Olive Ho's Profile

呢間Cafe好受歡迎，所以前前後後都有人排隊等位。我慶幸12:50 前到，避過最高峰既排隊人流。前面等2張枱，但都等左20幾分鐘先入到去坐。但另一方面，佢地人手都唔係好充足，一黎留位係自助形式自己寫名，另一方面，其實裡面一直有吉枱，係需要人手安排合併一下，但就一直無人處理，外面既人就等得更耐。入到去點左餐，咖啡好快到，味道正常無乜特別。朋友既鵝肝鮮檸檬醬貓耳朵粉大約10分鐘後到。而我既龍蝦濃湯蟹肉帶子麵等左20幾分鐘都未有，問一下侍應，佢了解後告知2-3分鐘後有，但結果都再等左5分鐘以上。結果13:50 先有得食。龍蝦湯都好夠味，意粉好滑嫩，而蟹肉估計係罐頭開的，但都係好食嘅。因為要趕住返工，結果淨返十分鐘品嘗，實在好可惜。而呢間餐廳用餐時間只有75分鐘，所以佢上菜嘅速度都好值得改善。…Read More

每次黎到西營盤，都必定會拜訪呢間 "幸福餐廳‘’ :) 個人喜好必選三文治，大份又好味。我今日點左清新三文治，有我最喜愛嘅牛油果，加埋蕃茄和青瓜，真係好清新。最特別係佢加咗自製嘅醬汁和配料，味道好獨特，其他地方食唔到。🤤而佢嘅咖啡亦係不異之選，係少有嘅虹吸壺咖啡，我每次都會揀佢嘅白蘭地味道。 而佢咖啡嘅款式之多，可以參考下餐牌，真係數之不盡。除咗三文治同咖啡，仲有其他嘅美食，迎合唔同人嘅需要。餐廳地方雖小，但老闆娘好友善，每次嚟食嘢都真係好有幸福感覺。🩷…Read More

前兩日行開中環街市，見到一芳台灣水果茶做緊優惠，甘蔗青茶第二杯半價，於是同朋友一齊試下。原來預計甘蔗會好甜，但加左青茶，唔會係原本甘蔗汁咁甜。而青茶味好重好香。如果鍾意青茶味道，值得試飲。但如果喜歡甘蔗既甜，就要調整一下期望，因為青茶味會蓋過甘蔗味。…Read More

呢間位於錦田既泰式餐廳，開左大約半年左右，餐廳無改名，但轉左食物。佢既海南雞飯 (泰北雞飯)好大份又好好味，而且有例湯送，只有叫泰北雞先有，好抵食。(但唔好意思，食得太興奮，食左先發現唔記得影相🤣🤣)今次同朋友一齊食，可以試埋其他食物。叫左生菜豬肉包、豬頸肉飯、札肉米粉、芒果糯米飯、香葉海鮮飯、龍眼冰。生菜豬肉包特別好食，好香好有肉汁，豬頸肉都好有肉汁，煮得剛好。稍為遜色係香葉海鮮飯，因為無諗到係有獻汁，個飯較為濕口。總括黎講，一個人去食或一班人食，都係好好既選擇。…Read More

知道呢間餐廳一段時間，一直無機會去食。今日終於有時間，一嘗佢既午餐。今日同朋友12:30 到，前面排左10個人左右。舖頭裡面坐位唔多，因為都少少趕時間，所以掙扎左一陣等唔等好， 最後都只係等咗十多分鐘左右，就已經有得入去坐。我點咗個砂鍋花膠雞湯翅，朋友就叫砂鍋雲吞雞。兩個都可以配飯或各種粉麵，我地就揀左刀削麵和紅薯粉。兩個砂鍋都好多雞，好抵食。雲吞有兩粒，花膠有兩大塊，都好味。價錢分別係 $83和$75，呢個分量和質素，好抵食。…Read More

呢間放題除左刺身，仲有生蠔，生蠔雖然唔係好大隻，但真係好新鮮。我唔係特別喜好食生蠔，但都忍唔住encore 再食。另外想推介既係一口牛肉粒，煮得剛剛好，唔會太熟，好有肉汁。炸鮮奶係另一推介，外面非常鬆脆，又好足奶味，又係忍唔住encore之選。 (但太好食唔記得影相)是日水果亦讓人好驚喜，今日提供既係皺紋瓜，非常鮮甜。呢個放題分有唔同時段價錢，17:30, 20:00 同21:00，大家可以按唔同既放工時段進入，除左20:00場正價，其他時段都有優惠。我今次同朋友食17:30時段，人唔多，食得好舒適。…Read More

高質午餐豬頸肉賣相吸引，肉質非常鬆軟，味道香口，調味好用心，亦好獨特！忍唔住食完一塊又一塊，而且份量亦充足！牛小扒亦同樣出色，非常入味，配飯非常合適！而茶碗蒸同樣值得一讚，蛋液滑嫩，入口非常順滑。 雖然今次沒有黑松露口味，但呢個茶蒸碗味道很獨特，超級好味！每道菜都充分體現了廚師的用心，就連每一度前菜都非常高質，絕對值得一試。而一個午餐定食包咁多樣食物，非常抵！另外一定要提及嘅係放筷子嘅箸置， 佢有唔同嘅貓貓設計，就連小擺設都非常有心思！…Read More