Dunnoeatmeh's Profile

某日放學見到好多人排，好奇之下就走左去食。呢個係期間限定，我食左其他拉麵因為呢個和洋混合嘅拉麵好似有啲重口味。我叫左最普通嘅豚骨拉麵，盛慧七十五蚊。如果想要蛋有款貴十蚊嘅包埋蛋。叉燒可以揀肥同瘦，我就揀左厚切叉燒。雖然佢寫係肥叉燒但塊叉燒唔算好肥，入口即融，好好食。湯底好厚但食落冇膩嘅感覺。另，因為個人鐘意硬嘅麵質揀左硬質，但可能我食得慢，食落同普通冇乜分別，不過都係好高質。總而言之呢間係我食過最好食嘅拉麵鋪之一，非常推介。…Read More

同朋友喺aeon shopping 完之後去左隔離food court 食野。章魚小丸子26蚊有6粒算好抵。小丸子入面好足料，但可能放得太耐有少小淋不過可以接受。叉燒拉麵喺紀文買，四十蚊有五塊叉燒好抵食。雖然啲叉燒反光但食落冇乜伏。滑蛋豬扒飯同關東煮都係冇乜特別，但好平好抵食。…Read More

唔知食乜好，朋友推介去食韓國野，雖然冇乜興趣但都跟左去食。鋪面好細，感覺似家庭式經營咁，但其實有好多分店。同朋友一齊夾左個人蔘雞湯，一打開個賣相醜到有小小嚇親，隻雞散晒。個湯得雞味冇乜人蔘味，食落有啲溜，但雞肉都幾多。不過九十蚊真係幾貴。至於泡菜豬肉飯冇乜特別，少少辣，怕辣嘅就唔好叫呢個。結論係味道一般但偏貴。…Read More

朋友話附近新開左間拉麵鋪，唔知食乜好就去左試下。間鋪鋪面好細，要用自助點餐機叫野食。部機可以用八達通比錢，亦都可以用paywave同apple pay。如果要比cash就要去櫃枱比。我叫左個豚骨拉麵，75蚊黎講份量還可以，有兩塊叉燒。但嗰到冷氣十分大，碗面唔夠十分鐘就凍左。個湯底食落好似奶加味精咁，完全唔足料連油都冇滴。至於麵質係幼麵，但煮到好淋完全唔彈牙，食到一半已經唔想再食。另外我叫左餃子，35蚊6隻冇咩特別，但我寧願去super market自己買一包去煎。結論係完全唔推薦。…Read More