MissyWong's Profile

Renaissance 嘅buffet一路都係我嘅至愛，無論係午餐定係晚餐。因為佢有即開生蠔同埋蒸龍蝦，但係最近一次嘅經驗，對呢間酒店buffet完。全。失。望。首先係服務方面，我對於一間酒店有以下嘅舉動完全係O嘴。我哋book咗6:30枱，6:15去到reception，Reception姐姐話未入得，要喺出面等，咁無問題，係自己早到姐。之後大概6:25，佢就開始陸續放食客入去，6:28，啲客人坐低左就梗係出去影相攞嘢食啦，但係有個職員竟然同大家講，’ 唔好意思buffet 6:30先至開始㗎！’ 我坐喺度聽到個職員講呢句野都覺得尷尬。我覺得客人唔係想貪你酒店2分鐘buffet時間，而係用一種開心雀躍嘅心情影下靚相，睇下龍蝦生蠔等高級嘢食。作為一間五星級酒店唔需要做到咁小家。見到阿部長有咁嘅舉動，我都費事即刻出去攞嘢食，所以就喺甜品對嗰度影幾張相。之後先至再施施然去攞生蠔。呢日嘅生蠔係澳洲蠔，好細隻好細隻好細隻魚生選擇少，但係呢啲都叫做見仁見智，我覺得最過分嘅係佢嘅長腳蟹，我唔想多講但係我想比相大家睇。作為一個客觀嘅食客，我有碗話碗，有碟話碟，但係對於呢個隻長腳蟹，我真係唔知可以點樣形容。我唔明白一間酒店點樣可以serve啲咁樣嘅嘢食。之後就食一啲正正常常嘅嘢，芝士焗龍蝦，燒牛肉等等，但係真係冇一啲特別印象深刻嘅嘢食。唯一想讚嘅就係職員收碟，針果汁好主動。埋單用恒生咭有七五折。…Read More

星期五唔洗返工，瞓醒已經十二點幾。唔想自己開爐煮嘢食，唯有落樓下兜個圈啦。呢間呢間茶餐廳開業到而家已經食左好多次，主要係買外賣燒味返屋企食。今日自己一個食午飯，就叫左雞扒煎蛋飯，個飯送嚟嘅時候有啲驚喜，因為佢賣相比一般茶餐廳靚仔，仲有我至愛嘅秘製蔥油。雞扒咬落脆口，應該係即叫即煎。荷包蛋亦都好有水準，一拮開蛋白，金黃色嘅蛋黃流出，鋪滿大半個白飯。埋單40幾蚊，已而家嘅消費來講算係合理，亦都會keep住幫襯，發掘下餐廳嘅其他嘢食…Read More

今日同朋友去位於上環嘅天然齋食飯。中午時段嘅天然齋真係好旺場，有好多OL黎呢度食飯。不過大家得好熟格步，排隊點菜搵位全部自動波👍🏻因為今日比較大風，朋友唔想坐露天位，所以我哋就揀坐室內。職員提示坐室內嘅位置需要每人最低消費$88，我地都OK！我哋叫咗叉燒包，炸豬扒，四寶齋，同埋炒飯。叉燒包係每次黎必叫嘅嘢食，個叉燒包用嘅係刈包，叉燒嘅質感同埋味道都同真嘅叉燒一樣，但係冇真嘅叉燒嘅肥膩感，味道一流！炸豬扒一寸厚口，大大塊，有咬口，炸得乾身，咬落有肉嘅纖維，幾可亂真。其他炒飯同埋四寶齋就比較普通。…Read More

朋友生日，諗住請佢食餐好嘅，最尾佢就揀咗呢間位於銅鑼灣既 La Crêperie 。由於我哋冇book枱，都驚要等好耐。或者可能我哋仲早啦，餐廳入面得兩三台客，我哋就直入，仲坐咗最埋便嘅角落頭位，方便我哋傾計。今晚兩人叫咗個二人餐，包左兩杯野飲，兩份鹹 crepe 兩款甜crepe。鹹嘅我哋揀咗菠菜芝士三文魚，同巴拿馬火腿。甜嘅就揀咗士多啤梨椰子雪糕同埋朱古力香蕉。睇落薄薄地 既crepe原來都好飽肚，食完鹹嘅已經好飽，但係女生又點會抗拒甜品啊！最尾我哋係清晒，捧住個肚！鹹甜總共試咗四款，我自己最鍾意甜嘅！埋單大概$300一位，我覺得如果兩個女仔細食嘅話就唔好叫二人餐呀，因為真係會飽到行唔郁㗎！🤣🤣🤣🤣…Read More

