JuDy朱地的個人專頁

今日難得放假就同屋企人去食下午茶,之前食過名館覺得唔錯所以就同佢地去試下。去到餐廳門口冇職員帶位,企左係門口一陣先有人理我地,但望入餐廳其實係有好多職員既,但當時冇人負責睇門口...下午茶時段,有兩個下午茶餐牌侍應係會俾依張紙你自己寫既,但枱面冇筆提供,要自己另外再問佢攞筆...我地叫左......咖哩厚切吉列豬扒飯海南雞泡米線+蓮藕餅牛展陽春麵+小籠包（我劃左紙仔之後先醒起我冇影底個餐牌😅，所以張紙有我點餐既筆跡，不過咁啱得咁橋依張相好有用,睇埋落去就知點解）海南雞泡米線+蓮藕餅海南雞算幾滑唔鞋，米線份量都好足👍🏻👍🏻👍🏻👍🏻👍🏻蓮藕餅有2舊，味道都唔錯👍🏻👍🏻👍🏻👍🏻牛展陽春麵+小籠包+薑汁千層糕牛展陽春麵未影相就俾人食左啦😂但係係好食既小籠包+薑汁千層糕都係正常，好味咖哩厚切吉列豬扒飯咖哩汁夠香濃,唔會太辣,撈飯好正係度就講返個小插曲先。。。話說個牛展陽春麵係同個咖哩吉列豬扒飯一齊上菜的，當時係上左兩碗麵同一碟吉列豬扒，侍應一擺底就走左啦，我心諗明明係叫左飯架點解會變左碗麵既？！咁跟住梗係搵個Staff同佢講返啦！👧🏻: 唔該,我頭先係叫左咖哩吉列豬扒飯,唔係麵喎(我都未講完想要佢跟跟,佢就立即神回我...)👨🏻‍💼: 係咪你頭先劃錯左呀！！！(輕佻串咀既語氣)嘩！！！！我一聽到真係嬲左,咩態度咩回覆呀！你Check都未Check就一句得埋黎話個客錯？！佢講完依句就飄走左去Check電腦,之後默默返黎輕輕講句唔好意思就收走個吉豬麵。仲有依個Staff應該唔係普通小薯仔,應該係掃把/經理/店長之類既人物(因為佢唔係著制服架)如果果個係小薯仔,都可以話係d大粒冇教冇管，但依家連大粒都係咁既服務態度就真係唔得囉！待客之道？！總括黎講: 食物係好食既,價錢都可以接受,但服務態度絕對係差👎🏻👎🏻👎🏻👎🏻👎🏻…查看更多

嚟到母親節緊係要同我親愛嘅媽媽食餐好嘅慶祝下啦,所以早於4月尾果陣,我就已經開始搵定睇下去邊食Buffet慶祝啦. 最後考慮到地點方便,所以就揀左香港富豪酒店嘅御花園啦.揀好左之後,我就打電話去查詢&Book枱啦,,咁就問佢地有冇做信用卡優惠,職員答話冇,叫我上Openrice訂位就有7折,同埋要親自到餐廳落訂. 我聽完都覺得下,點解安排會咁麻煩？！之後第二日就叫家人幫忙去餐廳落訂,落訂時家人都有再問有冇信用卡有折,職員同樣答冇.到左食自助餐當日,餐廳環境都算唔錯,不過枱與枱之間的距離都好近,感覺有少少迫. 不過正因為枱與枱之間嘅距離好近,咁所以就留意到隔離枱話原來用渣打卡簽帳有65折同埋有任飲汽水,,我地知道左先再問職員佢先表示話有依個信用卡優惠. 其實我唔係在乎個折扣多與少既問題,而係覺得d職員對公司所出的優惠好似唔係好了解咁.食物款式算多選擇,不過冇乜邊樣出色. 剛開始的時候,開蠔師傅先慢慢埋位開蠔,令到大排長龍. 但開左一輪之後就好似冇再開蠔(姐係有段時間冇供應),,到差不多尾聲嘅時候先再繼續有供應生蠔. 好少可食自助餐有供應海南雞飯,所以都想試下,但點知去到攤位想問師傅攞嘅時候,佢話海南雞冇晒😰😰吓,個自助餐先開始左一個鐘度,咁快冇晒？！到食甜品既時間啦,出面甜品位d甜品都所剩無幾. 佢地係有師傅即整既疏乎里嘅,不過用得一個光波爐每次得7-8個出爐,仲要每人可以攞唔只一個,咁姐係你排十幾分鐘等佢出一底都未必攞到一個黎食. 仲有兩大個雪糕櫃仲係吉既添,,如果唔係有其他客同職員講叫佢地refill,,我諗連食都冇得食. 另外依個自助餐係有包每位一隻燒大頭蝦同半隻龍蝦既,,不過依兩樣野都係見到職員送上枱先知係有得送既,,佢送到黎已經係自助餐中段的時間,,都已經飽飽地啦.總括黎講,,我覺得依個質素唔值依個價錢囉. 廚房預食物方面都好差, 其實果日星期六仲要係母親節前夕,都有好多人訂位食飯,理應都有個大概人數俾佢預食物份量架,,我都唔明點解可以有咁多野係Refill唔到同冇Refill架囉. 同埋啲Staff都唔多主動收碟,堆到成枱滿晒叫先識收. 唔會有下次.…查看更多

