愛吃的小男孩's Profile

今日係久違嘅家庭聚餐…諗極都諗唔到食咩，於是我就揀左呢間我3年前食過既餐廳！我之前係食尖沙咀店，今次試下海之戀店！都唔錯^_^我地6個人叫左6人餐！原價1888，做會員可以減100，同埋有雪糕兌換，埋單個時記住儲分，之後可以兌野！我會覺得如果六個人都大食嘅話，呢個份量絕對OK。但如果六個人入面唔係全部人都大食呢我會建議可能點四至五人餐，跟住再搭配自己其他肉，因為始終套餐綁死左某d肉！另外除左食物質素唔錯，仲有店員既服務態度都好好，上菜速度亦好快，十分用心！總括嚟講，係一間可以回頭再食既餐廳…大家可以book定位～…Read More

今日因為要去荃灣返工，原本要返11點，點知10點幾個時收到電話話改12點，雖然內心哀嚎，但好開心，因為有左食早餐既時間！！！一路行一路搵，兜兜下就去左樓下冰室既門口，咁我見前幾日食左蕃滿門，咁就想比較下啦，於是入去食。入到去，餐廳都幾闊落，唔會太逼，同埋11 點幾未算好多人。望一望餐牌，見到有鮮茄濃湯餐，包埋野飲，43 蚊，凍飲加兩蚊！！好抵呀，蕃滿門我食個時唔包野飲，夾埋要58蚊。咁首先講下環境先，見到都幾乾淨企理，同埋我坐左二人卡位，都OK 舒服。然後講下野食啦，我個餐一共三樣野：鮮茄濃湯叉燒通粉，牛乳炒蛋＋兩塊火腿＋蒜蓉脆豬同埋一杯檸茶。我之前食蕃茄濃湯配米線，我覺得唔太夾，所以決定今次配通粉啦，我個人平時就中意食米線但我發食食蕃茄濃湯係一定要配通粉！！！因為可以一路食飯一路飲埋湯，所以係絕配！咁首先講吓到湯底啦個湯底，甜酸度適中嘅同埋佢大有啲蕃茄粒啦咁係好好食，仲好開胃，我越食越餓，但佢份量係絕對充足。同埋重點係佢湯底唔會話好濃同好稠，佢係啱啱好。至於叉燒呢就大概有六至七件，不過就略嫌一樣野，就係叉燒有少少太厚切啦。如果可以切薄少少會好啲，不過個味道係OK嘅，個肉質唔會好韌啊，同埋叉燒味都夠。至於通粉呢就就中規中矩啦，不過我自己就覺得蕃茄濃湯配通粉係好過米線同埋公仔麵好多！咁至於個蒜蓉脆豬都好好食嘅，因為佢個蒜蓉味好香啦但係又唔會話好油，個包亦都唔會話好硬，硬到好難咬。個牛乳炒蛋呢就個份量就有少少細，但係個味道都好食，佢有淡淡奶香，唔會話好重牛油味，食到好漏。火腿同杯檸茶就正正常常啦！…Read More

聽日係家姐生日，咁岩今日老豆又放假，所以就約埋姑姐，堂妹同三叔去食飯。爸爸同三叔叫左個晚餐，餃子烏冬，98蚊包埋飲品，份量睇落都好足，爸爸同三叔都話味道都幾好，餃子味道也不俗。而家姐就叫左上級牛柳蕃茄意粉，我試左一啖，意粉因為蕃茄芝士汁，帶有一點酸味，而芝士味亦不會過多，所以不膩，恰到好處，而牛柳的牛味亦很香，肉質亦不會過韌。堂妹叫左一個帶子意粉，呢個意粉係有芝麻醬係入面，所以味道都幾特別。姑姐叫左一個焗肉醬意粉，我試左一啖，肉醬同芝士融合得好好，所以都好好食，而且呢間野食都好夠熱，所以我好中意，最怕食野唔夠熱。咁而我就叫左個西班牙海鮮飯，個份量勁大，雖然我個海鮮飯要148蚊，不過我覺得佢份量都對得住價錢。個汁係忘蝦湯，而汁亦都唔會多到變湯飯，海鮮飯有兩舊大蝦，兩隻青口同埋一堆墨魚。味道都幾好，最重要係夠熱！除左食身質素，講下環境先，環境都幾乾淨整齊，座位亦都唔會好逼，不過冷氣有D細，我食到出汗。而服務都幾有禮貌，亦會提醒器皿會比較熱，很好！仲會主動斟水！最後我地都叫左兩個小食，有蒜蓉包8 件，好香好好味，而且好夠脆。同埋叫左個小食拼盤，有炸魷魚，炸薯條同堆炸雞翼，份量好足，薯條係粗薯條，而雞翼贏炸得好香脆！不過佢用鐵桶裝，有D 唔方便夾野食。但真係勁抵食…Read More