Coco Foodieee's Profile

呢間位於上環嘅法式小餐館 之前經過已經覺得好有格調💖綠色嘅門面配玻璃窗 透出內裏酒紅色為主調嘅牆身🍷整個設計簡約而精緻 好有小店好cozy好溫馨嘅氛圍感❤️‍🔥環境好舒服 而食物都幾正宗☺️今次有朋友生日 職員亦都好熱情咁影相同唱生日歌🥳係一間好適合慶祝嘅餐廳🎂✨️Pissaladière｜尼斯洋蔥鯷魚橄欖薄餅 $128個人認為幾有驚喜嘅前菜 亦都係網上比較多人推介嘅菜色💫底層的面包烤至微微焦香好脆身🥖洋蔥烤至焦糖化 帶出好香嘅甜味🧅配上鯷魚醃製後的咸香 整體味道平衡得好好💞✨️Tartare de boeuf｜法式生牛肉他他配薯條 $248Beef Tartare基本係我每次都會嗌嘅菜色😋餐廳嘅Tartare而係放得比較多Dijon Mustard/蛋黃醬 取代生蛋黃🫗整體色調偏白 同埋醬汁多啲🤌食落味道偏酸少少 質感creamy啲啲😳面包薄片焗至香脆 好香口🥖而薯條係幼身嗰種 整體都不過不失🍟 ✨️Joue de boeuf confite au vin rouge｜法式慢煮牛頰肉 $288慢煮牛頰肉係店員推介嘅主菜💫肉質燉煮得十分軟焾而帶點咬口🐮而牛味亦都幾濃郁😉牛肉同脂肪慢慢喺口中化開嘅感覺好滿足😊而底層電嘅薯蓉牛油味亦好濃郁🥔吸埋牛肉汁嘅味道真的好好食🙂‍↕️✨️Linguine aux gambas｜大蝦意大利麵 $258整體意粉係偏乾身🍝但扁意粉吸了蝦汁同蕃茄汁 味道都算濃郁🍅而大蝦煎至焦香 肉質就唔算好彈口好新鮮🦐而整體份量都偏細份一啲 share的話可能每人一啖就食完了😂…Read More

平日嘅午餐同同事一齊發掘到呢間精緻湘菜🥢平時食其他中菜就好常見 但精品嘅湘菜館喺香港就比較少有🧐位於灣仔華美粵海酒店🏨一入門口 黑白雲石配寶石綠嘅裝潢華麗奪目💎行精緻商務食府嘅路線👔但價錢方面其實都幾親民😯今次點咗二人午市套餐 人均$200就享受到商務質素💞而且份量都相當多 服務亦好到位😉同同事或者老細嚟食都相當適合🫡🥢商務午市套餐 $388✨️前菜｜燒椒皮蛋以青辣椒粒拌皮蛋粒 帶溫和微辣的味道🌶加上皮蛋黃蓉整成嘅醬汁非常濃稠🥢整體味道清涼而開胃❤️‍🔥配上小食烤薯片一起食 變成一個中式Taco咁🤣幾特別的菜色💞✨️湯品｜筒子骨燉湖藕湯品熬至粉肉色 飲落非常濃郁🍲湖藕口感偏綿 帶沙沙地嘅口感🥄加入熬至好冧身嘅筒子骨 好鮮甜入味🍖比較特別嘅係湯品較重胡椒味 飲落好暖胃♨️✨️主菜｜十八秒牛肉以芫荽, 香蒜爆香熱辣辣嘅炒牛肉🔥薄切牛肉沾滿香料及醬料嘅香氣🐮味道好香口惹味 可以話係拌飯一流的菜式🍚而且份量都相當多 令人食極都唔停🤤✨️小菜｜芙蓉鎮米豆腐米豆腐質感係比一般豆腐黏一啲 有彈性一啲🤏口感幾特別😳而且有淡淡嘅米香味🍚拌咗肉末芡汁🫗整體唔會好似普通豆腐咁濃味咁吸汁 偏清淡一啲嘅味道🥄✨️菜品｜清炒時蔬炒椰菜係一貫農家風味🥬椰菜幾鮮甜爽口 完全無渣💫用簡單嘅醬油, 乾辣椒炒出香味😊上菜時都仲係熱辣辣 好有鑊氣🔥✨️主食｜小米青稞餅青稞餅係一款從藏族起源嘅食物🫓以青稞磨成粉整成嘅食物 營養價值好高🌾食落口感好似白糖糕咁 帶點煙煙韌韌 但又不太甜😋餐廳仲加入小米 豐富口感🤌整體都幾好食 令人有啲驚喜😉✨️糖水｜蓮子燉雪耳最後嚟一碗糖水作總結😋燉雪耳燉得十分絲滑 feel到糖水中都係滿滿的膠原💞整體都唔係太甜 味道剛剛好🤌感覺好清爽舒服😚…Read More

