chingching112's Profile

見食物都適合小朋友而且環境都幾舒適所以決定食呢間，點了個西班牙海鮮飯，有齊餐飲、湯或沙律及甜品，我還加了份薯條及咖啡，份量都夠一大一小食，味道都唔錯，只可惜原來個西班牙海鮮飯是辣的，但menu上無寫明，要召喚職員已經不易，佢哋人手有限我要久等，到有人應我佢嘅回答竟然是叫我下次講明走辣，我真係佩服佢哋嘅態度！佢一定係知我企起廚房睇住煮啦！其實menu唔寫唔緊要，但落單可唔可以提下人呢？唔好話大人order自己食，如果唔食得辣嘅真係多謝晒你哋呀，更可況同行有小朋友！再講食物味道係幾好嘅但不至於一試難忘，二百幾三百一個午餐，其實服務都係價錢嘅一部分，只需要做多一步基本步原來唔係必然…Read More

突然想食個傳統茶記早餐，諗住去返有咁上下歷史嘅茶記會穩陣，都唔係食特別野，只係沙嗲牛肉米加凍檸茶少甜，沙嗲牛嚟到個賣相已經令我打個突，真心第一次見腸仔煎蛋唔係另上而係放埋一齊，浸淋晒嘅感覺好差，牛肉又厚切味道又普通，食到我失去意志但又怕唔飽，諗住食埋個馳名菠蘿包打底，個菠蘿包係好重秤並非空氣包，可惜唔暖又唔脆好似食緊粉團咁，杯檸茶係大杯抵飲嘅不過少甜後又鬼咁苦跟本唔想飲，好後悔太子咁多茶記唔揀偏偏揀正中伏嗰間 so sad…Read More

很幸運，能在沒有預約下可以一嚐這間評價不俗的和風餐廳午餐選擇不算很多，只得三款不同餐供應，我選了啤酒炸雞炸雞很香脆都算嫩滑，啤酒酒精成份雖已揮發但酒香味還在，味道調教得很好👍🏻不過漬物就很一般，酸蘿蔔同忘了是什麼的南瓜，如果有些沙律菜會好些，可減少炸物的油膩感，而碗飯一定夠飽肚，很大碗但可惜並非用上圓身飽滿的珍珠米，飯香欠佳，如果可加上少許飯素襯托，不論味道或賣相相信都會有所提升，不竟這並非數十塊的定食而是過百，對其質素當然會較高要求飲品我點了青森蘋果，無什麼可以評價甜品點了兩款，一款是抹茶蛋捲，蛋糕有少少硬化，似是因接足空氣時間長所致的感覺，抹茶味又只屬普通不算太出色；而另一款是蘋果cheesecake，這個非常出色👍🏻芝士味不會太濃，整體亦不會太甜，有蘋果肉桂清清的味道，口感又不會太硬，值得一試整體似乎是甜品出色過主菜，食物都可以，但加分位始終在於和式的裝潢之上…Read More

同朋友飯聚一致決定試大家未試過嘅春水堂。餐廳環境唔錯，寬躺整潔，雖然無得訂枱，但平日六點半前人唔多可以輕輕鬆鬆入座唔洗等，仲要無限時可以慢慢吹水慢慢食，非常好！因為我無做定功課所以嚟之前我並唔知道原來係台式餐廳，仲要係自私食即係一人一個餐無得share！我點咗個紅燒牛肉麵，雖然有幾款唔同嘅麵款，但由於係預設餐單麵款配搭無得隨意轉換，我碗麵淋到連無牙婆都食到，無口感又無質感，基本上唔係麵而係麵狀嘅糊仔先啱。而件牛腩雖然煮到好淋但一啲都唔入味，如果唔話我知我仲以為係湯渣。記得menu上碗麵係有辣椒示意，但湯底卻完全唔辣又唔香濃，整體來講就係難食！至於飲品我點咗珍珠綠茶少甜，珍珠都幾多而且偏細粒幾煙韌，而綠茶都唔錯算幾清香，即使少甜都唔覺茶底苦澀！最後我哋八點幾左右走門口已經大排長龍，今餐每人百四蚊左右，睌餐來講價錢算合理，但可惜食物唔得，但飲品同環境是可以的，我諗下次可能嚟tea會適合啲！…Read More

