happyfriday88's Profile

嚟到灣仔緊係要食好出名嘅燒春雞！又係同事帶我去食好西😂中午時段，真係排晒長龍，人山人海 。好彩早咗少少嚟，12:15左右到，12點45就有得入座 。 半隻燒春雞成碟上，雞皮烤得金黃色，真係好吸引眼球🥹 識食緊係自己慢慢搣嚟食，夠晒過癮！ 特別係搣成隻雞髀落嚟食！ 滿足到超鍾意食雞髀嘅我🫣燒春雞熱辣辣，外皮超香脆，肉質嫩滑，仲要多汁🤤 但大家要睇熱，一開頭真係要抖幾分鐘同吹下先成功搣到。配搭上有飯、意粉、薯條同沙律可揀 。我驚揀飯/意粉太飽，又唔想熱氣，所以揀咗沙律，清新又解油膩 。…Read More

踏足元朗，如果想食雞，當然要食過橋麵檔啦 。🔺霸王雞菜飯辣辣地，配合少少花生粒，非常惹味 。雞肉嫩滑，最鍾意食髀位！霸王雞下面係鋪滿好多嘅芽菜，好爽口，而且好入味 。另外值得一提係菜飯，呢間嘅菜飯好好食，重點真係夠多菜，其他舖菜飯嘅菜只有寥寥可數 。🔺豉油雞菜飯豉油雞會比霸王雞更嫩滑，而且幾入味 。不過呢碟雞皮會較多油脂 ，但唔太有影響，除去雞皮都仲好多肉 。如果男仔唔夠飯嘅話，可以免費叫多飯😂…Read More

第一次食係喺上水店食，食完就念念不忘，但因為太遠，唔可以成日食到，所以旺角有分店真係好開心，幾乎經過旺角都會食 。每次都會點「醉香雞湯米」！普遍嘅醉雞都係凍嘅，而呢間嘅醉雞反而係熱食，所以一食返唔到轉頭。湯底酒味極濃郁，甜甜地，易入口 ，十分上癮 。雞件都有6-7塊，今次好好彩，咁岩比雞髀位我，幾滑嫩 。一啖雞髀肉，一啖花雕湯，一啖米線 。真係好滿足😌…Read More

經過新北江，發現地下開咗章魚無雙，唔使突登去葵廣又唔使排好耐隊，真係好正 。🔺明太子必點！超多木魚，明太子醬都好多，外脆內軟，粒粒都好足料，又熱辣辣 ！好開胃，好好味！🔺蜜糖芥末呢個配搭醬料都好好味，甜甜地少少辣，上面超多木魚同紫菜粉，蜜糖芥末沙律醬都滿滿舖喺面，每啖都好滿足，好惹味！好岩我呢啲食醬怪😂…Read More

呢間雖然叫芝士麵，但佢嘅鐵板燒反而係最好食嘅 。價錢唔貴，大份，所以性價比真係高 。🔺煎薄牛扒鐵板燒2塊大大塊嘅薄牛扒，嫩口多汁，配搭黑淑味勁重嘅黑椒汁，好好味 。另外有薯條擺喺底，可以先食咗薯條先，趁仲未淋 。🔺吉列魚柳鐵板燒吉列魚柳有6件大大件，炸得岩岩好，外脆內嫩，熱辣辣 。都有薯條配搭 ，真係好夾 。…Read More

餃子控又發作，收工突然好想食甜記餃子，因為好耐冇食，就算有啲攰都照排隊去食。真係次次都排長龍 ，等咗大約半個鐘，終於入座嚕 。🌟甜記嘅辣菜脯真係咁多間餃子舖入面我食過最出色，非常辣但又好過癮 。🔺韭黃雞肉餃（湯）呢款我排第1 ！好香韭黃味，口齒留香，有種「鮮」嘅味道，之後嚟食都必點！再配搭蕃茄湯底，有種好warm嘅感覺，湯底冇之前咁濃，但都有蕃茄嘅酸酸甜甜，仍然好飲！🔺南瓜忌廉雞肉餃（湯）每次嚟都必點，南瓜蓉甜甜地，食落好creamy！呢個配搭好match，好鍾意濃滑香綿嘅口感，同之前一樣都係咁好食，仲可以大大啖食，真係好滿足！🔺韭菜豬肉餃（湯）正常發揮，好多韭菜，肉相對少 ，不過我鍾意多韭菜，而餃子size岩岩好，唔會好細 。🔺京蔥羊肉+粟米芝士煎餃每次嚟都冇食煎餃，諗住試下，點知啲皮好硬又乾，好難咬開同唔酥脆，京蔥羊肉嘅餡係好食嘅，好香洋蔥味，不過冇咁juicy；粟米芝士就麻麻地，芝士硬硬地，冇芝士溶嘅口感 ，同粟米都幾夾，都係咁硬😂 …Read More