趁住前排Black Sheep Series 試咗呢間中環嘅阿根廷排房🥩餐廳以馬球俱樂部為主題🐎有唔少馬嘅掛畫同裝飾🎠裝修行古典淡雅嘅風格 低調得嚟帶點格調🪄仲有得揀据排嘅刀仔🗡慶生約會一定要揀呢度 店員全部都好熱情💫有special surprise之餘 仲會一齊唱生日歌 可以話係E人慶生天堂🎂🍴Black Series Lunch Set $358✨️Entradas｜LocroLocro係一款南美嘅傳統湯品🍲加入肉碎, 粟米, 薯仔同南瓜等嘅配料🌽飲落清清甜甜 幾暖胃🥄✨️Entradas｜Wedge Salad賣相十分吸引嘅salad📸藍芝士醬直接淋在生菜上🥗配上脆煙肉, 蕃茄同面包碎🥓食落香口又清新🌿✨️Parrilla｜10oz Tri-Tip主菜揀咗Tri-tip 屬於牛的後腰脊部位🐮一般而言肉味較濃郁 略帶嚼勁😉店員極力推介medium 但今次真係對主菜有啲失望🫠肉嘅份量雖然多 但係熟度好明顯係好生🥩連用刀切開都有難度 有啲亦都咬唔到🤧食到最後直接放棄剩低嘅四分之一🥹唯一可以讚嘅係旁邊嘅蒜頭仔好香好冧🧄✨️Al Lado｜Sautéed Brocoli蒜烤西蘭花食落幾香🧄本身菜質都好爽甜🥦不過不失嘅配菜 可以減輕肉嘅油膩感😉✨️Al Lado｜Fries Provenzal薯條係屬於幼薯條嗰種 不過即炸出嚟好香脆🍟加份蕃茜同蒜頭調味🧄幾香口 會有啲愈食愈上癮嘅感覺🤪✨️Postre｜Malvaviscos全場的MMMVP🌟因為有朋友生日 預先訂定甜品🍮店員捧住炭火, 蠟燭同棉花糖🌥仲有騎馬頭盔笠落幾位壽星嘅頭上🏇仲一邊大唱生日歌🤣之後大家每人攞一粒棉花糖用炭火烤香🔥一咬落去 原來裏面仲包住朱古力雪糕🍨冰火相交 外表微脆內軟嘅口感真係好正😝真係極力推介呢個甜品💯…Read More

中環蘇豪一帶有唔少意式小餐館🥂最近發現咗呢間hidden gem💎由小食到主菜到甜品都好好食🥹每一道菜都令人好驚豔💝配上昏暗有情調嘅氛圍🔱好適合情侶/幾個人聚會👭✨️千層薯配三文魚子忌廉芝士 $128超級超級大推嘅前菜💓亦都係其中一款餐廳推薦小食💫一口size嘅千層薯咬口好酥化🥹每可以感受到每一層都好薄好酥脆🥔忌廉芝士令成件事多咗一層綿密creamy嘅味道🍦超級令人滿足的一口👅✨️牛肉他他配手工薯片 $218Beef Tartare嘅味道都唔錯😉加入好多細香蔥增添風味🌿令人驚豔嘅地方係旁邊嘅薯片🥔係餐廳手工即炸嘅薄薯片 好酥脆🔥配搭牛肉他他十分之夾☺️✨️黑松露芝士風乾火腿比堅尼 $128有少少似飛碟咁嘅小食🤔薄吐司烘烤至金黃色🍞夾住半溶化嘅芝士同風乾火腿🧀加上黑松露 食落火腿油香更加突出🍖✨️西班牙紅蝦意大利麵 $298網上好多人推薦嘅紅蝦意粉 亦都係招牌菜之一🍝紅蝦汁完完全全滲份意粉當中🦐意粉質感亦係偏有彈性嗰種🤌每一條意粉都好掛汁 鮮味濃郁💖紅蝦肉好鮮嫩 帶淡淡海水味☺️連埋蝦膏 真係十分完美🥰✨️黑安格斯牛肉眼｜蘭王蛋煲仔飯配原條牛骨髓, 香蔥 $478另一款招牌菜色 個人認為係全餐飯嘅高潮位🌟店員會端上剛剛出爐嘅煲仔飯🔥加入牛骨髓同靈魂醬汁🫗連同蛋黃一起拌勻🍳離遠已經聞到好香嘅牛味同焦香🍖食落每一啖飯嘅層次都好豐富 肉味十足💯✨️松露燒焗本地三黃雞配日本南瓜 $268本身無特別好鍾意食三黃雞 但呢道菜的確好出色🐣一切開 熱辣辣嘅三黃雞冒晒煙 真係好香🥰外皮燒至金黃色且薄脆🔥肉質嫩滑多汁 食落真係滿口都係雞油香而唔會膩🤩南瓜配菜好香甜鮮膩🎃十分出色嘅配搭😊✨️開心果熔岩班戟配雪糕 $158原本以為甜品應該係細細份嘅pancake😗點知份量都幾多 我地6-7人分都覺得ok👨‍👩‍👧‍👦而pancake質感係有厚實綿密嘅蛋糕質感🍰食落鬆軟有彈性嘅🤣而開心果醬同雪糕都好濃郁🌰冰火相交嘅口感 食落真係好滿足🥹…Read More

