akiya's Profile

朋友仔好like日本野，今次去左元朗試。叫左唔係好多野，但因為每樣都大大件，個個都好飽。前菜八爪魚幾夠味，又大隻，幾有咬感。沙律就好滿，好多生菜，雖然味道就有些淡，但勝在夠多，不過最後果些好多水係底。壽司就真係大大件，一口都食唔晒，雖然味道和新鮮情度就一般，可能飯太大件，刺身既味變得有些弱。不過，位好多，又唔係放題，唔會有人趕，同朋友吹吹水好啱。…Read More

幫朋友仔慶祝生日，一早book左試下。環境自成一角係幾好，但佢好似無服務員咁，成日都無人理，食到後期有d炆。佢既食物可以的，但同價錢比，未夠好，份量又唔算多。海膽三文魚卷，海膽都幾新鮮無腥味，但好細舊。pizza中間都幾多汁，但邊邊有d乾。焗飯就比較好，好多芝士，不過個碟好淺......仲叫左壽司拼盤同什錦串燒，普通到不普通，可能對佢期望高，所以去完有些失望呢.....…Read More

去完荃灣周圍行，見到有間未去過，就去試下。叫左一個意粉餐，佢個白湯幾好味，唔會好稀，又唔多油。個意粉都幾多汁，料都算足，都唔錯，雖然，份量夠我食，但唔算好大碟。食肉獸既男友就叫左扒食，牛扒加魚柳，魚柳就無咩驚喜，無咩雪味都ok。牛扒就比較好，幾有牛味，幾有肉汁，食得出佢無"拿"過，肉都幾實，而且比我想像中大塊。同埋，薯仔同蕃茄幾好食喎!甜品同餐飲就無咩特別，中規中舉。環境以小店黎講算幾好，價錢又唔係好貴，都幾啱倆小口黎食。…Read More

之前都黎過幾次，佢食物一向都無咩驚喜，但今次發現佢既熟食都幾好，一口牛、雞翼、鯖魚、金菇卷都幾好味。一口牛唔僧好肥好多油，雞翼同鯖魚又唔會燒得太乾，金菇卷又幾多汁。而且，可以打埋邊爐，肥牛都幾好，唔太肥，不過其他配料就一般般，但佢主打日本野，邊爐配料味道可算中規中舉。講明日本野，佢既刺身同壽司就可以改進一下，因為刺身好多都無咩味，好似唔係好新鮮，不過，佢既環境同服務都幾好，可以答救。…Read More

以前團購去過一次之後，成日都想去食佢既放題，今日終於去了。晚市佢真係無咩人，成個場都無20人，可以坐窗邊位，個景幾好，服務都幾好，同午市既服務有好大分別。食佢既放題，主打海膽壽司，海膽勁多 ，味又幾好，唔腥之餘又唔太散，簡直係回本之選。仲有劍魚腩同油金魚、甜蝦都好新鮮，但劍魚腩就壽司質素比刺身好 。而且，樣樣都幾好食。反而，熟食就好一般。加上款就真係少左d。個甜品大福餅又無左貨，有d唔夠喉。…Read More

放假日一早去蘭香，唔駛等位就入得，真係好。同朋友仔兩個都係B餐，食左好多年都係B餐，隻蛋係比以前多左油，但係都可接受。奶醬多+烘低更加無得輸，正!!奶茶就係我最愛之選，水準保持得好好，叫左多奶，一流滑!不過通粉就一般，塊餐用煎一煎會更好，唔夠香口!可惜，生意太好，唔夠人手，好多人又好嘈，環境唔好不嬲都係，不過而家嘈得有點過龍，所以，下之都係閒日先再黎過，雖然都一定好多人!:(…Read More

近來天氣涼左，去到餐廳簡左坐戶外，可能六點幾去食，戶外無咩人，比我地自己簡位，服務態度亦可以。幾個朋友食飯談天，又有海風吹住，人又唔算多，成個感覺幾舒服，食物幾好，咖哩幾易入口，拼盤就炸左少少，不過都ok，仲貪得意係戶外即炒即燒，點了炒菜同魷魚，兩樣都幾好味，再加上椰青同啤酒，埋單每人都唔駛百五，下次應該會再黎!…Read More

見團購平平地$118，所以買黎試下，一行四人，即日bk也有位，去到未full，四人比了六人桌，所以都坐得幾舒服，不過，就對住了廁所走廊。食之前係openrice知道左服務態度唔係幾好，所以對服務無咩要求，點知發覺服務都唔係咁差，大部份都無漏單，係焗帶子點極都無黎，不過最後都飽晒，無黎都無再追。壽司飯好實，雖然易飽，但口感都幾好咬，刺身係帶子最吸引，甜蝦唔係太新鮮，不過，總括來說團購價可以一試，正價就要諗諗。…Read More