好耐好耐之前睇過雜誌介紹大和堂，知道係由歷史悠久嘅中藥舖變身而成，覺得幾有特色想試好耐。環境就幾舒服，樓底高感覺寛敞，播放中嘅流行歌曲襯托著古色古香嘅裝潢帶出強烈對比。Menu唔算很特別跟一般cafe差唔多，但總有幾款特色食品作為店舖招牌，我點咗”雞蛋仔與雞” 同mocha雞蛋仔無蛋香味又唔脆，個汁仲好醋帶酸，根本同個雞蛋仔好唔match，而炸雞因為唔熱油益味出晒嚟，如果改韓式炸雞會有誠意啲至於杯咖啡，一點咖啡餘香都無，連朱古力味都唔覺，只係得個甜，好失望如果只追求環境呢間都算滿分，但對食物真係唔好抱高期望…Read More

每次都是點招牌紅燒牛肉麵，因為實在太合我這個重口味的人，簡直將我迷惑😆首先，湯底的確香濃且帶點辣，超惹味，味道亦有點像肉骨茶，帶有一點點藥材味道，可能是用上肉來淆湯，有點骨膠黏口感覺，並不似味精湯。其次，麵質彈牙有質感，似刀削麵口感，並非淋淋的漿糊麵或硬條麵。牛𦟌雖然大件，但尚且嫩滑滷得正好。即使並非人間美食但卻配得上為招牌菜👍🏻飲品方面我試了百香果綠茶，味道頗酸並非人人受落。跟餐配一款自選小食，有我喜愛的涼拌茄子，醬汁調得很好，無搶喉的醋酸，份量亦適中。…Read More

每次lunch time都坐滿了人，很難才有機會試到，有幸今次第二次試，距離上次光顧已相隔三個多月，見午餐menu有好幾款都轉了，今次有鰻魚蛋飯好吸引，但我還是依然鐘情All Day Breakfast單憑裝潢就猜想到店主是用心經營的，即使開於樓梯底下店主亦講究店内環境氣氛，以小木屋概念修飾小店，不單雅致還增添舒適感！食物方面，午餐來說無論款式或份量都很足，味道當然好！All Day Breakfast有香滑半熟炒蛋、兩小塊香煎嫩滑雞扒、香軟熱辣鋪滿蒜粒的蒜蓉包，還有一大塊鮮蜜瓜！如果蒜蓉包能多一點牛油味會更好！飲品方面，如不加錢可點餐牌內$39以內的飲品，以上的要另加$15，跟一粒蛋糕，那個蛋糕細細粒卻有點脆、很重咖啡香，外表彷如一粒咖啡豆，我很喜歡！而我點了凍蜜桃茶，因為起初沒有把飲品攪拌，只嚐到苦澀茶味，但攪拌過後就嚐到甜甜的帶點清香的桃、茶味，其實跟凍檸茶很似！下次如有幸再食，我會試咖啡呢！…Read More

吃了三次都是點<香酥脆雞沙律便當>，並非脆雞超級好吃，而是沙律真的很棒，當然脆雞不單大件而且也很香口鬆脆，只是調味方面尚有進步空間，若果可以濃味多一點就perfect了👍🏻喜歡這個便當的沙律，除了因為蔬菜方面新鮮之外，無論份量或材料款式也比較多，不愁吃不飽之餘亦很有驚喜！一口炸雞一口鮮菜，平衡之至，亦少了一份罪惡感😆還有那杯<鳳梨古早味紅茶>酸酸甜甜的帶點茶香，很開胃、很回味！雖然只屬小店一間，但食物卻是誠意之作，難怪多人排隊也在所不計，至少本人為了美食也樂意久等，會繼續支持！PS 最近發現好似冇咗沙律便當…Read More