每次特別日子慶祝食飯都是由我去安排的，今次我特登將這個任務交給男朋友。初時我都有點怕將這個任務交了給男朋友之後佢會hea我，所以我都經常問佢安排成點？去那裡食飯？點知臨到特別日子前佢好得戚咁同我講已經訂好位仲係咁賣關子，搞到我都好期待佢究竟訂左邊間餐廳。當日去到餐廳的時候,門口的瓷磚牆相當特別,好靚!行到入去見到餐廳已經坐滿左9成,好在男朋友有訂位,所以我地唔使等就可以入座啦。黎到緊係要食龍蝦啦，所以我地叫左個龍蝦套餐加一個餃子。首先上菜的是餃子，餃子正正常常普普通通沒有什麼特別，唯一要讚的是有少量沙律菜伴碟，感覺很清新。之後就上龍蝦套餐，內有一份炸薯條加炸蕃薯條，龍蝦包，半隻龍蝦和沙律。炸薯條和蕃薯條都很新鮮，全部都係脆卜卜架。龍蝦包好足料，仲有舊龍蝦鉗肉夾係個包面架！麵包好香，入面有牛油同香草。燒龍蝦啖啖肉，啲肉唔會太乾，好味！最後就上龍蝦石鍋湯烏冬，依個真係超級好味！龍蝦味超濃郁，而且是用石鍋上，所以KEEP住熱辣辣，正！不過其實依個係可以揀配湯飯或者湯烏冬架，我覺得揀配湯飯應該會再正啲，因為啲飯粒會吸收左啲龍蝦湯，入晒味仲正！整體黎講：依間餐廳的食物水準唔錯，份量都OK，不過依個餐對男朋友仔黎講就唔係咁夠飽啦，可能要叫多個飯／意粉先夠佢食。另外餐廳的環境都唔錯，唔會太嘈，服務方面就要扣分啦，餐廳人手不足，問侍應攞兩杯水問左幾次先送到，叫埋單都搞左好耐先搞掂。…查看更多

要數到銅鑼灣至好味既車仔麵店一定非榮記莫屬,,要是撞正食飯時間定必大排長龍. 幸好今次避開左食飯時段,所以唔使等位就可以入座啦. 伙記們全部都好快手,一見你坐底就問你食咩. 等左5分鐘唔使,一碗熱辣辣香噴噴既蘿白牛筋河($32)就放左係我面前啦.蘿白同牛筋既份量適中,唔會太少. 蘿白全部都無渣,好入味好甜. 牛筋好滑. 湯底加入左腩汁,令到成碗車仔麵更加香,加左唔少分. (唔要腩汁既朋友仔,記得係落單時同伙記講走腩汁,否則每碗車仔麵都會跟腩汁的) 我中意食既時候加一兩滴辣油,可以令個湯更香更滋味. …查看更多