最近食咗呢一間頗有名氣 位於大館嘅意大利餐廳🍴餐廳的裝修典雅大氣 整體氣氛好有格調🕯今次係星期五嘅夜晚嚟食 都幾full house 需要提早網上訂座☎️食物選擇都幾多 基本上想食嘅意大利菜式都有齊😋菜式精緻份量都多 好適合情侶/朋友聚會❤️‍🔥慶生的話氣氛環境都好得體🥳✨️Appetizer｜Roasted Beef with Pesto Sauce ｜Confit Tomatoes因為精明地提早經網上訂咗 所以就送左一份前菜🤩係一份燒牛肉配意式青醬&油封番茄🍖雖然喺贈送嘅菜式但水準都唔錯😉牛肉香嫩 呈淡淡的粉紅色🐮醬汁同油封蕃茄帶出牛肉嘅鹹香🍅🍴2-Course Dinner $428✨️Starter｜Beef Carpaccio with Horseradish Dressing, Mushrooms and Parmesan Cheese呢道牛肉片嘅配搭十分出色🥰薄切軟嫩嘅生牛肉片 配上微微辛香嘅辣根醬🥩調出牛肉嘅鮮味🤌火箭菜同芝士為菜式帶來一點新鮮嘅感覺🌿係一份香口開胃嘅前菜💝✨️Starter｜Cured Amberjack Carpaccio另一道前菜揀左薄切醃鰤魚🐟肉汁鮮甜 油脂豐富😚配上香橙茴香等調味料🍊酸酸甜甜的味道令人覺得好開胃😊✨️Main｜Sicilian Red Prawn Risotto with Starcciatella and Bronte Pistachio個人認為最好食嘅主菜🌟燉飯最重要就係飯粒 每粒都好飽滿🍚硬度剛剛好 帶點嚼口😋紅蝦醬汁好濃郁鮮甜🦐將拉落奶酪拌埋一齊 成件事更加creamy 口感層次豐厚😳每一啖都令人覺得好滿足🥹✨️Main｜Homemade Tortellini Filled with Carbonara, Parmesan Sauceand Crispy Guanciale 卡邦尼意大利雲吞賣相好吸引😊每一粒都比濃厚嘅卡邦尼醬裹住🥛雲吞皮比起一般嘅食嘅有彈性 而且蛋香味亦幾突出🥟配上酥脆豬肉碎 為菜式增添少少鹹香🥓✨️Main｜Roasted Lamb Rack with Artichoke 烤羊架表皮煎至微微焦香 逼出油脂🔥整體食落肉質都算係香嫩 略嫌帶少少肉筋🤌配菜為烤洋薊 味道帶點回甘苦味🫢整體菜式配搭不過不失😉✨️Dessert｜Tableside Tiramisu｜Bronte Pistachio $38全晚期待左好耐嘅甜品 亦都係餐廳推介菜式之一💫侍應會喺餐台旁邊 為大家整呢一道Tiramisu🍰由倒咖啡倒芝士 灑上咖啡粉及開心果 整個過程都好乾淨俐落🥰睇到都覺得好滿足好期待💖食落咖啡同意大利芝士加比例平衡得好好😉開心果份量真係好多 果香味為呢一道tiramisu增添咗唔少分數💯可以話係為成餐飯帶嚟一個happy ending☺️…Read More

最近發掘到一間位於上環西街的西班牙小餐館🇪🇸斜路旁一間寫意嘅Tapas🥂木系的主調配上巴洛克風嘅瓷磚好有異國風情🕯餐廳設有室內同半戶外餐吧🍴喺平日嘅中午時間嚟食 人流唔算太多😉可以好chill咁慢慢品嘗三道菜嘅lunch set☺️✨️Appetizer｜Sweet Potato Soup with Poached Egg第一次喺西餐廳飲甜蕃薯湯🍠又出奇地好飲😯湯嘅質感打得好細膩濃稠🍲清甜暖乎乎幾開胃♨️中間仲一隻水波蛋 增添一份蛋黃香氣🍳✨️Appetizer｜Baby Octopus Stew in Confit Onions迷你八爪魚以油封洋蔥醃製 配上香草醬🧅味道幾香口惹味😉八爪魚口感唔算好爽彈嗰種🤌帶點軟糯 咬落中間仲有少少爆汁嘅口感🐙同烤面包粒拌勻 係一份幾好食嘅前菜呢😆✨️Main｜Spanish Lamb Spareribs from Aragon ｜ Chimichurri Sauce $258有唔少人推介嘅烤羊肋肉🍖表面烤至微微焦香🔥肉質好軟焾 一切就同骨分離🔪羊羶味唔會太重 食落帶點油脂香🐑底下嘅薯角配菜吸引晒烤羊肉嘅精華🥔整體火候控制唔錯 十分惹味多汁☺️✨️Main｜Classic Wagyu Beef Tartare w/ Toasts $218呢個牛肉他他嘅造型幾狂野😂配有好多塊薄切酥脆嘅麵包片🍞旁邊有超多細蔥嘅牛油🧈而牛肉他他同平時嘅唔太一樣🧐肉粒切得比較細 整體鬆散一啲🤌偏向酸豆同芥末醬較多少少🫗配上面包同牛油一齊食 突出到牛肉嘅香氣😉✨️Dessert｜Catalan Cream雖然望落好似法式creme brulee咁 但係一款西班牙甜品🍮上層嘅烤焦糖相對厚身一啲🤏仲加入肉桂同檸檬皮調味🍋下層蛋布甸好細滑 蛋香味濃郁🐣係一款幾特別嘅甜品呢😙✨️Dessert｜Ice-Cream Scoop另一款係熱情果味雪葩🍧配上曲奇脆脆🍪味道清新爽甜🌿帶點微微酸味 十分解膩消暑❄️✨️Chocolate Cake｜Passion Fruit Ice-Cream $78最後發現咗一個小驚喜🥳朋友原本偷偷地order咗個朱古力蛋糕🍰寫上生日字句同蠟燭🕯朱古力蛋糕質感偏結實 因為裏面有超級超級濃郁嘅朱古力🍫配上清甜嘅熱情果雪葩🥭加埋一齊剛剛好 令人十分滿足🥰餐廳嘅環境整體比人感覺好舒服好cozy🌿可以好休閒地對住大街食tapas🍽而食物嘅質素都唔錯😉前菜, 主菜至甜品都好有Spanish風味 擺盤亦好有誠意💖加上生日慶生嘅小驚喜😜不失為一個想食好啲 friday lunch嘅選擇💗…Read More