同另一半嚟食嘢起初純粹貪裝修夠特別夠靚，點知食落先知呢間餐廳並非虛有其表喎，飲品同食物真係睇得又食得，不得不推介下！我哋點咗:<OMG啡菇二重奏>兩款唔同味道嘅大菇各有千秋，但咬落同樣juicy，因為個人口味我就偏向鍾意蟹味嗰隻，雖然味道無另一款咁濃，但同樣燒得好香好味道<香煎日本帶子配黑松露忌廉意粉>帶子熟度恰到好處一啲都唔韌，黑松露唔算太出，但忌廉幾creamy，意粉軟硬度適中，眼見份量幾少下但食落都幾漏<蜜糖燒春雞>似係用慢煮方式烹調，雞肉一啲都唔’鞋’而且仲幾香口，配埋蜜糖汁真係幾有BBQ風味<潘朵拉的盒子>唔只靚同特別仲有得玩，層糖做嘅外殼要敲碎食，以為只係普通莓類蛋糕，原來係類似雪葩嘅餡，唔道唔酸亦唔太甜，好有驚喜<關你賓治>似芬達加入什果，味道就夠晒穩陣但就普通<富士山的雲端>好靚好特別嘅飲品，可惜本人唔飲奶所以無試整體上覺得係一間幾有heart嘅餐廳，主題用上萬花筒夠別出心裁之餘亦帶出咗繽紛色彩，給人一種開心千變萬化嘅感覺，入嚟食嘢自然放鬆心情…Read More

放工5點幾6點有點肚餓好想食個下午茶，想起之前飯後食過呢間嘅甜品，白雪公主、榴槤公主、紫薯金磚等都好好味。因為仲要食晚飯唔想食太甜所以揀咗食返紫薯金磚。記憶中厚厚的麵包充滿牛油香味，咬落香甜鬆脆，再配以冰凍雲呢嗱雪糕，簡直係味覺一大享受；但今次再食竟然由天堂跌落地獄。首先我揀錯雪糕，紫薯唔應該配綠茶，成件事錯晒，加上舊雪糕仲有一塊塊冰面，一路食一路溶成水浸濕咗每塊麵包，而麵包都無之前咁多牛油咁香脆。結果痴住冰嘅雪糕好難食，浸濕咗嘅發水麵包仲難食，今次同樣有味覺刺激但呢種剌激真係令人作嘔無下次！…Read More

之前試過紫米露，味道好一般。今次就試喳咋，完全不覺自己吃的是喳咋，水和豆是分開的，完全沒有煮到起沙，而喳咋精髓——芋頭椰汁存在感近乎零，椰香芋香都不足！雖然芋圓才是主角，但沒有出息的配角主角亦難免失色。幸好芋圓夠煙韌彈牙，用料天然又足料，而且數量多，一點也不吝嗇，加上一碗都不過是$28，可以滿足下我這個芋圓控的心癮還可以的！…Read More

成日見有人排隊卒之今次到我排！六點左右我就同朋友開始等，先派籌號再安排入座，限時90分鐘用餐。為折省時間，等候期間我們已經選定菜式，其實款式並不多，以甜品為主，所以並不難決擇！這餐是我們的晚餐，我們以飽肚菜式為主，點了一份雞扒沙律、什錦拼盤、黑松露意粉和蒜香意粉，甜品則只點了一份士多啤梨窩夫，以及三款不同味的水果沙冰。除了意粉份量偏小，其他的都很足夠。1）雞扒沙律👍👍👍雞扒煎得香口、肉質夠滑、味道夠濃，羅馬生菜夠新鮮、爽口。2）什錦拼盤👍👍👍有兩條炸魚柳、四隻單骨雞翼、炸洋蔥圈、炸薯條，每一樣都非常香脆味美！魚柳夠香滑、雞翼是酥炸的，很香口醒胃！洋蔥炸得夠徹底，淋淋的帶點熟透了的甜！薯條夠香脆，令人吃不停！3）黑松露意粉👍👍👍👍黑松露汁很足，令整碟意粉都浸透了黑松露的味道，亦有菇的鮮味。意粉軟硬度適中，沾滿黑松露汁，濕濕地很易入口。4）蒜香意粉👍👍👍👍整碟意粉都充滿蒜的香味，炸蒜夠多、味道夠香夠濃，很有東南亞風味！令人意想不到的竟是炸蒜會跟意粉如此夾！5）士多啤梨窩夫👍👍👍👍👍加錢將窩夫升級至內裡加入麻糬，並選以酥底。窩夫不單夠香脆、有蛋味，咬落亦很煙韌，賣相也相當出色！6）沙冰選了三款不同果味的沙冰，味道各有千秋，足料又大杯！芒果沙冰，甜甜的果香👍👍士多啤梨沙冰，帶點酸酸的果味👍👍👍什果沙冰，味道似什果賓治，亦是三杯中味道最清、果味最淡的👍整體食物、飲品，環境都很出色，只是食物款式選擇並不多，幾乎吃兩、三次足以試畢所有。但我還會選擇再encore！…Read More