黎到長洲點可以唔食下甜品架？！比起平時係香港市區食價錢平一半呀！今次黎到長洲既天然甜品試試~我地一共叫了4款,分別係楊枝甘露,芒果黑珍珠,什果涼粉及糖不甩.1.楊枝甘露果肉算多,味道合格2. 芒果黑珍珠附有一球芒果雪糕,果肉只有幾塊,少得可憐. 黑珍珠個底唔係用芒果汁,只靠花奶及糖水調味,味道偏淡,甚至可以話冇味. 3. 什果涼粉生果種類及數量算多,生果都算甜. 涼粉有少少澀味. 糖水係自己落的,可以自行調教適合既甜度.4. 糖不甩花生椰絲糖碎份量多,足夠令每一塊都沾滿.份量都算多. …查看更多

細細個果陣已經成日黎長洲架啦,到宜家大個左都會間唔中入去行下. 要數到我至愛既小食,故鄉茶寮既壽司一定係我至愛之一.由於宜家多左好多人去光顧,所以做左個小小既分流,分開買紅豆餅同買壽司既顧客.(嗯,咁兩樣都買既應該排邊呢?😅😅)餐牌依舊係人手畫既,好清晰. 今次去見到除左有招牌紅豆餅($6)之外,仲多左款新口味-芝士紅豆餅($12). 今次冇買到紅豆餅,試唔到新口味,所以留返下次啦.今次我揀左 腸仔蟹子壽司($26), 壽司即叫即整,份量岩岩好,紫菜夠脆,蟹子混合左沙律醬,好正!以價錢黎講, 一件要$26就貴左少少, 不過能夠回憶返兒時既味道就算啦💸…查看更多

今日行過宜家傢俬,諗起佢地推出左個復活節限定既心型窩夫,所以就去試下. 今日去到唔算多人排隊,好快就買到啦. 心型窩夫賣相唔錯,盒內附有少量Cream及焦糖糖醬. 食既時候用窩夫沾上少少Cream同焦糖糖醬,味道唔錯. 不過由於窩夫係預先整好既關係,所以唔熱同埋有少少硬. 如果遇著佢新鮮出爐就perfect啦~…查看更多

好耐都冇食過雞蛋仔啦,見今日放早就去試下都幾出名既"媽咪雞蛋仔" 除左一般既原味之外,仲有其他味道可以揀,,今次我就揀左粒粒朱古力($20).雞蛋仔係即叫即整,所以落單時阿姐都有話定我知大概要等幾耐,等我有個預算.不過雖然今日我去既時候係放學時間4點零鐘度,但係等既人都唔多,10分鐘內就有得食啦. 新鮮出爐雞蛋仔~ 雞蛋仔外脆內軟,,中間空心既位置少,可想而知佢都有俾足料架!中間啡啡地色既就係朱古力啦,都幾香朱古力味,不過佢應係用原味既蛋漿做Basic,之後落朱古力粒落去溶既,所以有啲唔係咁均勻.整體黎講,宜個雞蛋仔都幾好味,不過$20就有點兒貴,間唔中食下都ok既.另外一提,就係佢地鋪頭出面既行人路比較窄,多人等候既時候更加迫,而出面馬路都幾多車出入,所以各位食家係等候其間都要小心,唔好背住馬路企呀,小心安全.…查看更多

