masa930's Profile

因為想試旁邊芒果甜品店才進來吃，叫了咖喱海鮮麵包盅、小食拼盤、冬陰功湯、椰汁冰和甜品芒果小碗。咖喱海鮮麵包盅$148: 海鮮炸過、炸粉勁厚、咖喱一啲香味都無、味道偏甜又杰達達，完全唔似咖喱，一啲都唔好食 👎🏻👎🏻👎🏻 評分: 1/5小食拼盤$149: 四款小食(蝦餅、魚餅、春卷、荷葉雞)，每樣兩件。只有蝦餅OK，其他味道不過不失，但都唔係好味，食到一半已經唔想食 😔😔😔 評分: 2/5冬陰功湯$89: 正常味道，無特別 😑😑😑評分: 3/5芒果小碗$58:隔離鋪負責整甜品，但餐廳侍應掛住執嘢收鋪，導致出甜品很慢。本身甜品味道不錯，但上枱時雪糕已經溶了，糯米也凍了變得很難分開 🤦🏼‍♀️🤦🏼‍♀️🤦🏼‍♀️評分: 3.5/5基本上試過今次唔會再試，員工禮貌欠佳無笑容，食物性價比超低，兩個人食到一半已經食唔落。唯一好處是跟另一芒果甜品餐廳合作。…Read More

買了團購吃美國牛肉shabu shabu，加完假日附加費和服務費也要約HK$175，其實跟原價(HK$178+10%)差不多，如果計埋19:30前埋單有75折，其實團購仲貴!!!:(即使係團購，但我都未試過吃那麼差的shabu shabu，好明顯牛的質素是給次貨。每塊牛的闊度和長度只有一根手指左右，超幼和超薄，而且一半都是肥膏，真正是牛肉的只有超級小塊，放入火鍋灼熟完再變細塊D，根本不知道自己吃什麼。用料不是上乘可以了解，但那種切法簡直不能接受，像是人家吃剩的才給團購客吃，超失望。另外，用餐時間90分鐘，未夠鐘已經不停催促我們交枱。總括而言，價錢不是特別平，去其他日式火鍋放題店會有更好的服務和牛肉。…Read More

難得堅尼地城有間新開且裝修不錯的越南餐廳，當然要去試試。地方很大，侍應眼看都有不少，但偏偏D侍應一係周圍走叫極都無人，一係就發緊夢。剛坐下不久，友人不小心掉下筷子發出聲音，明明侍應企在我們這枱旁邊看著我們，但都不會主動更換筷子。算了，可能人家真的沒有留意。剛下單不久，發現侍應不斷上錯菜，跟他們說只係回應不好意思，完全無人去查單，最後上錯了3次菜忍不住走去問老闆，才知之前該張枱的客人轉了另一位置，但很好奇為什麼沒有侍應發現，為什麼他們不能主動去查查單呢?1. 大蝦紙米卷(HK$78)本身紙米卷不錯，菜同蝦都很爽，但旁邊那個醬好像是麻醬，完全跟紙米卷不配，還是配越南魚露醋比較好味。但成張枱4個人卻只有一個豉油碟，於是又要舉好耐手叫人來俾多D豉油碟，但職員好似覺得好奇怪，話枱上已經有一隻豉油碟，好像不太想幫忙。我真係忍唔住問番佢，你唔會諗住4個人都蘸同一碟醋呀嘛?! 2. 牛油雞翼 (HK$58)一放入口凍既，都算了，心想可能出餐慢才會這樣。可是一食便出事了，成隻雞翼裡面都係血紅色。我都明雞翼近頭尾骨位好多時會紅紅地色，但我咁大個人都真係未試過炸雞翼外表似炸熟但裡面會係8成唔熟。我初時以為淨係我那隻唔熟，點知4隻都一樣咁生。說實話，牛油雞翼並不是什麼高難度菜式，但連食物基本要求(確保應熟的食物要煮熟才給客人)都達不到，已經覺得很失望。我地即時向經理反映，之後終於有番一碟真正熱到出煙既牛油雞翼。3. 火車頭湯河 (HK$108)見倒之前有食家話冇九層塔，要叫侍應先俾得幾片，又見另一個食家話附有一籃香草有九層塔，份量不少。而我的碗入面就有幾塊九層塔，另有一碟青檸同辣椒，始乎餐廳沒什麼標準，廚師都求求其其。好了，先來試試個湯，又係唔夠熱，以這個價錢，外間有比這湯底更濃更香，說實話我feel唔倒那陣牛骨味。之後再來牛肉，表面軟達達但實際上係好有咬口(即係咬唔開塊肉那種)，知道自己食緊一塊肉，但無牛肉味。而生牛肉理應用筷子輕輕將佢浸喺熱湯中，會即時由紅變啡，浸至7/8成熟，放入口有牛香咁先係上品。湯底一定要達攝氏100度先可以將生牛肉灼熟，由食客去控制其生熟度。但好可惜d碗火車頭湯河一樣都做唔倒，d生牛肉浸左15分鐘，都仲可以係紅色，證明個湯只係暖湯，根本唔達標。其餘菜式只係中規中矩，食完今次真係怕怕，廚師求求其其，連基本煮熟食物的要求都做不到，而侍應亦都唔夠細心helpful，所以唔會有下次。…Read More

