獨孤的美食Ka's Profile

上環神級燒味飯，每個星期食一次都可以，價格相對相比其他燒味店貴少少，但係值得🤗店舖內環境一般，服務也是一般，但食物卻是超班👅平日晚上唔需要排隊，就可入座店內出邊都keep住有人叫外賣，所以入到去叫完嘢食等嘅時間就比較耐少少。推薦豉油雞，雞滑，雞皮濃郁豉油香味，但唔會太鹹👏🏻👏🏻叉燒鬆化，燶邊香口👏🏻👏🏻乳豬就要睇出爐時間，所以比較難預。燒肉正常。燻蹄無味，就唔需要叫😬通常都會叫豉油雞叉燒雙拼，跟瀨粉。瀨粉個湯係大地魚湯，有時味濃，有時無味，所以比較飄忽。…Read More

平日晚上7:30到達，需要排隊，但等候時間唔算太長， 10分鐘後可以入座。店內環境正常，裝修比較平實，座位都多。餐牌食物選擇都多，主要分為牛丼、燒牛丼、咖喱及其他肉食飯類。牛丼分為唔同size，可以唔滿足唔同人嘅要求，而且價格唔算太貴，同吉野家差唔多。最後叫咗L size牛丼加$10套餐包一本清菜及一碗味噌湯，再額外$25叫咗一碟炸雞。上菜速度快，炸雞應該預先炸定，所以溫度未夠熱及未夠脆，味道普通，可以唔使叫。牛丼牛肉份量正常，味道比吉野家濃味，牛肉相對較瘦，青菜份量都多…Read More

晚上8:30經過，見到店舖門口開始有人龍排隊，所以都想試吓。店舖面積細小，座位比較迫夾，所以都唔會預坐得舒服同埋坐得耐。大約等咗15分鐘後可以入座。餐牌都係提供一啲中式糖水及甜品，價錢中等，大約20幾蚊一碗。最後決定凍嘅椰汁紫米露、椰青凍西米露及雷沙湯圓。大約等咗5分鐘便上枱，由於紫米露唔算太凍，但又出奇地比較黏，好似糊仔，口感奇怪，味道正常，唔太甜，應該熱食比較好食。椰青凍西米露相對上比較好食啲，果凍有椰青水味，比較真材實料。雷沙湯丸正常，黑芝麻餡，四粒$20價錢比較貴總結而言，唔使排隊可以一試，但唔會再去食多次，排隊更加唔使講…Read More

晚上嚟到花園餐廳，平日中午好多人喺樓下等𨋢上去，但晚上食飯相對上少啲人等𨋢，所以好快去到門口，而且唔需要等直接入座。環境一般，由於晚市冇乜人，所以相對上坐得舒服啲。叫咗晚餐蝴蝶肉眼鐵板跟羅宋湯，凍飲加$3。好快已經上咗餐包同紅湯，餐包正常，紅湯夠味。食完餐飽及紅湯之後好快亦都上埋鐵板肉眼，一體size好大份，差唔多遮住晒成塊鐵板😯😯自己選擇黑椒汁或者蒜蓉汁，識揀嘅一定揀黑椒汁😋😋蝴蝶肉眼大份抵食，但係肉味唔夠濃，如果想食肉味濃啲嘅話可以選擇牛柳。最後埋單肉眼加凍飲， $148 +1。如果想過下口癮嘅話都可以接受😁…Read More

頌安街市內，算是村內唯一的粉麵檔，環境一般，大約有十幾個位，位置唔好坐，亦都唔會預期會喺度坐得太耐，而且係需要搭枱的。粉麵價錢算是貼地，雲吞麵$33 ，牛腩麵$35，而且加菜也只需要$13。雲吞麵份量正常，女仔會食得飽，一碗裏面有五粒雲吞，但雲吞唔算大粒，所以當過吓口引。雲吞麵味道正常，湯底味道唔算濃烈，唔似出邊一啲店舖會用大地魚嚟煲湯，所以最好加添辣油。牛腩河性價比唔錯，牛腩份量都算多，一碗內有唔要7-8舊，所以通常會叫牛腩河。…Read More

