waiwai_megumi's Profile

上次經過見到勁多人排隊，見今次無人，即刻入去食內部裝修好正呀，好似去咗台灣咁嗌任何麵飯，再嗌野似即減$4，抵飲先來小食，鹽酥雞係我至愛叫咗海苔味，表面炸得好脆，好入味，好好食呀再來主食，好足料呀！啲牛肚軟綿綿唔難咬，牛根好入味！塊蘿蔔一開始食完全唔入味，但去到後尾個湯太濃，食返呢舊唔入味的蘿蔔，突然解晒啲鹹味，唔知是故意還是錯有錯著啦飲品本身想嗌招牌珍珠奶茶，但見有奶蓋系列，心思思想試吓，嗌咗「輕芝士岩鹽奶蓋巧克力」，er.....我個人就覺得好普通....下次都係飲返珍珠奶茶好了。題外話，呢度啲員工都好好服務呀！而且個個都勁好笑容！要keep住呀！…Read More

約咗幾個fd食吓飯吹吓水，上openrice search到呢間，見唔錯就去咗試吓嘩，門口都幾靚喎推開門呆咗一呆，裝修都不錯呀！好有心思。睇睇menu先，全英好彩.....英文白痴的我都仲睇得明我哋分別嗌咗四樣野佢個招牌菜 Oldish All Day Breakfast $148個飽好脆卜卜，其他都好正常Four Cheese Beef Burger $158佢放上枱時大家都O晒嘴，好大塊芝士呀好味啲薯條都好好食Eggs Benedict with Smoked Salmon & Avocado $128菇+煙三文魚+牛油果+蛋四樣都係我愛吃的，心心眼即刻出晒黎Mushroom Cheese Omelette $138嗯....相對呢個就比較失色，唔係難食，但又無特別覺得好食，一般。飲品方面大家嗌咗：Hot Chocolate、Ice Mocha、Double Expresso杯朱古力有拉花架我哋嗌到成枱都係，最尾食到好飽飽題外話，佢不停loop住首歌好似催眠曲咁，吹住水都覺得勁眼訓…Read More

約咗朋友食飯，我話想食日本野，佢就帶咗我上黎呢間嗯...門面睇落已經覺得是貴價野了...坐低望望餐牌，選擇困難症，選唔落手，唯有叫朋友決定。佢嗌咗個「三文魚子海膽豆腐」$88，好足料呀！搞到我每啖都是滿滿的海膽同三文魚子，好滿足88蚊有咁足料好抵食呀！第二款嗌咗「軟殼蟹卷」$98，呢個有啲普通。最後嗌咗個「特選刺身盛」$380好厚切好新鮮呀！$380有：吞拿魚腩、油甘魚、三文魚、劍魚、凡立貝 各3片+牡丹蝦、海膽各兩件雖然兩個人食算嗌得唔多野，但已經飽到行唔郁了，大滿足！而且價錢俾想像中平呢，一開始仲俾佢個門面嚇親…Read More

行街行到去尖沙咀，都唔知食乜好，周圍搵食，行吓行吓見到呢間野，俾個門口吸引咗，再望望個餐牌，OK丫，唔算好貴，所以入咗去食入面環境都做到好有日本feel,周圍痴咗好多日本海報，我同男友都不禁講咗句「好掛住日本呀」個餐牌，整得好靚好多款，選擇困難症的我又選咗好耐。最後每人選咗一個飯我嗌咗「市場三色丼」，$158有三文魚子+三文魚腩+海膽，另外再送多個小小蕎麥麵。三文魚好肥美，好似唔駛咬就入口即溶咁海膽唔腥三文魚子都多唯一不滿的是佢啲蛋絲，又乾又鞋.....個飯好食都變到唔好食，最後我好浪費咁夾走晒啲蛋絲....因為真係好難食男朋友嗌咗「三文魚丼」，$128啲三文魚塊塊都好厚切呀！！好好味食完走時望一望個牌，哎呀....呢間叫「鮪專門店」，但我哋竟然無食到....…Read More