一直都聽說文華東方的下午茶很出色，但一試便發現這絕對是我試過性價比最低的Afternoon Tea Set。首先，三層架除了最低一層是甜品，其餘都是三文治、三文治和三文治。唯一一樣熱食就是普通到不能再普通的烘底火腿芝士三明治。全都是便宜貨色，以五星酒店來說，這個三文治組合非常沒誠意。1. 煙三文魚忌廉芝士三明治 (味道普通)2. 蛋奄列黃瓜沙律三明治 (簡單來說就是用黃瓜包著蛋沙律三明治)3. 火腿芥末三文治 (普通到已經不記得味道)4. 西洋菜烤牛肉辣根三文治 (在外面餐廳很少見，但味道只是中規中矩)5. 扒火腿芝士三明治 (唯一一樣熱食，烘底+芝士溶，與#3一樣都只是火腿)接著是甜品。大部人都說文華東方的蛋糕很出名，但試完很失望，而且賣相一點都不精緻。1. 文華芝士餅 (隨街買到的芝士餅)2. 鮮甜水果盒 (這個是最正常，裡面有雲呢嗱籽的cream)3. 朱古力慕斯蛋糕 (沒特別且朱古力不算濃)4. 海綿蛋糕 (非常甜又完全沒有口感的牛油蛋糕，吃了一口已經想放棄)5. 黑醋栗慕斯蛋糕 (味道很奇怪，苦苦的)最後當然是每一個人都說必試的Scone，微微帶熱的Scone 配上butter cream 和 玫瑰醬這配搭即使不是文華東方也一定好吃。但如果不配butter cream 和 玫瑰醬，你便會發現那Scone味道其實很普通而且又乾，完全沒有牛油香。1. 傳統及提子鬆餅 (提子鬆餅OK但傳統鬆餅超乾)2. 玫瑰花果醬 (好香但男孩子會覺得偏甜)3. 牛油忌廉 (好滑)唯一可取的地方就是茶的選擇滿多，伴茶的曲奇是整個Tea Set最好味，鬆化又有牛油香。整體而言，三層Afternoon Tea Set沒有一件說得上是美味或有特色的，2人價錢$558+10%，性價比可說是超低，非常令人失望。…Read More

