CordeliaNgai的個人專頁

同事一直都話呢間野好好食，見openrice外賣自取有半價就試試佢。🎃是日南瓜湯唔錯，洋蔥味比較重，唔係好smooth個隻，食到有洋蔥碎碎，岩我口味。🥗配菜方面，香草味重，不過食到一部分咸，一部分岩岩好，整體都算清淡，呢個價錢咁大碗，抵食。🐓至於1/4隻雞，肉質唔滑，都係重香料味，食唔到雞味，但食完都唔口渴，值得一讚係唔油膩，雞髀位尚算juicy。食完菜同湯都飽左七八成，份量多，食埋雞真係好飽。另外，店員都有帶手套🧤衛生情況唔錯，送餐速度快，有機會都可以再食😛…查看更多

唔好睇佢細細碗，食完都好飽，整體味道唔甜，帶有蔗糖味，食晒都唔會有罪惡感😝芋圓都幾多粒，口感煙韌；仙草質地似蒟蒻，如果味道再甘苦一點，就更好啦～😋隨行朋友有叫伯爵黑糖珍珠奶茶，都話好好似，唔會係死甜既感覺，珍珠都好煙韌 🥰順帶一提，老闆好nice，設有小型連儂牆，支持小店！…查看更多

午餐叫左個檳城亞參叻沙米線（餐牌201）同埋馬來西亞拉茶，叻沙米線唔似平時食個隻咁椰奶味重，而係有檸檬酸味，配上新鮮既蔬菜配料，幾refreshing，但食落都幾辣🥵唔好睇佢好少咁，女仔食完都好飽🤭有時叻沙麵或辣麵食完好口渴，味精重，但今次食完冇呢個感覺！拉茶唔太甜，奶味重，亦都唔錯。肉骨茶可以refill，唔油膩，藥材味夠，感覺好健康🥰呢間餐廳可以再試試🤗見間黎台叫既串燒同多士等小食貌似不錯！午餐既話，約1245前去，就唔洗排咁耐隊～…查看更多

玩完獨木舟，有住赤柱既同學就帶我地去食呢間係地洞入面既 Cafe，環境好特別！到左 Tea 既時間，我地每人叫左一杯咖啡同一件 Danish。Cappuccino 咖啡味濃，Peach Danish 香口酥脆得黎又唔膩（唔油）😆😋 食完冇咩罪惡感！…查看更多

見之前出左素炒蛋既宣傳，就黎到Green Common食，點知去到先知每日限量發售，唯有試其他🤨叫左個素牛同素雞午餐，麵同湯底方面冇咩特別。素牛同素雞既肉質似真既肉，但太濃味、香料味都好重，食素其實都係想食light 同fresh d😕今餐食完好頸渴......最後我地都叫左個Cheese Cake，🥥重椰奶味，但唔係好夠凍，質地又唔夠硬身，似mousse 質感，亦都唔抵食🍰 整體令人失望😕暫時都唔會再去食......…查看更多

呢set 點品睇落份量唔多，但都好飽肚🥰食完都好滿足，特別係鐘意抹茶既人！忌廉蛋卷甜而不膩，入面濃濃既抹茶jelly加分，蛋糕質地較鬆軟，密度高；布袋crepe入面係抹茶cream，呢個都好有驚喜❤️抹茶朱古力咁大粒以為好甜，但外面抹茶粉中和左，味道岩岩好。 咁多款入面熊仔餅配抹茶餡比較失色。整體黎講都唔錯，貌相精緻，每件茶味都濃，可以再試。但堂食位置好少，同有d迫，見到人等都唔會坐得耐，想同朋友一邊食一邊傾耐d 就唔係好適合🤔。P.S. 食緊既時候都有好多人拎大蛋糕，貌似不錯，有機會要試下👍…查看更多

食店內環境簡約，以淺色木為主，感覺舒服。一坐底就比杯玄米茶，而午市套餐清新同健康，可以選擇三個小菜加飯或加錢轉麵，好飽肚。🤓值得一讚既係高揚豆腐，非常入味，充滿甜甜既蔬菜汁，食兩嚿唔夠喉；味噌湯同牛油果豆腐沙律都唔錯。見同事試埋另外幾款小菜都好吸引！😋店內位置唔多，但可以訂位，午餐想同同事或約朋友食野傾計岩晒～…查看更多

經同事介紹之下，決定今晚一嚐希臘菜，絕對冇令人失望😋店內環境以藍白為主，係一般人對希臘既想像，menu 都充滿希臘特色🇬🇷我地叫左greek salad, Spanakopita, Lamb, Greek Yoghurt Dessert 都係水準之上😀Greek Salad好大碟，菜好新鮮， 沙律準配上咸咸地既feta cheese ，小蕃茄最入味，整體味道岩岩好；Spanakopita 好似咖哩角咁，但入面包左菠菜同芝士，外脆內軟，好飽肚；羊既肉質嫩，pita bread 配醬好好食；至於 greek yoghurt 就普通，唔太抵食。另外叫左杯 mojito，真材實料冇加水，好 fresh。每碟份量都多，如果3個人食呢個份量就差唔多～值得一提係店員態度友善👍會再黎食，試埋個Dip Sampler 同其他 Cocktail🥰…查看更多