k_razy.foodie's Profile

早排同大胖傾傾下發覺，我竟然冇分享過我食咗無數咁多次～我最愛嘅cafe😍！雖然餐廳細細，只有20幾個位，但係勝在店員們服務超好，嘢食新鮮同有水準～係間有heart、性價比高嘅cafe😌！大家有機會真係要試吓😊！✨白酒大蜆扁意粉🍝 $89呢個價錢黎講，啲蜆真係算肥美、大隻，又煮得啱啱好，唔會太熟，最緊要係新鮮、冇沙，一般都有8隻🙂‍↕️！意粉嘅調味都啱啱好，個蒜油好香，辣椒同黑椒又吊起個味🤤！所以⋯我正式宣布～呢度嘅蜆意粉已經成為咗我嘅no.1🤪！真係成日都心心念念想返嚟再食🤣🫶🏻！雖然我9成9都係食蜆意粉，但我都試過其他嘅😆～煙三文魚菠菜忌廉扁意粉、大蝦意式蕃茄醬扁意粉同椰菜花飯都好食㗎😋！特別highlight椰菜花飯，唔係度度有得食，炒得好乾身，有機會再分享詳細食評😗！✨跟餐：鮮奶咖啡☕️ +$25呢度嘅咖啡都好正，除咗係我鍾意嘅nutty 豆、又夠晒大杯之外，仲成日都有咖同公仔同拉花🤣，真心勁🤩！今次係最近好hit嘅Labubu😗！另外附上部分之前飲過嘅其他拉花☺️～CP值：🌟🌟🌟🌟🌟Encore機會：🔥🔥🔥🔥🔥環境氣氛：🧸🧸🧸🧸🧸🔖 #Cafe Cabin (筲箕灣) @cafe_cabin_hk📞 64180635🔍 筲箕灣筲箕灣東大街4-10號東寶大廈地下3A號舖#k_razyfoodie #k_razyfoodie西餐推介 #k_razyfoodiecafe推介 #hkfoodie #hkfood #香港美食 #香港cafe推介 #美食推介 #吃貨日常 #真實食評分享 #隱世美食 #筲箕灣餐廳推介 #拍拖好去處 #相機食先 #意粉控 #cafecabin #白酒大蜆扁意粉 #鮮奶咖啡…Read More

之前嚟過呢度飲嘢，發覺原來呢間嘢嘅嘢食都好好食，所以帶大胖返黎encore😆！餐廳好乾淨，氣氛唔錯，服務亦都好周到😌！適合一大班人嚟邊食邊飲🍻✨鮮柚子蝦球沙律🥗 $108好鍾意呢個柚子沙律嘅調味！鹹鹹地襯托返柚子嘅鮮甜味😍，最欣賞佢有檸檬香草，簡直吊起咗個味～大蝦爽口彈牙🍤，份量都幾充足😌，前菜必嗌！✨蝦球明太子忌廉汁烏冬🍝 $168大胖comment: 「好好食呀！」😂烏冬煮得啱啱好，軟硬適中，仲要超掛汁，大大啖超滿足🤪～湯汁略嫌唔夠濃稠，可能我哋鍾意食Creamy啲🤣～最驚喜係冇乜油膩感，食到明太子嘅味道之餘又唔會好鹹☺️～可能因為太好食，我覺得份量可以多少少🤣✨脆炸魚柳·黑松露薯條🍟 $148一嚟到已經俾個份量震懾到～足足有六嚿魚柳😂！魚柳仲要冇雪藏味，即叫即整，成份嘢都熱辣辣，啱晒送酒嘅時候嗌🥰✨泰式芒果紫糯米飯伴雪糕🥭 $88最驚艷到我嘅係個椰子雪糕！好香椰子味又唔會好甜～芒果有甜有酸啦🥹，配埋熱嘅紫糯米飯係不錯嘅！如果有埋白糯米飯就好啦🥹！CP價：🌟🌟🌟🌟Encore機會：🔥🔥🔥🔥🔥環境氣氛：🧸🧸🧸🧸🧸🔖 # Avenue75 @avenue75.bar.eatery📞 27213938🔍 尖沙咀麼地道75號南洋中心地下36-41號舖#k_razyfoodie #k_razyfoodie西餐推介 #hkfoodie #hkfood #香港美食 #美食推介 #吃貨日常 #真實食評分享 #尖沙咀餐廳推介 #拍拖好去處 #相機食先 #尖東酒吧 #鮮柚子蝦球沙律 #蝦球明太子忌廉汁烏冬 #脆炸魚柳黑松露薯條 #泰式芒果紫糯米飯伴雪糕…Read More