剛巧見倒它在openrice做pormotion，原價$718「烤熟成生西冷牛排套餐」現在半價，所以即時就訂枱試下。環境方面，裝修都ok，樣樣好新淨同座位都好寬闊。首先睇下餐牌先，差不多全部都係set，散叫比較少選擇。講番個餐，我見倒其他人寫可以選擇粥或湯，不過店員無問我地就直接俾左粥:(先來有沙律、粥、酸蘿蔔、蔥、泡菜，略嫌粥太淡。:(次後再來主菜，有西冷牛排、牛五花腩、洋蔥、南瓜、茄子，成個大鐵盆放在熱爐上我才知道係就咁燒。侍應好細心會幫你燒埋，不過佢地燒得太快，根本食唔切，反面令食物變涼。而西冷牛排完全沒有驚喜，只是將普通一塊未經醃製的牛排燒熟，所以只能說很有牛味，反倒是加埋酸蘿蔔一起吃會幾醒胃，而且可以減去油膩。另外還有蔬菜包飯，平時日本飯糰都好好味，心想蔬菜包飯這個配搭幾特別，應該會幾好味又健康，點知完全無味道，同個粥無分別，完全不值一提。Overall，「烤熟成生西冷牛排套餐」只可說很普通，好似就咁將生肉燒熟，味道沒特別，如果是原價$718絕對不值得。另外，建議日後放些心思在粥同蔬菜包飯上，味道淡而無味，唯一可以一讚只有酸蘿蔔。…Read More

鋪頭裝修簡潔光猛，唔會好逼。一坐低就叫豬雜米粉，好快就有得食。一來先飲一啖湯底，勁香胡椒味 材料非常豐富，鋪到整碗都有，有豬粉腸、豬脷、豬膶、豬心同豬肺，全部都好入味同新鮮。豬粉腸 - 入口唔會太粉無異味，而且唔韌，洗得乾淨，食得安心豬肺 - 索哂d湯底，好味豬脷 - 豬既香味齒頰留香豬膶 - 夠爽好味，一點都不會苦，好新鮮豬心 - 爽口無異味咁多款材料中，個人最喜歡豬粉腸同豬肺，因為好索湯底。最後當然要將胡椒味湯底一飲而盡，感覺好滿足。下一次會再試豬黃喉同蝴蝶腩。…Read More

不同地區的貢茶都會有輕微分別，我試過太多冰沖淡了茶味，有的珍珠硬實實的。然而灣仔這間算不錯，每次我都會叫珍珠奶茶，價錢適中，$16已有大杯裝。每次飲都覺得茶味甘香，奶味香濃，飲落好舒服。而且珍珠的甜度適中，煙韌彈口。難得這間分店的水準很穩定，所以一得閒就會買黎試試。…Read More

這已經是第三次飲珍珠鮮奶茶，但每一次都有以下感覺:一是茶沒想像中的甘和香，看見其他食評都說味道偏淡，茶味不夠香濃。二是即使落單時叫了微甜，但它的珍珠比市面一般珍珠都要甜，但尚算煙韌。三是奶味也是淡淡的，但入口順滑。總結，給了三次機會去試，但都覺得不如大家所說那麼好飲，而且珍珠太甜跟淡淡的茶味完全不協調。 …Read More

雖然餐廳門口不太顯眼，但其實也不是太難找，只要一直乘中環自動扶手電梯不停向上，直到伊利近街再向右一直行就會找到，而且地點很近PMQ，所以用餐前去了逛逛。8:45pm入座，被安排坐在露天area，燈光有點暗，而且剛巧附近有兩枱group，所以比較嘈。先來餐前麵包，外脆內軟，如果是暖的會更好。原本想order Marinated Octopus，但已經賣完，所以試了Cripsy Squid。粉太厚，不夠脆，沒有什麼味道，想不到這麼簡單的餐前小吃已叫人失望。:(之後再來Baked Clams，算是整餐最好味了。加了類似麵包糠在花甲上面，再拿去焗，當想吃花甲肉時，那些麵包糠會掉下來，有點論盡，但本身花甲就好好味同juicy。當吃完所有麵包和前菜，明明所有食物是同一時間order，但估計等了差不多30分鐘才來主菜。先來Veal Piccala，即是薄薄一塊小牛肉，配上檸檬sauce。但是牛肉沒有牛味、太冧、我和友人都覺得個sauce酸得有點過火，味道麻麻。之後是侍應推介的Penne，所以我也不知道名字，但其實只是芝士蕃茄肉腸長通粉。味道只屬普通，不值得再試。總括來說，身處於Soho區，這間餐廳只屬很一般，侍應態度ok，但不夠細心，每一次都要叫完再叫，才來加水，所以試過一次便夠了。…Read More