光將軍與言師寺's Profile

坦白講我真係為窩夫而黎既之前食過真係好好食既今次⋯真係好失望睇下個切面 未熟既粉漿 沒有鬆軟既窿窿個窩夫第一次黎既時候中間不太熟 （並不是好似第二次咁嚴重）請佢地再做過佢地態度都好好黎第二個時 特地話我知 多烤左2分鐘點知都一樣佢都有話我幫我再整但2次都係咁 就明白應該係 開粉漿開得唔好⋯ 我都算了食完 冇下次…Read More

光將軍生日, 又係機會俾言師寺試新好野既時候喇 ^^光將軍想食古古力CAKE, 咁餅店話, 只有TRUFFLE CAKE, MOUSSE CAKE同OPERA咁MOUSSE又好似好簡單TRUFFLE呢? 上年光將軍生日0個個TONY WONG已經係TRUFFLE咁唯有CHOOSE OPERA啦其實, 我對佢祈望好高架, 話晒都超高級大酒店, 又出名但....去到...好多人排隊....等啊等....終於等到喇, 一見到佢...已經有D失望...一_一""冇靚靚既"令"面, 仲有DD似係有倒汗水的感覺整個表面不吸引! 沒有對比既顏色, 文華既火漆CHOP都係暗啞既紅色令我對佢既印象打左DD折扣食喇食喇~~~層次夠豐富, 食得出用料好好但...古古力味唔出 :( 有D失望光將軍既幾位朋友都話似TIRAMISU (應該係咖啡酒既問題)作為一個CAKE, 佢係好好味的, 但....佢唔係一個好好味既OPERA (咖啡味搶左古古力味)如果佢係一個普通CAKE, 應該有90分 (10分扣左靚靚分)但...作為一個OPERA, 佢只有75分我始終覺得, 文華既CAKE, 唔應該係咁既!!!!(結論 : TONY WONG貴佢2蚊, 真係貴的有價值!!!!)…Read More

早前, 某編輯0係FB問, 大家認為最好咁既BROWNIE係邊到既言師寺係BROWNIE精, 梗係即係睇啦竟然......好多人都推O MARKET ....真的不是我杯茶第2多已經係PACIFIC COFFEE, 很驚訝!!! (一直認為連鎖店冇好野, MAYBE受到STARBUCK既美心蛋糕影響)見到PERFECT CARD有PROMO, 200蚊送20蚊就即刻拉光將軍去試 CAPPUCCINO $35D泡打得好好, 但光將軍嫌唔夠奶 BROWNIE $ 15甜度岩岩好, 唔會太甜, 但又唔會苦冇NUT E 個POINT最岩我 :)但如果佢再濕D, 先會PERFECTE個只能說是好味既古古力CAKE...沒有濕潤感, 在我心中不算是BROWNIE......~_~ CASHIER佢去焗番熱個BROWNIE先俾我, 好窩心呀, 超LIKE佢地既服務態度 ^^…Read More

光將軍冇食過HIPOT, 咁今日咁岩行APM, 就同佢食下啦官塘E間係冇任食既, 所以岩晒我地E D 鐘意坐低慢慢食既點知.....一坐得就拎左個小湯底黎, 同我地講, 限時個半鐘下! 唔係化?!?! 打邊爐個半鐘????? 我唔係任食喎不過算, 唔想嘈, 唔想諗食乜跟住, 我話可唔可以俾多個鍋我地呀, 2個人1個小鍋, 大家樂咩?! WAITRESS悔氣地答, 你叫餐啦, 叫餐就一人一個, 唔係就加$15蚊啦!叫餐唔係問題, 但你態度可唔可以好D呢? 跟住我叫佢俾杯水我, 佢地話, 我地冇水架, 叫餐包汽水任飲下? 冇水???? 我會死架喎!!!0係咁既情況下, 我地只好叫左個海皇2人餐 海鮮好新鮮, 好OK其他火鍋料質素都好好, 份量都勁多, 多到烏冬都要打包 XDD 其實, 以咁既價錢, 咁既食物質素係唔錯架不過!!!! D侍應差到嘔, BAD到冇朋友 , 仲有冇下次都要諗下先!!!…Read More

去完美酒佳餚巡禮, 就黎ELEMENTS行下, 順便食埋晚餐先走由於唔係太餓, 2個人食唔到中菜, 就揀左拉麵黎試 (本來我上次食完美麗華0個間已經BAD LIST佢, 今日俾次機會佢啦 ) 圖上 : 光將軍叫左特製什錦豬骨湯拉麵($75) 湯底濃得黎唔會太肥膩, 幾好, 個麵身就同一蘭差不多, 都唔錯, E D 麵身就唔要求彈牙了光將軍話豬腩肉好好味 圖下 : 言師寺就叫左赤山拉麵($88)叫佢都係為左辣, 但係..............完全唔辣, 淨係得咸味, 好在唔係咸得太過份當佢普通湯底就OK...一_一"""""麵身同上者一樣, 不過多左D肉碎襯托 (但食麵時會好易落錯格!! E 種情況我0係同樣有肉碎既888係未試過的)叉燒....鞋到呢....唔想食! 總括黎講都算OK啦, 不過不失不過我下次唔會再叫赤拉麵囉, 貴D又冇咁好味成餐我飲左5~6杯水, 都係WAITRESS姐姐主動黎幫我加水的, 值得一讚 :)但係0個到實在太熱了, 熱到我同光將軍出晒汗隔離個師奶仲熱到一ORDER好野食就要求調位!你知嘛, 食拉麵, 熱得濟, 真係會死!!! 人!!!!! 架!!!!!!!…Read More