基本上每個月都會食一次，無論係收工時間定係星期六日中午都會有人排隊，但每次大約等15分鐘就可以入店😀必食推介狀元及第粥🥰，40幾蚊有足料嘅豬雜，豬心、豬肝、豬肚、豬粉腸、豬肉片。🐷豬什是前應該少量調味，所以食起嚟個粥係好夠味，而且豬肝生熟程度啱啱好，起身唔粉少少爽口，而且豬肉片大大塊，食起嚟過足口引😋腸粉亦都係推薦，每次嚟到都一定會叫叉燒腸同蝦腸，腸粉皮夠油夠薄，配上豉油一絕🥇而且雲吞麵都係必叫，大地魚湯配上蝦子，幼面夠爽冇鹼水味，唯獨是份量少，正常一個男仔三四啖就食完一碗。總結而言，10大碗嘅粥同腸粉都係有保證，性價比高👍🏻兩個人總共叫咗五樣嘢，埋單190幾蚊，可以接受。…Read More

門口掛住一系列必比登推介，所以諗住試吓。叫咗一碗豬潤魚腩粥$70、豬軟骨麵$48及一隻豉油王乳鴿優惠價$48 ，全部都要加一😅價錢唔平。豬軟骨麵味道正常，麵質爽彈，豬軟骨夠淋滑，唯獨是份量太少，一個正常男仔三四啖就食完，成為$48+1😅豉油王乳鴿優惠價$48算係性價比唔錯，豉油味夠，乳鴿肉質嫩滑，推薦💪🏻豬潤魚腩粥，豬膶四大嚿魚腩有兩舊，滋潤爽彈唔粉冇苦澀味，比起坊間一啲豬膶麵茶餐廳更為好食，魚腩外皮煎過，油脂足夠，大推😁而且魚湯粥底，粥身夠晒棉滑😋總結食物味道唔錯，但份量不多，而且價格稍貴。…Read More

聽同事講之前係需要排隊，但今日中午見到沒有人龍而且又有位，所以就入去一試。店內裝修比較昏暗，氣氛唔錯。烏冬有三種湯可以選擇，麵豉湯、清湯及咖喱湯（+$10），最後選擇麵豉湯吉列豬扒烏冬🍜。大約10分鐘後送到。吉列豬扒🐖正常，相比起快餐店嚟講好食少少。而烏冬用熱鍋上枱，所以保溫效果極佳😅唔可以食咁快。烏冬麵質適中，唔會太腍，亦都唔會太有彈性。而麵豉湯相對上比較濃味，所以食到最後都會好鹹。亦都有加點炸雞翼，一碟三隻雞全翼，分別有好似係黑芝麻味及辣味，都係正常發揮。總結而言，可以一試，但唔好抱有太大期望🤡…Read More

研香出名應該係開心果豆腐花，之前經過想試，但見到好多人排隊同埋開心果豆花都售罄，所以最後都放棄。今日經過見到冇人排隊，而且詢問店員後有開心果豆腐花，所以就入去試吓😋店內環境文青風格，位置與位置之間唔算闊落，所以坐得唔算係舒服。最後叫咗開心果露豆腐及芒果冰🥭。之前冇食過開心果露，唔生食落同想像中唔同，有少許酸味，下次應該唔會再食😀。但芒果冰🥭就相對上比較出色，芒果甜香👍🏻，由新鮮芒果打成冰。價格以甜品店嚟講算係正常水平。…Read More

今日去咗大埔墟街市熟食中心搵食，由於而家熟食中心裝修緊，所以扶手電梯上唔到去，改為搭𨋢。星期六中午11:30到達，唔算好多人，有枱可以即刻入坐。餐牌食物10分簡單，炸豬扒炸雞翼雙拼其他粉面。一行三人叫咗炸豬扒菜肉雲吞配上海麵、炸豬扒牛筋配上海麵及炸雞翼炸醬配上海麵。如果需要飲品就需要喺隔離檔度購買。因為都見到廚房keep住炸緊啲豬扒同雞翼，所以食物好快就送到過嚟，熱辣辣😍，豬扒大大塊入味夠鬆化，而雞翼裏面仲keep到有肉汁牛筋及菜肉雲吞一般😅，餡料唔算豐富，可以不用試。湯底比較清淡，配上上海麵進食，味道一般，但加上炸醬之後，味道有所昇華，所以下次都會叫豬扒加炸醬🥰三個人一共食咗$138 ，價錢不貴，都算抵食‼️…Read More

