chefjam's Profile

同老公兩個人去慶祝情人節，餐廳有情人節套餐，不過我哋主打想食燒鳥，所以直接單點唔同嘅雞串燒。好少見到有女師傅負責，今日全程都係兩位女師傅，串燒非常出色。餐廳全部用日本刺身雞，大部份燒到八成熟，雞肉入口非常有鮮味而且嫩滑，簡單配上鹽或醬油已經足夠。雞內臟，完全沒有雞嘅腥味，各個部位配上適合嘅調味，燒得香脆，而且有濃郁雞味。雞白湯拉麵亦非常出色，雞湯濃郁。另外叫咗燒白鱔，白鱔香脆爽口，值得推介。香港餐廳越嚟越難做，遇到用心做嘅餐廳值得介紹。…Read More

話晒係出名嘅扒房，牛扒係做得出色嘅，我叫五成熟，中間切開真係粉紅色。我叫咗份sirloin， 牛肉味濃郁，非常之腍同埋嫩滑。表面有少少火燒過嘅香脆，但係唔柴皮，咬落去有肉汁，非常唔錯。除咗牛扒之外，其他嘢就真係一般。主要服務配唔上頂級扒房。 我哋點咗兩杯餐酒，但係佢冇俾支酒我哋睇，只係喺醒酒器直接斟俾我，我哋都唔知邊酒打邊支酒，而且冇俾我哋tasting 。前菜有份牛肝多士，我哋問服務員攞把餐刀，佢哋話只係得切牛扒嘅刀，而且唔太願意幫我哋攞。上湯嘅時候，餐巾浸咗落我碗湯度，冇幫我換，繼續上俾我。我聖誕節去食可能比較繁忙，希望餐廳注意服務質素。…Read More

菜式絕對令人有驚喜。第一次喺香港食到咁有創意嘅素食餐廳。食物質素高、食物配搭組合有創意、造型有心思，整個用餐過程令人非常享受。平時嘅素食，俾人感覺好油膩或者會用好多醃製嘅仿肉類製作，例如齋叉燒、齋鰻魚、齋滷味等等。係呢間餐廳你只會食到食物嘅原味。新鮮嘅食材加上廚師對不同食物味道嘅組合及烹調手法，非常能夠帶出食物嘅鮮味。如果你想試一餐真正嘅素食，絕對值得用呢個價錢去嘗試，餐廳成功地重新定義「素食」👍…Read More

星期六晚上7:30光顧，人流不算多。可能靠近商業大廈，相對於較早前平日晚上到訪，星期六晚上人流比較少。或者星期六宵夜時段人流比較多。串燒一如以往高水平！食材新鮮高質素，師傅有心有技術。同時也有多款清酒供選擇，也可以讓店員介紹wine paring 。員工與食客大部份打成一遍，有說有笑。如果想自己休息一下、或與三五知己品嚐美食美酒，絕對推介。但由於只有吧枱，人數太多，可能不方便。餐廳面積不大，可以考慮包場活動。…Read More

性價比高鐵板燒😋復活節食留港消費食好啲！晚飯時間選擇咗餐廳嘅廚師發板。九款時令海鮮，其中一款係立鱗燒配酸菜魚汁，創意到十足，魚肉嫩鱗脆，配上酸味麻味，個人非常喜歡👍另外幾款時令海鮮當中，比較欣賞生蠔、燒魚配魚蓉粥、蟹黃羹。生蠔新鮮冇得輸，魚蓉粥有香濃嘅魚味、蟹黃羹有濃郁嘅蟹味，食到一嚿嚿蟹膏非常鮮甜😋主食選擇做A5和牛，廚師俾我哋選擇要瘦啲定係肥啲，我揀咗肥啲。可能上一道菜已經食咗鵝肝多士，令我覺得嚿牛肉太油膩，但師傅做得好好，我要medium，佢煮出嚟個中心位置仲係粉紅色。建議怕油膩嘅朋友下次選擇小肥。如果想食環境，呢間未必啱，但係氣氛十足，廚師同食客打成一遍。…Read More

同老公帶埋一歲嘅BB去食，餐廳侍應好幫忙，全程都好好服務，幫忙準備BB餐具，安排座位，值得一讚👍我哋揀咗6 courses Tasting Menu , 冇特別驚喜，但不過不失。6道菜中，我個人比較喜歡2道菜。頭盤- 鴨肝慕絲・藍莓醬・松露MOUSSE DE FOIE GRAS DE CANARD。鵝肝味好濃好creamy ，配藍莓醬，成件事好balance。但有少少搶過咗松露嘅味道。頭盤2 - 意大利餛飩配野生蘑菇 ・ 白酒忌廉汁 ・ 松露RAVIOLI AUX CHAMPIGNONS SAUVAG芝士忌廉配松露好夾，有松露點綴，帶出芝士嘅味道，兩者相輔相成。主菜，我點左三黃雞，雞脾薄脆、唔油膩，雞肉都算嫩口，但略嫌冇雞味。其他菜式合格，冇特別加分。餐廳環境，大部份望海，夜晚同朋友食飯傾偈應該都好唔錯。…Read More

最近去開黃埔，發現美食坊開咗間新嘅中菜館，入去試一試，竟然有驚喜！我去嗰日係平日7:30pm，一開始唔算多人，八點左右開始滿座，同啲夥計傾開先知道，原來佢哋目前試業中，另有一間店舖起土瓜環。首先佢個餐牌，好多種類嘅嘢食，當中有唔少我哋想點嘅都需要預訂，我哋咁好彩有人cancel咗，試到其中有兩款。除咗家常便飯，亦都有啲創新嘅菜式同埋比較貴嘅燉湯同海鮮。今次我個人覺得比較有驚喜嘅係泰式拆肉瀨尿蝦、川日凍蟶子王、海苔准香白飯魚、太爺茶香走地雞。食瀨尿蝦唔使拆殼✌🏻，蝦一定新鮮，因為唔新鮮嘅賴尿蝦一拆殼就變水。蝦好鮮味，加上少少泰式醬，成件事好清新。川日凍蟶子王，有驚喜，我第一次食呢種煮法，有少少花椒味，蟶子好爽，夏天食好開胃。☺️白飯魚口肉，加埋海苔一齊炸送啤酒一流👍茶香走地雞，雞煙燻，帶茶葉香味，味道偏甜，但係雞皮薄肉亂，唔錯🙌🏻…Read More