聽講屯門虹橋好多野食，所以突登嚟行一轉，發現遠處轉角位有間隱世嘅台灣菜，入面裝橫同招牌都係以木為主，好有feel，所以入去try try～🔺蟹肉明太子炒新竹米粉（$98）好高水準！ 一入口已經驚艷到我，滿滿嘅明太子同蟹肉，好有層次感，口感好豐富！幾大份，平時胃口唔大嘅女仔應該食唔晒😂🔺木玥鹽酥雞飯（$80）有啲失望，唔知係咪臨近收工時間，啲鹽酥雞超細粒，一啲肉都冇，感覺食咗好多炸粉 😵‍💫見到openrice人地啲鹽酥雞咁多肉，真係唔開心 。🔺紫薯起司蛋餅（$45）呢個有驚喜，一定要趁熱食，溶溶地嘅芝士再配搭厚厚嘅紫薯，非常好味！…Read More

屯門呢間水門雞長期見到好多外賣，堂食都有啲幾full，今次咁岩經過就入去食下晚餐 。🔺水門雙併炸雞飯全雞胸，肉質滑嫩 ，點佢地嘅醬油食，味道好惹味！ 炸雞啲皮唔算好厚粉，香脆嘅，再點泰式辣醬，酸酸甜甜，味道會昇華咗 。個人喜歡水門雞多啲，始終唔太好炸野 。呢度嘅醬汁先係vip！🔺泰式燒腩仔燒得幾有驚喜，冇想像過燒腩仔係咁 。食落有炭燒味，幾香口，不過係有少少肥膏，但都接受到 。🔺泰式無骨豬手肉質好冧，夠入味，如果中意啖啖肉嘅話，呢個都幾岩架 。…Read More

上次經過就咁試咗北海道牛乳雪糕，覺得好好味，牛奶味重，口感絲滑，亦都冇咁快溶，所以今次試下舒芙蕾 。今次揀咗期間限定嘅雪覆樹莓味舒芙蕾，兩塊pancake都鬆軟嘅，質感有啲啲實，cream都ok接受到，唔會話好濟果啲，樹莓甜甜地，不過整體嚟講就唔算好出色 ，可能平時食開嘅疏乎厘唔係咁嘅質感 。始終深圳嘅價係平香港一半，性價比自然冇咁高，不過都接受到 。…Read More

呢一間朋友一直都好推介我嚟食，咁岩突然想食大阪燒，所以決定試一試！🐙章魚大阪燒超級足料！章魚粒彈牙，椰菜爽口，粟米粒甜 。啲配料可以人性化咁揀，我揀咗多木魚、多紫菜、多燒汁，少啲wasabi～🐮牛丼（大盛）超大份，好滿足！ 啲牛肉配搭多牛汁真係好好味，值得試下！🍜屋台牛肉炒讚岐烏冬好香！好多配料，有勁多木魚、冬菇、椰菜同紅蘿蔔絲，夾埋一齊食，口感豐富，味道都唔錯～🦐屋台川海老期間限定，香脆可口，唔會太咸，但因為係連殼食，我就麻麻地 。整體嚟講，性價比高，樣樣餸嘅味道都好有水準，值得再encore！…Read More

天氣涼咗真係想食返啲熱辣辣嘅野，所以叫咗譚仔三哥外賣！因為好耐都冇食喇～口痕痕🔺麻辣5小辣魚腐雞肉米太耐冇食三哥，所以唔敢叫太辣驚頂唔順，5小辣真係岩岩好😂湯底冇咩點變都仲係嗰隻味，雞肉都嫩，但每次都必點嘅魚腐真係比之前細粒咗，好似冇之前咁好食😟🔺清湯豆卜牛丸牛肉米果然食三哥真係唔好點清湯，因為心理上會唔滿足😂估唔到啲料又幾多，牛肉嫩，牛丸都彈嘅 。🔺土匪雞翼（大）都係咁惹味！ 皮脆肉嫩，幾入味 。三哥必點 。🔺尖椒皮蛋感覺冇之前咁好食，尖椒冇咁出味，皮蛋口感都還好，普普通通 。…Read More

