dragonyong's Profile

凍凍凍，最好就係約埋成班FD一齊打邊爐!!!其他有個邊爐迷，介紹左今次我地成班去呢間.......麻神~~~麻神，聽個名感覺好辣咁，不過冬天食D辣野就最好，暖胃啊!成班約好黎到銅鑼灣麻神....環境唔錯，坐得舒服，服務都幾好!睇完MENU發現，有2人餐，仲要份量都好似好多咁，幾多款野食，於是幾個人叫左3 SET晚餐!套餐入面有齊牛同豬，仲有好特別GEI鴨血，仲有成盤蔬菜~份量超多，仲要有埋甜品，正啊!極力推介鴨血必食必試.....個個食完都想再叫，好特別GEI口感~食物都好新鮮，鐘意食豬GEI我，覺得豬肉夠爽好有咬口!!!!冬天大家有興趣都去試試啦!…Read More

位於cwb開左半年左右呢間新店火鍋semi-buffet，雖然並唔係台灣流行的一人一鍋，但呢度火鍋配料豐富，更包羅地道小吃，加上香甜湯底，Haagen-Dazs雪糕任食woohoo!!!200都算底食！呢樹個煙韌到似食湯圓，咬落去有軟滑餡料，放入熱湯焯熟，口感一流，軟綿細滑，餡料可選芝麻、花生或者係抹茶。我就試晒3隻口味，花生都惹味，搽茶有d甜，如果多種芝士口感就無得頂！魯肉飯都夠多汁多料又係值得一試既主食！…Read More

之前同朋友去到銅鑼灣見到呢間好有日本傳統佈置嘅舖頭已經覺得好吸引，嗰排仲成間舖貼滿小新嗰衰樣，令到我默默將呢間拉麵店加入必食list。🤔作為新界人，好少過海，琴日難得過海去銅鑼灣，梗係趁lunch去試下。雖然依家冇咗小新，不過呢期就出現左嗰隻無口嘅80歲老貓。🐱本身已經係沾麵迷嘅我，梗係點個沾麵試下啦，於是揀左個魚介黑醬油沾麵，然後點左個去日本餐廳必叫嘅雞翼，同埋因為想開下胃加上「為食」嘅原故，就叫左個小朋友年代摯愛嘅芝麻小章魚。🐙舖頭內部嘅裝修同出面一樣好有傳統味道，仿木製傢私一向係我所鍾情嘅，師傅係傳統日本人，的確有信心保證，而侍應都好親切，感覺就好似一秒去左日本咁。🇯🇵…Read More

開宗明義，來這裡當然就是為了重慶麻辣烤魚，選了小半條鯇魚($172)，魚放在爐裡上枱，令魚一直都能保持温度，可以讓客人慢慢享用，湯少了又可以叫職員加湯。魚很入味，十分大條，十分新鮮，有很多肉，十分香濃，喜歡吃魚的話一定會很滿意。另外還點了幾款小食：麻辣牛展、及涼拌川辣味魚皮，麻辣牛展極有口感及嚼勁，入口既麻且辣；茴味雞翼皮脆肉嫩多汁，真的是讓人吮指回味；涼拌川辣味魚皮好像很少地方可吃到， 煙煙靭靭沾滿辣汁，味蕾大刺激！…Read More

