bingbing_lam's Profile

朋友喺外國返黎, 話好想打邊爐由於佢長期肚餓, 就book左間任食火鍋揀左第2貴果個餐, 鴛鴦鍋叫左我至愛椰子雞, 同見幾特別既龍蝦頭湯底個龍蝦頭有d龍蝦肉咬下, 不過我都係鍾意椰子雞多d, 好香又好味之後聞到隔離檯個羊腩煲勁香!!湯底一黎我地就喪叫牛肉, 美國極黑和牛d紋係最靚,又大塊, 好滿足第一round同encore既肉質素一樣其他每樣試下, 牛板腱, 牛肩胛正常, 但比唔上極黑和牛手切封門柳好有牛味, 而且之前食過出面就咁叫好貴, 所以係第2 encore得最多花雕酒雞翼原來係生上, 放左落個椰子雞度, 即刻upgrade左做花雕椰子雞後面嗰條係沙鯭魚, 第一次試，幾滑朋友好興奮咁喺自助區拎左蛇羹同糯米飯返黎, 兩樣都幾好味飲品櫃見到有大熱既鴨屎香檸檬茶, 即左拎左支啤酒, 清酒, 梅酒任飲, 朋友係酒鬼所以岩哂佢食食下佢又話原來有乳鴿!!即刻order幾件, 熱辣辣上, 食完再encore醉雞卷, 呢個係熟左唔使自己淥, 不過我覺得自己淥果個酒味濃d藤椒魚皮香口, 好麻, 有啲辣出去夾d菜, 整個蔬菜拼盤第一次見紫色羽衣甘藍, 仲有唔係成日見到既冰菜陸陸續續又試咗其他，但太多款嘢食我地都試唔晒最後食埋個士多啤梨味haagen dazs, 同黑芝麻雪糕呢晚食得好開心, 又抵食, 下次想試佢既羊腩煲同麻辣鍋, 同淨係叫極黑和牛同封門柳, 留肚試多d佢其他野…Read More

上網搵到呢間日本蠔放題，訂位之後已經期待咗好耐，當日我哋叫咗生蠔串燒放題餐。首先前菜有誠意，海鮮湯用微火保持住溫度，好細心，湯底好甜，除咗蜆仲有帶子仔，蝦等，鮮味十足。吉列蝦炸到好脆，蝦肉爽彈，蝦殼都食得，好正！到懷石八品，一上台哇咗出聲，好靚好精緻，侍應哥哥教我哋由淡食到濃味，松葉蟹肉凍好鮮甜，和牛沙律夠開胃，牛味濃，燒活鰻魚好香，三文魚籽吞拿魚蓉係本人最愛🥰食完依個前菜已經好滿足，差啲唔記得嚟依度嘅重點🤣首先上咗一輪生蠔，係日本空運北木島蠔，蠔鮮嫩甜度夠，海水味足，完全唔洗加檸檬汁，配埋蘿蔔容同蔥粒好正，食完滿口濃濃鮮甜蠔味🤭🤤。餐廳仲好細心，幫你切埋粒蠔殼肉出嚟，蠔痴一定明白食蠔一定要食埋佢🥲🥲食到凍凍地，侍應哥哥上咗燒蠔同焗帆立貝，有原味，蒜味，辣蒜味同芝士味，其實每隻味都好正，但本人最愛係辣蒜味，估唔到好夾，仲唔會口味過重蓋過蠔味，同埋個人覺得燒蠔size好似仲大啲，啖啖滿足感🤤到串燒，當然每樣試一份啦，種類太多無辦法樣樣講晒，但當中我哋狂encore嘅有：雞腳筋串，比雞軟骨更正更過癮，送酒真係一流；雞腿肉串，外脆內軟，極多肉汁，肉嫩，燒得好好；羊肉串，羊味夠，肉味香濃最後encore咗兩round生蠔，兩round燒蠔，佢哋啲蠔質素真心高，比酒店嗰啲即開蠔更正重點係任食得黎上蠔速度又快，中環有依個性價比真係估唔到🥰本身好想去日本食蠔放題，依家唔洗了🤭…Read More

