肥豬豬B's Profile

話說餐廳已經開咗一段時間，一直都冇機會試，終於最近放假，就入去試試。帶住冇期望己心情反而好有驚喜，卡邦意粉 、肉醬意粉，pizza嘅賣相同味道都非常好，最特別嘅係老闆每星期嘅廚師精選，每樣嘢都係精心傑作，搞到我哋每星期都心思思想去食。廚師精選方面試過：頂級安格斯牛肉片紫菜蛋包飯、忌廉海鮮意粉、蒜蓉大蝦意粉、有個鴛鴦墨西哥薄餅（唔記得咗個名，得小店長先會記得）..盡量做到每星期都有唔同嘅廚師精選。飲品方面試過朱古力、surprise (神秘飲品，由老闆娘調較）、yogurt 都係真材實料最開心嘅莫過於餐廳嘅氣氛，雖然係一間家庭式經營餐廳，服務可能冇咁周到，食物可能要等耐少少，但偏偏就有一種好悠閒嘅感覺。加上兩位小小店長都好可愛，每次入去同小小店長傾計、玩，都會覺得好開心，天真的對話令人會心微笑。夢想人人都有，但真係要為自己嘅夢想付諸實行，真係要好有勇氣，希望呢間餐廳可以繼續經營下去，想試新嘢食嘅朋友都去試下啦（順帶一提，坐位有限，想食嘅話記得要book位👍）…Read More

不是第一次幫襯，食過好幾次，早午晚，都冇咁差，今次差到要比負評同 blacklist 。 今日去食早餐，叫咗個腸粉，食果陣，凍嘅! 暖都算la..仲要係凍! 叫個侍應來話佢知d腸粉係凍，佢話即拉喎，冇可能凍，佢 拎係手話個碟底係暖，就放返低係枱就算，係咁架啦， d態度勁差！佢換都費事， 冇佢咁好氣，算，冇下次! 之後黎左炸兩，又係咁，唔熱。 個皮蛋瘦肉粥都退步左，之前皮蛋係有香味，而家唔係果回事。 d侍應一日到黑係到企埋一邊傾傾傾，大聲到乜咁，唔係咁比你傾，但你地傾到d野食凍晒先比客，真係好唔得。 埋單同收銀講佢地d 野食係凍，叫佢同廚房講下，佢又話即拉喎蒸出來。 我同佢講，你同事話係咁架la... 咁而家碟野係拎到客到凍晒，一係就傳菜有問題，攤左係到太耐先拎出來。 一係就廚房冇整熱啫…Read More

誤打誤撞黎左呢間cafe，幾個女仔每樣叫d試下，叫左蛋糕，雪糕waffle, 鬆餅, 野飲，幾樣野之中，海鹽焦糖雪糕係唔錯嘅， 鬆餅不過不失，蛋糕個樣有d伏，但味道正常，waffle就林左d，唔太欣賞。 飲品方面，抹茶牛奶同 earl grey tea 唔錯。 唔駛講，價錢唔平架啦，入得黎都預左食環境，食物唔伏已經接受，影下相，傾下計係幾好。 但最令人驚訝同嚇親寶寶嘅位係!!!! 有位應該係高級d嘅職員捧壺earl grey茶(好大壺，中式壺咁大壺，忘記影相) 同花奶黎，一來到，放低壺茶先，之後，彭一聲! 成杯花奶打瀉左係枱面，一枱都係奶，仲彈到椅子，差少少就彈到友人身上， 幾驚訝!!! 都明白係無心之失，佢都拿拿臨抹返，但講真，以咁樣收人價錢食野嘅餐廳，打瀉野真係有d 唔太接受到，好在冇整污d衫，唔係真係好掃興! 餐廳真係要好好訓練員工! 真係扣晒分！…Read More

被玉子造屋的 menu 吸引，黎到一定要叫蛋，話明玉子為主題，點都應該冇衰嘅。 確實，蛋飯係ok的，炸蝦即炸夠熱，蛋又整得唔會過老，如果多少少蛋就更好，唔係得薄薄一塊滑蛋皮，南瓜汁感覺上幾健康，比想像嘅好味，賣相同份量都係中上嘅。 落單嘅時候，侍應話如果叫甜品就叫埋先，因為製作需時，我見個menu 好吸引，咪叫左一個試下先，點知.......個甜品一來到，已經同相好大分別，首先張相係有2塊，黎到係得一塊，(見圖 ) 同埋係扁塔左，係明顯好似放左一陣疏左氣所以扁左咁，對個甜品賣相已經扣分，味道唔駛講，係零驚喜，同相好大差別， 食緊嘅時候只是諗,....好在啱啱冇叫兩個，唔係仲伏，所以大家都是食返蛋好了留肚去其他地方食甜點吧!…Read More

