傳圖片咁Juicy和半生熟狀態就完全欠奉（其實都無問我要幾成熟）。講開個蛋包飯主打用蘭王蛋，雖然我地無食，不過睇到隔離枱的其實都唔係蛋包住飯，而係炒蛋蓋在炒飯上面。我到呢個時候仲未死心想試埋另一個多人點嘅疏乎厘班戟。等左20幾分鐘才嚟到結果都係打卡靚但味道一般，疏乎厘沒有蛋香味，雖然做到彈彈軟綿綿效果但食落有D漿住個口，係咪跟食材有關呢🤨呢餐埋單盛惠700幾蚊真心覺得唔值。呢間餐廳又話始於1978年又話來自天皇真正洋食，我就覺得食物質素係辜負左個好名氣，仲要咁多人排隊等位入座，除非你有商場coupon又諗唔到食邊間就即管試一次咁多啦😅後記：店員們都好有禮貌，雖然Reception 帶位個靚女好忙但態度好好，值得一讚👍…Read More

行山除左可以欣賞好風景和強身健體，更係為左要吃好西😋今日約埋班friend由掃管芴出發行去千島湖，在大棠見到好多banner嗰隻燒雞好吸引，越睇越肚餓😅好在到最後真係遇到呢隻荔枝柴燒雞，二話不說即刻跑過對面馬路啦😂入到去幾乎每枱客一隻，咁就更加要食啦！現燒所以起碼要等半個鐘，所以另外叫其他嘢食住先。我地兩枱十幾人點左唔同嘢食，乾燒伊麵、星洲炒米、鴨腿湯飯都幾好食，碟頭都幾大，不過個菠蘿牛仔骨就有D咸。邊食邊等嘅荔枝柴燒雞熱辣辣送到，比埋手套剪刀自己庖丁解雞。隻雞真係100分，Juicy唔乾，特別近骨位置充滿煙燻味，真係好好食喔😋😋…Read More

呢間餐廳食左起碼有十幾年，佢嘅水準一路能保持到好食實在好難得👍 最近佢地推出一個經典滋味套餐有4個course，主菜可以揀拉麵配炒菜或者小菜配白飯。前菜寫明只有半份，但個main course原來好大份，應該係原本a la carte 個size，我點嘅菜肉雲吞係🈶️5隻雲吞😊還有一杯飲品，加多$10仲有酸辣湯。呢度店名話明拉麵小籠包，食多左澱粉質都忍唔住加個熱辣辣小籠包😋有酸辣湯又忍唔住加多個蘿蔔絲酥餅，食到巧飽要打包呢😋😋經理仲好細心比個小盒話唔會整爛個酥餅真係細心👍好在依家最後幾個星期可以早D食dinner，仲有時間消化，呢個$105套餐咁抵食，唔知食到幾時所以快D去試試😆…Read More

其實去食迴轉壽司反而唔啱一大班人，所以依家限聚令兩個人啱啱好😊呢間聞名已久嘅迴轉壽司終於有機會唔駛排長龍就食到，就趁依家試試。好耐無見過真係有壽司轉轉下都幾開心，不過可能疫情所以唔係太多放出黎，都係主要靠個平板落單，好在自動上菜系統速度都好快而準👍壽司郎主打年輕客群，價位都係以平取勝，最平紅碟$12到最貴黑碟$27，所以都可以盡興咁食。雖然Menu選擇唔係太多但質素算係過🉐️去啦，最鍾意佢舊飯細細舊😃但畢竟唔係日本當然無喺日本食咁新鮮啦😆不過呢個價錢，都唔好意思要求過高😉…Read More

我地兩公婆又出動去試食，今次嚟到Times Square呢間新開嘅日式燒肉放題店，5點入坐，兩個人當然係坐2人枱，不過帶埋shopping戰利品，加上冬天厚褸入坐就覺得好逼，好在店員都細心比左三個籃我地放袋和褸了☺️全場只有3 款套餐：經典燒肉派對；嚴選澳洲和牛及薩摩牛饗宴，第一次嚟梗係先選個經典燒肉派對試試。自助QR Code落單夠方便，開頭唔明點解每次落單只可以點6樣，後來發覺張枱唔夠位放所以都唔好太貪心一次點太多樣。自動送餐運輸帶在差唔多送到前會閃燈提示。最多人點嘅應該係「壽喜燒風五花肉附棉花糖」，我見到白色軟綿綿嘅棉花糖在面前「飛」過好多次咯😚係好得意不過食一次就夠因為有D甜但味道又唔係咁似壽喜燒。豬牛雞差唔多都係醃左而味道嚟嚟去去都係嗰幾樣不過偏鹹。店員都好細心經常更換燒烤網，是晚合共換左4個網，咁小妹八卦計下數一晚會否用大概200個燒烤網呢；另外D網係咪就咁丟棄定係洗返重用呢（係咪有D多管閒事🤨）自助飲品區設在近門口位置😳凍飲熱飲都係甜，汽水果汁咖啡奶茶朱古力等，幸好有蘇打水和熱水，但係茶包/茶葉就欠奉😅今次100分鐘放題燒烤整體感覺普通，地方袖珍小巧反而有些少去左日本嘅感覺（可能實在太掛住日本了🇯🇵😜）。…Read More