位於中環擺花街嘅呢間日式秘魯fusion菜🇵🇪一向都好受歡迎❤️‍🔥餐廳環境昏暗有格調 以寶石綠及暗黃燈光點綴🕯帶點神秘又浪漫嘅熱帶風情💃今次嗌咗晚市set dinner 有好多款好啱開心share嘅菜色👭一次過試晒多款特色fusion菜😆🍴Dinner Menu $398 pp✨️Starters🥢Edamame Hummus第一次食鷹咀豆泥加上枝豆及芝麻, 七味粉的調味料🤫食落層次好豐富❤️‍🔥而加上薄脆 芝麻嘅香味更加突出🧂🥢T-3 Salad沙律內有南瓜, 鵪鶉蛋, 杏仁片, 甜薯乾等🥗配上麻醬和醋🫗整體新鮮清爽🌿🥢La Causa一款一口的炸蝦小食🍤配有蝦肉他他牛油果沙律及芥末醬🫗整體幾開胃 但就無咩太驚豔嘅感覺🧐🥢Ki-Mo-Chi唐揚炸雞係我最滿意嘅前菜🐣雞塊的確係即炸 每一粒都熱辣辣好juicy🔥炸粉亦好薄脆香口😊配上蛋黃醬 令人食到停唔到口😝✨️Main｜Pollo a La Brasa烤雞係秘魯嘅其中一道經典菜色🐣雞肉肉質偏結實🤔雖然唔似燒春雞嘅嫩滑 但都係幾juicy多汁💦加上孜然粉同辣粉等調味 以及秘魯奶酷醬汁🧂整體調味惹味香口🔥✨️Main｜Tacu Tacu另一道傳統嘅秘魯主食🍴以豆同香米加入辣粉, 蒜泥, 紅蔥頭等煮成嘅燴飯🍚淋上芥末醬及香草醬 食落味道層次好豐富😊但配菜都係以三色椒同洋蔥為主 可能會有啲單寡🤏幾個人share會較適合😉✨️Main｜Secreto另一道主菜點咗慢煮蒜香豬頸肉🐽薄切豬頸肉以和風甜醬油醃製🥢中和油脂嘅膩感😉豬肉肉質都煮得好爽彈🍖配上炒香嘅蒜粒同香蔥 十分惹味😋✨️Dessert｜Leche Asada下層的焦糖布丁質感細滑稠密🍮奶香味濃郁而唔會太甜😉令我最喜歡嘅係上層嘅焙茶雪糕☕️配上微微回甘嘅茶香增添層次🤌係一款會令人想encore嘅甜品🥰✨️Dessert｜Free 4 You另一款甜品係香橙杏仁烤蛋糕🍰淋上橙味糖漿 香甜而帶點微酸🍊旁邊配有焦糖雪糕 與暖暖的蛋糕一起帶出冰火相交嘅效果🧊係一款唔錯嘅甜品😉體驗幾好嘅一頓晚餐🥰餐廳嘅環境係一大加分位 燈光音樂有格調💡無論情侶定一班人聚會都好適合😉而店員服務都好熱情💁‍♀️最後仲送咗我地幾個女仔一人一杯gin shot😳啲酒都幾烈幾堅㗎🥃今次已經係二訪了 但相信都仲會再嚟🤩…Read More