飲左老🐯之後就好想再試其他啦，特登出來試下鹿， 排左半個鐘多d...排隊等候個位啱啱樓上有裝修，所以排隊環境有d空氣混濁，有鼻敏感人事要小心。 講返正題，黑糖鹿丸鮮奶嘅鮮奶味係幾香，不過就冇咁 creamy，d珍珠有黑糖味，但又冇黑糖果種香，整體味道唔知係咪先入為主呢，好似淡dd, 冇🐯match咁好咁，但如果出開黎又有興趣都可以試下嘅，比較下幾間嘅唔同，因為口味呢d野真係都好個人化。 唔知係咪個杯嘅size呢，感覺上好似細杯d😂😂。 收銀同排隊拎野環境係爭dd…Read More

一直好驚排隊去試新野，但聽人人話好，終於有機試下啦，之前聽朋友話飲過其他店嘅黑糖珍珠奶話成杯奶飲完好飽，上凍下暖會好怪，不敢抱有太大希望。 但飲過老虎堂嘅🐯，完全改觀，自問都係鐘意飲奶嘅fans，試第一啖覺得好match呀d味，黑糖味道好出，鮮奶好滑好creamy，波霸嘅口感好好，有種好驚喜嘅感覺! 我覺得係比珍珠奶茶更好飲，但飲完確實真係好飽，所以如果要飲，要留一留個肚先得。 飲完即刻好想試埋其他果d比較下 順帶一提，星期日下午時間買，比完錢等飲品大概25分鐘，可以接受嘅，可以比完錢係附近行個round再拎都ok💪💪…Read More

星期五HAPPY FRIDAY 諗住去試下呢間野，等左一陣有位本來好開心。點知落單的時間要定食同魚餅面，侍應話定食的飯岩岩賣晒，要等20-25分鐘。魚餅烏冬的魚餅都賣晒，侍應如果唔介意無魚餅但比返魚餅價錢就會即刻有。結果，因為lunch hour 都好趕急就無叫到要等的定食，因為定食都係跟飯，唯有叫齋面果d。好失望的一次經驗，1點幾去食lunch 的時間，飯居然都準備唔夠要等咁耐，魚餅又無晒，真係好失望，侍應都好有禮貌既，希望餐廳可以預備足夠的食材應付繁忙時間。:(…Read More

2016新的一年嘆返個有特色嘅afternoon tea, 睇相覺得好吸引, 黎到先唔好講餐廳外面, 係ok 嘅~ 個棉花糖伯爵茶好得意, 個人意見...如果唔係用膠紙''叮''住支棉花糖效果會更靚, 唔知係咪我們坐係餐廳死角位, 享受唔到待應介紹magic card 同香薰功效, 要靠偷聽隔離位待應生介紹先知發生乜事...有點兒扣分。食物方面, 棉花糖伯爵茶幾好飲, 原來棉花糖溶左落去唔會甜。個tea set 咸甜各一半, 睇相好色素, 但真實版又唔算好色素, 反而甜品都屬低甜, 幾好喎, 連馬卡龍都唔算好甜呀。咸點既tart 仔都差唔多味道, 其實食入口分唔出乜味, 邊播個木馬邊嘆個tea 係幾過隱嘅。最後個雪糕其實已經飽到唔想食了，食物水準都算係咁，份量夠2個人飽肚, 不過我個人覺得係食 gimmick 嘅, 所以冇左介紹 magic card 和邀請我們寫願望呢part 係爭少少咁囉。價錢方面, 真係可以去到酒店食tea ga la, 所以試唔試就見仁見智啦裝食物個盤係幾靚嘅, 不過就建議可以舖返張花紙係底, 始終個盤放食物, 乾淨至緊要, 因為近距離觀察到個盤有些少食物積。…Read More