見有不少人讚，雪糕賣相又幾討好，決定試一試。點了杯抹茶大福芭菲，雪糕夠軟滑，吃頭啖有淡淡的抹茶味，但卻沒有aftertaste。紅豆夠大粒，但甜味過份。紅豆味將僅有的淡淡抹茶味遮蓋了，再吃第二囗，感覺與坊間平價雪糕大同小異，只是這杯雪糕奶味較濃而已。煙韌的大福和雪糕底部的粒粒啫喱略提升了雪糕的囗感層次，但無助提升整體雪糕的味道和質素！想不到第一次試就已令我失望！…Read More

身為八十後，已經很少把傳統的糖水當甜品吃。不過每逢經過中環這間歷史悠久的糖水麵檔，我都總會停下腳步，坐下品嚐碗一味難尋的傳統味道。尤其是天氣稍熱的時候，來一碗凍豆沙就最好不過。是日我就點了碗香草綠豆沙！雖然一直以來我都不清楚香草是什麼傢伙，不過香草味道特別且非處處有售，所以應當一試！而且這兒的糖水很足料，味道也很正宗，不會甜到膩。綠豆雖然煲到起沙，但還吃得出綠豆的成分，卻不是坊間那種水、豆不溶的味道，非常出色！再且價錢亦很親民，即使環境是差了點，但細心一想，其實這也是親民的一種表現，可說是食味道也食風味！…Read More

放假又到四圍玩四圍食的時候了。今日家庭樂，跟家人一行七人帶著小朋友到愉景灣玩。好在我們預早少少來到食lunch先，因為lunch time無得book枱，但我們時候尚早，不用等就有位。大熱天時坐室內冷氣位就適合不過！見大家沒有食早餐，我們決定六個大人點五樣食物。我就最愛香口食物，tapas當然少不了在香脆的粟米片上灑上cheese、牛油果醬等調味，是道簡單的餐前美食吃過前菜就開始陸陸續續上主菜接下來這道菜又是很合我口味的烤雞，這是一隻雞份量。雞肉味道很淡，不過肉質勝在幾滑。薯條剛被炸起，熱乎乎，夠晒香口好味，亦好足薯味緊接著的另一道菜，燒豬仔骨肉質嫩滑、骨肉分離，吃得出烹調時間剛好，以至肉質不會過老難咬。炸薯條很粗、很新鮮、很脆口，亦都很好吃西班牙海鮮飯，略嫌較為濕，不過飯除了很好吃之外，亦軟硬度適中，非常足料，美味最後上pizza。其實已經吃飽，只是意想不到每道菜的份量都多得很。基本上我們六人點四款食物就最足夠。pizza款式夠特別，脆底皮卻又不是吃餅乾，醬汁不算多卻經已好味道，即使已吃飽亦令人停不了口，魅力沒法擋整體上，餐廳環境、氣氛一流！食物份量足、美道好，價錢亦不高昂，好難令人不再一再encore！難怪我們離開時見餐廳大排長龍！真心值得推介…Read More