放假同老婆去食好耐未食過嘅大喜屋，平日下午五點未開市已經有人排隊，心諗有冇咁正🤔入到去，有得喺電話落單，亦可以出去拎，出面除咗有好多嘢飲揀之外（竟然有椰青水😍珍珠奶茶同紅白酒），仲有老火湯，炸蝦多士，前菜（爽魚皮好正）同水果，名牌雪糕雪條，仲有我忍不住拎嘅橡皮糖😂。一嚟到必定係叫刺身，三文魚件件都係腩位質素，魚油十足；大蝦夠鮮甜夠彈牙，帶子甜蝦size剛剛好，鮮甜；長腳蟹唔吝嗇，總括嚟講刺身質素高！壽司新鮮得黎細細件😎仲有花雕醉鮑魚😲熱食方面，串燒即叫即燒，每串都好香噴噴熱辣辣，天婦羅皮薄唔油，羊架燒得好嫩滑，熟度剛剛好，鵝肝多士亦好出色！仲有皮薄多汁乳鴿😮估唔到放題都有咁高質鵝肝同乳鴿😨最最估唔到係佢嘅上湯蝦球伊麵，首先蝦球好大舊，爽滑彈牙重蝦味，好新鮮😍麵質非常好，軟硬同份量適中唔會一餅嘢質飽你，調味好出色，正😳👍🏻Encore咗幾樣最正嘅（包括羊架，蝦球伊麵，串燒同刺身），都飽到89成，見佢有燒金枕頭榴槤，作為榴槤愛好者一定唔會錯過🤭一上枱已經覺得好正，色澤吸引，味道香濃，一咬落去外脆內creamy，比起平時直接食榴槤仲更加滋味，而且極之香甜，唔知係咪因為燒過嘅關係，仲有一浸微微嘅米香（絕對唔係過熟嘅酒味），忍唔住encore咗兩舊😂最後仲食咗個燕窩蛋白燉鮮奶🤭結果飽到捧住個肚走🫠真係估唔到食放題都有榴槤食，而且仲要咁高質素，佢哋高質嘅熱食令我喺呢個咁凍嘅天氣都會揀去依間放題度食嘢😙…Read More

之前食過尖沙咀嗰間，見到黃埔原來都有分店咁就腳就放工去食。因為我哋食烤魚，就算兩個人都被分配到卡位，好闊落好舒服！小食方面我哋叫咗蒜泥白肉，蒜香十足，辣度適中，豬腩片夠薄，夾埋蒜泥真係非常惹味😍配啖啤酒真係開胃一流！🍻我哋叫咗招牌香辣烤魚，魚就揀咗海爐魚。首先講講湯底，食開譚仔三小辣嘅我哋覺得辣度適中，仲飲到啲魚湯嘅甜味。配料好豐富，好多菜，索汁無得輸🤤作為一個唔識處理魚骨嘅人，海爐魚真係完美選擇！無細骨，魚味足，入口嫩滑，加埋烤魚獨有，烤過嘅魚皮，配埋蒜香辣香麻香十足嘅湯底，一啖食落口真係十分滿足🤤開邊上，易索汁之餘仲好方便食🤣而且條魚好大條，兩個人分，食到打晒邊爐都搵到魚肉🤭重點係，條魚浸咗成餐邊爐啲肉都仲好滑！食魚食到一半咁上下，店員就問我哋加唔加湯打邊爐，我哋叫咗唔少嘢食（因為唔知條魚咁大條😂），估唔到佢哋嘅火鍋料質素都好好！我哋只叫咗普通雪花肥牛，但牛肉肥瘦適中，牛味夠濃唔會比辣汁蓋過。豬紅非常出色，口感好，唔散，配辣汁食真係一流！牛丸爽口彈牙，極重牛味，一食就知係貴價靚料🤤仲有海帶苗，我哋第一次試，入口好爽滑，個人覺得比海帶結更適合打邊爐！可惜未喺街市見過有得賣🥺一邊食烤魚一邊飲啤酒真係人生一大享受😌…Read More

