``紙紙 =]'s Profile

近年韓風盛行，韓國餐廳愈開愈多，早排就去左土瓜灣新開既李家，之前我有同朋友去尖沙咀食過一次，今次就同大人黎試下，叫左炸雞半隻，燒五花肉同辣炒魷魚（？）（唔記得左個名😂😂）五花肉：好香，份量都正常，不過大人話如果有啲生菜包黎食就好，可以減油膩感。（電話唔知做咩upload唔到張相😭😭😭炸雞：好味，不過叫半隻有啲細份唔係好夠食辣炒魷魚：呢個麻麻地，炒到出晒水，個底水既，下次可以唔叫🙈🙈…Read More

之前上OP睇,話佐敦呢間”醬缸”好味,D野食好地道,仲有醬油蟹(我係海鮮超級愛好者),所以就同同學仔聚會既時候提議黎呢間試下,咁岩同學仔們好多都鍾意韓食,,咁就一於試下啦..訂位..2個月前已經訂左,7月份既時候打黎最快既BOOKING已經去到9月 =0=, 超誇張呢..咁就令我地更期待呢一餐當晚我地7點25分到左, 去到點知有個阿豬媽話訂左7點半就7點半先有得入,,,我地大家都O晒咀,,,咁都算啦,但最唔好彩係果日落雨,加上等既人真係好多,雨又大,所以朋友們都弄濕了..>< 等到差唔多7點50分先入到去…咁坐低我地就叫野食喇我地叫左: 醬油蟹 (記得要最少2日前預訂呀,我就訂位果陣留左),泡菜餅,部隊窩,參雞湯,泡菜豆腐湯,年糕炒麵醬油蟹好好味,,,係韓國食過好咸,(可能因為果次冇要飯),呢度你叫蟹係會送一碗紫菜飯,撈埋一齊食真係無敵,超好味,,當日既蟹唔算好多膏,但都可以接受,,佢連埋D青紅椒同洋蔥一齊浸, 連D配菜都好好味年糕炒麵好食, 唔太膩,,有菜同蛋伴碟泡菜豆腐湯熱辣辣,,正,,D豆腐好滑,有金茹,雞蛋,翠肉瓜配菜泡菜餅好好味,其他地方既泡菜餅會比較厚,呢度既脆卜卜,唔太厚,食多幾塊都冇問題參雞湯雞裡面有飯(應該係燸米?), 好好味,隻雞唔鞋,好入味部隊窩呢個比較普通,因為本身部隊窩都係一D日常既野食,腸仔,餐肉咁,呢個都有連一個麵既,總括全晚既野食都好好味,,只係坐位比較迫同冇得慢慢傾住計食,,好滿足既一餐.…Read More

小妹係火炭工作,日日諗食咩都諗到頭都痛,,聯邦永遠係最快靚正既選擇,味道ok,份量仲好多添...就算叫外賣都好快送到黎..雖然唔係話超好食..但已經好過好多同區既食店..老闆娘又親切同埋種類好多..你想食咩都有..係火炭..聯邦的確係唔錯既選擇..所以亦係小妹既飯堂之一不過因為成日都食..冇影相..^^…Read More

補食評...呢間其實9月既時候已經食左...但一路忙得濟未打食評...放工大人黎接我..之後出mk搵野食^^之前見唔少人comment呢間野幾好食..咁就試下啦..大人叫左咩我唔記得喇唔記得幫佢果個影相xd我就要左個飯,,個汁ok..d飯係用珍珠米...好味,,但大人果個就麻麻地..旺角咁多選擇...短期內都應該未必再食,,但一讚既係服務ok..旺角好少地方態度ok…Read More

