Kristelchua's Profile

天氣咁凍 最啱打邊爐😋餐廳唔算大 但非常多人幫襯! 平日晚餐去 餐廳都坐滿人!如果想食就記住去之前要訂定位😋皇牌和牛套餐好抵食 首先先上左雞煲 好香嘅蔥蒜味 加埋濃厚嘅醬汁 好惹味但唔會過鹹 雞肉一啲都唔鞋🐓嗰陣時仲做緊大閘蟹優惠 加少少錢就可以食到蟹膏滿滿嘅大閘蟹 size都ok cp值高 非常滿足套餐包咗牛頸脊 牛小排同豚肉任食 兩款牛肉都唔錯 肉質軟腍同有好香嘅牛肉味 可以任食真係好爽!除咗牛肉仲有好多唔同嘅配料俾大家自由選擇 多種類嘅丸 蔬菜 仲有餃子 蟹柳等等 俾你食到勁飽🤣飲品當然都唔少得 選擇豐富 有成兩個大雪櫃 任君選擇😙食埋甜品就Perfect 甜品選擇唔算多 但係用嚟收尾啱啱好🤣喺尖沙咀嚟講 任食做到依個價位真係CP值好高!…Read More

好耐冇食韓國菜 朋友介紹左一間最近超多人打卡嘅餐廳💁🏻‍♀️行入去真係好似一秒去左韓國夜攤咁 成個環境悉心裝飾 走Y2K風格 放咗好多街機 超級有氣氛✨如果鍾意打卡 千祈唔可以錯過 有唔少嘅打卡位俾大家瘋狂影相📷 This Summer $58除咗靚靚嘅環境 食物都相當唔錯😙首先叫咗一杯this summer 其實佢係一杯菠蘿冰茶 味道好清爽 唔會太甜 最啱配等陣食嘅炸雞 可以解膩😋butter x garlic炸雞配脆脆薯格 $178份量都幾多 炸粉唔算厚 肉質都幾滑嫩同juicy 嗰醬有好香嘅蒜頭味 少少甜甜地咁 好味🫶🏻國民烤五花肉 $178超級大份 我哋兩個人食食到超級飽 燒得啱啱好 好香口 有少少油膩 不過配埋生菜食就啱啱好😋整體而言 係一間環境好好 嘢食不錯嘅餐廳 個人覺得幾適合一大班朋友嚟食🤣…Read More

估唔到喺觀塘嘅東廣場有一間性價比高嘅拉麵舖頭 舖頭裝修好有日本麵檔嘅感覺 餐廳痴咗好多懷舊嘅日式海報 最估佢唔到係連街機都有🤣極上濃蝦湯叉燒拉麵 $88一上到嚟見到橙紅色嘅湯底 就已經覺得好吸引 舖頭標榜無味精 但飲落去味道依然濃郁 健康之餘 仲保持到有好香嘅蝦味🦐面底用咗曲面 都幾掛湯 同出面啲拉麵舖一樣 可以揀軟 正常或者硬 麵質都不錯🍜個人就好欣賞佢嘅叉燒 有三大舊 仲要係偏厚身 叉燒係半肥瘦 燒到好香☺️濃郁雞白湯叉燒拉麵 $88如果唔係話好鍾意食好濃味嘅嘢 就可以選擇依個雞白湯拉麵 比起蝦湯 雞白湯更容易入口 相對清新 湯底唔算油膩😝不得不講 平時喺香港食一碗好食啲嘅拉麵都百幾蚊 依度$90都唔使 真心CP值幾高!炸魷魚鬚 $48唔算油膩 炸粉亦都唔厚 魷魚食落去都保持到少少爽口嘅感覺😋芝麻手羽 $28雞翼好飽滿 燒得好靚 雞肉肉質鮮嫩 一啲都唔鞋 佢嘅小食都係炸物比較多 如果驚熱氣 我個人覺得依個係一個唔錯嘅選擇🤣…Read More