今日嚟到東薈城搏殺🛍️，行完一大輪，嚟到呢間食過幾次嘅韓式餐廳，每次都覺得環境好舒服，唔會枱貼枱咁～喺大商場嚟講，價錢又相對合理😗，我見都有幾間分店，大家有機會可以試吓🥰✨有骨韓式炸雞（全份）🍗 $218雖然無骨啖啖肉係方便啲，但係我哋鍾意食有骨嘅炸雞～見有新嘅洋蔥汁味，我哋就試一試佢😏！酸酸甜甜咁啦～我會形容佢係溫柔少少嘅味道😂⋯個人認為同炸雞唔係太夾😅～大胖就話開頭食覺得有啲淡味，但越食就越膩🥹⋯所以我都係鍾意芝士味多啲🧀！始終係粉狀，可以保持到炸雞外皮嘅酥脆！另外最鍾意佢有年糕，外脆內軟～沾晒啲芝士粉超好食😍✨橡果黑毛豬卡邦尼意粉🍝 $102賣相唔錯嘅，最鍾意佢有個蛋黃喺中間，令到成個醬再Creamy啲～不過調味唔係好夠，略為淡一啲～正正常常啦😌～✨焦糖布甸🍮 （跟餐） $45蛋味同奶味好濃郁，質感幾厚實，仲比我想像中大個～係甜咗少少🤏🏻～$45有個布甸同埋餐飲☕️，都算OK啦🥰P.S.🫶🏻記得喺OpenRice訂座，主餐牌全單7折優惠啊🥳！CP值：🌟🌟🌟🌟Encore機會：🔥🔥🔥🔥環境氣氛：🧸🧸🧸🧸🔖 반찬앤쿡 Banchan and Cook (東涌) @banchancook📞 26681802🔍 東涌達東路20號東薈城名店倉3樓334號舖#k_razyfoodie #k_razyfoodie韓國菜推介 #hkfoodie #hkfood #香港美食 #美食推介 #吃貨日常 #真實食評分享 #銅鑼灣餐廳推介 #拍拖好去處 #相機食先 #橡果黑毛豬卡邦尼意粉 #有骨韓式炸雞 #焦糖布甸…Read More

本身諗住試啲新嘢，但係我個「大胖」話想試吓小胖🤪，所以都係忍唔住再去幫襯喇🤣！餐廳地方好闊落，坐得舒服😌～主要係自助形式，唔會有咩服務，但勝在大件夾抵食，所以一定要同大家分享😄！！✨士林鹽酥大雞腿湯麵🍗 $70雞髀個皮脆到癲咗，咬落去咔嚓的一聲非常治癒❤️‍🩹！仲要超級大塊，成隻手掌咁大㗎🫲🏻！！湯底亦好香濃，乾蒜同蔥吊起咗成個湯嘅味，添加咗層次！而麵嘅質地都唔錯，可以掛到好多湯汁😋！大推🫵🏻！！✨麻辣鴨血肉燥寬粉🪿 $64寬粉份量好足夠～我鍾意佢夠煙靭嘅口感😍！鴨血都唔執輸，有成7至到8塊，好吸到湯嘅味道☺️！我叫咗小辣，都咪話唔辣，好在肉燥可以中和返個辣味，夠晒過癮🥹！✨跟餐飲品：金萱烏龍、芙香蘋果茶跟餐有埋茶令到成件事更加抵食😎，我特別推介芙香蘋果茶！飲落有淡淡清香嘅蘋果味，有驚喜，啱晒解膩😉！CP價：🌟🌟🌟🌟🌟Encore機會：🔥🔥🔥🔥🔥環境氣氛：🧸🧸🧸🧸🔖 #小胖台灣便當 (德立大廈) (尖沙咀) @chubbybento.hk📞 38535504🔍 尖沙咀加連威老道21A-21B號德立大廈地舖及1樓#k_razyfoodie #k_razyfoodie台灣菜推介 #hkfoodie #hkfood #香港美食 #美食推介 #吃貨日常 #真實食評分享 #尖沙咀餐廳推介 #拍拖好去處 #相機食先 #慶祝周年紀念 #朋友暢敘 #小胖台灣便當 #士林鹽酥大雞腿湯麵#麻辣鴨血肉燥寬粉 #金萱烏龍 #芙香蘋果茶…Read More