下雨天嘅日子, 應該冇咁多人排掛, 入到去冇人等, 問職員話仲有幾分鐘出爐之前一直冇機會食到sogo 果間嘅, 今日黎開尖咀一於食下, 叫左試左先。size比我想像中大個, 講真新鮮出爐一定係好嘅, 味道方面略嫌咸左少少, 唔夠芝士味, 好creamy 質地, 係因為重忌廉? 撻皮算係鬆化, 但食左一半覺得開始滯滯地, 愈食愈咸, 想飲水。嗯…未食過又唔駛排嘅都可以一試, 但我就唔係特別鐘意。食過之後, 發覺都係草根嘅蛋撻至岩我..真。草根妹。…Read More

對於雞煲, 其實唔係太有好感, 總覺得好油同辣, 不過有朋友話想食, 就即管試下, 米線店有雞煲食, 好似幾特別喎。我們叫左2個雞煲, 番茄和豬骨，唔似出面果d麻辣雞煲, 2人size 嘅份量係細d, 配有米線, 菜, 肥牛呀, 其他野比你烚，雞鎚好嫩滑, 個湯唔油, 番茄湯味幾濃, 豬骨就爭少少, 我反而食到係云米米線湯底未, 不過唔緊要啦,,清清地都唔錯嘅。食到咁上下當然食肥牛, 切得都唔會話好薄, 對比起吉字頭, 算係厚, 米線幾滑, 魚皮餃ok, 加錢要左個海鮮拼盤, 海鮮都ok 嘅, 過下口隱。不過有驚喜嘅反而係佢嘅前菜, 嘩, 不得了, 我覺得應該要整大個份量, 幾碟都好好味, 陳醋番茄, 玻璃肉, 蒜泥白肉, 豬軟骨。個番茄有去西餐廳食前菜嘅feel, 好fresh 同開胃。玻璃肉賣相以為唔好食, 碎碎地, 點知d汁同個肉又出奇地夾。蒜泥白肉d人話出名, 真係同其他人講一樣份量唔多, 不過d薑汁和蒜泥真係整得好, 我們仲留d汁黎點肥牛。豬軟骨其實好多地方都食過, 呢到食到有d 薑醋味, 幾得意。可能我比d前菜吸引左, 所以對前菜留下印象。下次可以試返米線…Read More

好耐冇黎黄埔呢間食, 原來佢搬左舖位, 係同一地點後面商場直入, 新舖冇以前咁大, 冇左d美式屋仔裝修, 個人鐘意以前嘅裝修多d, 座位闊落好多。今次叫左個美國安格斯12安士配甘藍沙律和焗甜薯，要磨菇湯, 另叫芝士薯條, share 食。 因為記憶中 outback嘅野幾大份, 所以食住先, 唔夠再加。個磨菇湯有香草味, 唔錯, 不過個碗好細, 兩啖就冇左, 唔夠喉送嘅黑糖包個底烘到燶左, 有焦味, 即刻同待應換過, 待應都好有禮貌, 話換過比我地。味道同以前嘅一樣都係好香軟, 少少甜, 餐前食至咁，唯一係...個包好似又縮左水。主菜嘅牛扒煎7成, 剛好, 唔點汁都好夠味, 食到牛嘅香味, 甘藍沙律好開胃, 甜酸度適中, 焗甜薯焗得岩岩好, 唔會個心仲係硬。反而芝士薯條係最後先上, 但.....個碟...唔同左嘅, 用左個長方型兜裝, 感覺上冇以前咁大份咁興奮, 雖然味道都可以, 但芝士汁和整體份量都好似少左, 係因為餐具改變左, 錯覺, 定真係縮水? 我都唔肯定, 因為太肚餓嘅關係, 我冇影相, 留待outback 嘅 粉絲去判斷啦, 希望唔好縮水啦, 因為 outback 係我心目中係扺食又大件…Read More

