ButterflyLibra's Profile

買左飛睇戲，仲有一段時間先開場，搵地方先醫肚，印象中依到附近有間餐廳經常排長龍，我地決定上去試試碰下運氣，可能時間尚早，幸運地有位。我地叫左一個定食和一個shabu shabu，仲有兩杯飲品。吉列牛定食，定食包括有紫菜飯，麵豉湯，胡麻醬豆腐，番茄沙律，同埋主角吉列牛肉。牛肉定食配上一個迷你明火燒爐，因牛肉是半生熟的。要自己燒熟，幾多成熟？ 自己話事。炸過的吉列邊邊好脆，好香，好食。呢款飲品叫 citrus ocean，味道似波子汽水，顏色好靚。咖哩牛肉shabu shabu，配上好多蔬菜，菜索晒咖哩汁，好入味。牛肉配襯咖哩湯，牛肉入口鬆化，有驚喜。最後煮埋個烏冬，烏冬夠Q 彈，完滿。食完大滿足，好耐都未食過咁高水準的定食餐廳了…Read More

同朋友行開金魚街，上網搵到附近有間有火山排骨的泰菜，賣相幾吸引 價錢又唔貴 仲要多選擇。因為在單楝大廈食市，所以一出電梯就是店面。職員好好禮貌帶位，也有介紹菜色，我地點左幾款。第1道菜就是我去泰國餐廳必點的菜色 — 馬拉棧炒通菜。食落夠辣 非常香口 份量也多。明爐烏頭，另外再有肉碎湯另上，有火一直蒸住個爐，keep住個湯熱辣辣，烏頭魚肉好滑，湯底酸酸辣辣。重頭戲來了，火山排骨。去泰國旅遊都必食的餸菜，不論擺盤，味道，份量都跟泰國一模一樣，好岩打卡。排骨真系大得誇張，每條都好多肉，配上佢地特制的酸辣汁，好好味。依到的泰菜價錢相宜，味道與份量也令人滿意，CP值很高的餐廳。…Read More

知道將軍澳近海皮，翩匯坊開左好多餐廳，得知有間台式料理好想試下，book左位下午，避左人潮。地方闊落，都坐得幾舒服，外邊對住海景。我地叫左酸菜魚套餐，味道有麻辣，藩茄同古早味揀，我地揀左古早味道，另外套餐可以半價叫2支啤酒，但因為要揸車，所以都系叫左兩杯台式飲品套餐仲有包一碟鴨血，我覺得幾抵食。上菜了，烤酸菜魚鍋，問侍應哥哥話系鉗魚黎，魚肉好滑唔孩口，湯底好入味，好掂！仲有佢d配菜，茅菜，豆卜，爽晒湯汁，好好味。食台式料理，點少得鴨血，少少辣，鴨血夠實正又夠Q彈，唔錯唔錯。飲品叫左菠蘿橙梳打，同埋巨峰提子梳打，甜度岩岩好，又可以解辣。其實另外可以加錢追加牛肉打邊爐，但真系太飽了，食唔落，下次留肚再黎過。…Read More

難得放假想同朋友去撐下枱腳吹下水，揀咗間位於元朗嘅一間cafe小店，雖然位置有啲隱蔽但係裝修夠明亮同小清新好似漆黑中嘅螢火蟲 第一眼就非常吸引食肉獸嘅我叫咗個7成熟肉眼扒，肉眼扒肉質軟嫩 咬落非常juicy肉味頗濃 加埋gravy食真係一流仲配埋細沙律同脆薯條份量又大又滿足冬陰公蟹肉risotto 依個好推介！啲飯粒吸曬醬汁 粒粒飽滿唔會太軟身有咬口蟹肉好足料啖啖肉 份量多到鋪滿個飯面再加上冬陰公辣辣地又酸酸地嘅風味令成個飯昇華咗另一個level醬燒帆立貝 夠足料好多芝士同蟹籽係面 帆立貝食落夠軟滑青檸薄荷梳打酸酸地解膩一流 最緊要好fresh…Read More