平時去得多cafe，今次就嚟試吓茶室😄！顧名思義，呢間嘢唔賣咖啡，主打飲茶🫖，茶又真係幾出色嘅😊～餐廳地點方便，環境好chill、好靚～雖然價錢真係少貴，但值得一試嘅🤪～讓你喺鬧市中尋找平靜🧘🏻‍♀️～✨大吉嶺春摘白玉蛋糕卷🍰 $58卷蛋質感偏濕潤，蛋糕同cream都好有茶味😍～我估因為個cream加咗茶葉，所以會有少少澀～就咁食個蛋糕會覺得有啲啲甜，但配埋個茶味嘅cream就即刻中和返😋！白玉同樣出色～幾煙靭～整體唔錯😌！✨豆腐慕絲抹茶蛋糕🍵 $60雖然佢話係抹茶蛋糕，但係竟然冇乜抹茶味😅～個豆腐味就出啲～幾濃郁！呢道嘅蛋糕普遍都係偏甜，不過都可以接受嘅😗～✨白芽奇蘭烏龍茶🫖 $78手沖茶製作好認真，真係計時手沖㗎，好有心機🥹！杯茶本身配埋鳳梨酥🍍，個鳳梨酥好好食，外脆內軟！而杯茶有芒果綠茶嘅味，飲落好舒服，超夾個鳳梨酥呀😍！✨蜜香紅烏龍牛奶🥛 $50呢杯烏龍牛奶好有驚喜🤩！茶同奶嘅味係唔會搶咗大家，而且好香茶味，飲落去都係好舒服☺️！CP價：🌟🌟🌟Encore機會：🔥🔥🔥環境氣氛：🧸🧸🧸🧸🧸🔖 #BASAO tea (白沙道) (銅鑼灣) 📞 23388172🔍 銅鑼灣白沙道16號地舖…Read More

聽朋友講呢間餐廳有early dinner買一送一同sunset hour優惠🤩，啱晒鍾意食西餐，又鍾意嘆番杯嘅我🍹！一入到去已經覺得個環境好靚，仲有戶外嘅位置可以揀添☺️！總括嚟講，嘢食水準正常、店員服務態度好好，好有禮貌😌～最主要就係enjoy個vibe啦😜～經開呢頭可以一試😎！✨美國肉眼扒、香烤南瓜及新薯配陳醋紅酒汁🥩 $288塊ribeye唔算超重牛味，亦唔算好韌，叫做正常發揮喇😳！雖然話係陳醋紅酒汁～但可能配菜有南瓜嘅關係，食塊牛嘅時候都食到有啲南瓜味～中和咗紅酒汁嘅調味😂～個人覺得還可以啦🙈✨澳洲烤羊架、孜然新薯及時令蔬菜伴薑蔥蒜蓉醬🐑 $278估唔到羊架會用薑蔥黎調味，特別得黎都幾夾，最欣賞佢每個邊位都煎得好香脆🤤～推介大家試吓嘅🫵🏻！✨杏片蜜糖芥末醬日式炸雞🍗 $88炸雞都幾好食，一啖一嚿🫦，份量都足夠！每嚿都好香脆，炸得啱啱好，唔會好老～啱晒我用嚟送酒呢😆！P.S.🫶🏻有優惠後，人均只係$268～可以喺酒店舒服嘅環境入邊享受一下，鋸下扒、飲番杯，都算係咁啦🥰CP價：🌟🌟🌟Encore機會：🔥🔥🔥環境氣氛：🧸🧸🧸🧸🧸🔖 Arca Society (黃竹坑) 📞 37016030🔍 黃竹坑香葉道43號雅格酒店3樓…Read More