每隔一排就想食泰國嘢，但我地次次都係去泰象館，因為佢性價比高得黎啲staff仲好nice🫡兩丁友眼闊肚窄唔嗌得幾多樣餸🥲如果一大班人黎就可以試多幾款🥹冬陰公海鮮湯：味道正宗，有微微椰香味，配料好夠，海鮮足料又新鮮，兩個人飲岩岩好蛋包鮮蝦金邊粉：賣相真係一流，份量十足，金邊粉炒得剛剛好，唔會過濕，蝦夠爽口彈牙，加埋新鮮青檸，酸酸甜甜好惹味青咖喱牛肉：平時咖喱多數都配雞，但今次試咗牛肉後好有驚喜！😯滑牛原來同咖喱好夾，牛肉爽滑，咖喱大大份，我哋仲叫埋薄餅去點咖喱，真係好邪惡🤤最後仲加多個白飯送咖喱，更正更好食🤭馬拉盞炒通菜：次次食都必叫！通菜鮮嫩，馬拉盞香口帶微辣，同樣都係大大份，抵食！食咁多嘢，兩個人埋單都係三百幾蚊，晚市真係好抵食，下次會再試其他菜式！…Read More

太和舊墟一向都有唔少好嘢食，今次對揀嘅呢間新式大排檔相當滿意！👍🏻一入到去，感覺到佢係好舒服嘅大排檔！冷氣夠凍，地方乾淨又衛生，同時不失大排檔嘅感覺。嘢食方面款式多，仲有小食串燒揀今次晚餐時段我地兩個人食左以下嘅小菜：🥬百合炒勝瓜：第一味餸就有驚喜，百合勝瓜香甜可口，而且唔會太多油，感覺好清新又開胃🍤柚子脆蝦球：攞盤好靚，一上枱仲係熱辣辣，即叫即炸，炸皮香脆，蝦肉新鮮爽彈，配埋柚子汁酸酸甜甜，香口又解膩🥩酸菜京蔥牛仔骨：坊間酸菜多數唔係配魚就係豬肚，牛仔骨真係未試過，但估唔到咁夾！😨酸菜同配料份量十足，但竟然牛仔骨都有好多舊！牛肉嫩口唔韌，非常大份，而且好掛汁，香口惹味！酸菜口味唔會過濃，直接食都唔會覺得油膩，好出色！👅虎皮尖椒麻辣炒鴨舌：醉鴨舌，滷鴨舌就食得多，辣炒又係未試過，思考咗好耐臨尾忍唔住嗌埋🤣同樣都係鑊氣十足，辣得好過癮，用嚟送酒真係一流，當然送飯都係好正！…Read More

今日同朋友慶祝升職 鮨一就係我地嘅首選提早卜位又可以坐下bar座chill一chill 👍🏻手卷叫左兩款帶子海膽手卷好鮮甜 帶子好厚鮨一手卷就有海膽 吞拿魚蓉 魚子入口層次豐富 滿口都係令人愉快嘅感覺海膽好甜 入口即溶的感覺真好刺身叫咗期間限定嘅石垣貝 夏天食貝類最啱 清爽又有咬口口感有少少似食緊象拔蚌嘅爽口但又冇赤貝肉質咁結實赤貝嘅觸鬚又加入青瓜絲同飯素包起做小卷口感又再多一些蜜柑鯛色澤好靚 肉質清甜帶有淡淡嘅蜜柑香天婦羅好記得有炸蝦三大隻 茄子 甜蕃薯 鮮菇我最喜歡大蝦嘅彈牙 友人則最欣賞鮮菇十粒超厚牛舌芯都好入味 牛舌好軟心蘿蔔亦超甜冇渣燒鵝肝好厚 燒過嘅鵝肝更加香 配埋香脆多士 齒頰留香每一次去鮨一都會帶俾我唔同嘅驚喜🤤…Read More

616火鍋對香港人黎講一定唔陌生 見到近排更加入長野縣信州和牛即時心心眼, 果然冇令我失望 呢個價錢食到日本信州和牛真係好抵食, 後腿肉肉質嫩滑好有咬口當日食咗好多款牛肉, 當中最印象深刻係吊龍伴肥瘦均勻牛香肉嫩醉牛肉加埋花雕酒香☺️入口嫩滑有咬口👍🏻牛駝峰油脂分布均勻胸口膀爽口彈牙 口感滿分想食麵食一定要叫手打烏冬新鮮製作, 幼身烏冬彈牙, 絕對要order一份香菇貢丸咬落充滿肉汁粟米索哂牛骨湯超甜飲品除咗汽水外, 叫咗幾款自家製飲品, 包括菊花桂圓露, 桂花烏龍冷泡茶, 烏梅汁, 絕對值得一試…Read More

