聞名已久，傳統舊舖足料蛇羹。星期日行過，無意中發現，喺舊舖搬咗過嚟卑路乍街。不過Openrice 地圖位置有錯，不過地址正確，好彩搵到。入秋就要進補。一於入去同蛇佬蛇婆打招呼。要食蛇羹，飲佢哋嘅蛇湯都唔錯，再配埋糯米飯，正。舖頭有張相，影低咗四師兄弟，一齊做學徒做蛇佬，其中有兩個都退咗休，各自喺香港嘅唔同地區度開舖頭，有一兩個好似成日上報紙雜誌好出名，佢哋整蛇羹都有五十幾年，真係敬業樂業。新嘅舖頭比之前大左好多，少咗好多雜物，同埋空間感好足夠，不過新開張，似乎以前嗰張大餐牌仲未貼喺牆上面。…Read More