因為疫情好耐無出過街，突然心血來潮好想食燒味飯, 但又唔想去樓下酒樓, 因為樓下酒樓啲叉燒唔好食😂所以最後揀咗出遠少少去灣仔食一間地道嘅燒味飯。經過小巷會見有間鋪, 門面光鮮又亮眼。裝修係似新式茶記點左叉鵝飯同叉油雞飯, 仲有例湯。例湯有好多湯料飲得出係無添加味精唔太鹹又夠熱叉燒肥瘦適中岩岩好,，顏色好靚好吸引，肉質食落軟嫩又多汁，再加上甜甜地嘅叉燒汁撈飯一流。師傅比左燒鵝脾我地 啖啖肉鵝皮燒得好香脆 最緊要個飯吸曬啲鵝油！油雞肉質夠曬滑唔會嚡 平時我都唔會食塊皮因為太油但依個我連皮食埋 因為個皮好入味 入口又唔會好油配埋蔥茸一齊食 可以食兩碗飯…Read More

不如意嘅一日，最想就係放工飲杯酒 遠離城市煩囂，位於太子嘅隱町係花園街嘅小巷，類似係一間隱世嘅居酒屋，而日本嘅居酒屋就係我逃避現實嘅好地方，可以靜靜地食下串燒 飲飲酒同朋友呻兩句。好多酒嘅種類，岩曬酒鬼嚟打卡。汁燒雞肉蔥串雞肉燒到好香肉質又嫩又juicy加上醬汁同蔥花令佢個種肉香提升咗個level雞皮係串燒必嗌嘅嘢食皮好夠脆 咬落係啖啖油香送酒真係一流蒜香牛肉蔥卷見到牛肉片咁薄以為會好乾但咬落都幾多汁 加上爽脆嘅蒜芯無咁油膩芝麻雞翼皮脆肉嫩多汁 岩岩炸起熱辣辣一啖肉一啖酒 真係咪話唔爽青葡萄豚肉卷見到覺得好新奇所以想試下本身對佢期望唔高點知食落好驚喜豚肉比較有油脂香 食得多會有啲膩但加咗酸酸甜甜嘅青葡萄 令到豚肉嘅肉味更加濃更加多汁又解膩免治雞肉釀冬菇係每咬一啖都不停爆汁我以為免治雞肉會乾但因為有冬菇令到成舊都好香好juicy燒飯團如果係鍾意食飯焦嘅朋友一定要嗌好食到不得了每啖都外脆內濕潤 仲要用珍珠米 更加有咬口隱町依間小店做嘅嘢食定係環境都好唔錯好有居酒屋風味想放工同朋友飲兩杯傾下計 依到係一個好好嘅選擇…Read More

約朋友聚餐唔知食咩？計我話叫餸食飯就最好一嚟價錢可觀二嚟唔洗左諗又諗呀嘛今日同朋友去咗灣仔嘅大排檔小炒食飯環境同一般嘅大排檔唔同佢比較新式同埋有特別嘅裝修叫咗3個餸1個飯我最鍾意就係拔絲咕嚕肉肉質又嫩又多汁炸粉唔太厚又夠脆因為個汁用咗拔絲嘅方法去整所以會甜啲同埋會有少少脆焦糖嘅口感花甲蒸水蛋超級多花甲係入面隻隻都好飽滿蒸水蛋好滑一啲都唔老最緊要啲花甲嘅精華係曬蛋入面啖啖都好鮮甜黃金鮮魷依個真係邪惡首選咸蛋黃做嘅醬勁濃郁加上外脆內爽口嘅鮮魷送飯一流金牌煲仔飯好多臘腸臘肉蝦米鋪係面食落好香口 加埋底部嘅飯焦真係一啖接一啖咁停唔到口…Read More

一星期難得又到放假嘅時候緊係去搵靚地方chill chill佢啦雖然中環係有好多酒吧選擇但今日就揀咗去男神吳彥祖開嘅酒吧因為佢望落環境好靚 氣氛輕鬆 真係好perfect入到去有個小型酒廊 坐位坐得舒服又闊落午市嘢食有幾款日式嘅fusion菜淨係望圖都覺得好吸引我同朋友叫咗款嘢食照燒雞扒冷烏冬烏冬口感煙un 唔係煮到溶爛個種嚟食落清爽 加上青檸汁好fresh雞扒應該有微微煎過 外層香口內裡嫩滑黑松露叉燒鵝肝飯 依個飯真係不得了慢煮叉燒好入味 肉質好嫩滑帶有肥膏嘅位置入口即溶 仲有一大件鵝肝 入口成口油脂香配上自製越式醃菜帶酸解膩 一口叉燒再加上一口蛋汁撈飯真係一流叉蛋飯再唔係頹飯了！蛋應該都係用日本蛋？因為蛋黃味道比普通蛋更加濃撈上白飯真係人間美味…Read More