開party要買大量小食，去到我同老闆娘講我要叫好多嘢，佢好有心咁出嚟同我推介同落單（當日好多人），好有人情味！🥰估唔到每樣野都好正，大家都食得好盡興🤤臭豆腐🙊：本人最愛！外脆內軟，夠臭夠香，醬汁任加，大件夾抵食🤤 真係好耐未食過好味嘅臭豆腐！巨炸髀🍗：香口，酥脆，外脆內多汁，炸皮厚度適中，重點係完全無梳打粉味！豬油渣麵🍜：胡椒湯好夾個麵，豬油渣大大舊，香脆可口，麵底保持到爽彈，配料十足，好食又抵食！辣菜圃👅：香辣，爽口，好過癮！魚肉翅🐟：足料足味！配埋彈牙魚肉又係好正，魚肉size好大，好抵食😆韭菜豬紅豬腸🐷：一樣又係大大份，豬腸洗非常乾淨，而且唔會太肥，入口彈牙有香口，食得多都唔覺邪惡，豬紅有口感，入味！炸大腸🐽：又係即炸，香口酥脆，厚切口感十足，無得輸！煎釀三寶🍤：每一款都好大粒，魚肉有魚味而且非常彈牙 ！串燒🍢：我哋叫咗牛豬雞，都係即叫即燒，熱辣辣仲可以比我哋揀唔同嘅味粉，鍾意串燒嘅真係唔可以錯過！魷魚串牛柏葉串🍢：依啲啖味串，最重要係個醬，店員好好咁幫我分開裝啲秘製辣醬，真係好正，朔埋啲汁醬食落口好滿足！魚蛋燒賣🍢：好抵食，好多粒，魚蛋彈牙有魚味，燒賣爽滑，配埋啲辣汁真係好正，下次經過都會買串埋食🥰🥰聽老闆娘講，佢哋已經開咗喺度好耐，係傳統小店，唔怪得有咁多捧場客啦！🤤…Read More

上網見到呢間邊爐放題主打熊本黑樺牛，又睇落幾好坐，就上去試吓，結果真係喜出望外！First impression唔錯，職員服務好友善講解亦好詳盡👍🏻估唔到打邊爐都可以好似去high tea咁打卡😝佢個湯底名叫芝士豆乳湯，但絕對more than that！上桌嘅時候成朵花咁上，味道又好，夠香濃，仲有一開始包埋嘅三層架，啲牛肉都好似花咁放喺度，打卡真係一流！啲蝦丸墨丸都好彈牙好足料！牛既質素方面，黑樺牛肉依個主打真係掂，一開始就比晒8款大大碟嘅唔同部位牛肉比我哋試，每塊油花分布都好靚，絕對唔係普通放題質素！😨👍🏻好多款牛既油花都超靚又平均😍（但我哋太興奮掛住食，去到尾聲先留意到呢個詳細介紹😅）當中我地最鐘意係霜降牛小排同千本筋！牛味十足，油分夠但不膩，依家諗番起都想再食！🤤🤤🤤之後就係上肩胛肉，未煮熟已經見到油花極靚，食落口啲油分化開嘅感覺好正🤤其他牛都好好食，但再好食我哋兩個都冇再叫牛😂因為實在太飽！除咗8款牛，一開始仲有即燒海鮮，係刺身級嘅日本蠔同帆立貝，仲有大蝦🤤真係鮮味十足，鮮甜無比🤤呢間放題食物種類真係極多，未能一一數盡，但佢啲小食亦絕不欺場！細細碟唔會塞飽你，味道又好，佢嘅尖椒皮蛋，啲皮蛋係流心嫁🥹譚仔都食唔到流心🥲黑松露和牛水餃都有驚喜👍🏻老婆就最鍾意牛柏葉，好惹味🤣呢到上菜速度好快，而且店員好有禮貌🥰講真今次真係喜出望外，食緊都忍唔到推介比朋友，下次真係再嚟！（差啲唔記得佢仲有冷泡茶同汽水任飲，雪糕雪條，沙冰任拎🫣 但我哋太飽已經食唔落甜品了）…Read More