岩岩去完澳門返黎,坐地鐵返銅鑼灣轉車,諗住係街食少少野先返屋企,原本諗住去茶餐廳食,點知行過見到新記諗起好耐冇食過咪去食囉(以為係近時代嗰間新記嘅分店,食完睇返openrice先知唔係),,點知食到一肚氣!!!初初入到鋪頭都唔算太多人,咁我同朋友二人就搵左個位坐底劃野食,叫咗兩碗三餸麵($36碗)同一罐可樂($9),我地都知我地拎得多野,都諗住快啲食完快啲走唔好阻住人哋做生意(兩袋手信加一個旅行袋同一個背包),咁見未有其他客入黎,地下又好污糟,所以將兩袋手信同一個旅行袋放喺椅上,個背包都係咩住係身.過左陣個阿姐拎咗罐可樂黎,雖然佢係個雪櫃度攞出來,不過罐可樂係唔凍既過多陣車仔麵都到左,我叫左蘿蔔辣豬皮豬大腸河粉,嘩~個粉多到呢?!得果幾啖咋!!蘿蔔同豬大腸都可以,但個辣豬皮真係唔得,唔知點解有陣怪味,好難食!!好在唔算太肚餓,對我黎講都勉強夠食,但真係唔值囉!!!食到一半開始多人,個阿姐就成日要經過我哋張枱去落單/送麵,跟住成日對住空氣係度講話我地拎咁多野霸住佢張椅,又話我地唔放落地.最慘係我朋友,佢聽完個阿姐咁講已經自動自覺將兩袋手信放返落泥,用手拎住用單手食埋果少少粉.最好笑係,過多陣個阿姐又對住空氣話我朋友個背包左住佢喎,叫佢除左個背包.嘩~咩態度呀?!你地方淺窄又想做多啲生意放咁多張枱,地方梗係逼嫁啦!!況且,唔係得我地先有攞張椅黎擺袋,其他客都有囉!!好啦,終於食完啦,個阿姐就九秒九走埋嚟收晒啲碗,罐可樂我哋都未飲完,個阿姐拎起個罐搖兩搖feel到仲有就當冇事放返底.到行出門口俾錢既時候,個阿姐勁大聲咁叫'收錢呢度呀',我望下後面,原來佢個收銀位置係個廚房門口囉.我拎住一袋二袋完全冇手攞銀包俾錢,所以我先將我既行李袋拎去企係門口既朋友度,點知其間個阿姐不斷重覆對住我大叫'收錢呢度呀,收錢呢度呀'.荒死我會走佢數咁.到我行近佢既時候,佢又勁大聲咁用""普通話""同我講"$81塊".嘩,我唔係聾架囉,唔使咁大聲,而且我唔係大陸人你唔使同我講煲冬瓜囉!!所以我又大大聲咁用"廣東話"問返阿姐幾錢,個阿姐即刻細聲左同我講81.宜間野絕對會Black List,絕對唔會有下次!!價錢貴,環境衛生差,服務態度超差!!入到去貼錢買難受!!…查看更多

初時見BABY CAFE係CWB開果陣因為貪新鮮已經想去試,,但一路都冇機會.....後黎發現佢有做團購,,$30當$60使,,咁就買左兩張,,搞左咁耐終於可以去試下啦~果晚8點幾差唔多9點去到,,唔使等位,,但門口個姐姐唔見左,,要自己行入餐廳,,等佢地見到我地,,再幫我地帶位...個姐姐問我地有冇BOOK位,,之後問我地係咪用團購,,我話我係用團購,,跟住帶位姐姐話唔用得,,我同佢講話係現金券果隻,,佢先話,,哦,果隻用得=.=**其實姐姐應該問清楚先答我丫麻,,好在我講話係現金券姐,,唔係我又傻傻下咁走左......佢咁講,,應該佢出左兩款團購,,一隻係現金券咁用,,另一個唔知係點,,但好似係9點30後用..入到餐廳入面..環境幾好,,不過當晚唔係好多客,,有點冷清....坐底就睇下MEUN..我同男友一人揀左一個SET,,之後男友話不如揀多個小食,,咁佢就發板揀左個拔絲雞翼啦~~最後揀左一個..燒西班牙黑豚西冷配香草蕃茄汁同美國牛肩排頭盤就揀左一個湯一個沙律餐飲佢係跟一杯花茶..要飲其他野都要加錢..普通咖啡/茶加$8..其他飲品加$18同橫掂都要加,,咁就加左$18要左巨峰提子梳打落完ORDER,,佢會問埋個餐飲宜家上定一陣上..宜個服務算幾好~個湯冇飲過,,唔知好冇飲..沙律就唔錯都幾新鮮..跟餐仲有個牛角包仔,,都幾好味..出到黎仲係熱既..好香牛油味杯餐飲真係麻麻...初初飲有少少藥水味,,後黎D冰溶咁D先好少少,,仲有杯野入面有D提子肉..係將普通紅提子將佢切到1/4 SIZE,,我諗果度有兩粒提子度...個頭盤都未食完..主菜同小食就黎啦,,張枱跟本放唔落...搞到男友要拎起成碗湯黎飲,,男友見狀,,最後飲多幾啖就叫佢收左個碗LU...**其實宜個唔係快餐,,佢應該控制下上菜既時間,,唔使一下子將所有野送晒上枱....燒西班牙黑豚西冷配香草蕃茄汁都幾好食,,份量都幾大~美國牛肩排就係鐵板上既,,嘻,,可以滿足到我想鋸扒既慾望~主菜上都有跟薯菜,,係一球薯容同少少蔬菜個拔絲雞翼冇想像中好,,只覺得佢好普通.......食完埋單..$3百幾,,用左團購減左$120,,都要$2百幾...如果冇COUPON,,我諗唔會有下次..因為其實佢都幾貴.......…查看更多