又到糧尾，我通常都會搵啲平嘢食🥹～咁啱見到佐敦開咗間新嘅大快活，就諗住頹頹地食就算，竟然俾我見到呢個幾吸引嘅二人餐🤩！除返開$59一個人，又有小菜、又有特飲⋯仲有芒果糯米飯做甜品添🥳～見咁抵，就即管試一試佢😋！✨火山骨二人餐 $118✨泰式汁火山骨（微辣）🍖就咁食落去係有啲似煲完湯嘅豬骨🙈～點埋個湯汁食會好好多！研究咗一陣，我估個湯應該係雞湯再加酸菜🫣～酸酸微微～又幾開胃嘅😙～✨點都唔落味精系列（小菜）- 咕嚕肉有冇落味精我就真係分唔到啦😂～就算咕嚕肉冇落⋯其他都應該有😝～個味道就不過不失啦～唯一略嫌炸得唔夠脆😕～但勝在份量十足！兩個餸都咁好送飯，包你一定飽🤪～不過兩個option都係肉，如果其中一個餸可以有多啲蔬菜就更加均衡啦😌！✨菠蘿椰汁特飲🍹唔算難飲嘅，但菠蘿同埋椰汁我覺得唔係好夾😂！好在可以轉其他特飲～我就飲咗檸樂🥤～配小菜最正😎！✨芒果糯米飯🥭個芒果糯米飯算係咁，糯米軟硬度適中👍🏻，甜味主要來自於個芒果醬，椰汁都有椰香味嘅，冇投訴喇😗！CP價：🌟🌟🌟🌟Encore機會：🔥🔥🔥環境氣氛：🧸🧸🧸（新開張幾乾淨）🔖 #大快活 (尖沙咀) @fairwoodfans📞 28564047🔍 尖沙咀彌敦道172-174號太平洋大廈1樓#k_razyfoodie #k_razyfoodie快餐推介 #hkfoodie #hkfood #香港美食 #美食推介 #吃貨日常 #真實食評分享 #佐敦餐廳推介 #拍拖好去處 #相機食先 #朋友暢敘 #火山骨二人餐 #泰式汁火山骨 #咕嚕肉 #菠蘿椰汁特飲 #芒果糯米飯…Read More

又黎試新餐廳喇🤩！今次真係夠晒新，三月中先開始試業㗎～就等我嚟同大家試吓伏唔伏喇😏！入到去餐廳，個裝修睇得出落咗好多心機👍🏻，餐廳內外嘅牆壁都有好多唔同嘅壁畫，增添咗好多東南亞嘅vibe🥳～但除咗環境靚同舒服之外，都要睇埋啲嘢食嘅😉⋯✨正宗檳城炒貴刁 $76個貴刁上菜嘅時候係冚住蓋嘅，一打開就聞到好香，feel到個鑊氣呀🤣～令人急不及待想開動🤤！但食咗一啖就發覺只係得個辣味，無其他味道⋯比較單調🫠～而份量都正正常常嘅，蝦仁亦算大隻同彈牙😗！明白始終係新開張～希望佢嘅食物質素會隨住慢慢上手而更進一步啦💪🏻！遲啲有機會再黎試過佢😉🙌🏻！CP價：🌟🌟Encore機會：🔥🔥🔥環境氣氛：🧸🧸🧸🧸🔖 #鐵飯碗 (旺角) @tiffin_kopi_house📞 61219960🔍 旺角豉油街36-42號榮高大廈地舖至2樓#k_razyfoodie #k_razyfoodie馬來西亞菜推介 #hkfoodie #hkfood #香港美食 #美食推介 #吃貨日常 #真實食評分享 #旺角餐廳推介 #拍拖好去處 #相機食先 #慶祝周年紀念 #朋友暢敘 #正宗檳城炒貴刁…Read More