見佢開左唔係好耐，睇落啲相好吸引，想試試佢等位既安排方面有啲問題如果過左號，建議大家即刻拎多張新飛，應該會快過等侯補堆人🤡我同老公都叫左特選天don因為海鮮種類方面係多過蕎麥麵嗰set，性價比高啲飯量比較少，唔怪得隔籬枱既男人要額外加個麵，但我哋唔肚餓，所以OK，食完感覺仲幾飽😂天婦羅虎蝦好味，彈牙又大隻，仲有三隻咁多👍🏻兩款魚一淡一濃有驚喜👍🏻帶子一般流心蛋炸粉勁厚又不成蛋型😥其餘炸物層粉都好厚，所以口感好一般😥本身個set落嘅醬汁唔多，所以最好叫佢另上天婦羅汁試過一次就夠了，唔會有想再食嘅衝動順帶一提，由於我哋係坐喺吧枱前面，所以距離廚師好近見到有員工洗碗嘅時候啲水花好接近食物洗完又冇換手套就處理啲食物睇到就胃口一般…..😰😰…Read More

秋風起，個人乾乾哋好想飲啲湯水滋補吓。唔係同呀媽住都係滾湯多燉湯少，因為買料煩又剩🥲今日放工就係觀塘附近搵咗間身邊都幾多人試過好評嘅啖啖燕窩試吓啲燉湯！舖頭喺工廈，唔難搵，入到去個感覺好young好靚，打卡一流👍🏻但我係買外賣，因為想同老婆happy share🥰本身見佢啲甜品每日鮮製都好吸引，但理智叫停左我🐽🥲我當日揀咗兩款燉湯同麻辣花膠試。先講麻辣花膠，佢啲花膠份量十足，每舊都啖啖肉，又厚，估唔到花膠都做到咁掛汁嘅感覺😨👍🏻汁料唔算辣，好香蒜香味，搞到我忍唔到煮咗個麵嚟撈，真係好正🤣到主角燉湯，老婆叫咗椰皇竹笙烏雞燉花膠湯，佢話一入口就極之清甜，每一啖都有好香嘅椰皇味🤤👍🏻用烏雞燉湯，甜而不膩，又唔會油，而且極為足料，花膠十分厚肉，有微微鮮香，真係好滿足！老婆非常滿意🤭🤭我自己就對自己好啲😝叫咗個富貴雞鮑素翅，一睇色澤已經覺得正，因為用咗好香嘅三黃雞，湯水顏色金黃，但絕不油膩，鮑魚大大粒🤤估唔到燉完湯都仲保留到鮮香味，花膠同老婆碗湯嘅一樣咁大咁厚，大塊到想拎出嚟用刀叉嘆🤭佢哋個保溫袋有寫，一個月對自己好一次都唔過分，的確依個湯，真係令我想對自己好多幾次🤣…Read More

去開奧海城做嘢，又唔想行番旺角食飯，見依間餐廳咁多好評，又想食西班牙嘢，就去試試！店內裝修好靚，好有心思，地方闊落有空間感，仲有室外座位，都好適合傾計拍拖🥰如果happy friday黎應該會勁chill🥹我哋兩個人叫咗個二人套餐，西班牙餐嚟講都幾抵食！首先上左餐前小食墨西哥脆片同麵包，個點醬非常好味，配搭墨西哥片好解膩！我哋當晚係西洋菜忌廉湯，有微微西洋菜香，忌廉味唔會過重，好特別👍🏻小食我哋點咗西班牙香辣蒜片蝦，一上台就聞到好香，三色椒燒得好甜，重點係蝦又爽彈又富蒜香，好好食！🤤我哋叫咗西班牙海鮮炒飯，配料十足，有大大隻蝦，而且蝦肉同樣彈牙，仲有西班牙肉腸，充滿咸香，為成個飯嘅味道口感更添層次😍主菜我哋叫咗香煎三文魚扒配黑松露野菌忌廉汁，配菜又係好夠，好多新鮮蔬菜，薯蓉本身都有好香黑椒露味，又夠滑口，配上醬汁口味好香濃！三文魚皮煎得脆口，肉嫩，皮上嘅葵瓜子令到成件三文魚扒嘅口感更特別，配搭好適宜！🥰最後甜品樣樣都有，好適合選擇困難嘅每一位🤣 當中最正係栗子批，好唔捨得食晒！…Read More

