小柏 =]'s Profile

八王子係之前去開既一間拉麵館～不嬲都好鍾意食 特別係佢個胡椒拉麵點知今次去…真係失哂望我地六點幾去到 無乜人 直入就坐低叫左八王子拉麵，牛骨白湯拉麵，加＄10set 有salad同甜品(雪米糍）仲有清酒蜆 都加左個set有雪糕同花茶／清酒 （全set $58）兩個拉麵好快就到左～兩隻餓特就好快食啦～食到一半兩個都停哂口…好油呀個湯……真係搵湯匙不極都不唔哂食唔落  俾d油搞到飽哂不過service都ok黎哂d野食之後佢仲拍埋隔離張台俾我地因為趕住去睇戲…佢最後俾左杯雪糕我地食左兩啖就想打包佢仲問我地要唔要個紙袋裝住～但係我諗…應該唔會再去了 …Read More

因為新日與夜cafe..book左都比唔到位我地既原固我地係openrice搵到呢間~ 打個電話話有位就上左黎na^^環境唔錯~~幾靚呀boardgames比較少 得uno, poker, 層層疊, 波子棋同monopoly但係都幾新淨=]野食方面. 等左差唔多一個鐘 見佢樓面得一個, 水吧又係一個 應該做到踢哂腳我地叫左個..白汁海鮮麵(唔係好記得)黎到都有d凍 但係味道唔差…Read More

前兩三日已經book左4個人跟住上到去 佢分開左兩邊房. 加埋都淨係見到一張無人坐既4人台suppose係我地ga la點知佢帶左我地去一張2人台到. 係隔離夾硬加張矮一截既台我同fd即時呆左.本身2人台隔離條路都唔係闊 加埋..就仲窄跟住問佢. 我之前明明book左. 點解個張唔係我地?佢話, 有人book左個張 如果15分鐘之後佢地未到我地可以比你地..但個問題係 點解book左. 要坐個張夾敢砌既台最後我地走左好失望=(…Read More

其實呢個係 係越南當地既法式三文治當然越南比法國統治過最後mix左法包同越南菜風格既三文治就係咁誕生左法包入面夾住d好普通既醃過既蘿蔔絲,青瓜條, 仲有d肉塊.超級好食!! 細法 切左一半 $20 簡單黎講有肉有菜 仲係面頭灑左少少香料食落唔覺得肉味蓋過菜味 好清新但係對我黎講 個包好大個 有d難咬!材料比較散 如果唔小心可能會跌哂"5蚊個蒜茸包即叫即整即焗好香 食落蒜茸味唔濃, 幾脆口 但唔覺熱氣兩個人去, 一人半個細法, 加多半個蒜茸包,盛惠每人(20+5)/2鋪仔細細, 所以只得三個位, 有d唔方便行過去既時候, 有地圖都幾易搵的 只係位置有少少偏僻…Read More

今次叫左個炒蛋多士呢間餐廳 落單快上菜快找錢都好快 但係第一次去就漏單 佢幫我跟單個態度都有點兒難頂一食個陣真係覺得幾好食幾滑. 但係耐左之後就飲極水都覺得咸塊多士都香口, 脆脆地 滲左油落去都無變到好腍或者有機會再黎就試下佢d粉麵反而係比餐廳入面個陣茶香吸引好有興趣試佢d茶=]如果要食佢既燉奶燉蛋 其實隔離有間更平更好味…Read More

呢日出發去九龍搵野食!!第二站: 清真牛肉館因為太好味掛住食無影相xd專登黎買牛肉餅! 10蚊個真係有d貴一拎上手 熱熱的=]以為個皮會好脆點知咬落 少少脆 仲有d煙刃跟住d肉汁就趕唔切咁bit出黎流到個紙袋都有個塊肉既肉味ok 肉汁好夠加埋塊皮 真係好食!如果將外面塊皮轉左做牛肉飽既煎飽皮, 吸收左d肉汁可能會仲好食=]仲有 估唔到食完之後唔口渴!…Read More

呢日出發去九龍搵野食!!第一站: 紅磡 時新快餐店叫左雙層漢堡芝士包13 同埋漢堡蛋包11前面要茄汁後面要黑椒汁無想像中咁好食 但一個包都係$11~13但係即叫即整 包又有烘底 幾香脆=]塊肉係自己整的 有洋蔥同磨菇但肉味唔夠黑椒汁味唔濃, 唔洗擔心佢辣但總括黎講比較普通的確. 平民風格. 平民裝潢, 平民食材, 也有一份親切感比麥當勞絕對有過之而無不及 機械式既味道 總比不上即叫即整的鮮味=]經過既可以去試下 特登去就有少少below expectation了…Read More

我成日都特登為左肥媽而兜去個邊架=]佢既"老"水未唔重所有野食都凍凍地 幾開胃架=]係有陣時落多左芥辣就會搶左少少味五蚊一串 都OK架=]但係好多時候都好多人排隊去過既都知 個條街都幾窄 有陣時排隊..都排到好亂同埋買完之後要搵個位食 都係一個問題!自己就鍾意食佢既生腸同魷魚生腸 好爽 唔會咬極唔開 又無臭味魷魚 都係好爽呀 唔會食到係lum哂好似未熟個隻口感雞腎 都唔錯架=] 但有d朋友可能會覺得硬左d…Read More