olddogcarol's Profile

行開荃灣，被香味吸引，發現一間原條烤魚店舖，但星期六晚較多人，於是留底電話號碼聯絡，大約 30分鐘店員打來話有位，隨即到現場。店內好多人食烤魚或雞煲，滿鋪辣椒香味。於是點了一個 "剁椒味小辣海鱸魚原條"，一大個火爐一大盆放上，條海鱸魚已經開邊切開，入面仲有勁多辣椒，豆椒，芽菜，腐竹及小量寬粉，有朋友不太愛食魚，都忍不住食，條魚真係滑溜又唔老，加上小辣特別惹味，仲有一樽湯方便加上魚上，現場所有飲品都罐裝，再加多個上湯豆苗，就剛好，真係非常好食。 原條海鱸魚…Read More

一家人平安夜出外食飯，又不想食buffet走來走去，所以再次選擇在Habour Grill食聖餐大餐。今次已是第二年平安夜來Habour Grill 食6-Course Set Dinner,  經官網早一個月前訂位，仲有折扣優惠。由於早訂位，餐廳安排落地大玻璃海景座位，餐枱上已放好聖誕禮物。坐低即送上鬆軟熱辣辣麵包，真係忍不住食。之後我地慢慢從menu選擇自己喜愛菜式，六道菜中間有一道菜及甜品係指定外，其餘4道菜係自行選擇喜愛得。濃濃聖誕氣氛下還要了一支百酒，服務員有禮貌，態度親切，又有聖誕老人帶氣氛，整體食得開心，食物又美味，仲食到好飽滿足，以後會再來臨該餐廳。自家製鬆軟麵包香煎U10帶子及藍蟹餅香煎法式油封兔腿波士頓龍蝦湯燒美國火雞胸 (指定菜式）香煎澳洲海洋鱒魚 香煎鱈魚柳慢煮和牛臉頰炭燒澳洲羊架碗法式鴨肝乳鴿卷自家製薑味雪糕配雲呢拿白朱古力忌廉香滑咖啡…Read More

第一次來"京都勝牛"lunch，來到airside當然試下佢地吉列牛，於是點了"經典元祖牛御膳"，lunch set都係基本吉列牛，椰菜，日本飯，味噌湯，還跟來4款調味。送來吉列牛部位是翼板牛，店員送來時已講牛大約三成熟，有需要可以開爐煎到自己適合熟成度。見個吉列外皮炸得好鬆脆，心想三成熟牛肉應該剛好，但一咬落去真是略嚴生，較厚咬不開，於是請店員開小爐 ，見店員用牛脂搽滿小鐵板上，任由自己煎，果然煎後先才較易進食，牛味先才較香。至於4款調味，分別是特製醬汁，山椒，和風醬油和咖哩汁。 用膳完後，覺得牛肉本身都唔多味，要靠該4款調味去補足，覺得不過不失啦。另外特飲"紅豆宇治冰抹茶"真係麻麻，好淡唔好飲。…Read More

同一班朋友來食晚飯，預早book仲可以選擇坐房，雖然每位價錢略高，但不限時間，任飲任食，物有所值。點心小食任叫，飲品雪櫃任拎，火鍋料任叫任食。一開始來先來一艘刺身船，真係好誇張，由於我地人多，艘船好夠氣勢，擺滿了各樣刺身，包括三文魚、鯛魚、鮮蝦、北寄貝、海膽等 。再來一個雞煲，肉質非常嫩滑，湯汁好濃郁，其實都飽了一半。之後主角海鮮併盤就開始打邊爐，食材足料，鮑魚又大隻，有花蛤，蜆，肥牛，火鍋料亦都是任食任叫，個個食到大滿足離開。…Read More

朋友食過再介紹，今次 一行13個人晚飯，除了一星期前電話訂位之外，部分手工菜還要電話預約一早訂好。手工菜有炸普寧豆(必食），汕頭煎蠔烙(推介），古法糯米酥雞，清金鯉蝦 (人頭計, 一人一隻）店舖環境較為擠迫，較古色古香，睇得出有歷史味道 。茶介每人$15一位，其中炸普寧豆腐實在太多人喜愛，最後叫咗 4碟 。部份餸菜例牌，人多就可能叫多一份或半份。由於今次order不小餸菜，確實價錢比較貴，但每一道菜味道好出色，難怪閒日都滿座 。…Read More