平日晚上6:30到達，店內冇乜人，而店員都算有禮貌招待入坐。環境一般，沒有太靚嘅裝修，正常小店格局，店舖內大約有20個位左右，除咗牛腩粉麵外，都有其他茶餐廳食物供應。叫咗碗牛腩米加底，共$43，價格唔貴，但加底份量不多，下次應該唔會再俾$5加底，牛腩入口梳化，有少許纖維感，但不會攝牙罅。湯底味道普通，需要加啲辣油嚟提味。簡簡單單，唔係難食亦都唔係好好食，正常牛腩麵，下次經過嘅話可能會試牛雜麵，睇落唔錯:)…Read More

上網睇邊度有抵食嘅壽喜燒可以過下口癮👅，咁啱就睇到壽喜燒肉屋嘅lunch價錢唔係貴💰，可以一戰。壽喜燒肉屋星期六日都有提供lunch Menu😍，所以預早幾日前已經上網book定。當日11:50去到，已經有幾組客人排緊隊。12:00正式開舖就安排入座，好快已經揀好咗「特上」薩摩牛壽喜燒$249同「極上」薩摩牛壽喜燒$349🥩，當日餐廳做緊一周年優惠，2客特上壽喜燒就可以有八八折優惠👏🏻落單後等咗5分鐘後已經上咗前菜，前菜係黑松露薯仔沙律、豆腐同埋海鮮沙律🥗，味道唔錯。食完前菜後再上肉🥩，第一轉壽喜燒由店員幫我哋燒，之後就自己燒，途中店員都會有過嚟幫手睇吓火力，服務都唔錯👍🏻入座限時70分鐘，評價CP值算高，但牛肉味唔算太濃，極上薩摩牛可以做到入口即溶口感，而特上薩摩牛就相對上份量少啲，而且肉質纖維多啲，但呢個價錢已經算係冇得彈👍🏻…Read More

呢間Cafe嘅位置係一個唔起眼嘅角落，平時都冇留意到原來有一間Cafe喺度，經朋友介紹後先至發現到👀Cafe環境唔錯，相對上係比較安靜，而啲意粉同咖啡都係出色👅，對比其他Cafe嚟講算係中上級別，強推燉牛小排肉醬水管粉🐮，聽老細講呢個係呢間Cafe嘅signature意粉，牛小排燉咗起碼三四個鐘以上，所以口感軟爛而且又夠晒入味，份量亦都唔少，性價比極高👍🏻配合埋其他意粉同食物，渡過一個滿足嘅晚上😋…Read More

星期五選擇同同事一齊食好啲😋😋😋呢度都算係一個唔錯嘅選擇。雖然呢間餐廳價錢相對上唔算平，但呢度嘅服務環境食物質素都對得住呢個價錢👌🏻首先環境方面，除咗一般正常餐廳有嘅座位外，都會有日式榻榻米的座位選擇。而且服務都唔錯，店員都會keep住幫客人斟茶🍵而餐牌方面嘅選擇，除咗日式shabu shabu 及刺身外，都會有一些飯類選擇，例如日式炸雞飯及親子丼，而之前都嚟過食過🥚🐔親子丼$158，都係一個唔錯嘅選擇。而今次就同同事食一個比較好啲嘅餐$258，包含和牛烏冬🍜及壽司🍣。除咗呢兩樣主食外，套餐都包含前菜沙律、麵豉湯及茶碗蒸。食完後仲可以選擇飲品☕️或雪糕🍦作為一個滿足的結尾🥰🥰…Read More