作為一個土生土長嘅香港仔，對於港女迷泡菜國嘅嘢真係好唔明白，出於對泡菜國嘅排斥，所以平時都好少食韓國野，點知就係前日。。。嗰日中午行完信和買嘢，就打算搵地方食野啦，但呢排食譚仔老麥呢啲食到厭，就走上瓊華諗住食啲好嘢啦。本身都冇諗住食炑八，因為一個人食韓燒嘅毒L指數真係太高，但行左幾層都多人到傻，喺嗰肚嘅威逼之下，都係死死地氣行去炑八。落到去望下個餐牌，原來都有飯嘅，即刻攞嗰位，等左兩個字就入得去。坐低左已經即刻拎起個餐牌睇，烤肉真係太heavy，我個人又唔特別好芝士，所以就冇揀到個個溶岩飯，於是就簡簡單單叫左個雜錦拌飯，同埋因為太過熱嘅關係，叫左一個宇治金時冰抹。呢個時候先有機會望下間舖，雖然用左黃燈，但感覺絕對唔陰沉亦都唔會令人眼瞓，反而有種幾舒服嘅感覺。周圍亦都用左木色做主色，中間仲要有棵假樹，令人有少少嚮往大自然😌店員打招呼亦都好主動好熱情，落單嘅時候都好有禮物，雖然我始終都係唔慣啲餐廳太過nice，畢竟我有啲怕醜😳上菜都好快，好快就先上左個前菜比我暖下胃先，飯都好快出現，店員隨後亦等我食飽拎埋甜品比我。雖然價錢係有啲高，但比我嘅感覺係物有所值嘅，因為環境同味道真係唔錯👍🏼如果午餐唔特別想食烤肉都可以試下拌飯，再配上一杯宇治金時冰抹，你都可以知道幸福係咩滋味😌…Read More

眨下眼就到左同女朋友拍拖6週年既大日子，平日佢成日有意無意咁開到口話我份人無心思、無情趣，所以今年慶祝紀念日我真係唔敢鬆懈，點都要搞得好好睇睇，食返餐好，等未來老婆大人可以放閃！經同事介紹，就黎左呢間樓上餐廳歎左個Wine Dinner Set($990 for 2)。佢地安排左我地坐係一個窗口位，望到少少街景都幾有情調，亦可以享受到私人用餐空間，最啱談心，唔錯唔錯。首先黎左個西班牙辣腸芝士蘑菇批，香噴噴熱辣辣咁上枱， 將辣腸釀入大蘑菇入面，表面鋪滿芝士焗香， 口感層次豐富。 跟住係普羅旺斯鹿肉番茄盎，我同女朋友都係第一次食鹿肉，所以心情都有少少戰戰競競，原來食落帶D肉燥味，但未致於好似羊肉咁羶，味道比較似牛肉，但就更加鮮嫩，配埋酸酸地好開胃既番茄汁入口，鮮甜味美。主菜係牛肝菌烤雞配意大利飯，烤雞皮脆肉嫩又juicy，牛肝菌既濃味滲晒入雞肉入面，相當滋味，軟淋淋既意大利飯索晒雞同牛肝菌既精華，點可能唔好食呢？甜品係冰酒雪葩配火焰橙酒班戟，前者果香濃郁，都幾甜下，係一款口感非常好既果味甜品，後者吸收左橙汁同酒香，香甜軟滑，出面唔多地方可以食到，正！美酒配佳餚是常識吧！呢支Chianti Classico Riserva 容易入口，唔好飲酒既女朋友都覺得好味。見女朋友笑住走，一切都係值得既！…Read More

Actually, I don’t really care how many calories pizza has in it, because it’s just so damn good. And I got a lot of satisfaction here.Taleggio is a semisoft, washed-rind, smear-ripened Italian cheese. It has a thin crust and a strong aroma, but its flavor is comparatively mild with an unusual fruity tang. Taleggio is slightly salty and creamy, with a buttery texture, the natural rind is also edible and contributes to its distinctive flavour. As pear is sweet, 20' taleggio and pear pizza ($328) is the perfect combination of sweet and salty.Ham and mushroom pizza ($128) has fresh slice parma ham as topping, simple but delicious! This pizza fills out the full spectrum of tastes. There's tart tomato sauce, salty ham, a hint of bitter olive oil, meaty mushrooms and ham. Calzone is just a pizza that is folded over like a pastie so it is simple to make for lunch or a snack. You can choose your own 3 ingredients here. Calzone with mushroom ham and belpapper ($148) tasted good, and serve with salad is even better.…Read More