我好中意食任食火煱架,,貪佢乜都有得食~但好多地方一個任食價錢之後又要加茶芥,加湯底,加一咁,,有D仲要唔包飲品,,搞到好唔抵食~不過宜間超好一個價錢包晒所有野,,仲要唔使加一~琴晚早去食飯,,入座價$128,,但最近做緊優惠,每人減$10(小童冇架,,好似做到6月尾),,所以都係$118一個人宜度係分時段收費的,,任食兩個中,,入座起計叫野食果度分兩部分(所有都係任食),,1. 寫紙仔入單2. 係出面自己攞野食先講寫紙仔入單係枱面有一疊紙仔,,自己想食咩就畫,,佢黎既分量係跟人數俾既,,所以一次唔會俾好多,,但咁樣都好,,分量唔多就可以試多D唔同既野,,好食既先再安可,,橫掂任食,,叫幾多之都得,最緊要食得晒~紙仔有4張,,分別係刺身,海鮮,潮食同肉類刺身- 三文魚, 甜蝦, 吞拿魚, 北寄貝, 八爪魚**都幾好食,,幾新鮮,,不過吞拿魚,就冇食過,,唔知啦~海鮮- 生蠔, 象拔蚌片, 珊瑚蚌, 螺, 蜆仔肉, 青口, 花膠仔, 帆立貝, 蝦**估唔到有花膠仔食,,都幾正,,帆立貝比較細隻,,煮熟左差D搵唔到,,蝦,,唔係生蝦黎既,,佢已經煮熟左,,潮食- 稻庭烏冬, 嚮玲, 魚皮餃 等等**宜度有好多野都冇食到,,嘻,,因為好似唔係好吸引到我食,,同埋有D出面都有肉類- 肥牛肉, 新鮮牛肉, 不同部位既豬肉, 羊肉片, 駝鳥肉 等等 (牛肉,豬肉果D係即切的)**D肉一盒盒咁上,,一盒幾片咁,,D肉幾新鮮,,幾好味~佢所有寫紙仔拎出黎既野食,,都好整齊,,分開上的,,唔會一堆野咁堆晒係同一個碟度出面自己攞野食出面分左幾PART,,醬料區,,火煱料,,甜品區,,飲品區醬料區- 豉油, 辣椒豉油, 生蒜, 花生碎, 付乳醬, 辣椒, 日本豉油, WASEBI 等等仲有一D醬係俾你加入個湯度- 沙爹, TOMATO, 麻辣, 咖哩 等等**佢會俾個清湯底你,,你可以自己係出面加D醬,,自己搞個湯底,,仲有係一人一煱的~火煱料 (成日都唔同的)我果晚就有....- 付皮春卷, 豬肉, 雞肉, 魚, 幾種丸, 芝士腸, 山根, 魷魚, 豆卜- 烏冬, 拉麵, 出前一丁, 紫菜, 木耳, 粟米, 白羅白, 幾種菜 等等**D紫菜係出面南記食到果D,,幾好食,,最好係有好多唔同既菜食,,食得多肉都唔會"留"甜品區- COOKIES, 雪糕, 杏仁茶, 芝麻糊飲品區- 沙冰, 汽水, 雪梨水, 酸莓湯 等等以咁既價錢,食到咁多野,,仲咁飽,,真係超抵~而且環境唔錯,,都好乾淨,,只係冷氣既溫度再較低D會好D,,食得耐有少少熱服務都唔錯,,好肯收野~夠鐘前30MINS會提你仲有30MINS,,到夠鐘都唔會話趕你走,俾面色你睇.,,食飽飽自己行去收銀俾錢就得臨走果陣,,都見到D位坐得7788,,仲見到要搭枱,,俾我就唔中意啦,,打邊邊都要搭枱.,,感覺好奇怪~…查看更多