呢日需要去油塘做嘢，已經過咗午飯時候，但又唔知食咩好，結果走咗去太興食個下午茶。睇勻成個Menu都唔知食乜嘢，就叫咗個瑞士汁牛肉炒河。下午茶來講$50算係貴架啦，但係諗住佢會是正啲，點知唔係碟牛河本身已經細碟，仲要碟底架住咗兩條菜心。雖然就係下午茶姐，但係都唔係咁細碟啊？另外加$3叫咗杯冰鎮奶茶，奶茶質素就一如以往，冇讚冇彈。但係比$50就真係唔抵，所以如果食下午茶就唔會再黎。呢間鋪唯一可取嘅係佢有新鮮出爐麵包，驟眼見到幾多人食，下次會試下。…Read More

今日咁岩喺灣仔做嘢，遇見午飯時間，間間餐廳都人頭湧湧排晒長龍。甘啱見到有一間食泰國嘢嘅唔使排隊，價錢又OK就入去啦。驟眼睇，大概有一半嘅食客都係食海南雞飯。諗住咁多人食，應該冇伏啦，上菜時見到個雞飯都幾大，雞肉又多，仲要有我最鍾意食嘅雞翼位，個心即刻開心左一下。點知一咬落去，啲雞係鞋嘅🤢🤢，醬料方面亦都只有泰式雞醬👎🏻👎🏼👎🏽👎🏾👎🏿，並唔似平時食海南雞飯咁樣有三款醬料。雖然話係灣仔區，食午飯預咗貴，但都唔係$60食啲咁嘅質素。咁嘅價錢咁嘅質素，我情願去吉野家食個牛肉飯好過😕…Read More

Lunch 經過喜茶，見無人排隊，即刻上前買一杯芝芝芒芒。俾錢時收銀話要等20分鐘，甘我就去行一陣街，但係行完20分鐘返嚟都未有得攞☹️最後大概等左35分鐘先至有。芝芝芒芒嘅芝士奶蓋芝士味幾濃郁，仲有啖啖芒果肉，兩樣加埋味道出奇地夾😋但係一杯$45就貴左少少。如果要等超過30分鐘，甚至一個鐘，值唔值得就更加係見仁見智啦。…Read More

甘岩去開希慎，又忍不住走左去食pancake ！今次一人食左一個原味pancake，無叫飲品。pancake 味道一如以往的好，只係一個人食一個有啲漏。但係兩人食一個又唔夠喉，真係好難決擇啊！…Read More

朋友最近去左呢間新開嘅拉麵店，指定拉麵買一送一，佢話拉麵好好食，雖然做緊優惠，但係食物質素一啲都唔馬虎！甘我都去試下呢間新開嘅食店啦一坐低，店員會問要熱茶還是熱水，我要左茶！係日本麥茶🍵，有加分。由於我係一個人去，所以無機會食佢買一送一既拉麵，反而就叫左佢既蒲燒鰻魚飯。以一個鰻魚飯嚟講$198 唔算貴，因為好啲既餐廳都要$2xx 一碗！日本🇯🇵東京成田山既鰻魚飯更加要4000 yen 一碗落咗order，大概等左超過20分鐘先至有得食，但係鰻魚飯一上枱，我即刻呆左😳，因為佢塊鰻魚真係好厚。係平時鰻魚嘅兩倍厚度！呀！唔止！係三倍！！鰻魚皮燒到有點焦香，咬落去，鰻魚熱到有啲燙口！應該係即叫即燒！難怪要等甘耐，但真係好值得等。鰻魚夠厚，勁多汁，勁肥美每碗鰻魚飯配有一碗鰻魚湯同一個小食。個飯用左日本珍珠米，煮得粒粒分明，而且非常彈牙。但係份量略嫌小左啲。鰻魚清湯略嫌太清，無乜味道，可能食左個飯，口味濃左，又或者係要求高左。小食味道有啲似元氣嘅芥辣八爪魚軍轞，不錯👍🏻總括嚟講，佢個鰻魚飯真係無得頂，好想可以快啲去食多次…Read More

