marshmallow_dog's Profile

呢間餐廳食過唔同店，計落都有4次，各店水準平穩，每次都必吃韓式炸雞，唔知點解無骨係平過有骨雞，都無乜所謂，志在食個調味同脆炸口感，半半炸雞口味，今次繼續食柑橘蜜糖同芝士，2款咸甜味都食到，脆炸口感維持到時水準，實在太好了，上面再加有少少薯條，連額外小食都唔洗叫，加埋士多啤梨窩夫做甜品，2個人真係食到好夠喉，夠腬啦，個窩夫應該少d cream多d生果就好,cream太厚啦雖則甜度剛好，窩夫質地有煙韌感，但無乜士多啤梨味。另外，職員人手太少，無暇加水杯水。…Read More

自從買左coupon後,weekend放假飲杯啡，都多機會搵下呢間店有的分店，專登去買同埋順便行下街，到過尖沙咀，觀塘店飲杯熱咖啡，飲親都多係揀tiramisu latte,最近亦試左mocha, 啡底nutty多，係我喜歡的風味，奶泡唔會過多，無論mocha定tiramisu口味都好夾個啡底，亦唔會太甜，大杯裝12oz先夠喉，應該用曬堆coupon都會再買新，如果仲有做優惠，始終飲品定價偏貴，無折扣未必飲佢，市面好多咖啡店競爭嘛。…Read More

自從呢間餐廳收縮分店，真係好幾年無食過，有日搭車路過巨盒商場，上openrice搵下先知呢間餐廳開返某d地段的分店，一搵之下見openrice做黃埔分店閒日晚市7折，快快book左先。閒日晚果然少客d,上菜又快，職員有禮貌。pizza揀左牛油果烤雞，味道幾好但配料太獨立，番茄同牛油果係焗起左放上pizza面，我仲以為係混合雞肉芝士一齊入焗爐焗，經典批底都做到批邊脆而批底有煙韌度，下次要揀其他口味的食下。烤雞沙律又係必食既，繼續保留黑豆同薄脆的材料，口感豐富既沙律，好食就當然2個人都要叫全份先夠喉，甜品試左青檸批，不似預期的，係凍餅，青檸餡太酸同唔夠挺身，唔會再叫。…Read More

今次又捉埋堆朋友試下呢間餐廳，預約左6：30pm枱，因為原本預11人後來少左2個，先致電餐廳查詢能否安排11人，職員友善會講明有點迫，但可安排得到。用餐當晚沒有如落單QR code寫明限時100分鐘，坐到9半先走，期間職員會主動fill水及收拾餐盆，服務態度好。餐飲方面，意粉彈牙，個人喜歡龍蝦汁蝦意粉，寬條麵比長通粉菜式口感更彈，燒玉子配三文魚子配搭豐富，不過番薯條炸得偏硬，明太子雞翼一般，未有空間叫甜品麻糬窩夫，下次要再試。…Read More

過去食過本港唔同店既雲南米線，唔覺得太有動力會醒起食佢，反而會諗左食其他廣東菜，日本野，西餐，泰國越南菜等等，呢排天氣凍，對日本野熱情少左，想食熱野，揀左呢間bookmark左好耐但未試過的餐廳，叫左招牌的雙併銅鍋米線，試原味點都最穩陣，湯底味道同米線好夾，唔辣啱我，仲要有木耳芽菜唔咸既炸菜底，加上配料揀左雞肉同生菜，好暖胃而令我留肚，消化兩個小食，就係專登入餐廳試既脆卜卜蝦膠豆卜，配埋泰式甜辣醬好夾，蝦肉好彈牙反而唔似蝦膠，個紅糖糍粑不得了，平時某d上海菜食過既，同呢個有唔同，佢唔會甜到漏，軟糯感剛好，呢2個小食一定要留肚消化。…Read More

中午飯食泰菜，順便同媽咪行銅鑼灣，餐廳地段方便易搵。第一次試呢間餐廳，經openrice預訂可以正價餐牌7折，所以都有興趣試新野，2個人叫左沙嗲串燒雞，烤爐製作但肉質唔會烤太乾，味道唔咸剛好，蝦醬炒飯將腰果，肉鬆，泰式蠟腸和辣椒放旁邊，可以唔食辣都得只要唔混合配料，咸香味不錯，食親泰菜一係叫呢個炒飯或泰式炒粉，香辣炒軟殼蟹，好味但偏咸和個人覺得辣得濟，下次要問下可否少辣少鹽，整體菜式中上，下次會再來試其他菜式。…Read More

今日知家人在西環工作，下午臨時找找西環附近有咩餐廳，忽然想食西餐而又係据扒，找找就試下呢間餐廳，有得openrice book定位，未到餐廳已經望定menu想食牛扒，雖然有得揀order free flow，$258任食但要全枱人都order free flow，不過要留肚食甜品所以無叫, 一人一份medium牛扒已拼薯菜，aussie chips雖然咸左少少，但炸得香脆而且調味好香，連茄汁都唔洗加，牛扒偏un左少少，肉味重，過足食扒的癮，醬汁另上，飲品在雪柜自助，好多本地sparking和啤酒飲品揀，柚子玄米氣泡茶味道清新。…Read More

cafe始終最啱朋友聚會傾計，仲要呢間餐廳無限我地90分鐘交枱，油尖旺區黎講好難得，講返野食，叫左carbonara通粉，味道濃郁，鍾意重芝士味啱食，迷你帶子意大利飯，飯粒有煙韌度，被醬汁鎖住夠曬入味，呢個我個人覺得相對通粉出色，烤雞沙律配上腰果和牛油果蓉，材料豐富，金沙雞翼就油左少少不過惹味，3個人貪心要食埋個貝殼甜品，因為隔離枱客人order左香味吸引，窩夫配上紅豆和雪糕，再加蛋白脆脆，晚餐既完滿，feat.餐廳哥哥請basque cheesecake，感謝款待～…Read More