每日就係翻工放工翻工放工，假期都比老細啲job趕到癲，趕到就連自己生日都唔記得埋，但我男朋友真係一個好細心嘅人知我壓力大又唔記得哩樣個樣原來佢一早就訂咗間樓上酒吧同我慶祝，同我慶祝之餘 佢仲想我係依段時間鬆一鬆🥺。入到去氣氛唔錯 燈光偏暗但充滿情調。芝士流心蟹餅淨係聽個名都夠曬吸引 點知一切開哇 食慾即刻大增！蟹餅炸得乾身唔油膩 裡面嘅芝士放得一啲都唔手軟多到係爆出嚟入口外脆內軟帶少少juicy 蟹餅食到啖啖蟹肉真材實料佢仲配咗個芥末沙律醬 食落絕對唔膩仲好滿足。慢煮比目魚配牛油汁比目魚肉好滑好多汁 啖啖都係肉無咩骨，皮有微微煎過 又脆又香口加上濃郁嘅牛油汁 推薦比愛魚之人蒜片辣椒煮大蜆大蜆隻隻都好多肉 漲卜卜一咬落去好多汁 無沙仲幾鮮味用咗蒜片同辣椒炒好香口 送酒一流嘅小食辣茄汁大蝦扁意粉意粉軟硬度岩岩好有咬口辣茄汁食落夠惹味又開胃 酸甜得嚟帶啲微辣大蝦肉質彈牙唔霉 仲要啖啖肉甜品係心太軟配雲呢拿雪糕吱碟吱得好靚好有心機心太軟夠流心 蛋糕外皮脆得嚟帶濕潤朱古力嘅甜度唔會好高 偏苦少少但依種甜度幾好 唔會食多兩啖就膩…Read More

我係一個食麵多過鍾意食飯嘅人，每次同同事食lunch都一定會揀麵店，尤其是我真係好鍾意食啲手工製嘅麵，真係會食得出麵質比機做更彈牙更有咬口同埋更香麵粉味。同事知道我依個人無麵不歡，今日食lunch突登帶我去一間手工製嘅刀削麵館。入到去有種小店嘅感覺，位置雖則唔多但坐得舒適。我叫咗兩碗麵 兩個小食仲有嘢飲。叫咗個蒜泥燻蹄刀削麵，刀削麵嘅麵質無得彈！麵質有咬口得嚟唔會過淋 偏硬少少，我好鍾意依種質感。蒜泥燻蹄好香 啖啖都係肉，燻蹄唔會好鹹 只係少少鹹香，加埋蒜泥食好夾好好味。口水雞好大份，雞肉質嫩滑而且好肥美，口水汁唔會好辣 微微地辣帶麻。餃/雲吞 皮比較厚同有咬口，但餡都唔少仲要幾juicy。一試過真係翻唔到轉頭 啲麵質同小食真係無得彈。…Read More

因為朋友生左bb, 專程入到去佢粉嶺屋企探佢, 晚上要搵地方醫肚, 就在粉嶺區搵好野食。在粉嶺聯和墟有1間招牌好光, 面積好大既酒吧餐廳, 望落環境好舒服,Menu上嘅食物又非常吸引,而且不用等位, 就入去食下。烤焗豬柳卷, 啖啖肉, 肉質好腍好易咬開, 加上蔬菜夾在內, 好清新開胃。法式羊架, 1份有3支, 每支都好大舊,肉質軟腍 羊味較重加埋充滿香料嘅麵包糠 啖啖肉同埋伴菜既鮮露筍好入味, 讚!美國肉眼扒, 叫咗5成熟但有少少生但都係我接受到嘅熟度肉眼扒肉質軟嫩多汁唔會太淋無咬口雖則偏生咗少少但都唔會太血淋淋 反而仲濃牛味咗蒜片辣椒檻欖油扁意粉, 蒜片同埋紅蔥頭抄得好香口, 意粉軟硬度適中味道香得嚟帶辣辣地, 會追住食。最後叫左個甜品tiramisu作晚餐句號Tiramisu好滑同重咖啡酒香加上苦苦地的可可粉 食多幾啖都唔怕膩…Read More