唔知大家有冇同感🙈～明白餐廳要做生意所以要set用餐時間🥺～但難得約到朋友食飯又想傾耐啲～唔想俾個用餐時間限框住🥹！咁「蠔站」呢方面係幾好嘅～我當日去唔算好多枱客～叫做任我地坐🤣！環境亦幾舒服，經理服務態度好好😌，係個音樂大聲咗少少🤏🏻🥲⋯而嘢食方面算中規中矩啦～都係一般西餐價錢同質素～但少部份都有驚喜嘅👻✨龍蝦湯🦞 $108喺menu上係冇㗎😜！經理見我哋想叫兩個湯，就建議我哋會唔會試吓龍蝦湯～呢個位都細心嘅🫶🏻！龍蝦湯好香濃同creamy🤩，有3粒仔蝦肉叫做俾返個口感啦☺️～✨黑松露野菌忌廉湯🥣 $78個湯稀得滯⋯只有好淡嘅黑松露味～唔認真taste真係唔知自己飲緊乜🥲，同龍蝦湯相比爭好遠🥹～建議大家飲龍蝦湯多啲😉！✨香辣炸雞翼🐓 $78炸得脆卜卜，雞肉都仲好Juicy，點埋個醬係幾惹味嘅😁！✨生蠔🦪 $10/隻嚟到「蠔站」嘅重點🥁！今次冇叫貴啲嘅蠔～因為有位朋友仔肚痛食唔到～我就唔徒添佢嘅哀傷🙈～食住啲$10隻止吓口癮就算🤣～一睇到個擺盤大大提升食慾🤩！啲蠔有鮮味，洗得乾淨嘅😄！基本上一盤入面有一半瘦啲，另一半高質啲～質素好啲嘅食落會較濃郁😌～過口癮嚟講$10已經冇得輸😊！✨黃金軟殼蟹扁意粉🦀 $158意粉調味適中，重鹹蛋黃同三色椒嘅味，有少少似食緊中餐😂～我自己就還好，始終再食多幾啖有啲膩🙈～都係留比鍾意食鹹蛋黃嘅朋友😅～✨香辣蒜片辣椒蜆肉扁意粉🍝 $158✨荷蘭大菇配黑松露野菌意大利飯🍄 $138兩樣都屬正常水準～調味、份量、口感都唔錯嘅☺️～想食都可以嗌🙌🏻✨意大利芝士餅（2人用）☕️🍰 $108明明圖片係正宗版Tiramisu，出到黎變咗Tiramisu味嘅芝士蛋糕😢⋯果然圖片只供參考😇～有啲失望😕⋯佢嘅Tiramisu唔係用lady finger整，中間係一層薄薄浸咗咖啡嘅海綿蛋糕⋯似重魚膠粉嘅芝士蛋糕多啲，唔好味～可以唔使嗌🥹！P.S.🫶🏻記得喺OpenRice訂座，有全單八五折優惠啊🥳！CP價：🌟🌟🌟Encore機會：🔥🔥🔥環境氣氛：🧸🧸🧸🔖 #蠔站 (黃金廣場) (銅鑼灣) 📞 23339341🔍 銅鑼灣銅鑼灣軒尼詩道502號黃金廣場9樓…Read More

今日黎同大家試間新嘢😉！呢間韓大叔大排檔開業大約一個月到～裝修係幾有韓國地道燒肉舖嘅感覺😗！一入到餐廳，就有熱情嘅店員歡迎你🤣～總括嚟講，整個服務同衛生都唔錯☺️～餐廳雖然唔算好大，但欣賞佢哋冇將啲枱擺到好迫，感覺冇咁擠擁😌～係幾啱黎同朋友邊傾偈～邊飲返兩杯🍻！✨ 韓大叔醬油拼盤🦀🦐🥚 $388拼盤有一隻醬油蟹、兩隻醬油蝦、兩隻醬油鮑魚同埋一隻溏心蛋🙆🏻‍♀️～總括嚟講，唔會覺得啲海鮮有任何腥味，食落都新鮮嘅（返到屋企冇肚痛🤣）！不過隻醬油蟹size有啲細，啲腳又唔齊，有啲甩皮甩骨🙈⋯ 而且唔係好多蟹膏，係遜色咗啲🥹～我同友人都一致覺得，蟹同鮑魚調味實在太鹹😥，一定要撈飯食先得！個鮑魚幾彈牙嘅，救返少少分數🥹⋯反而隻溏心蛋就冇乜醬油味，得好重嘅麻油味😂～$388黎講⋯我覺得可以將個資源分配喺其他食物上面喇🥹⋯✨原味炸雞（半份）🍗 $98炸雞好夠熱，調味啱啱好☺️～皮好脆，雞肉又唔會炸到好乾，幾Juicy，推介大家試吓😋！✨韓式牛肉飯卷 $78普通gimbap～冇乜特別😂！有少少嫌佢落得太多蜜糖芥茉醬，搶晒個飯卷嘅味😕～個人覺得冇醬會好食啲🥹✨荔枝梳打 $38✨紅葡萄柚子梳打 $38兩杯梳打都唔會好甜，可以幫手清嘢食嘅油膩感，都有需要嗌嘅🤣P.S.🫶🏻記得喺OpenRice訂座，有全單八五折優惠啊🥳！CP價：🌟🌟🌟Encore機會：🔥🔥🔥環境氣氛：🧸🧸🧸🧸🔖 #韓大叔大排檔 (銅鑼灣) 📞 84819684🔍 銅鑼灣登龍街28號永光中心10樓…Read More