這間食過幾次，天婦羅個炸漿好薄，食落口唔會炸漿和食物分離，每件炸得好香脆，廚師廚藝了得，相比之下價錢唔算貴！ 今次要特選天婦羅二人套餐，頭盤有個水雲醋物，再來吞拿魚同三文魚刺身，炸鰈魚天婦羅，虎蝦天婦羅盛合，蕎麥冷麵及柚子味雪芭。套餐出得 好快，感覺食物一早炸起晒。反而order其他定食，天婦羅來得口感仲好，不油膩，夠熱夠酥脆。另加了一個雞蛋Tempura ，食落有蛋漿流出，廚師果然手藝精湛。店內Tempura本身好夠味道，有時還覺得略咸。店舖位置不太起眼，環境座得寛敝舒服，值得再來。…Read More

這間人氣餐廳開業時人龍不絕，餐廳內周圍放滿大量乾花，又放滿多個大大小小bear bear熊公仔在餐枱上 ，確實吸睛及打卡好地方。可能平日晚上，餐廳晚餐又不是太多人，所以唔需要等候直接入座。因為我地晚飯為主，沒有食佢地梳乎厘pancake。主要order該餐廳個晚餐套餐，有個前菜，沙律，龍蝦意大利飯 及 卡邦尼意粉，或者佢甜品較出色，晚餐就水準一般，上菜速度會睇客人食完，先再繼續上菜，這個對晚餐來講是非常好。…Read More

酒樓開 11點，來過兩次早來直入有位。點心都可以接受，明碼實價，水準都可以，直得讚點心係夠熱每次來仲會叫甜酸炸雲吞，好脆口，讚！今次點了酥炸魷魚鬚，同樣炸得好食，好入味。…Read More

來開又一城睇戲，因為時間尚早，見此間餐廳不太多人，所以入去食晚飯。餐廳裝修簡約設計，都好舒適。坐低即order個 "部隊鍋拉麵" $95 都夠辣，正正常常嘜都有。另外仲要個"韓式燉牛肋骨配飯" $120，牛肋骨燉得好淋好入味。上菜速度都快，沒有試其他甜品，下次有機會試吓 。…Read More

麵匠風龍雖然只做兩款湯底及兩款麵，兩款我都食過，亦幫襯多次，但每次食都不會失望，沒有失水準。麵身彈牙適中，豚肉燒得剛好，加上出色糖心蛋，餃子永遠煎得剛好，整體非常好食。現在座位全部bar枱，適合 1-3人來食。…Read More

FAB KIRCHEN為於荔枝角工廠大廈內一間fine dine 餐廳，之前都有在此食晚餐，值得再來食飯。餐廳播著鋼琴音樂，好有情調，環境舒適清優，現場較多情侶來晚餐。餐廳定時轉餐單，Dinner set 5 course，只是 $459， 亦可選擇 3 course or 4 course,  因應各人胃口。其中ENTREES 仲有五選一，相當多選擇，非常抵食。由於我地一行三人，三個晚餐可以試不同菜式。先來一個自家製麵包，點橄欖油非常好食，外脆內軟，好食。湯分別有粟米湯及西班牙蔬菜桃凍湯配山羊芝士，兩個湯都非常好飲，濃淡適中，各有特色。跟住First Course，西班牙甜酒醋釀西瓜，清新易入口，開胃菜。另一雞肉慕斯配馬鈴薯卷，雞肉嫩口，薯卷鬆脆，可惜雞肉下的熱情果較為酸。Second Course 鵝肝醬配多士，玻璃碗內釀了滿滿鵝肝醬，配多士食，真係大滿足。低溫煮龍蝦配蟹肉春卷，這道菜非好食，龍蝦嫩滑，蟹肉春卷炸得脆又裡面藏著蟹肉，好食。主菜有 無激素燒春雞配蘋果芥末醬，雞燒外皮好食香口，雞肉嫩滑多汁 ，配埋醬汁非常匹配。芫茜焗澳洲草飼鹿肉扒配阿根廷青醬，鹿肉唔騷好嫩口，同樣香口非常惹味。威靈頓龍利魚柳，外皮焗得非常脆口，內裡魚柳滑到不得了，相當好食。甜品是心太軟，蛋糕內流心朱古力醬配上忌廉mousse，好好食。整體所有食物賣相相當精緻，仲非常好食，睇落細碟，但食食下，越來越飽，價錢唔係貴，可品嘗咁多道菜色，實在值得下次，再三來試不同菜式。…Read More