之前西貢見過呢間餐廳但個次唔想食pizza所以無試，係將軍澳見返佢就不得不試下酸種餅底pizza, 自己對麵包有要求，成日試唔同麵包店的出品，情有獨鍾都係搵酸種呀酵母麵包之類的產品，有次食pizza hut發現佢都出左酸種餅底，咁呢間餐廳個名都用dough就梗係要食下，叫左最穩陣味道，BBQ烤雞pizza, 外賣另附有一盒sour cream比我自己食前淋面，可能近屋企拎到返去都仲熱，dough bread底真係好有煙韌度，唔同平時既餅底係乾既麵包，佢有返應有既濕潤度，然後批既餡料調味都夾，烤雞肉香，配上sour cream完全唔覺渘，下次要試泰式風味的pizza，但都接近150元一個pizza仲要普通批size,確係價錢偏貴。…Read More

已經第3次用餐經驗，每次都會order炸雞，原來口味又轉了，今次試了牛肋骨醬汁味和之前試過的柑橘蜜糖味，4個女士所以點了兩個全份，無骨雞肉的份量算足料，有少許沙拉菜和薯條伴碟，炸雞外皮脆口，而雞肉不會炸得太過鞋口。另外叫了西柚梳打，正常發揮，可以中和炸雞膩感，肉醬年糕味道不錯，用的是豬肉碎，所以唔食牛肉的朋友都啱食。蟹肉明太子汁飯圈，共8件，啱啱夠4人分享，味道沒有驚喜，下次可試其他菜式。唯餐廳90分鐘用餐時間，真係執得好緊，已經是閒日晚上用餐都要準時交枱。…Read More

第一次試呢間餐廳，新加坡馬拉菜我係分唔到，2個人叫左Rojak，媽蜜雞，超級炒飯。Rojak含有炸豆卜、沙葛、菠蘿、油炸鬼，甜甜地的醬油味混合，但估唔到甜蜜雞個醬，同佢好似，所以下次唔會叫2樣相似味道菜式，超級炒飯個名咁勁所以叫左，炒飯海鮮都幾多，新加坡風味炒法幾特別，醬香味繼續濃，整體3碟餸都好食，會再來試其他菜式。…Read More

女同事們要揀花巧野食，一齊試新餐廳，先來一小杯似竹庶水的飲品，之後係無白開水供應，要自己order飲品，大家share一jar酸梅湯，味道不錯。order左花膠雞湯底，係每人有一件花膠食到，侍應會幫忙將雞件裝起以免過熟。食材選了香江拼、蝦滑、墨魚滑、花花綠綠、手打墨魚丸、松露餃、水餃、炸魚皮、響鈴，但係個小食鬼馬炸蝦膠反而最出色，其他食品質素不錯除左餃類好普通，價錢因為做緊85折優惠，埋單每人400元，係貴既唔太值，叫做試過打卡靚靚火鍋，環境適合聚餐坐得舒適，侍應服務質素良好。…Read More

上次飲過熱matcha latte,有同事介紹要試佢既抹茶軟雪糕，今日路過又想試下，叫左杯matcha latte float with matcha soft-serve icecream,冬至天氣凍冰冰飲佢，雪糕唔易溶，杯中有4大粒冰塊盛起軟雪糕，查實杯飲品容量相當少，抹茶奶夠味但個軟雪糕就唔係我期望，我原先諗住佢軟雪糕夠濃味兼回甘，係無既似普通抹茶味雪糕，我就食過其他更好味既抹茶軟雪糕。再者，個人覺得上次熱matcha latte更香更好，都係回歸原味好。…Read More

難得今日星期六晚市，6點半以為要排長龍，好在咁橋有walk in位，等左5分鐘已經可以入座，當然都一樣限入座90分鐘交枱。今次係第3次食呢間餐廳，繼續試下不同菜式，今次試左軟殼蟹白咖喱汁意大利粉，隻辣係不太接受到，我係食到髮根冒汗的，但個味道係幾好食，如果佢無咁辣就好d,或者係個人唔太受辣得。豬頸肉沙律，好味個肉既份量係足一碟出面街泰菜食到既份量，豬頸肉調味香口，咸味適中，沙律菜多返少少會更加好。最後加單的咸蛋黃薯條，又係熱住上菜，咸香味足夠，每根薯條都剛好包到蛋黃，粗薯又係我喜歡的，用隻大碗裝到滿好滿足，查實佢提供一小碟醬汁可以唔洗，因為夠曬味，應該會再有下次黎呢度食飯。…Read More

第一次跟同事去食呢間餐廳午飯，餐廳大所以唔洗等位，閒日中午時段1點幾實在難得。午市套餐款式算多，入座時可先決定燒烤與否，本身我唔太喜好食辣的都有許多選擇，今餐揀了韓式雞肉炒飯（本身可揀雞／牛／豬肉），好快就有四道前菜和同事分享食住先，再有主菜跟一碗湯一併送上，炒飯份量很大，材料足，味道滿意夠鑊氣，係略嫌油左少少，隨餐後跟一小碗花奶啫喱，午餐都有一個完滿的結束，。另外，職員態度亦很好，返工日子會再黎食過。…Read More