Magugu的个人专页

由4月開始每星期一次既午餐飯堂，附近算多選擇既茶記。昨日食午餐上既菠蘿油已經上錯，應該走油，而且上面有隻小飛飛就叫侍應換左個包。再送返黎對返張相其實一模一樣，只係冇左隻小飛飛。我唯有切左隻角 😮‍💨😮‍💨😮‍💨第二個同事落晒單，只送左飲品但午餐錯左。侍應只係話收唔到張單，但點會飲品又到左。😑😑😑…查看更多

【食遊澳門】旺德福 - 好味又可打卡！卜卜蜆煲真係無得輸！個煲造型勁得意，見到熊仔開始跌落個湯底到我仲嘗試救佢。個沙白陣又排得好靚，打卡一流。味道方面，加左蒜蓉，牛油，小小辣椒，食落微辣好好味，冇沙。如果冇開嘅沙白，最後佢會主動撈起再換d新既放落煱。乳鴿都係一絕！d皮好脆，肉嫩多汁又夠香，咸度岩岩好！另外有牛小排，肉嫩好滑都係推介。再放雜菜，有娃娃菜，生菜同菜心，放湯都好甜。環境乾淨，地方唔算大但坐得舒服。服務態度好好，主動幫你攪下未熟既沙白，又幫客人落墨魚滑落個湯度。食品同服務都非常滿意。最好打定電話去book位。…查看更多

$85豐盛早餐menu張相有大啡菇同蕃茄，上枱時發覺變左幾片冇味既菇，員工話可能冇晒大啡菇。蕃茄又唔見左，貴廿幾蚊只係多左d茄汁豆同煙肉,性價比唔高，食$58會抵dd.…查看更多

呢間韓國野唔知係咪轉左手。服務食物清潔都差左好多。所有waiter都轉晒人。海鮮拉麵得幾粒碎魷魚，前菜好小又冇得添加(之前可加泡菜)，前菜同燒烤既醬全部要叫先囉黎。…查看更多

見之前食評講得咁好,即管去試試. 由於31/12放早, 到5點打去book枱想食6:00.佢話7:30pm啦, 我問早d有冇.佢話7pm啦..你6:30pm黎, 我地好多野做架..又要set枱....舖枱布..我話原來你地未開舖既..佢又話開左架啦...@@我地行到去差唔多6:45pm..見入面已經有一枱客,其他枱大部份都寫晒人名同時間, 我搵返自己個名就坐低..仲係門口位.我地叫左個2人set. $498 包麵包,餐湯,頭盤,主菜,甜品,餐飲. 呢個餐食左2個鐘,出餐實在太慢. :( 已經冇乜服務,張枱又細又冇枱布,每次放低野食都係求其擺係度.壓住d刀叉.一係就歪晒,唔係放係你面前.講下食物質數:1) d包得醋同牛油,又冇olive oil..普普通通.唔夠熱2) 餐湯係茄子同龍蝦湯,都可以.3) 頭盤揀左鵝肝(OK) 同凱撒沙律. (no good.用左普通既中國生菜,d醬怪怪地) :( 4) 主菜: 西冷同羊架..要7成...兩碟都唔夠熱,羊架好生,想要再熟d..再整出黎有陣燶味. :( 5) 甜品: 心太軟同焦糖布甸. ok.…查看更多

見落雨同同事係商場食個lunch. 我叫左個C餐:蕃茄蟹肉湯檬, 見個餐牌有幅相係附近, 雖然橙色湯粉,入面d料係肉丸+札肉, 心想可能張相是但放上去,照叫. 同事叫左另一個餐係香茅雞翼湯檬.後來黎左碗肉丸札肉蕃茄湯檬, 問waiter係咪攪錯左, 佢就成碗囉左去,之後成碗囉返黎話係咁..C餐麻..係呢個..我問邊有蟹肉? 佢就拎個menu 黎話,C 餐麻..張相都係咁..冇錯..叫左另一個同事黎,都係話d蟹肉可能碎D..有架.....算...我照食啦.. 終於食到.....係有d碎粒粒既蟹殼...乜蟹肉都冇 .....肉丸入面仲有條約1cm粗過頭髮既野..嚇親..以為係魚骨... 可惜冇影相，實在食得太唔愉快。個味道其實唔太差,只不過唔係我所預期既午餐.同事果碗...黎果時waiter話係燒雞翼湯檬.....唔係香茅??? 冇下次...…查看更多

我選了聖誕前後同屋企人一行10人食平日晚間時段自助餐,由6:15食到9:30. 仲有長者同全檯85折優惠.之前睇左食評都驚會好差..不過事實並不是. :)即開生蠔係有兩個人係counter 即開即沖洗,非常新鮮,每次都排約6至7人.排約5-10分鐘就囉到3隻...其他冷盤海鮮還有長腳蟹,好鮮味..仲有藍貝,蟶子....長囉長有..keep住補貨... 熱盤有避風塘炒蟹,糯米飯,蒸魚,魚柳,豬手,etc.......又有鐵板煎三文魚,豬扒.....etc.... 味道OK!甜品有好多..macaron, 梳乎里, cupcake, pancake, Haagen Dazs, Pappagallo 意大利雪糕.....etc.. 要彈既係個龍蝦湯實在太咸, 同埋附上左個豬骨湯俾我地打邊爐, 不過由頭到尾都冇滖過. 而reception 去到就可以即入...唔需要排隊囉籌之類...waiter 方面, 我都覺得佢地好好,由於人手唔算太多,不過佢地都好勤力收碟, 我話要小朋友餐具同熱水壺, 佢地動作都好快,同好有禮貌.…查看更多

雖然恆生白金咭有九折，不過野食都很普通，質素麻麻。 :(海鮮得細細隻凍蟹,螺,去左殼既細蝦仔,青口. 冇生蠔..長腳蟹熱盤係棠生菜..伊麵...係個牛仔骨好味D..個串燒同燒味好咸..仲有個魚蛋檔..甜品好小選擇...有兩款糖水...個紅豆沙冇起沙,仲係加水溝左..見到分左layer..行完個圈都好似冇乜野食咁. 論款式..就連TST Hyatt 既Lunch Buffet都多過佢..環境就一流，地方寬闊! 服務人小時候就OK,頻頻加水，一夜左就要叫先加水，隔離台有小朋友嘔，一陣味 :( 佢屋企人表面處理左, 酒店方面成10min 先有嬸嬸黎消毒..攪到我都有D反胃..:(…查看更多

我媽媽11:00am已到酒樓取票輪侯,等一張7人枱. 因門外人數不多,隨即有位入座..因近洗手間位置而我們還有時間可以再等..便回覆知客再等多一張. 誰知一等就等左45mins...其間知客不停講假日有特別安排會輪侯長些時間..眼見人流真得不多...對面McDonald條隊仲長過等茶位既人....我地都冇所謂....再企住等...因酒樓係冇輪候椅給茶客...誰知眼見大部份中枱都安排給剛剛到步的食客為"搭枱"..再追問知客時...她佢竟然破口大罵"你地有枱唔要之麻".."你見到邊度有新撘枱呀?" 我們就直指給知客.....跟本這位知客就沒有準備另一張枱給我們...只是要我們一直等.......當我們開始同佢對質時..她就安排了一張係路中心既加大枱...每次行車都要讓座.... 我們已同知客講我們有2位小朋友..所以唔想太接近洗手間....最終她都是"求其"安排一張給我們.............這個經驗實在令我們太不愉快.....原本開心既Family Day...竟然因為某些沒有禮貌..工作服務態度差..對客人破口大罵..十分惡劣的人破壞了..…查看更多