goosey's Profile

尋日趁中午食飯時間去炮台山做物理治療，做完才1點半，諗住食個快午餐，眼前見有大小姐冰室，之前試過早餐，不過不失，冇咩印象，照入內。估唔到1個人都俾4人卡位，即刻加分。由於唔想食飯，點了雞扒啦沙，加煎蛋多士。估唔到啦沙幾好食，又唔太辣。雞扒第一啖仲係脆口，可惜後來浸淋了，下次要求雞扒另上。凍奶茶就不過不失，浠了些少，下次會要求少冰。六十一蚊，整體滿意。…Read More

今天出開觀塘做物理治療，做完後見有張優惠券話送點心，於是便入內試下。由於是下午茶時間，有其他優惠，店員話需要點一客正價點心，才可以選擇一客免費點心。於是便揀了正價咸水角，送了一客4粒蝦餃（值4X蚊）。見下午茶優惠孖寶又幾抵，30蚊點了牛肉腸粉和义燒包。由於是一個人， 四個點心實在太飽，最後都食唔哂（應該2人去食就最抵）。點心原本幾好，可惜唔夠熱，义燒包和腸粉都微暖，要知道一個微暖和熱辣辣嘅义燒包口感相差甚遠，而腸粉又係微暖和偏實，像是食物剛解凍並翻熱了少許。由於是平日下午，眼見食客不多，但點心都係微暖，希望日後有所改善。由於已收茶錢，再加一就好像有少許貴。…Read More

今天去開炮台山物理治療，經過小南洋，價錢唔貴，決定一試。有我最鍾意啲喇沙，可惜跟白魚蛋，不是我杯茶。但勝在價錢唔貴，56蚊（唔駛加一），仲包一杯熱飲。豆卜索哂啲湯，白魚蛋爽口，湯底唔錯，但比想像中辣，嘗試撥開啲辣油飲左啲湯，非常濃郁。可以再試。…Read More

尋日中午和同事去試食，冇人排隊，原來優惠已於5月做完，只剩下50元優惠券，仲以為好抵。點知沒有午餐只有散叫，和晚上一樣。價錢偏貴。叫了酸菜魚，同事唔食得太辣，只叫炒黃牛肉（雖然和鮑魚炒牛肉只差10元），甜酸肉和空心菜。酸菜魚成180元，份量都足，不過食到成口油，啲湯飲唔到。炒黃牛肉，成130蚊，牛肉碎濕濕，唔知點解收咁貴。總括來講重口味，似返大陸食，但香港價錢。減50蚊後，每人仍要110。中午去食就真係性價比低了。…Read More

上星期經過麵包舖，見冇人排隊，以為自己咁好彩（因之前好多人排隊），即衝入去。買左个肉鬆麻糬，兩个义燒菠蘿包仔。成為42蚊，兩个义燒包仔12蚊个，廿二蚊兩个，个麻糬咪值廿蚊，超貴囉（我原本諗十蚊八蚊）。由於麻糬凍左，食落有啲硬，菠蘿义燒包空氣包，义燒得一小啖。我問買兩个麻糬有冇得平，收銀姐姐話買廿个都係咁嘅錢喎。…Read More

尋晚路過，見好耐未食過，又掛住佢啲雪花冰，於是便入內品嚐。點知冇再做雪花冰，於是揀左香芋椰汁西米露。整碗甜品口感豐富，有大西米和爆爆珠，有兩球雪糕，仲有芋泥，非常之正，38蚊又非常之抵，下次再試紫薯芋圓食品。…Read More

昨天出開灣仔，朋友極力推介呢間餐廳。有多款午餐組合選擇，價錢約二百多左右。入內大部分是高櫈和bar 枱，令人有不舒服嘅感覺。服務員話全場滿座，唯有接受近門口嘅高枱。麵包有些硬，要用回時間食完。頭盤有燒牛肉果个係好味的。另一个有啲蕃茄和白色乳酪就一般般。諗住好期待主菜牛扒。點知佢嘅牛扒過熟，又乾又冇汁，只有一堆生火箭菜。另一碟係肉丸，其實係冇乜特色。最後甜品Tiramisu作結。整體性價比唔高，試過一次就算了。灣仔有其他更好選擇如地下藍窗果間。…Read More