自從喺東京食過flipper’s 之後一直念念不忘！知道佢會喺香港開店後真係開心到彈起！但係奈何佢永遠都甘長龍，今日終於的起心肝去排隊。早早食完晚飯，即刻去flipper’s 排隊。幸好，隊伍移動比我想像中快好多，大概等左半個鐘就可以入場。Flipper’s 入面係以開放式設計，店內既座位唔算多，大概三四十個位，但都總算坐得闊落。因為剛剛食完晚餐就即刻過嚟食，食唔到太多野，所以同朋友兩人share 一個多啤梨藍莓香蕉班戟，再加多兩杯飲品。侍應話pancake 係即叫即整，所以要等30分鐘左右。同朋友傾下計，飲下野，30分鐘好快過。 pancake 賣相非常之吸引，一碟有三件pancake ，加上忌廉，士多啤梨同埋香蕉。話係pancake , 但佢既質感輕盈鬆軟，更似梳乎厘。士多啤梨微酸，配搭得好好。聽朋友講flipper’s 會推出期間限定口味，有機會一定要試下。仲有兩人share 一個pancake 係唔夠喉既。下次一定要自己叫一個自私食😋…Read More

五一勞動節午餐朋友份工經常要OT ，所以如果約佢食飯嘅話就只可以約佢假日！咁啱Ruby Tuesday 又有個免費burger 優惠，只要show wtapps coupon 就可以免費獲得芝士煙肉漢堡配薯條一客，每枱只限order 一客！既然甘著數，咁就一於去食Ruby Tuesday 啦😜大約六點鐘去到，大概有三四十人排緊隊🙀🙀🙀見到甘既情況都唔知仲食唔食好，問職員，佢話只要係叫嗰個coupon 嘅burger 都要喺出面排隊，唔叫burger 嘅就可以即刻有位😕！甘我同朋友一心想坐低食飯聚下舊，咁自己本身有會員卡，就同佢講我地唔要burger 啦！我地被安排坐喺二人卡位，好闊落，坐得好舒服！侍應上黎介紹自己亦即刻遞上兩杯暖水，抵讚👍🏻👍🏻但就現在所見，食客並唔多，有一半以上嘅枱都係吉既，但出面啲客就只有呆等，真係好好奇究竟佢地係用咩準則去放幾多客入黎嘅呢🤔由於兩個女仔食量唔係太大，所以我地淨係叫左個Ribs and Wings (原價298) 同自助沙律吧(原價128)。Ribs 要左classic ，而雞翼就揀左buffalo 口味。Ribs 一如既往甘好，又juicy 又嫩滑，仲比平時大份添😜Buffalo wings 有六隻！每隻都好入味，辣得黎好過癮呀😝😝，但係我最尾辣到頂唔順要叫多杯可樂！呢度嘅汽水可以無限refill ，我refill 兩次，即刻抵左😉跟餐既side dish 係薯容仲用小小椰菜花。薯容好滑同好香牛油味。但係兩球太多啦，食到最尾有啲漏另外叫嘅沙律吧就比較普通，我唔係疊到好高，因為我地都唔係太肚餓，就無謂食唔晒浪費食物啦😜沙律吧既財料都好齊，有兩款沙律菜，三款通粉，另外有菠蘿蜜桃蕃茄青瓜紅豆粟米等等，仲有成兜芝士粹任不唔嬲，鍾意芝士既朋友一定唔可以錯過呀😍😍😍最尾餐飯食左兩個半鐘，用左會員優惠埋單三百蚊，雖然食唔到免費burger ，但係都好滿足😃題外話，我地食緊其間只係見過佢放三幾枱burger 客入黎，食完出返去條龍都係咁長😳😳…Read More