同事話附近有間高質西餐, 晚市6點後主菜買1送1, 仲每位送特盛刺身1客添, 好吸引, 今晚一於dinner就食佢啦。1入門口先經過1間大包廂, 望落可容納十多人, 私人聚會岩晒。侍應先介紹每日推介, 有聖子皇刺身, 清理得好乾淨, 食得放心, 入口非常爽口清甜。跟著有生蠔, 入口creamy, 唔錯。帶子沙律, 帶子成隻匙羹咁大, 啖啖肉。餐湯又creamy又濃郁配麵包食一流。豬鞍架, 肉質軟熟, 一d 都唔孩, 底部配上爽晒汁既茨容, 食到停唔到口。因為唔飲酒關係，我地叫左沙冰和花茶, 只系賣相都好高分。…Read More

我係一個超級韓迷，更加係一個韓國菜fans，今日男朋友話帶我去一間好好味嘅韓式家庭餐廳，佢話佢之前lunch食過一次覺得好正 好地道，所以一定要帶埋我去食多次。入到去好韓式咖啡店嘅感覺 環境舒適又闊落。食韓國嘢最鍾意就係佢地嘅前菜，泡菜食落好新鮮 偏酸唔會太辣，蘿蔔食落脆口 酸辣酸辣咁好開胃。薯仔排骨湯帶少少微辣，湯夠熱辣辣仲要好足料，飲落有豬骨味又有少少韓式豆瓣醬味，最好食係啲薯仔 吸曬湯入曬味。啲豬骨舊舊都好大舊仲要好多肉，味超級地道 配多碗白飯真係一流。牛骨湯真係好足料，湯底好濃牛骨味仲要有好多蔥，肉片好多好嫩好好味。泡菜餃子 勁大隻，入面啲餡多到爆出嚟咁濟，皮夠薄餡料夠多，一咬好多汁爆出嚟 仲要酸酸辣辣咁，好好味。…Read More

今日放lunch嘅時候同事表示想食泰國嘢，咁我就諗起之前係廣東道食過一間泰菜，佢算係自助式嘅餐廳 抵食又多款選擇，唔單止嘢食好地道仲要有個無敵靚景，無論係白天定夜晚都一樣有feel。冬蔭公好好飲啊 佢酸得嚟帶啲辣度，香料葉好濃味 再加上有少少椰汁味道最似我係泰國飲過嘅味。炒飯炒得好好唔會濕 飯粒粒粒分明，而且佢都係有啲辣辣地咁好惹味。粉絲唔好見佢無咩顏色，食落好香蒜味同帶酸辣味，食完勁開胃。炸蝦餅 食落乾身唔油膩，咬落外脆內彈牙，而且入面保留咗啲油份，食落超級香口。蒸南瓜布甸 個布甸好香蛋味，食落綿滑 蒸得岩岩好，初初入口蛋味較濃 慢慢化開有浸奶香，配上香甜嘅南瓜 好滿足。芒果糯米飯 芒果超級超級甜 而且係爆香，糯米飯夠黏同夠煙un帶少少咸味，配上濃濃嘅椰汁同芒果 好幸福。…Read More

作為一個吃貨，一日三餐點會夠食點會夠飽，係午餐同晚餐之間一定要食翻個下午茶，食完先有力做埋啲嘢放工㗎嘛同事帶咗我去一間泰菜餐廳食下午菜。叫咗個海鮮冬蔭公湯配河粉，冬蔭公湯好好味 唔會太辣，味道好濃郁帶少少酸味，而且香料味都幾重 河粉夠滑，下午茶食一碗超滿足。札肉、豬肉丸豬骨湯配河粉，湯底好重豬骨味仲有好微嘅藥材味，札肉吸曬湯一咬就爆汁，豬肉丸彈牙得嚟又重豬肉味。炸蝦餅外脆內彈牙，炸得香脆唔油膩，加埋甜酸醬一流。…Read More