今日又嚟到觀塘街市覓食，經過呢間餐廳～就比嘢食嘅香味吸引咗😍！見到餐廳都滿座，啲餸賣相又唔錯～就決定試一試佢啦🤪！始終係熟食市場，環境比較地道，衛生就一般般㗎啦～所以我哋今次主要Focus講啲嘢食啦🙈～✨ 會安雞飯 $55雖然係喺熟食市場入邊食，但係佢嘅賣相唔hea～成功提升到我嘅食慾🤩～不過佢個會安雞食落同普通海南雞差唔多，冇乜特別😂～特別要highlight佢個油飯！見到佢放咗好多香料落去整，所以食落都幾香～就係一個中規中矩嘅海南雞飯啦🤣⋯✨熱越南滴滴咖啡 +$12睇住啲咖啡慢慢滴落嚟真係好治癒☺️～飲落有啲椰香味，味道幾特別！但係就偏苦啲～我都係貪得意先試一試🤣✨炸燒賣 +$10正宗炸燒賣，外皮脆卜卜～想食燒賣過吓口癮係幾正嘅😄✨蕃茄蟹肉湯檬 $58飲落個湯底唔算好濃蕃茄味，有啲油🥲⋯但勝在好足料！有好多肉碎、三片扎肉（係薄咗少少姐🙈）、三嚿豬紅、豆卜同一嚿蛋～其他材料都正常，唯一不解係嚿蛋😅⋯食落去凍冰冰，要靠浸返啲熱湯先有啲溫度，又偏鹹，成件事唔係好夾～只可以話佢係一碗普普通通嘅蕃茄湯粉😂⋯始終佢唔包嘢飲，$58真係唔算特別抵食喇🙈～下次有機會再嚟，我應該會試吓其他嘢～見隔籬枱嗰啲咖喱好似幾香😍！✨雞串 +$10調味用咗蜜糖同唔少香料，食落第一下已經好驚艷到我，係全餐入面最好食嘅嘢😚，值得一試😋！！✨龍眼冰 +$12係幾大杯嘅，味道就係正常嘅龍眼冰😂，略嫌佢有啲太稀～唔使特別加$12飲啦🙈CP價：🌟🌟Encore機會：🔥🔥🔥環境氣氛：🧸🧸🔖 #泰串越盞 (觀塘)📞 46456699🔍 觀塘駿業街67號駿業熟食市場1樓30號舖#k_razyfoodie #k_razyfoodie越南菜推介 #hkfoodie #hkfood #香港美食 #美食推介 #吃貨日常 #真實食評分享 #觀塘餐廳推介 #拍拖好去處 #相機食先 #駿業街熟食市場 #會安雞飯 #熱越南滴滴咖啡 #蕃茄蟹肉湯檬 #龍眼冰…Read More

壽司郎周不時都會出啲期間限定～壽司好食大家應該唔意外，始終人哋係買壽司嘅😂～而我不嬲都好欣賞佢哋嘅甜品～卡達拉娜、雪糕嗰啲基本上我每次都會食😁！今次仲要講明係同雷神朱古力cross over，當然要食啦🤤～所以我唔止食咗一條⋯係兩條🤣🤣！今次其實出咗兩個期間限定嘅甜品，咁我梗係試埋啦🤪✨脆脆雷神朱古力蛋糕條🍫 $22個包裝真係好得意呀🤪上面有一層厚厚地嘅朱古力🍫，中間就係cream，最底就係海綿蛋糕🙆🏻‍♀️～全部都加咗朱古力⋯所以朱古力味係幾香濃嘅！雖然係啲好基本嘅combination，但鍾意食朱古力嘅應該覺得好正😍！包裝上面叫你用手食係啱嘅，因為上面嗰層朱古力有啲硬，同朋友share嘅時候要用啲力先切得開啊😗✨士多啤梨雙層芝士蛋糕🍰 $22一食落去就覺得個味好熟口面！係Häagen-Dazs嘅士多啤梨雪糕味呀😂！佢賣相係冇雷神朱古力個蛋糕條咁得意，但係都意外地好味，幾creamy，雖然冇乜芝士味，但係唔算太甜，都可以一試嘅😜🫵🏻CP價：🌟🌟🌟🌟Encore機會：🔥🔥🔥🔥環境氣氛：🧸🧸🧸🧸🔖 #壽司郎#k_razyfoodie #k_razyfoodie日本菜推介 #hkfoodie #hkfood #香港美食 #美食推介 #吃貨日常 #真實食評分享 #香港餐廳推介 #拍拖好去處 #相機食先 #壽司郎 #朱古力愛好者 #脆脆雷神朱古力蛋糕條 #士多啤梨雙層芝士蛋糕…Read More

