吃貨小倉鼠與大黑貓's Profile

🍑壹檸壹鮮果茶🍋係觀塘區我最喜歡的台式飲品店絕對係本地牌子，老闆都係香港人而且係咁多間入面最真材實料今次我叫咗兩杯嘢飲一杯係榴槤甘露、另一杯係水蜜桃冰茶首先，榴槤甘露一拎上手已經見到有三份一杯榴槤蓉，榴槤味非常濃郁，口感滑順，令人一喝就愛上。這杯飲品絕對是榴槤控的必試之選。另一杯是蜜桃冰茶。通常水蜜桃飲品好易伏會有些人造味，但這杯卻是用真水蜜桃蓉製作，喝上去清新爽口，帶有自然的甜味，令人心情愉快。🍑💕總的來說，這兩杯飲品都展現了真材實料的實力，我自己最鍾意係水蜜桃冰茶，味道清新，成日翻單❤️…Read More

邊個話沙田同大圍得啲貴商場同連鎖野食？今次係去大圍田心村食 泰、中、意fusion菜，每款菜式都見心思，價錢仲要唔貴！必試推介：炭燒豬頸肉- 炭燒香氣十足，肉質軟嫩多汁- 泰式醬配得啱啱到位- grill痕明顯，肉面微微焦香厚切燒牛舌 - 2cm厚嘅牛舌片，外焦內嫩- 份量十足，小食2-3個人share啱啱好唔會漏香辣肉碎生菜包- 泰式酸辣肉碎，好開胃- 生菜爽脆新鮮- 配料豐富，食落層次感足冬陰功忌廉海鮮意粉- 泰式酸辣配忌廉，意外地夾- 海鮮新鮮，意粉煮得彈牙- 加埋西式香料香氣四溢特別推介佢哋嘅蜜糖咸檸梳打特飲，甜咸適中，幾清新解膩，加埋蜂蜜潤喉。地址: 沙田大圍田心村254號方法: 出大圍站入圍方商場，行到天橋位向田心村方向行，穿過田心村牌坊，直行經過晒啲村屋，見到有閃閃燈、綠色牆果間就係啦💚泰中意成功將泰式、中式、西式嘅精髓融合，創造出獨特嘅fusion菜式。最欣賞佢哋夠膽創新，用料又夠足，絕對值得特登去食。以呢個價位嚟講，真係超值之選！…Read More

早前來到川婆婆品食咗幾道招牌菜式，整體感覺相當不錯，價格親民又夠曬味道。酸菜魚米粉：酸菜的酸爽與魚肉的鮮美完美融合，米粉吸收了湯汁的精華，口感滑溜。魚肉新鮮嫩滑，酸菜爽口不嗆，湯底鮮香可口，非常開胃。招牌豬雜粉（轉薯粉）：豬雜種類豐富，有豬蝴蝶腩、靚豬肉、豬肚、豬腰、豬潤、豬粉腸、豬心、豬紅和豬腸。每種豬雜都非常新鮮，口感各有特色。湯底香濃，薯粉吸收湯汁後更添風味。轉薯粉是個不錯的選擇，口感較米粉更有嚼勁。涼拌皮蛋：皮蛋切得厚實，保留了濃郁口感和彈牙質地。調味簡單惹味，帶微辣，與皮蛋形成絕妙平衡。份量十足，是款開胃又飽腹的涼菜。整體而言，川婆婆的菜品無論是麻辣程度還是食材都可自由選擇，適合怕辣/愛辣又想食川菜嘅朋友仔。價格親民，份量十足，是一家值得再訪的平價川菜店。特別推薦給喜歡不同香辣、追求性價比的食客。…Read More

我係一個禮拜前打電話過去J Moon book 位，諗住咁早book實無事。今日去到，原來無留我名，咁聽電話果個做緊咩？ 我打電話站去，佢話留左位，點會去到無？ 諗住算啦，有位坐都好過無。同女朋友一齊去慶祝生日，上OpenRice見到有好多燈，諗住好浪漫， Sorry ，原來無份。入面就好靚好舒服，仲好有氣氛。原來坐出面，唔夠冷氣，黑到爆，無人serve，坐位又好窄，張枱又細張，而且張枱仲要矮咗落去。人哋就開心坐大梳化，我一個禮拜前book枱就要坐張咁窄嘅凳。咁都算啦，諗住慶祝生日開開心心，跟住叫嘢食就出事啦，首先，嗰個位冇人睇到我舉手，第二基本上就算睇到佢哋都扮睇唔到佢做其他嘢。如果唔係我攞個燈出嚟，佢哋應該無視咗我好耐。我叫咗個小食拼盤，點知個小食拼盤係出面茶餐廳$78嘅一個小食，佢收我138，跟住嘢飲，嗌咗杯箱子同天蠍座 ，杯天蠍座同雙子座都係128 ，但係唔覺有幾好飲，我見其他枱杯天蠍座係有煙霧，但係我個杯乜都冇，雙子座只係一杯梳打水，原本係紅莓Cocktail，但係sorry我淨係飲咗梳打水味。最後正餐都冇食，因為已經唔想再坐落去，咁我諗住叫埋單啦， sorry又係冇人應㗎，最後叫咗埋單，個位侍應都係將張單攞咗俾隔籬枱，一餐小食，坐得唔舒服仲要聞到酸餿味，佢收我$430，我以後都唔會再去。…Read More

在石門行行下街肚餓，又唔想成日食西餐日本野，一於入去潮滋味食野。侍應好好服務，叫我地坐卡位，又幫我地抹枱。建議我地食小鍋麵（雖然係拉麵）我地叫左一個麻辣小鍋麵餐、南乳雞翼、牛腩腸粉、肉丸湯同埋兩杯凍飲。牛腩腸粉好大碟，牛楠好香，腸粉滑，唔錯。肉丸湯比較遜色、肉丸有魚皮餃嘅味道，湯比較淡似水。南乳雞翼特別好食，雞翼有好香嘅南乳味，脆得來都好入味，瞬間就食晒。最後麻辣小鍋麵，雖然係拉麵，但係個拉麵特別好食，好彈牙，而且裏面嘅肉都係酥脆，仲有娃娃菜，非常足料，好想試多碗。而且，做菜嘅嗰位姐姐行出嚟問我哋好唔好食，非常好客。最後埋單兩個人$200都唔使。真係會去再試多次做菜嗰位姐姐都話嚟緊會出甜品，下次一定要嚟試吓個甜品。…Read More

今日夜晚同朋友經過, 一於入去餐廳試下,入到去餐廳有好多空位, 有好香既螺蛳粉味, 兩個人坐左卡位, 刷碼落單叫左一碗招牌螺蛳粉, 諗著會有肉, 其實真係得木耳,竹筍,一條菜同埋花生加麵粉,朋友叫左一碗脆皮燒肉螺蛳加牛舌, 燒肉係硬身皮加肥脂肪, 感覺一般, 牛舌不錯有臭味, 麵都彈牙, 不過無臭味, 簡單講湯還湯. 麵還麵, 基本上, 試左一次就算, 平平無奇.…Read More