melodypoon's Profile

以前食過西灣河合時覺得都幾好食，所以諗住今年團年飯過嚟食，屋企人已經提早咗好多親身過嚟book位，點知今日去到一場空。Book咗今日6:00 ，屋企人喺預約時間早Doo Doo已經到咗，我就六點去到發現未入座以為未準備好。點知一位女職員話搵唔到我哋嘅Booking，但係明明張紙上面寫住我哋個名6:00三位寫埋枱號，但係我哋嗰張枱最後變咗係一張六人以上嘅枱已經有其他人坐住咗跟住個女職員走去同個阿叔溝通，因為佢哋係喺間房好細聲講開頭聽唔到佢哋講乜，到我跟埋去詢問嘅時候嗰個阿叔話打過俾我哋冇人聽所以以為我哋唔嚟就取消咗，我哋係冇收到任何電話，所以覺得不合理，跟住佢檢查另一本簿嘅紀錄，佢係將我屋企人嘅電話寫錯咗所以點解冇人接聽。我哋勁嬲，佢哋見我哋嘈所以想喺兩張枱中間用一張人哋愛嚟上菜嘅枱安撫我哋，但係嗰張枱根本唔可能坐到三個人，非常印度嘅做法，另外呢個阿叔嘅態度非常之差，開頭完全係正眼都唔望我哋逃避我哋，係我哋喺度嘈好耐佢先至好求其講句唔好意思就算跟住我話要同經理講，點知呢個阿叔就係經理，屋企人因為都好嬲同埋亦都肚餓，我哋決定即刻去搵其他地方食後尾我哋走之後有一位女士追出嚟同我哋了解，佢話佢係幫老闆做嘢既，我同佢講咗個情況，亦都覺得最不滿首先係我哋book枱嘅時候，冇人講明話如果打嚟同我哋reconfirm冇人聽就會取消我哋嘅預約，一般餐廳正常做法都係會留枱15分鐘，真係客入唔到就先至自動取消啫，佢呢個經理嘅做法完全唔合理（我心目中懷疑佢根本就覺得我哋人數太少，所以想取消我哋比張枱一啲人數多嘅客人） 呢位女士就態度好好多道歉之餘話會同老闆跟進嘅，但我都覺得應該要喺度留言，等大家知道恐防大家都會遇到同我一個情況…Read More

今日透過dining city book咗同閨蜜去呢度食咗個lunch，水準唔錯。我特別喜歡個頭盤veal vitello tonnato ，佢嘅肉質好嫩，個吞拿魚蛋黃醬好配合另外個 butcher's cut （每位+48）分量十足，兩個人食唔晒，肉質都不錯，很有肉味。tiramisu我覺得一般。餐廳在大廈的30樓，整體裝修環境都舒服，服務都好好，職員好有禮貌亦都好主動收碟同埋加水。埋單平均每人$270，作為一個午餐雖然唔算平，但係食材同埋味道套落返呢個價錢都算合理。整體係一個不錯嘅選擇，應該會再去。…Read More

上星期五夜晚經過太安樓見到呢間除咗賣漢堡包，原來都賣kebab，見好耐冇食，呢頭附近又唔見有呢樣嘢，所以就買咗個烤牛肉卷返屋企食。首先出到嚟佢唔係真係好似平時嗰啲圓形捲住，而係壓扁左，一打開個錫紙包啲牛肉碎跌晒出嚟食得好麻煩。味道亦都係一半，啲牛肉亦都好乾。諗住$55算啦。好嘅一餐唔好嘅一餐。點知食完一個鐘後到開始個人唔舒服發熱發冷跟住作嘔，最後嘔返食咗嘅烤肉卷，先至好返啲。所以大家想清腸胃先好諗住食…Read More

今晚約咗閨蜜食飯兼吹水，就揀咗呢一間大家都未去過嘅日本野嘗試緬懷返喺日本食嘅吉列牛。餐廳環境都算寬躺，我哋坐卡位亦都相當舒服，嘢食方面第一件事就叫咗吉列石燒牛小排，雖然唔應該同日本比較，但係坦白講真係差好遠，牛肉本身牛味唔夠，質地還算可以。燒牛舌串，呢個認真麻麻，基本上係唔係好咬得開，最後要成舊吞落去。牛油果軟殼蟹壽司卷，味道還可以，不過中間嘅軟殼蟹餡料比較少。芝士煎餃子，普普通通，冇特別食出芝士味。最後甜品叫咗個水信玄餅，我本人覺得麻麻。另外叫咗一jar 水果茶，亦都係好一般。因為有堂食散叫88 折，所以最後平均$150一個人。價錢上喺銅鑼灣咁樣食日本嘢係平嘅，所以連帶嘢食嘅水準都係一般。冇咩嘅，我都係去第二間搵啲好嘢食先…Read More

男朋友仔喺中上環經常買呢間27 kebab 做lunch,搞到我都好鬼想食，所以今日叫咗跑馬地嗰間嘅外賣做lunch.未食呢一間之前，我食過灣仔另外一間，嗰間無論餡料同埋醬汁都比較少，所以食後感一般。但今次試了呢一間27 kebab,我哋兩個都買咗羊肉餡料，第一口咬落去已經感覺好唔同，醬汁好多味道調校得啱啱好，裏邊無論羊肉或者生菜蕃茄都好足夠，食一個已經夠晒飽。我同男朋友仔講，食完返唔到轉頭，好想每個星期都起碼最少食一次…Read More

之前留意到Frites每日都有優惠，而週末係任食USDA嘅安格斯牛扒 $295+10%, 所以今日特登約咗男朋友仔一齊過嚟食。牛扒你可以同佢哋講要幾多成熟，上碟嘅時候亦都會跟咗成座山咁樣嘅薯條。薯條黎都仲係熱辣辣，都幾好食，如果唔係驚食唔落啲牛扒，我會食多少少薯條牛扒我地叫medium rare, 生熟程度算ok, 有肉汁而肉味一般。不過呢個價錢任食，我覺得唔可以要求太多。食完第一塊之後，啲職員已經主動問需唔需要再上多round 牛扒，我哋兩個都refill 左。去到食完第二塊之後已經飽咗😅 .但係啲職員依然好似你阿媽驚你食唔飽一樣，不停講：要不要再加？唔要喇？夠喇？😂😂。 真係好抱歉，雖然我好想食，但係真係個肚脹晒😆。但係佢哋嗰個咁熱情招呼，成件事好開心😌另外我哋亦都叫咗1 set 5 杯既啤酒taste sample,細細杯得來又可以試唔同嘅味道，都值得嘗試下整體來講我覺得食物嘅質素唔錯，同埋服務態度都亦都好好，等我個肚爭氣啲之後我下次會再嚟…Read More

難得約朋友出嚟去上環食lunch，揀咗呢一間見啲食評大部份都唔錯。但係去到第一個感覺已經有啲唔良好，因為個地下好似黐立立。廚師亦都冇完全戴住口罩，但係都入咗去就算啦。晏晝只有午餐menu選擇，我揀咗個鐵板牛扒配薯條，朋友揀咗法國慢煮油鴨髀配溫泉蛋及waffle.我都明白$98嘅牛扒唔能夠要求太多，但真係強差人意，牛扒非常之難切開，切到入面仲好多筋好難咬，薯條還可以。朋友嘅油鴨髀亦都係一般。如果夜晚嘅食物水準真係好似呢度嘅食評講咁好，咁我覺得晏晝只係好似借咗間舖頭比幾個學廚實習。總之呢餐晏就會令我唔會再過嚟，所以連相都唔影…Read More