聽聞烏溪沙無嘢好食，今日適逢去迎海探朋友，晚餐諗唔到食乜，見到呢間餐廳門口有大大隻貓貓做logo，作為貓奴當然試試！😝入到去個感覺好chill，啲貓貓掛畫好靚，睇睇餐牌，價錢都ok，侍應姐姐話今日廚師推介係封門柳，我就叫咗份試試。先講講湯，係法式蟹肉龍蝦湯，龍蝦鮮味濃郁就基本啦，湯入面仲有好多蟹肉，令到個湯唔會好似一般西餐咁樣好似飲cream咁，而係啖啖肉，啖啖龍蝦香，正！配送嘅蒜蓉包都好香脆👍🏼到餐前小食，貪心嘅我哋叫咗個廚師小食拼盤，一上枱就嚇親，真係大大份，炸水牛芝士好正，仲有拉絲🧀雞鎚甜甜哋，又juicy🍗炸洋蔥圈極之上粉，而且粉好薄，好正！🧅薯條薯角好香脆，其中薯角就算放耐咗都仲keep到脆口，好不錯！🥔食炸嘢點可以冇啤酒🤭大大杯最緊要夠凍😎麵食我哋叫咗墨魚汁虎蝦帶子新鮮手打闊條麵，先講個汁，墨汁一向都無乜味，但依度嘅墨汁調味調得非常好👍🏻👍🏻👍🏻咸鮮度適中，配闊條麵真係一流！麵質好好又掛汁，帶子好厚肉，煎得則剛剛好，唔會過老，好推薦依款麵！🤤到廚師推介嘅炭燒封門柳配阿根廷青醬，封門柳煎得靚，外香內粉紅，無血水，上枱已經切好晒比我哋，好方便，而且肉味香濃，配搭青醬真係好正，底部仲有啲好幼滑嘅薯蓉，配埋一齊食個口感好豐富！相當唔錯！☺️👍🏻…Read More

今日接老公放工, 發現原來好耐冇去既MFC入面有間日式居酒屋就去試試。一入到去，裝修好有日本居酒屋感覺，而且座位都好闊落同舒服好適合傾偈慢慢食嘢飲嘢。一開始上咗一碟開胃小食芥末八爪魚。前菜小食我哋叫咗露荀豬肉卷同七味墨魚咀，露荀嫩口爽脆，平衡咗豬肉卷嘅油膩感，調味都好適中。墨魚咀似乎微微炸過，外面脆脆哋，內裡好多汁，好夠鮮味，必點！😮👍🏻主食我哋叫咗個京蔥雞肉稻庭烏冬，湯底係正宗日式高湯，清新之餘帶有微微海帶香，烏冬滑得黎爽口彈牙，雞肉唔會鞋口，夠嫩滑，配埋京蔥香，好不錯！👍🏻到打卡之最，雲糖壽喜燒☁️本身都唔知雲糖係咩，見到侍應喺棉花糖機即整一個雲嘅形狀棉花糖，再剛剛好咁放喺熱辣辣嘅壽喜燒上面，一開始我仲以為棉花糖係比我食，整咗幾啖嚟食😂 問問超nice既侍應姐姐先知原來棉花糖係用嚟取代壽喜燒汁本身嘅糖份，當棉花糖慢慢溶落湯底，甜味就會剛剛好！真係好有新意同有趣嘅做法！😍👍🏻湯底真係好正，甜度適中，牛小排每一塊嘅肥瘦紋路都好靚，鍋底又有好多配料，忍唔住好快清咗碗飯！🤤…Read More