最近同朋友嚟咗一間位於山林道嘅西餐廳🍴餐廳長期都十分full booking 係區內嘅人氣平民西餐😉餐廳以霓虹燈飾營造出玩味型格嘅港式格調💡而最特別嘅係菜色名全部都好盞鬼👻✨️門西淋牛豬仁雞 VS 蝦兵蟹將 $490蝦兵蟹將拼盤係餐廳必點招牌菜色🌟大大隻嘅龍蝦超級吸睛📸龍蝦肉煮得十分透徹好有咬勁🦞仲有炸軟殼蟹, 炸魚柳, 燒雞同蕃茄意粉🔪燒雞灑上滿滿的孜然粉 醃得好入味🐣適合鍾愛重口味嘅朋友😉整體真係好豐盛 兩個人嚟講好夠食🤰✨️特色一口手卷｜軟殼蟹 $88軟殼蟹一口手卷係店員推介嘅小食☺️紫菜包住珍珠米, 沙律菜同軟殼蟹🦀營造出多重爽脆口感💥加上和風燒汁同沙律醬🎐食落幾開胃惹味💁‍♀️✨️三分鐘舒緩經痛玫瑰花茶 $43飲品點咗養生健康嘅花茶💆‍♀️玫瑰花香味配上淡淡嘅蜂蜜🌹飲落清甜解膩 而且好暖胃😉真係幾適合女士們飲嘅花茶☕️整體嚟講係一間好有玩味格調嘅餐廳😉食物嘅擺盤同份量好足夠🍽性價比都算唔錯😗幾啱幾個朋友嚟聚餐嘅地方👭…Read More

位於佐敦嘅一間精品酒店Page 148裏面🏨有一個被譽為全港最好食嘅Tirasimu🍰今次慕名而嚟一試🤩Cafe位於酒店大堂旁邊 同休憩空間連成一空間🛋簡約木系裝修配上窗外的自然光 明亮而闊落🌿旁邊有唔少精品/書籍擺設 增添一點文青氣息📖✨️Homemade Tiramisu $52每一枱客人都必點嘅Tiramisu💫Mascarpone芝士打得細膩綿密🧀有淡淡嘅蛋香🐣口感唔會太流質/結質 完美地同咖啡手指餅融洽☕️咖啡酒滲透手指餅嘅每一寸當中 酒味溫和🥂濕潤程度剛好🤌整體嘅味道同口感都十分適中😆呢個價位嚟講質素超水準 果然無令人失望🥹✨️Breakfast Muffin｜脆皮培根煎蛋芝士鬆餅 $78餐牌亦有數款Brunch嘅選擇🥪原本一心想試tiramisu 無放太多期望喺main 但都幾有驚喜💝煙肉煎得十分香脆 帶微微焦香🥓而完美嘅太陽蛋一切開蛋黃汁流晒出嚟🍳鬆餅亦都係焗熱咗嘅狀態 表面微脆🍔配上楓糖漿 咸甜嘅味道好開胃醒神🍯比人一種充滿能量 好滿足嘅感覺🥰✨️Hot Latte $40選了house blend咖啡豆☕️味道香醇順口😉而牛奶亦打得綿密🥛上層薄薄一層奶泡🤏整體咖啡味道偏重一啲☺️係一杯水準以上嘅Latte💓Tiramisu同main都頗有驚喜 食物質素相當唔錯😋至於係咪全港no. 1就好視乎個人口味🤪但呢個價位嚟講 性價比爆登💰十分建議Tiramisu控前來一試👍而環境亦都好舒服寬敞 幾啱嚟歇一歇腳👭…Read More

天時暑熱就係特別想食泰國菜🏖最近同朋友喺尖沙咀食咗一個小清新人氣泰菜🤩平日夜晚都座無虛席👀餐廳行休閒輕度假風⛵️菜品為西泰fusion菜 有唔少獨家自創嘅得意菜色🍽選擇繁多 望落已經十分吸引😛✨️泰式生蝦刺身 $98前菜就先點一個清新開胃嘅生蝦刺身🦐生蝦都幾新鮮爽彈😉用碎冰底托住 配上酸酸甜甜的香草醋🌿整體十分之清涼開胃❄️✨️北海道帶子娘惹牛油貓耳粉 $158一道超高推介的主菜💫娘惹牛油醬汁惹味而香口☺️一方面有東南亞香料 例如茴香, 豆蔻, 薑蒜嘅濃郁味道🧄加入牛油令整體鮮味提升🧈貓耳粉完美地吸收晒醬汁嘅香濃味道🤌而帶子亦都幾鮮甜爽嫩😉整體配搭令人覺得幾驚喜💖✨️蛋炒咖喱軟殼蟹 $198一上菜已經聞到超級香❤️‍🔥泰式咖喱香料味同椰奶比例平衡得啱啱好🍛 輕微的辛辣帶濃郁的椰奶香味🥥配埋飯/薄餅無得輸🥹軟殼蟹嘅份量都幾多 炸炒薄而香脆💥旁邊仲配上好多嘅蟹肉🦀係十分豐盛滿足嘅主菜🤰✨️芒果糯米飯甜筒 $68呢一道可以話係必點嘅甜品🍧擺盤造型已經好igable 打卡一流📸倒轉的甜筒下放有椰子味雪糕🍦下層為糯米飯 旁邊配有芒果同埋椰汁🥭令某個糯米飯多左一份清涼甜絲絲嘅味道🍬係幾特別而令人驚艷的甜品💞✨️THAI MILK TEA $42餐廳招牌嘅樽仔泰式奶茶 我就揀左原味🧋奶嘅比例比起一般泰式奶茶冇咁多 唔會太膩😉茶味比想象中濃郁☕️配埋冰底 夏熱天時飲真係好清涼解暑🍃✨️LIME SODA $48青檸梳打都係一杯好適合解暑嘅飲品🍋清甜微酸令人覺得好開胃💚亦都可以中和返頭先食飯嘅膩感😉擺盤同味道都講究嘅餐廳🍽唔少fusion菜色都頗有驚喜😍餐廳休閒嘅氛圍都好適合同朋友聚會👭仲好啱幾個人一齊share食物😚係一間有質素嘅人氣餐廳💝個人認為回頭率都幾高添👍…Read More