今日中午去開銅鑼灣針灸，見12點棋哥唔太多人，以為佢好出名燒鵝，入去食碗燒鵝瀨，見餐牌話淨燒鵝瀨和雙併都係73蚊，就跟啲食評點燒鵝併乳豬，點知呢種貴價雙併要88蚊，冇嘢飲。心諗雖然點錯，好食都算啦。第二个點知，乳豬比燒腩仔差（但併燒腩係73蚊），燒鵝全部係背脊，冇乜肉，啲皮又un, 從來冇試過食燒鵝咁落力，如果唔係肉都冇得食。灣仔食肆林立，要嘥接近1百完食啲咁嘅嘢真係永冇下次了。…Read More

今天行完千島湖，乘K66到Cafe 68食tea, 平時周末人山人海現象不見了。叫番我喜歡食嘅炸魚柳沙律，魚柳炸得出色，但沙律好像很淡，沒甚麼味道，而且大部分是煲未淋嘅薯仔，蘋果冇哂，只有少部分罐頭雜果和提子乾，令人失望。希望今次只是偶然失手，並不是將貨就價。作為精明消費者，情願你加價，都不想你將貨就價。…Read More

上星期五見未夠鐘入左紅茶tea。叫番我最鍾意嘅菠蘿油紅豆冰餐，啤酒杯裝嘅紅豆冰，大大粒紅豆，又唔太甜，冰鎮牛油，厚薄剛好，30蚊，極佳享受。仲有全日供應，菠蘿油餐是我不二之選。…Read More

有親戚從英國回來帶佢地搵好嘢食，見食開好食嘅喜來登冇再提供下午茶自助餐，退而求其次搵間食過又ok嘅Park Cafe來招呼佢地。見有生日優惠，4人光顧，其中一位9月份生日免費，其餘有85折，於是便決定食番餐好嘅。點知食物種類少之餘，pizza硬過柴皮，腐皮卷和日式蛟子好似放左好耐咁，部份外皮已經風乾了un到食唔到，想必是lunch buffet食唔哂（甚至更耐）繼續放喺度。熱食一眼見哂，椒盬三文魚骨亦很難食。雪糕亦只得Dreyers朱古力味，而非晚餐提供嘅movenpick。冇去半年，質素急速下滑。加上今次本人請客，見親戚中最鍾意食嘢嘅年青人食未夠一个鐘已停哂手唔拎嘢食，仲猛話價錢貴唔值，很是尷尬。雖然市道唔好，亦不能將貨就價。況且價錢也不便宜，三百幾蚊位我去雅苑座食late lunch buffet好百倍。加服務也不好，經常叫我們遞碗碟到外圍，似茶餐廳質素。以後也不會回來。…Read More

星期五晚放工和朋友飯聚，價錢比以前貴很多，頭盤都超過一百元，馬蘭頭石榴果又冇供應，生煎包又普通熱，田七葉原來是生吃，食完好似冇乜邊碟覺得值得食，兩人都成7百幾，性價比唔高。而且要靠交易廣場中央冷氣，一路食一路抹汗.....…Read More

今天下午路過，見有新餐廳，見坐位舒適，便入內一試。點了焗咖喱牛腩（可揀厚切豬扒，雞扒，牛脷或牛腩）農夫包及即磨咖啡。可選星加坡咖喱或印度咖喱。問店員有何分別，佢話辣度差不多，但印度咖喱有蕃茄味，於是揀了印度咖喱。上枱賣相不錯，个包夠脆，咖喱幾好味，但美中不足牛腩唔夠淋，希望日後有所改善啦！日後可以再去。…Read More

有日路過安寧路，發現有兩間新開麵包舖，麵包款式種類繁多， 以為睇錯，見大大个鬆餅只賣8元正，買回家吃，蛋糕鬆軟，唔乾，很好吃，每次路過都要安歌。比較之下，呢間完勝。…Read More

今晚經過旺角通菜街，去左久違了的康年，我問亞姐裝修完，佢話已經兩年前，叫番我最鍾意嘅菠蘿油紅豆冰餐，依然出色，菠蘿皮凍左依然鬆脆。紅豆非常之淋 卻沒有太甜嘅敝病。…Read More