Mabeltsang's Profile

係人都知我咀勺，唔好食嘅我真係會彈，而大家應該好少見過我讚，今次試咗翠林辣蟹舫，我無辦法唔介紹俾大家，真係要試呀！！！【鎮店之寶】避風塘炒辣蟹：這個不得了，夾開甜中帶辣嘅蟹鉗啖啖肉；我成功爭取一個蟹蓋，將D膏加埋特製炸蒜蔥一齊食，好食到不能形容。咩叫惹味？就係覺得辣又死要繼續食囉~黃金拆肉瀨尿蝦：男友唔喺都唔洗怕，成條瀨尿蝦肉哂出黎超肥厚，咬落Juicy好食到反一反眼，懶人必食！ #全港首創特有的得獎菜式黃金流沙蝦球：我一向麻麻地食熟蝦，但這個我食咗3件(唔係搶架，真係有人唔食得蝦)，蛋黃鹹香味勁濃又不失蝦味，唔會炸到柴皮咁。#2016年得獎菜式。酥炸蠔餅：睇個樣已經知唔係食到成口油果種，好脆，好蠔，點少少蜆芥黎食，心心眼…蜜燒牛仔粒：超重牛味、肉質鬆滑、蜜汁調到0岩0岩好，這款最後再叫多碟！蟹油銀芽炒麵：唔好睇佢個樣咁普通，我就係差D俾佢外表呃咗無食，用自家製嘅蟹油醬黎炒麵，麵質彈牙，炒到好香口一D都唔油。總結：98分，味道的確唔同出面，而且店員和老闆老闆娘超Nice，宜家食嘢肯俾錢都唔一定有Service架陰公！另一大力欣賞之處係，就算你唔好海鮮或敏感人士都唔怕，因為佢其他小炒小菜都好好食，廚師用心喺每位唔同口味嘅客人身上，絕對無偏心，真係要試！…Read More

觀塘成業街「大姆子指食坊」，米線又發現曱甴！！我同事落街買上公司食，見到曱甴一大隻，嘔都嘔唔切，打落去投訴。聽電話阿姐態度好麻麻：「咁你落黎退錢囉！」，又話：「我地好忙，無人手呀，你自己落去拎過碗啦一係...」。同時又發出「he he唉唉」聲，講到好似佢無錯，我同事錯哂，最煩係我同事，最無辜係佢咁！LEE間出名污糟和態度極差！上次我自己叫0左個大腸米線，食食吓有幾舊雞翼尖骨頭，我已經覺得好嘔心好肉酸！如果唔係譚仔0係好遠好遠，來回要行半個鐘...如果觀塘唔係得仍一間米線...我地真係唔會食佢！而家好啦，大大隻曱甴出現0左仲想唔認數，BYEBYE，我地唔會再食你這間無良食肆了！這間店的米線我和同事一直都有食開，因為湯底尚算OK，佢分好多辣度，通常職員都會跟你圈單的選擇去落辣，唔會太求祈。而餸方面，E.G.冬菇、大腸、雞翼尖等，都會另外煮到入味，唔會就咁白"卓"而晚上的雞煲火鍋我都有同朋友食過，雞煲內的料尚算OK，但自助夾的料質素就差一點。如果沒曱甴出現，其實LUNCH食米線是OK的。…Read More