天氣成日忽冷忽熱，成日都想食啲熱湯麵暖下個胃😌～咁啱見到有人推介，話係銅鑼灣又平又抵食嘅滷味，我緊係要去試吓啦😎！餐廳雖然唔多位，但係返枱速度快～環境乾淨衛生，唔使等好耐已經有嘢食，但係啲嘢食就⋯🥹✨自選三拼麵 $61今次我揀咗豆腐、雞翼同埋我至愛嘅甜不辣😍～配埋滷水湯同台灣牛肉麵，仲加多咗京蔥😚～一上枱就俾佢嗰滷水香味吸引到，陣味可以話係撲鼻而黎🤩！個湯頭一飲落去都覺得偏鹹，成碗麵份量好夠，但略嫌麵質有啲腍，欠缺咬口～好在有啲雲耳同埋京蔥搭救，中和返個口感🥹～餸黎講都算好足料，有三隻雞翼、兩塊大嘅甜不辣，同埋三嚿豆腐！不過餸嘅質素認真麻麻喇～甜不辣太腍、雞翼滷得唔入味，完全係靠個湯俾個味佢🤦🏻‍♀️最慘係個豆腐吸晒啲湯嘅精華，真係鹹到食唔到，就算我再嚟食都一定唔會再嗌呢個湯底啦🥲！✨滷友牛三寶飯 $68想一次過試晒啲滷味最啱就嗌呢啲幾寶飯！同樣～成碗飯同餸份量都足夠，值得一讚係個牛𦟌好好食，滷得好腍，亦都好香😋～配埋香濃嘅滷水汁，好好餸飯😉！但係另外嗰兩個餸就爭啲啦，牛筋偏韌，金錢肚唔夠入味，$68黎講真係一般般，有少少失望喇🥹～CP價：🌟🌟Encore機會：🔥🔥環境氣氛：🧸🧸🧸🔖 #滷友記 (加路連山道) (銅鑼灣) @loyaukeehk📞 55404057🔍 銅鑼灣加路連山道5號地舖#k_razyfoodie #k_razyfoodie台灣菜推介 #hkfoodie #hkfood #香港美食 #美食推介 #吃貨日常 #真實食評分享 #銅鑼灣餐廳推介 #拍拖好去處 #相機食先 #滷水湯麵 #甜不辣 #豆腐 #滷水雞翼 #滷友牛三寶飯 #金錢肚 #牛筋 #牛𦟌 #重口味…Read More