店舖位置位於basehall food court 入面 整體裝修風格好似美式80 90年代 配合上燈光同埋音樂 比人一種好relax 同chill既感覺😝好適合約埋三五知已黎食餐飯 或者放工黎食飯叉電🔋Hand made massaman curry $90要講最令我驚艷既食物一定係呢間店既咖哩飯 佢地有提供豬、牛、雞三種選擇 今次就揀左咖哩雞飯 佢地既咖哩唔會好辣 但好香椰香同花生味 配合嫩口雞肉 我只可以講一句加飯唔該☺️Pineapple and seafood fried rice $123擺盤同平時食到嘅菠蘿炒飯完全唔同 可以清晰見到菠蘿同海鮮 絕對真材實料☺️除左可以食到大舊又fresh 既菠蘿 仲有好新鮮嘅青口 蝦🍤等等唔同海鮮 超高CP值🤩BBQ skewer combo $98講開泰式串燒 豬 牛 雞就係基本架啦 依間都唔例外 我覺得質素都唔錯 大家可以一試 好鍾意佢嘅沙嗲醬夠晒濃味 超香花生味🤤Grilled pork neck $88三個形容詞 大份 抵食 惹味 如果係同我一樣係豬頸肉愛好者 就一定唔可以錯過啦 肉質鮮嫩 配合泰色辣醬 好食！🤤Thai milk tea +$15泰式奶茶通常都冇得調校甜度 但係依間竟然可以揀走甜 驚肥嘅大家都可以嗌 不過我自己覺得少甜就係最好 咁先有真正嘅泰式風味…Read More

餐廳裝修非常有日本風 牆上痴咗好多懷舊嘅日本poster 除咗普通嘅座位 仲有榻榻米 完全好似去咗日本嘅餐廳 座位寬闊 坐得好舒服季節漁港直送牡蠣 $68生蠔大大隻 厚肉 完全冇腥味 非常新鮮醬油牛油果伴吞拿魚赤身 $98打卡嚟講真係好igable 吞拿魚粒好新鮮 加埋醬汁 蛋黃同牛油果 食落去更加滑身 味道都非常豐富雞頸肉 $36雞頸肉喺香港嚟講真係比較少見 比起平時雞肉更加有彈性同咬口 加上有炭燒嘅香味 都幾值得一試沖繩苦瓜炒黑豚肉 $108苦瓜味道甘香 平時唔太食苦瓜嘅我 今次都食咗唔少件 幾易入口 而黑豚肉口感到非常軟腍雞皮餃子 $68用雞皮代替左普通嘅餃子皮 相當特別 雞油令到成個餃子味道更加昇華 外脆內軟 有少少油膩 不過配酒一流醬油鳥蛋 $38作為配酒小食係一流 會忍唔住一粒一粒食落去炒懷老闆魷魚 $58除咗魷魚仲加咗啲洋蔥銅同菇炒 菜式非常惹味 雲丹奶油稻庭烏冬 $158稻庭烏冬滑身彈牙不在話下 今次仲加埋海膽 真係冇得輸 海膽完全冇臭腥味 仲幾鮮甜 簡簡單單嘅配搭 更加食到食材本身白桃梳打 $52白桃香味好清新 好適合夏天飲荔枝酒酎 $58洒量唔太好又想飲酒嘅人 絕對可以試吓依杯 飲落去唔會話好大浸酒精味 有小小嘅荔枝香 入面仲有啫喱 口感一流…Read More

