Good Chicken's Profile

我同先生於除夕夜當晚6:30到貴公司太子始創中心牛一分店享用120分鐘鹿兒島A4黑毛和牛放題晚餐，等左15分鐘位獲得安排入座，被安排坐最尾既位置對正一部坐地大風機，問待應可否掉位，對方回應座位已經同套餐連結不能再掉。牛肉質素不錯但刨得太大塊，食完頭盤後想再order發現部tablet是壞的要用店員直接order，由於坐位比較窄，隔離位走既時候掃跌左一隻豉油碟，彈到我地對腳都係，幸好裡面只有青蔥，待應話無豉油既有既唔係咁既色啦！基於褲又整污衊左，部坐地風機不停吹住我後尾枕於是乎食左都無個半鐘個人都吹到病病地就急急雞埋單走人！埋單$9xx完全係受罪！…Read More

晚餐相約家人慶祝囍事, 事前見呢間餐廳咁多好評就試試吧~到餐廳時已有幾枱客人用膳中, 環境方面, 枱與枱之間距離都實幾近, 感覺擠迫。揀左幾個主菜, 可以加$60跟一個餐湯&一份甜品1. 先上餐包 - 凍、硬同厚粉2. 餐湯 - 是日餐湯係清雞湯, 但好似杯麵湯底的味道! 而且蘿蔔粒是硬的!3. 阿拉斯加長腳蟹意大利飯($168) - 得兩條蟹棒, 份量很少, 味道偏咸4. 黑松露野菌薄餅 ($128) - 最好食呢個啦!! 黑松露味幾香~薄餅幾脆~5. 9安士安格斯肉眼扒 ($258) - order了五成熟, 但上菜時扒已9成熟啦! 又咸又油又熟, 係咪煎豬扒黎? 同侍應反映左, 但你知啦換過碟係要'take risk'既, 所以我們只好食左佢6. 焗羊架 ($248) - 個人不太好羊騷味, 但家人說還可以吧, 約5-6成熟7. 西班牙燒乳豬 ($228) - 又油又咸, 肉質梅晒, 最差呢碟! 唯有食下面的薯蓉8. 甜品 - 叫左心太軟同巴伐洛娃蛋白餅, 呢兩款要額外+$10, 心太軟幾好有流心的, 但巴伐洛娃蛋白餅個人認為偏甜, 食左一半就放棄了…Read More

話說尋晚同男友各買一串牛柏業食，因為牛柏業既汁好易彈到成身都係，於是問呀姐拎隻綠色膠碟住啲牛柏業。點知呀姐話：“一早叫你買兩串嫁啦，買多串咪俾個兜（白色外賣膠兜）你囉”。同佢講要隻碟又話要買多串俾個兜你，在深水埗店同以前係度食過都可以用綠色碟裝住晚既，況且佢根本無講過買三串有個兜。好，我地就咁食算。上次買外賣又係遇上呢個短髮呀姐，買佢可唔可以淋多少少汁又係悔悔氣氣咁話“得，買多串咪俾多啲汁你囉。”講番食物質素，牛柏業係爽既，但男朋友有五舊牛柏業而我只得三舊。男友叫唔辣醬汁但食落去都辣。總食落總覺得無以前咁香辣。總括嚟講六蚊串小食我唔期望有好服務，但至少唔係咁樣discourage個客。以前去開深水埗店態度都唔錯。論價錢、味道後一條街兩間小食平一半，味道唔都唔錯，食完一肚火，我點解要幫襯你？仲想個客買多串？我會永遠blacklist荃灣陳記魚蛋。…Read More

呢間位於福來邨既舊式茶樓自小已同婆婆成日黎食~十多年後重臨故地, 食物依然品質高, 人情味依舊咁多年個茶水櫃都無變呢度D茶葉沖茶味道好香, 同出面大型連鎖茶樓唔同, 我地叫了潽洱, 茶味香濃。咁多年仍舊要同街坊搭桌坐^^一黎到見位就坐得。呢度D點心好大粒又多肉食落口很爽口又啖啖肉, 魚翅餃好爽口~牛肉球好大粒, 新鮮出爐時很多街坊搶住要~幾經辛苦終於拎到一碟回來~肉質鮮嫩, 唔似出面果D蒸到老晒!記得小時候最喜歡食呢度既牛柏葉, 個汁好香又大份, 最後同男朋友食左兩籠。不得不提呢度既雞紮, 內有兩塊雞件, 一塊魚肚同一條芋頭, 超大件又多涵~正!茶店多年依然採用傳統中國數字, 別具特色。總括黎講十萬個讚~價錢合理, 性價比高~一定會再番黎食。…Read More