中環嘅Wyndham Street一帶有唔少酒吧林立🥂最近發掘到呢間法式小酒館💫酒吧門外有唔少企喺度chill drink嘅吧枱 帶有homie嘅感覺🏡星期五嘅晚上嚟到氛圍好愉悅放鬆😚音樂亦都係好輕快嘅jazz/pop song🎵而餐牌上有唔少經典嘅法式菜色 今次就點咗幾道菜醫醫肚🇫🇷✨️Grilled Bone Marrow $138先點咗一份bone marrow作為餐前小菜🤌但其實份量一啲都唔少 而且賣相都十分吸引😛牛骨髓上鋪咗滿滿嘅蕃茜同百里香🌿連同牛骨髓一齊放喺香脆嘅多士上進食🍞牛油香氣嘅襯托令香氣更加突出🧈但整體嘅味道略嫌偏酸咗少少 不過都不失為一道香口開胃嘅小菜🤏✨️Ravioles｜Truffle Sauce $168Ravioles嘅奶油香味超級濃郁 一上菜就聞到🤩松露奶油醬汁包裹住每一粒ravioles🥟內餡係菠菜芝士 有淡淡嘅清香☺️食落膩感唔會太重🥛但松露嘅味道就唔算突出 被芝士同奶油香蓋過🧀✨️Beef Tartare｜Fries & Salad $228Beef Tartare基本係我每次到法式酒館都會嗌嘅菜色😋餐廳選用嘅牛肉肉質唔錯 食落嫩滑無筋🍖而比較特別嘅係放得比較多Dijon Mustard/蛋黃醬 取代生蛋黃🫗整體色調偏白 同埋醬汁多啲🤌但食落味道十分不錯 酸度適中😳配上無限任添嘅面包 令我地食得好滋味🥖✨️Orange Juice $40✨️Peppermint Tea $40一間隱藏於酒吧後嘅高質餐廳⭐️酒吧餐廳本身嘅氛圍感帶濃厚嘅法式風情🇫🇷輕快而chill嘅音樂 吸引唔少外國臉孔嘅客人🥂而店員態度亦都頗熱情😉餐廳食物嘅出品都令我覺得一啲驚喜 水準十分不錯☺️價格喺中環嚟講都位於合理水平💰回頭率幾高 不論happy hour定晚餐都值得一試💖…Read More

平日lunch time搭到去上環一帶搵好野食🚋呢間西日fusion居酒屋復古嘅裝修環境帶出神秘格調🕯淡色系花草裝飾配上黃燈十分有情調💐而Restaurant Week期間推出嘅三道菜Lunch Set套餐性價比亦都頗高🍴決定同朋友嚟試一試🥰🍴3-course Lunch Set $198✨️Starter｜Okinawa Fried Chicken本身以為會係平平無奇嘅炸雞 點知一嚟已經幾有驚喜😛新鮮即炸熱辣辣嘅炸雞🐣炸皮均勻薄脆💥而雞肉肉質鮮嫩 鎖住晒肉汁💦表面沾上蒜蓉蜜糖漿 甜蜜而十分香口🍯✨️Starter｜Beef Tataki $38另一道前菜Beef Tataki水準亦都不錯🥢菲力牛肉肉質軟嫩無筋🐂而醬油調味適中 淡淡嘅咸香滲入牛肉當中🫗牛味更加濃郁🤌配上香椒同脆米 令口感更加豐富☺️✨️Starter｜Hamachi $38金槍魚刺身肉質偏結實 帶微微爽彈🐠白身魚嘅魚香本身唔會太濃味 帶淡淡嘅油脂香😉配上柚子醋醬汁🍊整體酸酸甜甜 十分開胃😚✨️Main｜Sushi PlatterSushi Platter有三文魚, 油甘魚同吞拿魚手握壽司🍣都係一貫西式嘅壽司做法🥢魚生經油漬調味 包住醋飯🐟原本已經有淡淡咸香🧂飯粒同魚肉肉質都係偏結實一啲🤌整體味道不過不失😉✨️Main｜Pork Belly另一道主菜揀咗烤豬五花🐖反而有啲驚豔到🤩豬五花嘅份量幾足夠 而且肉同油脂層次分明🐽配上蛋黃醬, 芥末同蔥花中和油膩感🌿味道香口而有令人滿足嘅感覺☺️✨️Dessert｜Yuzu Sorbet最後以柚子雪葩甜品作結🍧柚子雪葩質感好綿密🍊但本身味道偏甜 再加上檸檬糖漿 令到整體比較甜膩🤌而且同火龍果, 西瓜等生果唔算太夾🍉整體嚟講係性價比幾高嘅lunch set💖係喺restaurant week期間訂位📞餐廳環境已經好舒適好有格調💐食物質素都保持水準 每道菜都頗有誠意🥰回頭率幾高 會期待下一次試試晚餐menu🍽無論情侶/朋友聚會都十分合適嘅地方👭…Read More