Happy Friday🥳當然要食好西！Book咗期待已久嘅燒肉店🤤 環境同氛圍都好似去咗韓國咁，好熱鬧！好岩一路食燒肉一路同朋友啤一啤😂 最正係有韓仔Oppa專人服侍幫你燒埋啲肉☺️ 成件事快好多，只需要食食食😋Beef Set B ($730)🥩烤牛肋骨必選！ Oppa會幫你剪埋啲肉，比你一條條咁夾嚟食🥴 牛肋骨燒得岩岩好，肉質軟嫩，有嚼口，食落唔會柴，幾有口感 。我就習慣會用🥬生菜同薄荷葉🥬包埋啲肉一齊食，感覺上冇咁濟，我地都refill咗一次添。🥩烤牛五花肉油花分布均勻，但肉質嚟講，烤牛肋骨會好食啲 。好可惜只幫烤牛肋骨同牛五花肉拍片，冇近影一張，冇得cap圖上傳🥹 呢個set勁多配菜，泡菜、醃蘿蔔、醃菜等等，唔會食得晒😂🫓大蔥煎餅（$148）好足料！又厚實 。配汁幾開胃，所以食落唔會油膩 。🍶香蕉韓國米酒（$120）本身order完驚伏伏地，諗緊會唔會香蕉味好假果啲，點知有驚喜，飲落幾特別 。不過個人口味，未必個個like😂Overall 嚟講，個體驗幾正 。少少不足嘅可能就係得90mins用餐，有少少趕同未夠盡興，價錢方面就少貴嘅，性價比唔算高 ，不過值得一試 。 …Read More

同事介紹呢間食新加坡/馬拉菜嘅餐廳，12:30pm就嚟到餐廳門口，已經排長龍，差唔多1pm先有位 。繁忙時間，員工安排你坐邊就坐邊，都好合理 。🔺香葉烤雞扒喇沙摻摻雞扒好大份，烤得唔錯，外皮脆，肉質嫩滑，啖啖肉 。喇沙湯底椰香味重，甜甜地 。油麵+米粉兩溝，幾好食 。 但份量真係比想像中多，啲米粉食極都食唔晒，雞扒都食剩2舊 。好鬼飽😂🔺斑斕咖央多士多士夾住一塊牛油同少少斑斕醬，味道唔錯 ，好彩有得share食，食一舊已經好夠飽🙈整體嚟講，食物質素都ok，不過趕時間就自己衡量同預時間去食。…Read More

鍾情於巴斯克芝士蛋糕嘅我，當然要嚟家後試下味啦😆 聽講係由老闆娘整嘅～ 環境方面，可能因為太多人，感覺唔太夠位坐😂🥟韭菜豬肉湯餃 8隻 $40食開餃子嘅我，多數都係叫韭菜餃，食落去冇想像中厚實，普普通通咁，餃子唔算大隻，所以一個人食完8隻都有啲唔太夠喉 。湯底係粉葛赤小豆，比較淡味，果然係冇味精😂🥟洋蔥豬肉煎餃 8隻 $44試食朋友嘅煎餃，感覺好食啲，非常香脆可口，唔會太油膩，亦食到洋蔥嘅甜味 。麻辣雞翼 4隻 $29還可以，冇想像中辣，唔算太入味 。可以試下其他小食 。（食食下先記得影相）終於嚟到主角巴斯克蛋糕🍰！我地好貪心咁叫咗3款味道🤭 排名係分先後嘅😂第一位：開心果味💚我最怕食到好硬實嘅蛋糕，但呢款開心果味濃郁，入口軟滑，好濕潤，十分creamy🤤 真係要encore！ 大家都秒清😂第2位：原味💛芝士味幾濃，淡淡地反而幾好，食落好舒服 。第3位：焙茶味🤎焙茶味幾出，不過個人口味，我麻麻地 。整體嚟講，好滿足！下次嚟一定會再食其他味嘅蛋糕😆😆…Read More

每次經過都好多人排隊，難得有時間就同朋友去等位試食下 。環境氣氛幾好，不過坐位係逼少少，但無阻雅興 。🍕薯角炭燒雞肉芝加哥（蜜糖杏仁邊）見網上啲人拉絲咁過癮，我梗係又試下啦😂吖！又真係拉到絲喎😍正呀！ Pizza熱辣辣，超多芝士，又足料，調味好夾，口感豐富，值得一試😋🍗咖喱粉炸雞佢有幾隻味可以揀，朋友未試過咖喱粉味嘅炸雞，咁就try try啦。炸雞又係熱辣辣，皮脆唔多炸粉，內裡多肉汁，幾嫩滑，配埋咖喱粉又幾好味！非常香口！整體嚟講食物質素唔錯👍🏽會再嚟試其他款😆…Read More