是日專登上來山頂去西高山睇日落，下山再睇埋個維港夜景，返到山頂廣場已經 7點所以食埋dinner，5個人揀來揀去最終幫襯在山頂比較親民嘅敏華冰廳；Menu款式跟市區敏華應該差唔多，雖然無比較有無貴D，不過在山頂店有個限定嘅火焰玫瑰鐵板叉燒，睇落都幾吸引，承惠 $128呢個價錢只有一個餸唔包餐湯白飯，真心覺得有D貴。不過一場嚟到山頂又覺得點都要食得特別D咯😆好在有火焰show打下卡，半肥瘦叉燒正又有好香玫瑰露味道😋在山頂食飯唔駛加一，而經理和店員都待客有禮都係值得一讚👍…Read More

友人經常提到韓珍和Bong樓，搞到小妹流晒口水。而好多時到尖沙咀workout再過來，一係無開門（逢週二休息）一係下午落場（2:30-5:30pm休息）。今日趁著公眾假期，兩公婆5點半過來已經幾枱韓國客人，可以幻想自己去左韓國🥰呢間餐廳其實好旺場，一半以上客人都係韓國人。而每枱客人必點嘅就係：糖醋肉，有D似我地嘅咕嚕肉不過唔係橙色咯😆另外再點左有兩個👍👍推薦嘅玫瑰芝士女神雞，係咪因為個醬汁係粉橙色所以叫做玫瑰🤨不過呢個粉橙色番茄醬加埋芝士真係好夾好好食😋好大盤有雞有薯角不過比例一半一半所以D雞份量其實偏少。另外好多人提到呢度必食嘅就係炸醬麵。小妹真係好愛食韓式炸醬麵，比較過幾間，個人覺得Bong樓和Outdark嘅炸醬麵都好食😋😋Bong樓份量都幾多，尤其個糖醋肉真係巧大盤，我地兩公婆咁大食都食唔晒要打包拎走，目測就算一家4口都食唔晒。Menu其實選擇不多，似乎個Drinks Menu 比食物選擇更多，所以幾啱約埋幾個friend一齊黎可以試多D嘢🥰…Read More

是日臨時book枱食頭圍6pm，兩個人居然有🉐️坐包廂，8點還枱都無問題，靚靚裝修又有銅鑼灣鬧市睇好正喔！首先食物賣相和擺盆已經好吸引👍我地兩公婆點左雙人套餐有鴛鴦麻辣鍋和花膠雞湯底，麻辣鍋嘅豆腐和鴨血無限添加，花膠湯底好黏口證明材料十足又多骨膠原🥰套餐食物🈶️D嘢二選一，我地揀左兩隻鮑魚、伊比利亞黑豬肉、美國特級牛小排、還有超可愛嘅企鵝造型墨魚漿丸和油條等。必定要介紹呢度個自助區，混醬材料好多選擇，仲有生果和凍魚皮任攞。🔔重中之重係個電飯煲旁邊🈶️個迷你煲入面🈶️肉燥，其實好多時食台式火鍋都會有肉燥飯，而湊湊個肉燥飯簡直有驚喜，雖然有豬油但肉燥係用瘦肉碎可以平衡番😋唔湊米氣嘅都要一試👍我地點嘅雙人套餐份量十足，兩支公以為唔夠食仲要多點一個蔬菜拼盤，但發覺呢個套餐本身都有好多拌碟菜，湯底裡也有好多菇菇所以應該夠纖維。大大杯台式飲品都可以揀甜度和冰，配火鍋都幾夾。總括而言，湊湊嘅火鍋都係用靚料，而甜品送每人一客嘅茶梅果凍又係另一驚喜😚兩人埋單雖然$900幾，但計落個雙人套餐其實好抵食。小妹問左，下次要坐包廂只需要加200幾蚊點個大鴛鴦鍋 (可以選到3️⃣款湯底) ，不過坐外面其實都好有氛圍咯😊…Read More

之前同老公嚟過食dinner，今次同 friend做完Yoga食lunch想食炸雞於是諗起過黎Dodam，嚟到先知道原來有Set Lunch喔😻平均70幾蚊一個 lunch，加埋一$80都唔駛，在銅鑼灣都算抵，點解呢？除左主菜仲有自助區嘅韓國小食任你食，嗰日有粉絲和改名為辛奇嘅泡菜，又可以自己揀一個凍或熱飲仲要係柚子茶☺️個主菜一D無欺場，有半隻雞仲有沙拉和酸蘿蔔解油膩，又可以揀有骨無骨或炸雞焗雞，如果你好肚餓，更可以加$10有白飯，你話係咪豐富又抵食呢😽…Read More