每次去outback都係為左佢個黑麥包真係超鍾意但係每次見到佢條長龍我都怕怕同埋上次喺銅鑼灣店俾佢無禮對待，都擺食左半年但今次依間店好好唔駛等之餘，個waitress仲好好我話好鍾意食佢個包，就未等我地叫野食就幫我地去拎左個包黎先喇😊我地叫左個西冷set包括：忌廉洋蔥湯 （上面有芝士架，好好味）西冷扒（幾好，5成熟，岩岩好）薯條 （好味，係即炸即上，好好）焗薯（好好味，d sour cream極度誘惑，想唔肥都幾難）上菜時，waitress姐姐仲主動幫我地refill 包包，好窩心呀~~之後我地叫多個rib ，跟埋薯條同菜絲沙律（rib 幾juicy, 唔會太重日味，唔錯，菜絲沙律太水，唯一唔好係依樣） 今次佢地挽回番喺我心中既印象， good…Read More

好味到要即場寫出黎分享呀~喺日本已經出晒名既咖喱居然喺香港都有！日式咖喱水準仲要好過方間d出名日式咖喱好多飯量都超多，今次叫了中量，完全食唔晒，下次要輕量好了豬扒（真係有日本當地餐廳水準） 雞扒 甚至連香腸既表現都好好~好感動！！如果炸蝦個炸衣薄多少少就好喇！…Read More

其實, 光將軍同言師寺都成日幫襯各區牛陣架但由於牛陣成日都超多人, 所以好耐都冇食咁岩今日冇人等位, 梗係要食下啦咁點解今次突然寫佢? 因為有新發現!!根據過往經驗, 無論我地叫咩級數既牛 (除了和牛), 佢都係會亂俾牛我地架, 所以我地只會叫最BASIC 0個隻 你睇, 黎4次牛, 4次都唔同架 XDD不過不失啦, 起碼好過各大酒家0個D先啦 ^^ 牛陣既咖喱 (圖中) 好食左喎, D牛肉超林, 薯仔入味, 大有進步佢D咖喱汁用黎俾拉麵做つけ麵真係一流呀！！！ 之前都已經聽講過不少話牛陣D牛淥極唔熟, 我地都0係佐敦0個間試過1次咁大把 (仲要係叫上級牛添!!)今次有親發現!!! 淥極唔熟豬肉(圖左下) 出場喇 ~~~~~ 淥左10分鐘都未變色呀!!! 強!不過都係得一塊0者, 當湯底算 主角出場喇~~~~~估唔到淨專門店先有得食 (OR要買小杯SET裝先有) 既STRAWBERRY CHEESE CAKE ICE CREAM (圖右下), 竟然0係到有得食!!佢係言師寺至愛呀, 最鍾意佢D餅底 ^^E+有得自己"畢", 梗係勁揀D餅底黎"畢"啦~~ 今餐對我黎講簡直105分呀~~~ GOODGOODGOOD~~ ^^…Read More

今日星期六, 諗住出旺角同光將軍搵間餐廳食個下午茶點知到到都好多人, 排晒隊咁岩見到E間冇人排, 就走入去試試下午茶餐, 野食包一杯野飲 上 : 香茅豬扒撈檬豬扒好香, 唔會林, 應該係炸好冇幾耐既肉質好好, 都食到香茅味, 唔求其, GOOD 叫0個時個WAITRESS仲主動問我好唔好幫我碎上, 好貼心 ^^個檬粉份量都不少, 個汁又夠酸, 辣味又唔會太重岩晒夏天呀~~ 正!! 下: 雞粒炒飯光將軍叫既, 等左好耐先黎黎到個飯熱辣辣, 唔似某D餐廳用叮飯味道唔會太濃, 讚! ^^ :)…Read More

XD 我又黎喇上次試食, 經理RINGO哥哥送左50蚊QPON俾我, 今次襯媽媽生日用左佢 今次:chopstick :媽媽食黑武骨拉麵 (左上), 佢話幾好, 湯底冇味精 爸爸食咖哩拉麵 (右上), 佢話一般啦, 唔辣 言師寺食赤武骨つけ麵 (左中), 上次試食已經食過, 好LIKE, 今日水準都好OK, 唔會因為上次係試食而好食D(E間麵屋食つけ麵可以揀麵既份量架, 好貼心, 建議男仕們都食つけ麵大盛, 包保夠飽) 柚子比目魚 (下), OK, 爸爸媽媽都話好, 但係再大舊D會好DD ^^我仲會再黎食架 (好老土: I will be back~~~~~~~~~~~~~~~~~~~~ XDD)…Read More