銅鑼灣ZING!一向都有唔少餐廳雲集😋今次同朋友食飯揀咗呢間行精緻型格路線嘅日式居酒屋🍻餐廳主打西日Fusion菜式🍽而最近嘅10蚊串燒優惠吸引咗我地到訪🪙餐牌上嘅串燒全部都係$10至$30🍢仲有唔少優惠食品 例如燒蠔同手卷🍣不知不覺間就點咗好多野食😝✨️火炙刺身沙律 $128前菜喺主餐牌上點了一個刺身沙律🥗以三文魚, 油甘魚, 同左口魚鋪面🍣火炙帶出魚嘅油香滿溢💦下層的沙律菜配上黑醋汁 酸酸甜甜 十分開胃😉✨️$10 串燒🍢燒牛柳🍢雞骨豚肉腸🍢日本甜薯🍢豚肉秋葵卷10蚊串燒區主要屬於蔬菜類 同簡單類式嘅肉類🍢可以點嘅菜式種類都唔少😉例如甜薯, 秋葵, 冬菇, 粟米等清新嘅蔬菜🌽肉類嘅牛柳同豚肉腸都幾juicy 而且無筋☺️每串份量亦都合理 可以話係性價比滿分😆✨️$20 串燒🍢豚肉大蔥卷🍢紫蘇雞肉20蚊串燒區主要以雞內臟/部位 同埋簡單肉類為主🐣由於唔係太喜好內臟 我地就無點太多😄而豚肉大蔥卷同紫蘇雞肉味道不過不失☺️清新而香口嘅串燒配搭🌿✨️$30 串燒🍢蒜香橫格肌🍢蜜糖芥辣羊西冷🍢燒赤蝦🍢燒芝士年糕🍢紫蘇藥雞皮蝦卷30蚊串燒區整體以特色調味串燒為主🧂蒜香橫格肌同蜜糖芥辣羊西冷食落好惹味🍢而肉嘅火候同熟度亦都剛剛好🔥燒芝士年糕亦都係不錯的選擇🧀其餘赤蝦同雞皮蝦卷就屬於普通 略嫌比較硬身🤏✨️手卷🍣三文魚 $16🍣蟹籽沙律 $16🍣黑松露帶子 $20🍣蔥油甘魚蓉 $20除咗串燒之外 手卷亦都係必點嘅特價食品🤩每一個手卷都十分足料 大大件刺身放喺面🍣賣相亦都唔錯 十分適合打卡📸食落魚生係有相當嘅厚度 油脂都幾香🐟性價比超高之選💰✨️蒜蓉牛油燒生蠔 $16另外點咗燒生蠔🦪滿滿的蒜蓉牛油鋪面 聞落超級香🧄生蠔本身唔算好大隻 但都算係飽滿😉以$16嘅價錢嚟講 質素都已經好不錯☺️無論係兩個人 定一班人都適合聚會嘅地方🍻餐廳嘅食物種類好多而且都幾有特色😆最近推出嘅串燒優惠都頗有誠意🍢價錢比起主餐牌平一大截 同時保持到食物出品質素🥰種類繁多 令到我同朋友都不知不覺間點咗好多野食👭整體覺得十分滿足🤰…Read More