被玫瑰包包吸引, 於是去左試, 2個人叫左玫瑰包, 車馬炮, 香菇, 荷葉飯。初時睇相以為香菇係菇黎, 見咁大個蒸菇, 好吸引, 估唔到竟然.......都係包 , 結果.....今次真是食包包食飽.......講返食物, 玫瑰包唔係得個樣, 幾好食, 甜甜地, 係豆沙函, 似壽包果類, 食得出有玫瑰花香味, 不過就貴左d, 幾十蚊個, 試1個就夠了  菇包個函都好係香菇黎, 岩鐘意食清淡嘅人士, 有好濃菇味，同埋比較少有酒樓以菇做函，都可以試 車馬炮係奶皇包黎，只係個樣有幾個中文字咁，冇乜特別, 可以不試。荷葉飯飯底濕左d, 都係一般有肉碎，菇，楊洲炒飯D 料咁，唔算特別好，但唔知係咪塊荷葉都幾香，荷葉蒸完之後都食到陣味。但因為食得太多包, 已經試唔到其他點心了。整體來說, 包類個樣係幾有特色, 但其實係換湯不換藥，都係豆沙包，奶皇包的變奏版，同埋價錢都唔平, 所以都係點特色野試下, 如果多人可以試下晚市小菜和蒸點心, 環境都幾舒服, 果到有張大乒乓枱, 岩一班人gathering 。…Read More

第一次去洲際酒店, 也是第一次食日式下午茶, 餐牌嘅相同實物幾乎一樣, 很難得。侍應細心講解每一個甜品係乜黎，service好好, 唯一挑剔係最後叫侍應比暖水, 比左好熱嘅水, 會出煙的水:(講返點解有人樣綠茶, 其實純粹無聊 哈哈, 似唔似呢, 呢杯綠茶紅豆飲品, 味道唔太甜, 又唔會好多奶, 有香濃嘅綠茶味, 配紅豆, 幾時都係咁夾成個set ,其實都好有水準, 味道, 視覺享受同顏色都好有層次, 無款食物都唔係單一食材和味道, 特別欣賞醬油鬆餅, 味噌焙茶馬卡龍, 鴨肝銅鑼燒, 淨係個名都已經好特別。醬油鬆餅唔似一般牛油鬆餅, 有種油嘅感覺, 鬆餅要整得好食, 鬆化唔係一舊硬真係唔係間間餐廳做到，用咸味配鬆餅, 會少左份油膩感。平時去餐廳馬卡龍，好多時得個甜字, 食唔到有咩味, 一係就好假嘅味道, 味噌焙茶馬卡龍唔會係死甜，食得到茶嘅香味, 唔太好馬卡龍嘅我都覺得幾好食。銅鑼燒通常都以甜做函, 以鴨肝做函真係第一次食, 但2者嘅味道又出奇地夾, 唔講其實唔會覺得係食緊鴨肝, 好似係食緊一d咸味醬, 所以抗拒食鴨肝嘅人都可以一試。基本上呢到每樣甜咸點都好用心製作, 難怪咁多人黎試…Read More

家家樂唔記得食左第幾次, 次次都食下午茶, 最鐘意佢嘅薯條, 凍檸茶, 炸雞脾, 好old school 嘅下午茶, 講真, 唔係長洲人介紹, 我唔會去試, 因為門面都係舊式唔起眼, 又唔會無啦啦搵到呢到不過水準方面就有d參差, 有時好好食, 有時又一般, 今次嘅檸茶已經叫少甜少冰, 但覺得仲係好甜, 後來要換返, 茶味算係香濃, 唔澀口。 沙律有羅白, 西芹, 薯仔果d, 醬汁唔會好多, 岩岩好包住d蔬菜, 唔知點解 ,我覺得幾好食, 有時呢d普通沙律仲正過餐廳嘅凱撒沙律, 又夠飽肚又有咬口。炸雞脾呢家野真係.....撞手神, 今次都可以, 皮脆, 肉就少少略嫌佢乾左dd, 但整幾入味, 起碼唔係死咸為左支持一下街坊小店，要比個笑臉, 希望佢可以keep 住水準啦, 唔好令我們失望…Read More

無乜幾可食到simplylife 嘅午餐, 因為walkin 通常都要怒等, 今日早左dd, 所以唔駛等直入, 本來侍應想比outside 位我地, 但我真係堅唔鐘意, 好似坐係商場走廊到食, 好在有其他位。我們2人點左 burger 牛和burger 雞, 見個樣都唔差, 諗住應該好食啦！點知, 份量就大嘅, 但.....d肉完全 overcooked , 好乾好鞋,,一d都唔juice, 但舊青瓜就幾好食嘅, 食左冇咁漏。一邊食個包真係要一邊飲野, 如果唔係會啃親有點失望呀！好在個薯條都ok, 有個kfx 格格薯塊嘅味, 都叫做補償返心靈, 值得一提係佢個跟餐飲品, 幾好飲, 西柚冰茶, 好開胃, 我連舊西柚都食埋, 好甜…Read More