嘻 又係團購試新野 ^^買左4張卷, 今次先用2張每張+15蚊試安格斯牛同羊肉E到, 日頭係BURGER, 夜晚係BAR, 一店2個名去到, 一個人都冇, 店員安排找坐BAR枱, 好高, 椅都好高, 腳冇位承托住, 好累叫完野食, 首先黎左個送既炸雞脾菇, 幾好味 ^^DRINK方面, 言師寺要凍檸茶 (小杯上), 光將軍要可樂 (罐上)( 杯檸茶真係好細杯...:( )野食黎喇2個包都係即烘熱, 脆身, 有HEART個包好厚, 一啖咬唔晒 XD (E個唔係缺點)薯條新鮮辣, 好好味! 光將軍既安格斯牛肉漢堡 : 漢堡扒肉厚, 鮮味, 但牛味一般 言師寺既羊肉漢堡 : 羊肉好羶, 好好味, 超鍾意, 但光將軍一D都唔LIKE, 佢話太羶...~_~E個漢堡, $29+15蚊, 價錢好OK, 但如果個環境可以再舒服D, 環境冇咁陰森好好D囉 ^^(仲有....唔知係因為0個日落雨定係本身係咁...餐廳雖然0係地庫, 但係都好多虫虫飛黎飛去..~_~)…Read More

其實, 餐廳搞團體, 係為咩呢?我天真地覺得, 係想人地試過好味, 會再黎幫襯其實, 2百幾蚊, 我唔祈望真係有咩好正既野食見佢有蠔, 咪試下囉點知......1. 食物款式極少2. 左上既脾, 佢冇寫係咩,應該豬脾....個味極似煲完湯既豬"月展" 完全冇味!!! 3. 最想食的生蠔, 每次只放十幾隻出黎, 通常得2~3個人羅到 生蠔食落口, 冇味的!!! 食到最底層既位先有少少鮮味 我極度懷疑佢用清水洗過, 搞到冇晒陣海水味, 如果唔係, 點會個底有鮮味丫!! 佢既蠔令我超級失望, 佢既處理不當, 亦浪費左個蠔, 10個BAD!!! 4. 三文魚刺生, 算係E間酒店最好既菜色, 肥美, 新鮮 :)5. 右下串燒還可以, 佢既簽好貼心咁寫明0個串係咩肉6. 右下羊架..................冇羊味!!!7. 所有甜品甜到冇朋友, 全部!! 係全部都不可一不可再!!冇影到相既有:1. 磨菇湯好正, 好多菇菇, 不過咸左DD2. 海皇湯, 腥到..............殺死我把啦3. PAPA加奴雪糕, 好軟滑, "畢"0個時唔駛用力, 不過只有士多啤啤同古古力味, 味道呢, 小言寺覺得幾好, 光將軍就覺得士多啤好酸, 古古力太苦最後要講既係, E到個VIEW幾好, 望住大球場, WAITRESS都好殷勤本來-30分, +番20分俾以上2個POINT, 都得-10分 XDD我唔會再黎呀!! 幾平都唔會!!!…Read More

0係海邊冇心情飲野, 只好轉戰廣場內既COFFEE SHOP我係俾E間SHOP既COFFEE香吸引左入黎既光將軍叫左CAPPUCCINO (上)言師寺叫左MACCHIATO (下)2杯都好香, 咖啡一D都唔會酸上面既泡花都拉得好靚言師寺既MACCHIATO仲要好滑添~~ 讚~~ ^^仲有, E到環境好舒服, D書都好好睇, 0係到坐到唔捨得走 :)…Read More

言師寺同光將軍見天色幾好, 就去赤柱玩下, 準備享小賣亭享受下海邊既景色千揀萬揀, 俾E間既菜色"鐵板薯角"吸引左, 所以就坐左0係佢地既坐位到睇下餐牌......鐵板薯角就搵唔到喇, 錯字就先搵到2個.. 咁見餐牌冇, 我地就直接同侍應落單點知黎到....冇鐵板既!! 有D失望, 但心想可能係用鐵板整, 所以咁叫, 所以算啦點知, 食落去凍既, 又淋PARPAR, 一D味都冇....仲要30蚊, 得0個1X舊仔!!!唔好味, 份量少, 冇人理!! 激氣!!!本來想叫野飲既打算都俾E碟爛鬼薯角打沉左 :( …Read More

今日, 有人請公司同事食COVA CAKE, 我眼睛即刻BLINGBLING~~~第1時間CHOOSE左佢個SIGNATURE MANGO CAKE~嘩~~ 雖然唔係芒果季節, 但佢既芒果一D都唔酸蛋糕好軟, 好滑, 中間既CREAM唔係太多, 唔會太膩 又唔會搶左個味蛋榚 CREAM WITH MANGO 蛋糕層次, 分量, 都分配得好好, 真係想食完一件又一件呀~~~~~~~~~ (為食豬係減唔到肥架 >_<)…Read More