最近RaRe喺中環重開 位於農業銀行大廈地下🏢由法國藍帶廚師主理嘅精緻西餐廳💫餐廳嘅裝潢以木色同柔和黃燈作主調🕯加上落地玻璃大門透出自然光 呈現簡單雅致嘅感覺💝今次同朋友就點咗一份二人set dinner👭豐富而且性價比都幾高☺️ 🍴6-Course Set Dinner for Two $699✨️Appetizer｜Parma Salad點咗一道開胃嘅前菜🌿Parma Ham份量都幾多🐽而且油光好靚之餘 帶恰到好處嘅咸香🤌配上沙律菜同黑醋汁🥬清新帶微微酸甜 十分開胃😊 ✨️Appetizer｜AUS M8 Wagyu Beef Tartare而Beef Tartare嘅擺盤十分精緻可愛💐肉質香嫩無筋 味道平衡亦都唔錯🐂一口size嘅麵包toast香脆有點牛油香🍞作為一個香口嘅開胃前菜剛剛好😛 ✨️Black Truffle Mushroom Soup黑松露蘑菇湯真係有少少驚豔到🥰一上菜就見到黑松露片真係好多🫣啱晒我呢個黑松露愛好者😚而蘑菇湯嘅忌廉味亦幾香濃🥛口感方面仲食落一粒粒嘅蘑菇碎🍄十分之足料而濃郁嘅湯🥄 ✨️Pasta｜Sea Shrimp Linguine｜ Chili & Garlic大大隻嘅海蝦放於扁意粉上 簡單煎香食得出蝦嘅彈牙新鮮🍤意粉主要以蒜汁同黑椒調味 質感偏乾爽🍝帶微微搶口嘅辛辣味🌶意粉整體份量都比較多 我地兩個女仔都食唔晒😳 ✨️Main｜RaRe Ginger Duck Leg第一次食到姜母鴨融入於法式菜式當中🧐鴨肶肉加上薑同中式藥草腌製🌿再以西式嘅肉汁, 香料同酒調出醬汁🫗去除鴨羶味之餘亦可以增添味道層次🤏鴨肉質感較結實多汁 鴨香味濃郁🦆配上橙果醬汁 帶清甜嘅味道🍯令菜式更加可口😉 ✨️Red Wine Braised Beef Cheek Mixed Green Salad｜Mashed Potato另一道主菜係紅酒燴牛面頰🥩牛面頰肉熬煮得非常入味🍲肉質軟焾 輕輕咀嚼而且化開😋紅酒味道亦平衡得唔錯🍷而作為配菜嘅薯蓉亦十分細滑🥔濃厚嘅忌廉味配上牛肉汁 不失為一個好嘅配搭🍴 ✨️Dessert｜Mango Mille Feuille甜品先來一道芒果拿破崙🍰中間夾住吉士醬 同多到爆出嚟嘅芒果粒同芒果蓉🥭酥片薄脆酥香🧈令人十分滿足🥰 ✨️Dessert｜Fresh Fruit Cheese Tart仲有兩個one bite size嘅藍莓撻🫐芝士內餡幼滑 而且幾輕盈🧀以清新甜蜜嘅甜品作為結尾😚 餐廳整體氛圍幾輕鬆雅緻☺️店員亦會好殷勤地介紹餐牌上嘅選項💁‍♀️而晚餐嘅二人set的確性價比幾高💰每人6道菜真係超級豐富 而且餐點都頗有特色😉兩個人真係飽到捧住個肚走🤰整體十分之滿足🥰仲可以有咁好嘅環境同朋友傾計食飯 真係幾好嘅體驗👭 …Read More

行過觀塘 發現到呢間好靚好igable嘅cafe📸見到就吸引咗我入去🤩以木系同乾花鋪設嘅裝修 呈現出峇里風嘅格調💐仲設有室外座位 可以帶埋寵物嚟食飯🐶而餐廳主打泰式fusion菜 有唔少獨家創意菜式🍽成個感覺好chill好舒服 十分適合weekend去放鬆片刻💖 ✨️香蔥涼拌炭燒牛舌 $88先來一道好惹味嘅開胃菜😉四大片厚切牛舌鋪喺上面🐮牛舌烤得剛剛好 食落超級軟嫩多汁👅而下面墊住嘅青瓜洋蔥沙律配泰式酸汁🧅微辣嘅味道十分開胃清新🌿整道菜色真係幾驚艷🥰 ✨️白酒牛油煮魷魚｜香辣茄子醬 $78另一道小食同樣充滿心思💞魷魚好爽口彈牙🦑只用上簡單嘅調味 品嘗到淡淡白酒同牛油香氣 唔會蓋過魷魚嘅鮮甜🧈而配上嘅香辣茄子醬味道溫和帶微微辣勁🌶搭上茄子嘅清甜令整道菜式好有東南亞風味🌴 ✨️泰式辣椒膏奶油海鮮意大利飯 $128呢個Risotto亦都係一道泰式fusion料理🌴一食落口十分之creamy 奶油味超級濃郁😍而米飯飽滿而硬度適中 帶微微煙韌有咬口🍚而醬汁混入泰式辣醬🌶個味道好特別令我有驚艷到 食落幾惹味😋加上蝦, 帶子, 魷魚等配料質素都不錯🦐令我同朋友都食得好滋味😉 ✨️椰香花生醬朱古力牛角包窩夫｜楓糖合桃雪糕 $78呢道超級邪惡嘅甜品 喺Croffle上放咗滿滿嘅忌廉同花生醬😈食落花生醬味係超濃厚🥜而croffle可能被厚忌廉壓住 沒想象中被香脆🥐但配上楓糖合桃雪糕 令味道層次更上一層🍦兩個人一齊share真係十分滿足👭 ✨️熱帶水果綠茶 $45用一個好可愛嘅茶壺裝住 木系嘅設計令成件事儀式感滿滿🫖綠茶茶底好清醇順口🍵帶水果香味 認真品嘗會滲出淡淡甜味🍍十分清新解膩🌿 ✨️Ocean Paradise $48天藍色嘅飲料十分夢幻 打卡一流嘅飲品📸飲落味道似忌廉鮮奶🥤加入少少檸檬汁 感覺幾清爽涼快🍹係一款十分適合夏日嘅飲品🏖 餐廳除咗裝修十分靚 十分適合打卡之外📸食物出品一啲都唔馬虎🤩食物嘅擺盤好有心思 而菜式亦都係自家構思嘅fusion菜💞味道亦都頗有驚喜😋餐廳嘅環境帶比人一種療癒嘅感覺😌成個用餐體驗好完美 足以refresh咗我整個下午🌿…Read More