住喺港島嘅我好日都唔會去南昌站，一去竟然都俾我試到間幾好味嘅泰國菜🤤！去得大商場，都預咗會食貴少少🤏🏻，佢對比商場入邊其他餐廳，都算好合理了🥹！餐廳裝修企理，落咗單唔使好耐就有嘢食👍🏻～去到成夜晚8:30，商場都冇乜人嘅時候，餐廳都仲有6、7枱客食嘢，證明佢哋質素應該都有啲保證🤣，我更加放心入去一試喇😗～（唔知大家會唔會好似我咁🙈，如果餐廳入邊冇人，就唔會入去食呢😂？）✨泰式海南雞拼燒豬頸肉雙拼飯 $81上碟賣相唔錯，啲海南雞望落勁滑，已經令人急不及待想開動啦🤤～始終係雞髀，食落口感好滑，都有啲雞味嘅😳～而豬頸肉個皮燒得都香口，有少少暖暖哋😉！我覺得都算係咁，因為唔少餐廳一早整定晒，serve得黎都凍晒啦🥲～整體都唔錯，對得住個價錢！不過個飯唔係油飯就爭啲喇😕，即時睇返個餐牌，以為加錢先有油飯，但都唔見有呢個option，我估應該係餐廳冇提供油飯喇🥹⋯如果有埋就Perfect喇🫶🏻✨酸辣鳳爪沙律🥗（跟餐另加$24）鳳爪唔會好酸或者好辣，調味恰到好處😍，跟餐$24嚟講都幾大份，有成大約10舊鳳爪，配搭埋生洋蔥🧅食口感仲正，好推介大家試下🤤！✨海南雞湯金邊粉（轉冬陰功湯+$10） $78冬陰功湯唔太辣，以番茄味為主，所以比較酸，食唔到辣嘅朋友都可以試吓🥰～我就冇咁好彩有雞髀食啦🙁，始終係雞胸，唔能夠expect好似其他部位咁滑，叫做唔太嚡啦🤣⋯$78嚟講算中規中矩，叫做有埋個冬陰功湯可以飲～下次嚟我應該會試其他嘢，因為撈金邊粉好似仲吸引🤩！✨椰汁西米糕 $28一拎出嚟都俾佢個賣相嚇親，心諗倒瀉晒咁Raw嘅😂～但又令我相信佢應該係自家製🥹～味道好正常，係下層啲西米好散，食得比較論盡😮‍💨～我純粹想止吓甜品癮而嗌，呢個就唔需要特別試喇😉～CP價：🌟🌟🌟🌟Encore機會：🔥🔥🔥🔥環境氣氛：🧸🧸🧸🧸🔖 #篤篤船麵 (V Walk) (深水埗) @tuktukboatnoodle 📞 27207328🔍 深水埗深旺道28號V Walk 2樓L2-147號舖#k_razyfoodie #k_razyfoodie泰國菜推介 #hkfoodie #hkfood #香港美食 #美食推介 #吃貨日常 #真實食評分享 #南昌餐廳推介 #拍拖好去處 #相機食先 #vwalk #泰式海南雞拼燒豬頸肉雙拼飯 #泰式海南雞#海南雞湯金邊粉 #酸辣鳳爪沙律 #椰汁西米糕 …Read More

情人節食厭咗西餐🤣？今年就決定同男朋友食佢最鍾意食嘅鰻魚飯啦😗！餐廳雖然唔係好多張枱，但番枱速度都算快，等咗大約半個鐘頭到啦🥹～要讚嘅係，呢間小店拎完飛係可以scan QR code睇吓自己排到邊，方便我邊行街邊等食飯🤣～嘢食都唔錯嘅，所以要同大家分享吓呀😉～✨蒲燒鰻魚拼牛舌芯飯 $118作為鰻魚專門店，用備長炭燒嘅鰻魚的確好重炭燒味、牛舌好腍，好味！啲鰻魚同平時食開嗰啲唔係好同，比較有口感啲，但佢唔係硬或者韌嘅👍🏻！餐牌嘅圖片冇顯示有溏心蛋🥚，俾咗個驚喜我😄～溏心蛋好流心～好好味 ！不過食呢個蒲燒鰻魚嘅時候真係要小心啲😥，一邊食都發現有幾條好大嘅鰻魚骨，挑骨個方面真係要再進步呀🥹✨鰻魚蛋包飯 $108蛋包飯賣相好靚～係標準嘅日式旋風蛋做法～要讚嘅係～佢用咗番茄醬加埋粟米做炒飯底，同埋啲蛋一齊食好夾😍！不過略嫌個番茄味重咗少少，主導咗成個味道😕～伴碟仲有比較少食嘅炸鰻魚骨，你冇聽錯，真係成條鰻魚骨切開咁樣炸😂！炸得勁脆卜卜，調味都幾甜，幾特別😌！P.S. 鍾意重口味嘅朋友仔～枱面有extra鰻魚汁可以加，不過我個人唔鍾意咁鹹，如果下次再食～我會嗌少汁了🥹CP價：🌟🌟🌟🌟Encore機會：🔥🔥🔥🔥環境氣氛：🧸🧸🧸🧸🔖 #鰻一炭燒鰻魚飯 (旺角) @unagi_ichi📞 24321388🔍 旺角山東街84號地舖#k_razyfoodie #k_razyfoodie日本菜推介 #hkfoodie #hkfood #香港美食 #美食推介 #吃貨日常 #真實食評分享 #旺角餐廳推介 #拍拖好去處 #相機食先 #鰻一炭燒鰻魚飯 #蒲燒鰻魚拼牛舌芯飯 #鰻魚蛋包飯 #小心蒲燒鰻魚骨…Read More