今次係我第二次去食 揀咗旺角分店 比起上次嘅銅鑼灣 我覺得空間大好多 坐起上嚟舒服啲☺️去得第二次當然係因為佢好味先會回頭啦🤣炸饅頭 $58個人認為係必須點嘅一道菜 造型同味道都係滿分 一拎上枱成架船已經好有氣勢 餐廳仲特別加埋乾冰 令件事更加有型同igable 炸饅頭外脆內軟 加埋啲煉奶 忍唔住就一舊接一舊 雖然係油炸 但係唔會覺得好肥膩 真心好好食😝酸菜魚 $268今次嗌咗小辣小酸 可以調節口味迎合唔同人嘅需要 魚嘅份量好多 口感爽脆嫩滑 入面仲有豆卜 菇同薯粉 薯粉係比較闊同厚身 好有口感雞絲粉皮 68份量比想像多 粉皮好滑溜又彈牙 雞絲唔會話好鞋 連埋啲青瓜一齊食有口感之餘 好清新蒜泥白肉 $78蒜泥嘅份量啱啱好 唔會話太多令到成碟菜好鹹 又唔會話太少而無味 白肉嘅份量亦都好多 大大塊 鍾意蒜頭味嘅大家唔好錯過洛神花茶 $48唔好睇個壺細細個咁 啲花茶係飲極都有 酸酸甜甜咁好開胃 食辣嘢嘅時候又可以幫手解辣 好refreshing …Read More

平時喺傷心酸辣粉食麵就食得多 原來佢依家出咗烤魚放題 仲要只係$108一個人 平到難以置信 即刻同朋友午餐時間去試吓😆烤魚放題 $108/person 今次我哋揀咗麻辣味烤巴沙魚 因為驚食唔到太辣就叫咗BB辣 建議大家可以嗌辣啲 因為比起想像中唔辣😛烤魚上到嚟好大條 條魚稍為煎過 咁樣夾嘅時候啲肉就唔會咁容易散晒 肉質嫩滑 幾厚肉下 唔算多骨 吸晒啲湯汁好惹味 食完個魚就可以加湯變成打邊爐😌配料都有好多選擇 主要都係啲丸類 蔬菜類為主 仲有豆腐 薯粉等等 大家可以自由配搭 我個人就私心推介薯粉同芋頭 兩隻用嚟打邊爐都係好正 好吸湯🤣打邊爐點少得嘢飲呢 除咗一般見到嘅汽水 仲有無糖嘅冷泡茶 啤酒等等整體嚟講呢個價錢食到咁多嘢食真係好抵同超值😚…Read More

間唔中同朋友都好想食下港式嘅湯麵 今次見到依間好特別有港式野亦都有咖啡嗰啲 非常有趣🤤牛隊長湯麵 $88呢度食麵食到好似日本食拉麵咁 有得揀麵底 仲可以揀埋軟硬度 多蔥少蔥都可以自己決定 港式麵黎講真係比較少見 今次同朋友都係嗌左佢嘅幼拉麵 麵質唔錯 牛肉麵入面有牛肋肉 封門柳 牛肚 牛筋同蘿蔔 非常足料 牛肉肉質軟腍 亦都有牛香咪 但係講到最鍾意嘅係佢嘅牛筋 煮到好淋好入味 好多牛肉麵都係比較油同鹹 但係佢依個感覺上就好過平時嗰啲好鬼補雞湯麵 $88依一款我會推介比食得清淡嘅人 湯底偏淡味一樣係好足料 入面有花膠 魚肚 雞件同埋冬菇片 花膠係偏向爽口仲有啲口感 雞好嫩滑牛油果蝦多士 $48多士都幾大塊 蝦仁亦都算新鮮 第一次食蝦多士入面有牛油果 佢令到個口感更加creamy 但整體比較油膩 素蘇格蘭炸蛋 $58依一個有驚喜！首先冇諗過佢竟然係全素 非常特別 素肉食起上嚟有啲似魚蛋 口感幾有趣 加埋流心嘅雞蛋 整體配合得唔錯 炸得非常香脆但唔算油膩黃金單骨雞翼 $38鹹蛋黃配上雞翼諗都知道好食 仲要係單骨非常方便黑豬小姐 $40其實就即係熱朱古力 欣賞佢唔係好甜嗰啲朱古力 飲落去都冇咁大罪惡感 …Read More