葵方paper lunch無論中午及晚餐都大排長龍，今次因為早食晚飯，唔洗等直入有位。店員會幫你按排位置，然後出收銀俾錢點餐，之後店員會送餐來，都好方便。Paper lunch牛肉飯大家都食過，早幾日有個期間限定版"牛五花燒肉丼"當然要試下（$90包埋一杯汽水）。店員送來"滋滋"聲鐵板送上，入面個餸菜都好豐富，牛五花燒肉，煎荷包蛋，粟米，辣泡菜及西蘭花，當然要配上燒肉汁，另外送上一碗紫菜白飯，真是不得了。 整個熱辣辣非常好食惹味，唯一個辣泡菜就一般，始終不及韓燒地方泡菜咁好食，整體唔錯，期間限定一定要試下 啊！…Read More

"下江南"是香港故宮博物館內其中一間餐廳，入口在博物館地下樓層。全玻璃外牆，環境相當開揚，望到香港景色，座位闊落，坐得舒服。下午午餐開始時都不太多人，我地不用等位就可以直接進內，之後就越來越多人在門外出面排隊等候。餐廳主打宮廷菜，餐牌都逐一介紹菜式典故由來，縱然係宮廷菜，但餐廳採用 QR code手機自助點餐。  ^0^ 兩個人分別單點了兩款飯麵及一杯凍飲，首先介紹火薰玉蓮鴨子飯，鴨肉炆得好淋，易入口，唔會乾身，味道剛好，反覺偏淡口味道適合本人，其他配菜及蓮子整配合得非常好食，值得推介。 另外一款重慶小麵，開始點餐時擔心會否太辣，但食落辣度剛好 (微辣)，肉碎好野味，由其是個花生菜脯，有淡淡麻油味，非常香口野味，麵質都叫彈口，就略為細碗，朋友食得小就剛好。另外個水果茶 (凍飲) 好飲，唔太甜淡淡果香，個杯是外買杯，飲唔晒可以拎走，由於太大杯，反而兩個人一杯都剛好。 店內環境不錯，食物都有水準，員工服務態度就一般般，整體餐廳不過不失。火薰玉蓮鴨子飯重慶小麵水果茶…Read More

一直都想試下素年，但見經常等位或要預約，某晚平日途經walk in竟然有位，即管試下，餐廳主打全素食，如果鐘意大魚大肉就未心適合。同時叫咗兩款不同 蝦意大行飯，分別"黑松露炸蝦帶子意大利飯"及"泰式炸蝦香辣冬蔭公意大利飯"，飲品分別是香橙芒果奇異果果汁及Iced Latte。先講兩個飯個炸蝦係腐皮炸成蝦形，入口鬆脆，但沒有蝦感覺。黑松露炸蝦帶子意大利飯，帶子係雞髀菇做，而其他材料用不同香菇加埋意大利飯，非常香口好食。至於個 泰式炸蝦香辣冬蔭公意大利飯，一般小辣，主要是小蕃茄，香菇，蘆筍和茄子，意大利飯配冬陰公味道就一般。至於飲品香橙芒果奇異果果汁就小小酸，相當醒胃。另外一讚店員服務態度，非常有禮貌。黑松露炸蝦帶子意大利飯香橙芒果奇異果果汁泰式炸蝦香辣冬蔭公意大利飯…Read More

觀塘APM店現場都較多位置，食過多次，lunch time較多人，如果一位都會較容易入座 。食開呢間佢地個湯底 不是一般豬骨湯底咸豉油湯底，不過不失，不過拉麵選擇都多，有濃味 淡味，辛辣，各有特色。 今日選擇食俺流柚子拉麵，叉燒不大塊，只得一塊，都好食，流心蛋好食，雖然叫抽子但不重柚子味，拉麵叫彈牙好食，可惜飲品較小，全部都係凍飲。…Read More