次次黎的必點菜：煙三文魚！$24有好多塊，正足料份量大的意粉！黑松露味勁濃，菇又夠多，點解可以賣34蚊咁平，超好食呀另外再嗌個雞飯，啲芝士多到呢～好邪惡，入面有少少飯，啱晒細食的人再嗌個小食：蔥蒜雞扒呢個就失色咗少少，首先等好耐先黎，其次佢啲肉好鞋....不過味道十足！勁多蔥蒜，如果啲肉無煮到咁鞋就perfect了，好可惜…Read More

想平平哋食餐日本野，但旺角多數都有啲貴，所以去咗金太郎。好多選擇！花多眼亂！選擇困難症的我選好耐先選到食乜巴汁雞扒飯，無話特別好食，但唔差。跟餐要咗杯好普通的乳酸QQ再跟餐要三文魚壽司另外再叫八爪魚壽司，好抵食比目魚扒飯，40蚊就食到！好正！塊魚皮煎到脆卜卜，好好味呀再嗌多個油甘魚刺身，45蚊有8塊呀！而且唔簿架！好抵食！不過可能剛喺雪櫃拎出黎，凍冰冰，搞到無乜味。金太郎，簡直係窮人飯堂咁低嘅價錢食到唔差的質素，正…Read More

31/03/2018入長洲緊係要食芒果糯米糍啦！行行吓見呢間大排長龍，所以都排埋一份嗯....職員態度....麻麻...可能太多人，做到佢哋燥底了。嗌咗個「芒果糯米糍」、「花生糯米糍」同「榴連糯米糍」芒果好甜超好食呀榴連就....普通啦，淡淡的榴連味花生都係好正常無咩特別，哈哈之後睇openrice食評，見好多人都話芒果好酸，睇黎我好好彩食到個超甜的…Read More

31/03/2018前一日路經呢間已經想食，因為門面裝修好吸引但太飽所以留今日食，一早已經諗好要食佢個芒果糯米飯做早餐，說實話，我第一次食咋，好期待！早到咗，睇住佢開門，已經同時有三pair人即刻衝入去了心諗咁曬咁熱邊個會坐出面呀。但估唔到我落完order,已經滿座了，勁！好多款野食，好彩一心諗住食芒果糯米飯，如果唔係有排選。「芒果糯米飯」好多椰汁！職員仲話唔夠汁可以繼續添！不過我覺得好夠了，再加會變椰汁湯飯XD芒果好甜好正！綠色𠴱啲係班蘭味糯米飯，好特別。男朋友嗌咗碗「紫米露豆腐花」，豆腐花少咗啲，但個紫糯米好好食！食到好飽，佢仲有好多款甜品仲未有機會試，下次再試！題外話，職員服務好好，但因呢度係自己買飛再自己搵位坐，所以基本上職員唔知邊張枱嗌咗啲乜，成日大嗌餐no.拎住碗糖水周圍搵人，有啲亂。…Read More

03/04/2018突然想食海南雞，所以就去了，想食就食呢間主打海南雞，仲要係無骨！餐牌啲名都改得好好笑嗌咗個招牌菜「雞仔招牌海南雞飯」同 「秘制口水雞飯」好！好！食！呀！而且一入座坐低侍應即刻放低兩碗「無味精老母雞住家湯」，勁足料！我會再來的…Read More

28/03/2018差不多完結先知有初音cafe好彩last day都趕到去朝一朝聖遲黎有遲黎的好，沒有其他客人可以任影但可惜好多周邊都賣晒，雖然可以預訂但要等好耐先有貨...飲品方面，唔算多選擇，而且都好普通嗌咗杯「連的凍檸水配彩色爆珠」（左）同「十週年七喜配彩色啫喱」（右）哈，其實都預咗飲品好普通，但估唔到真係好普通不過黎得飲，重點緊係杯墊啦！可惜....抽不到我想要的初音好sad呀制服初音真係好可愛呀....好想要杯墊…Read More