間唔中就會心郁郁想食漢堡 今次就揀咗依間🥳價錢中規中矩 可以Combo up!西冷黑松露水牛芝士漢堡 $89本身以為係patty 點知原來係一片片嘅牛肉 香港好似比較少見 牛肉唔係全熟 上到嚟嘅時候有好淡嘅粉紅色同好香嘅牛肉味 牛咬落唔會話好韌 啱啱好 加埋mozzarella同黑松露醬 味道幾簡單 完全係食緊牛肉原本嘅味道 冇喧賓奪主 漢堡入面仲有洋蔥 青瓜 菇同埋菜 整體好豐富 份量都幾多龍蝦汁大蝦意粉 $88意粉煮得啱啱好 唔會過硬或者過軟 龍蝦汁偏浠 但味道都幾香濃 蝦仁正常size 爽口彈牙 成個配搭好融洽雙重芝士薯角 +$26好好食 非常邪惡 芝士俾得好多 薯角都炸得啱啱好 好香脆奇津雞翼 +$26鹹香嘅味道 好適合重口味嘅人士 我個人就覺得佢調味幾出色 肉質都幾嫩滑…Read More

不得不說依間泰國餐廳嘅cp值好高 因為喺food court入邊 食物價錢喺尖沙咀比較平 唔好見到佢平就以為食物質素唔高 同朋友食完一致覺得有驚喜🤣泰式炒金邊粉 $75 平時食泰國嘢最鍾意嗌金邊粉 今次依碟都冇令我失望 炒得好香 食起上嚟味道偏甜 有微微嘅辣同酸味 麵質偏冧身 入面仲有幾隻蝦 都幾大隻同埋算係爽口彈牙手打青咖喱雞肉飯 $62 首先佢嘅份量真係好多 碗青咖喱超大兜 除咗雞肉 入面仲有西蘭花 椰菜花 紅蘿蔔等等 非常豐富 青咖喱味道一啲都唔辣 有好重嘅椰香味 咖喱汁拎嚟撈飯一流 我同朋友完全食到停唔到口串燒combo $48 鍾意食串燒就唔好錯過依個選擇 一碟入面有齊三款口味 個人最鍾意係牛肉 三款肉類都唔會燒得好乾亦唔太靭 幾juicy 佢嘅沙嗲醬做得好出色 好香濃嘅花生味 仲要有花生粒喺入面 串燒配沙嗲醬冇得輸豬頸肉 $68 份量一啲都唔少 望落似普普通通 但本人燒得勁香 肉質脆嫩爽口 點埋佢嘅醬汁味道就更加豐富 好惹味芒果沙冰 $35 芒果味就淡咗啲 但整體唔會太甜 幾清爽 士多啤梨藍莓奶昔 $38 呢一杯就普普通通 正常發揮…Read More

Dodam Chocken 位於利舞檯18樓 地點好方便，銅鑼灣一出就係啦 約咗朋友平日8:30食，冇諗過平日夜晚都咁Full😂竟然全場滿座🤎到步後店員有禮貌地問有冇預約，好快就帶我哋入座 我哋兩個人坐一張四人枱，非常寬躺😍第一碟上嘅就係蕃茄卡邦尼炒年糕($148) 意外地好食😂食落有少少似肉醬意粉嘅味 年糕好煙韌，軟硬適中， 配料仲好豐富添！真係大滿足呀！第二碟嘅海鮮煎餅($145)好足料😀餅邊仲好脆🥳配合有少少辣嘅汁💝推薦一大班朋友Share食 兩個人女仔食，份量有啲多😂我哋兩個人心思思想食多幾款但又驚食全碟叫唔晒😂店員推薦我哋可以揀雙拼款😆叫咗香蒜烤雞和白雪雪烤雞($238)雖然等咗一陣，但係上碟時熱辣辣💛香蒜濃郁都推薦比鍾意蒜香味重嘅朋友 白雪雪其實係芝士粉嚟😆覺得有少少單調, 如果係淋上芝士汁就好🤣食落啖啖肉又Juicy🥰份量仲好多添整體我最鍾意食海鮮煎餅😂 下次多幾個人一齊食，想叫三重芝士炸雞😍建議大家預早book位🤪…Read More