係beecrazy買左cash voucher $40門面企理, 去到有一家人座係度食緊, 人唔係好多。叫左一個大size, 可配四個topping,揀左原味yogurt x士多啤梨x mangox 爆珠x 碎朱古力yogurt同topping都幾鮮甜, 特別係mango 食到一半間鋪人山人海, 因為是日買一送一。…Read More

由於番工關係經常會經過陳全記鮮果, 鋪面睇上來以為只係生果鋪, 一次放工係同事介紹下試下買黎飲, 因為佢地話呢間鋪頸既果汁唔加水又fresh。menu 花多眼亂 同事飲西柚橙話幾好就跟佢單喇, 細size $12都夠飲。睇住佢即榨出黎, 好過有d鋪頭榨好左唔知放幾耐, 而且十分清甜, highly recommended…Read More

同朋友聚會好多時都係食放題, 今次三人行興起想食放題但無book位, 於是去旺角新開既吉壽試試。去到問waiter有位, 可以食兩個半鐘。對比中環吉壽, 呢間多位同坐得舒服好多, 有好多梳化位。但侍應可能新人, 問野又pass俾另一個答, 最後搞搞下無左件事, 而且order野飲成日都漏講下食物, 個人覺得好食過中環店,第一round當然食魚生, 三文魚好肥美, 切得都算大片, at least大過中環果間。章紅魚一般, 蝦就麻麻地, 帶子同螺肉都好食, 好甜。其後叫左天婦羅/燒半架/金芝麻雞翼/炒辣蜆/炒牛粒/牛油炒金菇/牛油粟米等等熱盤質素唔錯!但上菜方面差左少少, 第一round落既野可以九個字先上菜侍應生多野做又唔知追單定重新order過好:(最後叫多個北海道牛乳鍋, 出面好多放題都無咁好食, 好鍾意連埋湯料飲, 特別係粉絲。總括黎講, 個人覺得吉壽係同集團之中最抵食。魚生大吉好, 熱盤大喜屋好, 但比吉壽少款。吉壽就魚生熱盤都ok, 性價比高。…Read More

今次去到xtc無我最愛既blueberry cheesecake味, 試左其他(rose/益力多 etc.)又唔太岩,咁岩望到牆上介紹咖啡味, 於是揀左朱古力+咖啡。味道方面:朱古力 - 次次都會叫呢隻味, 好香濃, 唔太甜咖啡 - 好香既咖啡味, 無H brand咁重奶味值得一提呢間鋪既店員真係好nice, 好有耐性, 去左幾次都有俾到我印象!!…Read More

今日出開旺角食茄牛通, 晚上熟食中心人好多, 去到發現加左價, 由$26加至$29。不過價錢尚算合理, 食物水準依然。揀左茄牛通, +$5 轉做豬扒包同埋+$2 凍檸茶講講食物味道:豬扒包 - 好脆身, 裡面有洋蔥同蒜容, 好香口。茄牛通 - 用番茄, 薯仔, 紅蘿白, 牛 etc.煲成既湯底, 好濃郁。凍檸茶 - 茶味好香, 冰既份量適中, 正 呢個常餐食完岩岩好夠晒飽:) …Read More

出開葵芳於是就去食乳酪雪糕:)阿波羅既乳酪雪糕真係由細食到大, 而且次次食都係同一隻味。雖然froyo開到成行成市, 但個人始終鍾情於阿波羅乳酪雪糕價錢無變, 仲係$18兩款配料,揀左椰子x西瓜味道好清甜, 可能天氣凍無咁易溶, 之前係美食展食溶得好快。食到落最底都仲有, 好抵食…Read More

係openrice見到好多人話呢間牛什粉麵好食, 於是出去葵芳試試openrice個map錯的, 其實佢係公屋對面, 於是繞左個彎過馬路先到。去到由於小店得五張檯, 所以要同人搭檯。一坐低就order牛什米食物一到好高興, 因為牛什比起其他食店多同好大件。味道十分好, 覺得佢個汁好好食, 牛什好鮮甜, 又唔"un"。對比平時食開既牛什粉麵, 呢間係so far我覺得最好食既。不過略嫌佢個辣油唔夠辣+$5有奶茶/咖啡, 不過無加到:(服務ok, 見佢同d街坊有傾有講, 係果區都係做街坊生意。…Read More

因為係團購網買左以 $25 享用$78 absolute burger 漢堡套餐優惠, 所以黎試試~去到原來係間bar, 仲有得玩飛標。$25既漢堡套餐只可選擇雞扒/龍脷柳, 加$15就可以揀牛扒/羊扒。於是最後加左$15轉牛扒等左陣個牛肉漢堡黎到喇~塊扒有d乾~伴菜既薯條好好食, 一d都唔粉。餐飲只得罐裝汽水:(整體黎講食物都幾好, 仲可以坐係度傾下計, 而且waitress都幾nice。…Read More