Man Man Ma's Profile

我之前成日都食銅鑼灣嗰間分店，覺得質素好好，大部分既嘢我都覺得好好食,咁今日襯朋友生日就帶佢黎試吓尖沙咀呢間分店同埋同朋友慶祝生日，點知極度失望，食物質素同銅鑼灣差超好遠，銅鑼灣嗰邊你一坐低會問你要唔要熱爐保持d食物溫度，呢間無唔緊要，啲嘢食係都超過一半都係微暖，串燒唔熱已经係嚴重扣分，去銅鑼灣嗰度食，每一串嘢上枱都係熱辣辣好好食，呢度一個坐低，食第一樣就係雞皮，完全係凍既，好似燒定晒喺度咁，之後黎個個節瓜豚肉波棒糖 ，係微暖，一串咁厚嘅嘢可以微暖，到底係燒定晒喺度，定係燒完冇人拎出嚟唔知道，其他野食唔再講喇，食完叫佢拎蛋糕出嚟，叫佢幫我清左張枱佢我地一陣切蛋糕，點知就求其同我收咗幾隻碟就行咗去，咁我就自己喺度抹啦，點知拎咗幾個字都未拎到個蛋糕出黎唔知咩事，一拎到出嚟，見到佢換左我支蠟燭，跟住我問佢拎返，佢就話我支蠟燭爛咗，然之後就走咗去，你哋整爛咗我支蠟燭，一句對唔住都冇？換咗支粉紅色核突嘅蠟燭俾我，我本身個枝係金色好靚 特登揀黎襯番個蛋糕俾我朋友影相，成件事俾佢地破壞哂，仲要一句對唔住都冇 ，仲好意思收人切餅費，然後隔離抹緊枱嗰個人拎住支消毒噴霧噴張枱，亂甘噴 ，噴埋過嚟我哋張枱，噴到我啲嘢飲同埋我件衫同我隻手都濕埋，佢知道佢噴到我，即刻噴返低啲，但係都係一句對唔住都冇，有無攪錯，人地食緊野，拎住支抹枱嘅消毒噴霧周圍噴，到底有冇理人感受，我見今日係我朋友生日我費事嘈，但真係越諗越嬲，一定要上黎劣評呢間分店，我以後都唔會再嚟食，離晒譜！…Read More

今日係初一，黎食素嘅人非常之多，雖然時間等得比較耐，但以甘忙來講都有咁嘅水準，真心覺得幾滿意的，同埋佢沒有用一些化學假肉類去代替，全部都用天然嘅素食去代替本身係肉嘅菜式，咕嚕肉（用咗猴頭菇代替肉）食落真係好似咕嚕肉，好有口感，味道亦都好唔錯，雞卷唔會太油，食落好清新既感覺，幾驚喜嘅就係上菜嘅時候呢個煲仔飯好似覺得好Dry甘，得d菇，但食落竟然係幾好味，仲要有脆卜卜飯焦，但又唔燶，啲火候掌握得非常之好，而且佢加入左花椒油令到成個煲仔飯食落好香，個芋頭魚都好好味，啲芋頭全部都好粉好香，前菜個d都做得好好，最後嘅高力豆沙都好好味，全部大致上都好食，服務態度都幾好，又有海景，所以今次都幾滿意的食素體驗🥰…Read More

呢間泰國菜已經食過好多次因為佢卡位好大 4個人食飯真係坐得好舒服我超中意佢呢度既泰式乾炒河真係好有鑊氣好好味生菜包都好好味 我每次都會叫的街邊豬肉串同豬頸肉都好好味 都系好推薦的鹽燒魚就一時時 有時太乾燒得 今次就乾左啲咖哩農夫包軟殼蟹就好味 個咖喱好好味 都係每次必點的生蝦好夠凍 好爽口 個辣汁好味仲有佢既椰青沙冰都好好味我自己就最愛飲佢既椰青 次次都甘清甜😋佢個青咖喱都好味 咖哩炒蟹都好味香葉肉碎飯同豬頸肉沙律都好味仲有佢個冬陰功都好好味咖炒絲蟹煲同奶油大蝦就一般 燒牛肉同魷魚筒直頭難食😂…Read More

叫左個水煮魚，一個乾鍋菜花，一個口水雞，一個炒肥腸！個魚系有好多骨既 又唔好味全部都難食 唔會再去😤之前食過上樓個間就ok 呢間真系好難食 又唔好坐 又逼食完要再去過第二間食 激死…Read More