冇得飛又想食日本嘢 就同朋友去咗依間黑門水產🐟🦐🦞就咁睇個門口已經覺得好似去咗日本一樣入面嘅環境真係好日本！座位比較迫 不過俾人一種好熱鬧嘅感覺🤣第一道係赤鬼海老天反卷 ($158) 卷物表面痴滿晒蟹子 蟹子好新鮮 海老口感非常彈牙 完全唔係霉霉爛爛嘅蝦肉 包住海老嘅炸粉一啲都唔厚 唔會食到好油膩 之後就係平目魚薄刺身($168) 食刺身我多數都會好擔心佢好腥 但係佢一啲都唔腥 望落晶瑩剔透 味道比較清新 肉質爽口彈牙 點埋佢個醬汁 酸酸甜甜 味道更加豐富 鍾意食刺身一定要試吓佢😚岩手縣赤崎生蠔($156) 生蠔都算幾大隻 海水味唔算太重 但係非常新鮮 鮮味好突出 配搭埋佢嗰個少少酸嘅啫喱 成個組合好好😋😄黑門令蟹味增甲羅燒($72) 同海膽蟹味增甲羅 ($78)都好出色 佢會喺你面前幫你將蟹殼入邊嘅材料燒熟 蟹膏好鮮甜而且俾得好多 完全唔同你慳 兩款都係好好食 個配搭好鮮甜 仲有啲香蔥令到成個香味提升到另一個層次 佢另外仲有幾塊梳打餅俾你一齊食 幾特別 如果多碗白飯嚟撈就好啦😂蟹油蒜燒帆立貝($78)同蟹味增燒帆立貝($80) 一樣會係你面前燒 店員仲好好咁樣同你介紹翻道菜式 帆立貝幾大隻 前者個蒜味好香 後者就鮮味比較重 兩種都好食 另外都會有啲香菇 撈埋啲汁食好正☺️實不相瞞我係超級鍾意飲梅酒 佢嘅玫瑰梅酒($58)唔單止靚仲幾好飲 有淡淡的花香味 梅子味都幾濃 一唔小心飲多幾啖就會醉🤣其實價錢就唔算好平 不過食到高質嘅海鮮食材喺香港都算好難得 都算幾抵 同埋最緊要搵得返日本嘅風味 都推薦大家嚟餐廳試吓😚…Read More

屋企附近開咗間新餐廳就同朋友去咗食啦 門面都幾吸晴門口有一對用霓虹燈整嘅翼 啱晒鍾意打卡嘅人 可以扮吓天使🤣餐廳環境幾舒服 坐得一啲都唔迫 裝修風格好有童話嘅感覺 幾有趣🤣晚餐嘅menu好豐富 每樣睇起上嚟都好好食 價錢偏中高價 不過以食豬手 食豬排骨來講 CP值都好高除咗set dinner 佢都仲有好多唔同嘅主食 之前食過佢嘅全日早餐 非常高質 而且價錢合理Set dinner包左餐湯 沙律 飲品 仲有甜品 一定唔會驚食唔飽🤣餐湯係忌廉湯 佢係比較結身嘅 正常發揮 沙律食落好清新 未食主菜已經飽飽地🤣我哋嗌咗一個香脆豬手配燒汁跟薯角($178) 真心比較貴 不過好好食 豬手嘅皮係超級脆 肉質非常嫩滑 味道唔會話好鹹 成個調味啱啱好 份量好大 有兩大塊 其實都幾抵食🤪仲有三舊焗薯 薯仔味好濃另外嗌咗石燒美國頂級穀飼牛肩胛肉眼扒($78) 依個就要單叫 不過可以加$30變成套餐 肉眼扒嘅熟度可以因應自己嘅喜好決定喺塊石板上面煎幾耐 肉眼扒嘅份量亦都係好大 睇圖就可以知佢幾厚身 冇咩根 肉質軟冧 牛肉嘅香味濃郁☺️最後就係甜品 係兩杯黑加侖子味嘅啫喱 上面放咗啲忌廉 加埋支好似雪糕筒嘅匙羹 成個感覺好可愛🤣整體來講 價錢少少貴 但食物質素高 食得好開心 而且坐得好舒服 都幾推介大家嚟食☺️…Read More

