bennomartin's Profile

油麻地地鐵一出轉左就會見到，好多街坊都識，地方非常之細，只可以坐一兩台，今次叫牛腩，蘿蔔，豬紅三個餸米線，睇圖就見到非常足料,完全比D餸遮住個麵，牛腩好入味，濃濃既柱候醬，蘿蔔蘿蔔清甜爽口，豬紅正常，再加多個韭菜。成餐飯真係非常滿足。如果中意食得地踎D真係非常推介…Read More

今次同友人突然想放題，就即時諗起大喜屋，當日係平日所以可以walk in 唔洗得好耐就有位，呢間係用QR 掃碼落單既非常方便，先黎一盤刺身熱熱身先，三文魚同油甘魚都好肥美，帶子既size 適中爽甜，蝦就好大隻，食落去非常鮮甜，除左刺身之外仲有好多卷物同熟食。當中我會推薦芝麻雞翼，絕對係大喜屋既名物，雞翼香脆內嫩非常好食，例外沙律都係自助非常方便…Read More

呢間係呢個熟食中心唯一要排隊就知幾多人幫襯，因為熟食中心既關係，價錢都相對比較平，今次試左個炒金邊粉，因為係即炒所以需要等一段時間，金邊粉炒得非常乾身，而且香度十足，好似係泰國既感覺，睇得出廚房係有落足料，唔怪得有人咁多人排隊食啦。…Read More

非常出名既餐廳，終於有機會試到。今次試左不可能漢堡包，入面會跟埋蕃薯條既。首先黎到個份量好大，一般女仔未必食得哂。蕃薯條係即炸所以好香好脆，非常好食，而漢堡包食落去既時候，真係以為食左真既漢堡咁，素漢堡扒無論口感，味道都同真既漢堡扒無分別，咬落去係會有肉汁流出黎好滿足，好難相信呢一餐係食緊素。總結 食物高質，價錢合理，非常推介朋友仔去試下…Read More

呢間舖係油麻地地鐵站C出口轉左就到，但唔算旺場，今次試左佢既全日套餐，越式牛腩河另外會跟一個雞絲沙律，飲品就冷熱都加2蚊。首先個牛腩河既湯底算係清淡，香料應該落得少，河既份量適中，一個大人都食得飽，但勝在牛腩既份量算多而且大大塊都幾有咬口。至於雞絲沙律就普通水平，通有菜食下都OK既總結係如果係附近平平地食都可以接受既…Read More

週末係荃灣搵一間餐廳都唔易，見到呢間冇咩人就決定去試下。餐牌一眼睇哂，只要4至5款選擇，可能貴精不貴多啦，今次我叫左豚王，濃度、麵質都係適中，但問一下店員先知原來本身係無跟溏心蛋，所以我另外再加左。先試一下佢個湯底，係好濃豬骨湯味，叉燒size 適中但比較薄，麵都算掛湯既。可惜既就係本身無跟溏心蛋。總結同日本既拉麵就冇得比，但又唔想排隊又想食拉麵都可以試下…Read More

紅茶基本上長期都係爆場，就連早餐時段都唔另外，今次試既係紅茶招牌既沙嗲牛肉公仔麵，麵一到即時候已經聞到好香既味道，而食落去都唔失我所望，非常濃厚既沙嗲味，而且D醬汁都掛滿每條公仔麵，食落非常滿足。而跟餐會配煎蛋/炒蛋 同丹麥多士，特別一提個丹麥多士都爭高質，非常好鬆軟好食。最重要係價錢同一般茶餐廳早餐價錢無異，但質素卻高好多班，必須推薦…Read More

呢間係大角咀都幾出名,所以專情黎到試一試，環境相當細，堂食位只有幾張枱，今次黎到試左和牛漢堡同招牌芝士漢堡。和牛漢堡配搭左即炸洋蔥圈，一咬落去非常juicy,好快就女左成個包。另外芝士漢堡既漢堡都非常足料,大大塊既漢堡排，芝士仲有蕃茄，一口都可以全部食哂，而且有蕃茄令成個飽更加juicy 得黎又唔會膩。跟餐可以有薯格/薯條同汽水。個人比較中意食薯格多D。總結呢間舖頭既食物質素都好高而且價錢都唔貴，好推薦大家黎試…Read More

最近有番晚市堂食，即刻約番班FD去食放題。碗屋放題其實都開左好年人，今次都係第一次試，相比起下其他放題，呢間可以揀既野食好少，刺身種類亦唔多，其中最好食既係油甘魚，好肥油脂味好重，但食多一兩塊就會覺得好油膩。另外仲有一D比較少見既食品，例如西京燒銀鱈魚，但係送餐速度真係強差人意，全晚我都係只係食到兩碟，呢個價錢食放題都會有漏單拖單既問題真係好滿意。總結雖然食物材料係高，但食品種類太少而且有拖單問題，同樣價錢我寧願食酒店自助餐…Read More

舖頭位於雅蘭中心5樓既goji 範圍入面，但係就算唔係gym 既會員都入到去食，今次去到試左一個煙三文魚雞蛋菠菜卷，一個餐會喂跟埋沙律，首先餐廳會幫你將個卷烤熱，所以個卷皮食落趣卜卜，入面材料都好配搭，成個卷食落好fresh,健康得黎又好食。其實除左卷之外仲有能量碗可以選擇，如果唔介意有D貴既，其實都唔錯既。…Read More