好有泰國大排欄風味牛扒好正 好Juicy 超推薦好抵$128甘大碟 牛肉好嫩 好夠味 完全唔洗點汁都好好味炒河 好夠鑊氣 正！豬手飯 都好味 真系好似系泰國食既豬手飯仲要有小小酸菜 好開胃 蛋都好香好夠味飛天炒通菜 好有鑊氣 好味 仲有個椰青真系好正 好新鮮🤤我覺得呢間店所有食材都好新鮮值得推介 💕…Read More

有驚喜，前菜上左個蒜香蕃茄，好Juicy醬汁味道唔錯😋最後Encore多碟叫左2隻生蠔 非常新鮮 洗得好乾淨 好鮮甜好好味 牛小排 燒得好好 好有油香牛味濃 好好味牛舌 非常之厚切 絕對對得住價錢（不過我本人就唔鍾意食太過厚🙈，如果大家鍾意食超級厚嘅好食就推介你哋）白金豚肉燒得好香 好林 好味 韭菜泡菜豬肉卷燒得好好 好Juicy 韭菜好嫩完全冇渣粟米好甜 好味最後送左一碟燒魚翅俾我地 我覺得好好味 好味過雞泡魚乾同埋鱈魚高乾好多 下次會食😋😋其他冇咩特別覺得好食 但都唔錯的不過提提大家 串燒每樣都最少要叫兩串的最後埋單有9折 匯豐卡咁…Read More

每次黎必叫既一定系酸菜魚，肥腸，乾鍋菜花🤤酸菜魚咸酸辣較得好好 ，肥腸真系整到外脆內軟，菜花好香，用左肥豬肉爆香加孖然粉再炒所以好香！串串蝦好香 好味今次試埋佢個擔擔麵同涼粉，平時唔食既我都覺得好好味🤤個花螺都幾香幾入味 ，值得一試其他個幾款就麻麻地喇 唔系難食 但無特別無驚喜😂…Read More

我地兩個人 坐低叫左一碗魚湯西洋菜餃，一碟煎韭菜餃，西洋菜餃好好味，菜多肉小，我最鐘意 ，食極唔夠，再叫多2碗黎食，前後三碗！😋煎餃系好大隻好脆，但味道試我覺得無咩特別，正常，不過不失，唔會難食唔會好好食，我都系中意西洋菜餃多D!另外我地再叫左一碟腸粉，呢個真系超級難食😂好耐無食過甘難既腸粉，好似擺左幾日雪櫃再拎出黎蒸甘，口感味道都好差，仲有及第粥，粥都幾棉，但味精都幾重，食完幾口乾下，同埋水餃個魚湯都系比較重味精，出街食，有味精都系正常既，不過我見人介紹話無味精，所以先飲幾淡試下，我建議都系唔飲好過，因為飲完真系好口渴😂…Read More

呢間食左三次喇我，分別食左炸雞髀、西多士、乾炒牛河、星洲炒米，佢地既炸雞髀炸得唔錯 唔系好多炸粉個隻，炸到外脆但裡面好滑,所以我地三次都有叫到 ，兩次都好好味 ，今次就一般，炸得耐左小小，比較乾身，西多士都好味，不得不讚佢地既炒粉，好有鑊氣，重點系我叫乾炒牛河都唔油 ，好乾身，好好味，點埋辣椒漿一流，星洲炒米都炒得好好 幾好味 ，米粉仲系好彈個隻，總結完，值得一試！另外員工都幾好禮貌 ，座位都好好坐，不錯的下午茶選擇！…Read More

佢D串燒真系唔錯咖 ，特別個燒牛舌，燒雞皮，雞定骨我每次必點，烏冬我就最愛燒烏黑蒜油烏冬，佢塊雞皮真烏每次都燒得甘好咖 ，每次都燒得好脆卜卜，不過每次都要等幾耐下，趕時間就唔好叫呢個燒鳥烏冬喇，另外沙嗲牛肉烏冬我都覺得好正咖，好濃厚既沙嗲湯底，牛肉系算有質素既肥牛黎，不過都幾味精咖，不過唔系成日食都okay既！呢間同旺角分店我都食過好多次喇，兩間水準都okay ga,其他分店我就無食過喇！價錢系講 佢都唔系平咖 不過我覺得好食就值得！重點我系掛住佢D牛舌 真系好香牛味 質感又好好🥰*佢D烏冬份量好小 大食既最好加底！…Read More

坐低又無人理又無人抺枱，叫左3樣野，牛奶燉蛋白，系唔熱既，系微暖個隻，仲要勁多倒汗水，同個侍應講唔熱，佢就甘拎番入去翻熱再拎番出黎，仲有個合桃糊，好似變左甘，有酸味既，龍珠二世就正常，總之唔會再幫襯😪喇！..............................…Read More