聽朋友講有間餐廳有賣串燒套裝比客人返屋企自己燒嘢食 位置都幾方便 喺香港大學地鐵站行5分鐘左右就會去到一口沙嗲專門店嘅店舖舖頭將啲串燒同醬包得好好 非常容易拎返屋企 依家買10盒串燒就會送一個串燒專用電爐個電爐以免費送來講都算質素幾好 細細個咁 好夠熱 入面有三塊pan 全部都唔會痴底 清洗起上嚟非常方便 一次大概可以燒到七至八條串燒肉類分別有四款 羊($85) 牛($80) 豬($75) 雞($70) 包裝寫明係made in Hong Kong 每一包入邊都有12串 全部已經醃好晒 非常方便一開即刻燒 另外仲有兩款醬汁 分別係原味同辣味花生醬羊肉串食起上嚟好香嫩 冇咩羊羶味 牛肉串食落去比較有咬口 有一兩條稍為有筋 不過整體味道濃郁 唔錯 豬肉串一啲都唔鞋 有少少爽口 個人幾鍾意 雞肉串係我嘅最愛 沙嗲配雞肉冇得輸 食落去好滑醬汁方面兩隻都係好好食 佢俾咗兩大盒 原味嘅花生同沙嗲味都好出 入面有少少花生粒 係好結身嘅醬 另外辣味其實唔算係好辣 聞落有啲XO醬嘅味 入面真係有花生 食落去配埋啲沙嗲好香口下面嗰兩個pan仔係專門用嚟整返熱啲醬 好貼心嘅設計我覺得個套裝拎返屋企同屋企人或者朋友一齊食真係好新奇好玩🤣…Read More

喺荃灣行開街 就上咗去18樓食18樓雞煲火鍋專門店🤣太耐冇食雞煲 好掛住🤣餐廳嘅環境同衛生都唔錯 坐得非常舒服 隔住隔住咁 幾有私隱度 而且唔會坐得好迫一入座 店員首先會問咗想食咩餐同埋雞煲要咩辣度 今次我哋八點入座 揀咗套餐A($178未加一) 非常抵食 雞煲嘅辣度我哋揀咗小辣 非常惹味 醬汁味好濃郁 好香辣 間唔中仲會食到少少麻麻哋嘅味道 鍾意食麻辣嘅就非常啱心意 雞件煮得唔錯 食起上嚟唔會話好老雞嘅份量好多 我同朋友兩個人食 淨係食雞都食到好飽 而且係好多肉嘅 唔會話剩係得骨飲品係自己自行去飲品櫃拎 有好多唔同嘅選擇 除咗罐裝飲品 佢仲有冷泡茶 好驚飲甜野嘅大家 就有另一種選擇啦 我自己幾鍾意佢嘅燒仙草爽 同冬瓜茶 兩個都唔會話太甜 好適合一路食雞煲一路飲 另外每一台都會有一支高湯 非常方便大家食完雞煲直落打邊爐🤣打邊爐嘅材料全部都係經手機落單 非常方便 而且好快就送到上嚟 依個速度非常值得讚 我哋嗌到成枱都係打邊爐嘅料 我哋最鍾意嘅係響鈴 肥牛 芝士豆腐丸 仲有芋圓波波 當然其他都正 不過就等大家自己發掘啦真係好想讚佢嘅牛肉 雖然係放題形式 我哋仲要揀咗最平嘅餐 但係佢啲牛肉唔會話切得好薄 而且其實冇咩肥肉 另外醬料區都係自助嘅 佢醬料嘅選擇只有豉油 確實係比較少 不過亦都有蔥同蒜蓉俾你任加菜方面就要自己出去拎食飽當然要食甜品 佢有自助嘅乳酪雪糕 想食幾多都得依餐食到好飽 雞煲再邊爐係雙重嘅享受…Read More