做完Gym，我個girlfriend 就介紹我一齊過來，位處彌敦道山林道 location甚方便，一樓望出街睇到好多大樹蔭感覺更休閒舒服。Lunch有三、四、五品的選擇，冷熱盤任你配搭，幾個小碟嘅小菜擺好一個Set 上枱，首先要比Like 就係每個碟都好精緻漂亮😍忍唔住一定會打夠卡才肯起筷。小妹和朋友都揀左五品，我點左桂花冷番茄、溏心蛋、明太子手羽、黑醋唐揚雞和婆婆咖哩，而每個Set都有跟一個飯糰或烏冬，1號飯糰係明太子富士山，2號飯糰三文魚富士山，論顏色外觀一定係1號飯糰最出色，不過小妹問左店員，1號飯糰個藍色係食用級色素，不過我較為喜歡自然所以點左2號飯糰，個藍色偏淡係因為使用蝶豆花調色。其實每度菜味道都唔錯，桂花冷番茄稍為甜左少少，而小妹和朋友只慨嘆可能做完Gym胃口太好所以略嫌食左五品都唔夠飽😅Set唔包飲品，可以半價單點，我和朋友都點左紅莓Kombucha都幾好飲。食完嘢可以過去逛逛隔離小店，有可愛嘅小物和衣服飾物都幾有Style的。…Read More

我地食肉獸兩公婆又出動搵食，今次遇到呢間燒肉放題店真係忍唔住要試，點解呢首先，成間餐廳裝修到機場咁樣，講真咁耐無飛過，見到搭飛機個時間表簡直係心靈一大安慰。原來佢哋係香港第一間利用日本全自動飛機跑道送餐系統。首先自己用QR Code落單，只需要一陣，個系統就自動將食物送到你面前。另外，餐廳樓底高勁開陽，就算唔係坐近窗口位都可以遠眺景色👀放題就梗係任你食，食物質素都唔錯，食左幾round 比較過，encore 厚切牛舌和厚切豬腩肉👍入座時每人有一張Boarding Pass 其實係送你Movenpick 雪糕一人一杯仲有個驚喜，原來做左佢哋member 即減$150。不過可能嗰日開左無幾耐，D侍應都未係好熟，問左好耐先做到會員另外飲品選擇不夠多，全部都係汽水機㩒出嚟嘅甜甜汽水，小妹想飲唔甜飲品唯有揀飲熱茶☕️Anyway呢度一邊燒嘢食，一邊影相打卡嘅放題燒肉店，食足兩個鐘小妹都會再encore…Read More

在山頂搵食實在🈶️太多選擇，睇中呢間可能諗住有鼎爺應該唔會出事，又有我鍾意嘅老火湯，食物仲有燒味和點心都幾多選擇。我地一行4人，點左一個冷盤豆腐皮蛋幾好食；友人想食點心熱辣辣都算唔錯；老火湯套餐就點赤小豆湯有驚喜；不過燒味飯個5層燒肉，皮不脆，夾住肥肉一大層加埋薄薄瘦肉完全唔達標。至於佢哋引以為傲嘅燒鵝，我地朋友個枱有點不過comment係一個字「鼎」，應該位於市區嘅棋哥燒鵝會好味D。除左食物質素，waiter都幾騎呢。話說本來serve我地枱位阿姐可能不太滿意我地點得唔夠多菜（唔通要追數🤔），送菜上枱時係攞D食物出氣，下下都乓乓聲敲落枱。於是我好聲好氣提醒佢唔需要太大力，然後佢就好大聲咁向我地道歉，係大聲到全餐廳都應該聽到，搞到我地都有D尷尬；埋單時我地問另外一個阿哥，佢話我地知埋單在門口，佢呢度只係收貼士…到依家我都諗唔明其實阿哥係開玩笑定係講真呢😅…Read More

已經來過好幾次，每次都喜歡坐近門口位置，雖然外面多數有貨車阻擋海景😅唯有用貨車與貨車之間罅隙欣賞海景啦！今次我地3️⃣個人Weekday 過來，因為不太肚餓，只點了 Buffalo Wings 和牛肉Yorkshire Pudding share。兩個菜都係小妹推介👍Buffalo Wings有D辣但好惹味；牛肉Yorkshire Pudding做得非常出色，連我個英國朋友都大讚呢個傳統英國菜👍👍加20幾蚊更可以要個大份呢😋😋…Read More

是晚又在銅鑼灣搵食，行來行去無乜心水，見到呢間地舖裝修有台灣味，又主打一人一鍋咁不妨試試。開業三個月，店員好禮貌，餐牌有膠板過膠可以重用感覺環保♻️我點美人花膠雞鍋+美國牛小排 $248，老公則揀酸菜魚鍋+走地雞件 $148。兩個湯底味道普通不太出色，花膠雞鍋個雞有雪味和雞腥味，反而老公點的走地雞件就OK；美國牛小排份量頗多也嫩滑。丸和餃子一般般，店員推介鮑魚$68兩件🈶️驚喜！埋單盛惠$540，其實呢個價錢可以食到火鍋放題了。不過主打一人一鍋，目測都🈶️幾枱客一個人來個浪漫火鍋，講真quality一定好過快餐店火鍋。仲有，呢間餐廳無限時，跟朋友相聚都可以坐耐D唔駛趕住要交枱，貪佢乾淨舒服 location又方便咯😃…Read More