是晚上學,放學大人話陪我食飯,又於太夜又唔想食咁多既關係,就去左/金龍華/度食...之前都食過,,ok啦.上次食炸雲吞,墨丸好好咋...因為呢排減緊肥,夜媽媽唔好食咁多野所以就叫左魚肉翅,燒賣同腸粉..魚肉翅ok,唔太杰,魚肉唔太粉...因為我好怕d舖頭d魚肉係粉..而呢度都食得出有魚肉,唔係粉燒賣.正常啦..都應該係黎貨架姐...腸粉: 食左第一啖先記得上次食完話以後都唔嗌腸粉好怪,好硬,好難食,d甜醬又好怪.....overall夜媽媽有d野食都幾好...但我真係唔會再食呢度既腸粉…Read More

呢遍係補打的...食就好耐之前已經去食左..d人講到好得,但我又覺得ok啦..熱lala果陣當然最好食...=]同我覺得同沙田第一城差唔多..不過都好食..可以俾笑..^^…Read More

由於工作關係,做到零晨2點幾先收工,,好在大人陪我,成日都未食過野,當然去食飯先啦...呢間野大人話佢成日黎,因為做完成日野好攰又冇咩胃口,就要左個奄列+麵既餐,最特別既係佢既奄列係用蟹柳而唔係用火腿,雖然唔係講得上超好食,但極愛蟹柳既我當然OK啦...麵都一般啦..呢間野我見佢有粥果D,不過太夜試唔到..有機會再試 (不過應該冇啦 我都唔係住果頭)太餓,,,唔記得影相已經食晒了用餐日期:8月10日零晨3時…Read More

今晚因為陪大人係土瓜灣整野,搞到12點幾(夜晚!!!!!)先去食飯!因為我等得太耐,大人話去搵d好野食氹番我,咁近近地我地去左九龍城搵,去到九龍城多數都係食泰國野架啦,今次揀左呢間"興隆"試,一坐底有個阿姐就問要唔要生蝦,因為小妹個人非常鍾意食蝦,當然ok啦,之後仲嗌左泰式拼盤,炒金邊粉同燒豬頸肉.生蝦 - 因為大人唔食蝦,我1個人食晒11隻.,好好味,好新鮮! 加埋d汁一流泰式拼盤 - 除左魚餅其他都係有蝦,但樣樣都好好食,個魚餅同蝦餅最正!炒金邊粉 - 都ok,不過唔知係咪其他野d味太勁,覺得個粉冇咩味,不過加埋d辣粉,岩岩好炭燒豬頸肉 - 好味,唔會'un',份量都唔少原本大人見到人地食蒜蓉飽同叫咖哩蟹,又話想食.但因為太飽冇叫到,唯有下次黎再試下..…Read More

因為小妹收9點,所以晚晚都冇野好食,但見上個月又出左雙糧,今個月又出左信加人工,咁岩今日大人又做野做到好攰就諗住請佢食飯等佢開心下,由於出到去都10點幾,原本想去金龍船,但因為夜得滯,冇得食咁就諗住o係女人街搵下野食,行行下見到呢間好似幾好咁,就決定試下啦.任食黎講佢都唔少野可以揀,但舖仔細細,d野都幾好食,wasabi鴨胸幾好,鴨胸薯蓉好好食,牛肉鍋超正,大人超推介呀! d豆腐好滑,份量唔會太少,個湯底好甜,刺生都好新鮮,辣硯好夠味牛柳粒同牛舌熱辣辣鐵板上,,其實仲有好多都好好食,真係講唔晒.不過我地都仲有好多未試!可以下次去再試服務都幾好,好主動見我地食完會幫我地收碟,又會提我地拉麵係大size(因為係平時散叫既份量,所以好大碗!),亦都好有禮貌!下次想食日本放題,又多一個好地方揀 =]*不過因為太餓,唔見得影相.…Read More

呢間糖水舖其實已經去過好多次..次次去最少都叫兩樣,,,- 芒果卷- 炸雪糕次次去都係食呢d,,當然仲有其他啦 =]但由於次次去都係叫呢兩款...老闆同老闆娘已經認得我 次次一入去已經問係咪照舊,,哈哈不過炸雪糕真係超推介!!我最鍾意加焦糖醬...=]芒果卷次次食都好甜,,=]係芒果既甜,,十個推介 =]…Read More