真係好耐冇寫過食評啦!!為左宜間金龍泰一定要寫返~~宜間店冇乜裝修,,行過都好易會SKIP左,,,但佢D野真係幾好食,,而且好平!!餐廳D員工基本上全部都係泰國人,,可想而知佢地D野會有幾正宗啦~我地叫左4樣野食,,宜個飯幾好味,,又唔會太油,,辣辣地幾滋味,,不過愈食愈辣個湯好正,,好足料~(佢有淨冬陰公湯叫的,,$40)炒金邊粉可揀雞/牛/豬,,是但一種肉一齊炒超值得介紹既莫過於炸蝦餅啦!!一碟有8塊,,可以點泰式辣醬食~食得出蝦肉比例好高,,唔會成口粉~P.S:果日一路食飯,,店入面既客都唔係好多,,但不時都有人入黎叫外賣,,仲有外國人添!!…查看更多

宜間D朱古力都ok好食架...都唔算太貴...而且你係果度買佢D野...其實係做緊善事架!!因為佢會將D收益...用作慈善...所以你買佢D古古力食..就等於做善事架啦!!有得食..又做左善事...咁樣咪幾好!!…查看更多

我細細個開始已經好中意食車仔麵，貪佢大大碗又有好多餸丫麻~~榮記宜間車仔麵我係由佢以前係巷仔開檔果時已經開始幫襯架啦...直到宜家我都覺得宜間D野好好食，而且都keep到水準。雖然宜間D車仔麵愈食愈貴，不過我宜家間唔中都係會黎宜到食既，因為佢個湯底超正，我每次黎食都一個會叫蘿蔔，因為佢D蘿蔔好入味..超好食!!黎宜度唯一唔好既就係...佢D地方比較窄，大家都要坐得好逼，而且次次去親食都一定要係門口排隊，如果撞正食飯時間都真係要排好耐先有得入去食架!!不過，個老板都幾好架...知道食飯時間多人去食，又知D人會驚食得好趕，所以當多人既時候，佢會同出面排緊隊既人落定單...所以D人一入到去..等唔使兩分鐘度就有得食，宜樣係絕對值得讚既!!…查看更多

好多時要食下午茶大家都會即時諗起 "美心"．"大家樂"．"大快活"宜類既快餐店，但係係宜D快餐店食下午茶最低消費都要十幾蚊...而且食既野都只係多士..小食等等，好似有D唔抵。係宜家樣樣都加價既時候...宜間野係唯一冇加價既....而且食物既質素好好．服務態度亦都好好。係宜度食野只需用幾蚊雞就可以食到好好食既野...而且都可以令你飽飽。我最中意去宜度食爆谷架啦!!因為平時要食爆谷都要去睇戲果時先食到...平時想食都好難搵到地方有賣爆谷，所以係宜度都可以滿足到中意食爆谷既人!! 除左爆谷之外，佢D熱狗都好好味架(其實係佢條腸仔好食啦!!)...攞左個熱狗之後...自己可以落自己中意既醬，好好味哦!!如果一個下午茶買一個爆谷($3)同一個熱狗($5)，都只係要$9炸!!係cwb仲有咩地方可以以咁既價錢買到宜D野食呀!!我諗都冇啦掛...所以宜度真係一個好正既地方喔!!…查看更多