kamanjaib's Profile

厚福街不嬲都多嘢食，今次放假去食丼飯 ！男朋友叫左個虎士山丼($148)，加左明太子醬，包括有三文魚蓉、拖羅蓉、帶子、蟹肉、三文魚子同埋有黑松露，火炙燒完好好食。我就唔係好想揀已經set好咗嘅丼飯，所以我揀咗自選丼飯，仲要好奢侈咁揀咗九個餸($146)😂 配海膽醬 。我揀左：三文魚、火炙左口邊、拖羅蓉、珍寶赤蝦、北寄貝、帝皇蟹棒、帶子、鮑魚、燒鵝肝，非常滿足。由於我太奢侈，我記得鮑魚同燒鵝肝係要額外再補錢。😂嘢飲方面，叫咗白桃冷泡茶，清清地唔會好甜。Overall 野食好味都新鮮😋份量ok，環境乾淨。 最後兩個人食咗$400左右，男朋友俾錢🤣…Read More

講真我都係第一次去到科學園食晚飯，原來環境好大好舒服，都好新淨。片皮鴨任食都係我聞所未聞，第一次食。頭盆有茄汁大虎蝦，仲有蠔皇鮑魚，鮑魚好大隻炆得好腍。仲有個燉湯，真係超級好味！片皮鴨係以自助形式自己出去拎，會不停refill，仲會見到職員即場喺度片。我地兩個人去食，小菜唔係試咗好多：竹笙燴上素、脆皮炸鮮奶、乾燒伊麵。最緊要係有海鮮食🥹白灼海生蝦、酥炸廣島蠔、潮式浸花甲、仲有鮮魷同魷魚鬚。點心都有好多，都係自助形式去拎，我哋就拎咗燒賣同蝦餃。其實佢仲有好多燒味可以嗌，例如係口水雞燒腩仔，但係我哋已經食到唔得了。飲品都係一個我好驚嘆嘅地方，就係佢嘅紅白酒係任飲，亦都有橙汁同埋唔同嘅汽水，連鴨屎檸檬茶都有。最後最後，要食埋個甜品，就係桂花糕，出面都仲有杯裝雪糕任拎。我覺得呢度性價比極高，最好叫多啲朋友一齊嚟咁就可以試晒唔同嘅餸。中菜放題，我都係第一次，我覺得好滿足。…Read More

呢2日天氣又凍返少少，都幾岩去打邊爐。呢度環境都坐得舒服，我地兩個人安排左4人卡位，可以擺埋袋。滾得飽2人餐 ($598)叫左麻辣同沙嗲湯底，麻辣都幾辣，沙嗲湯底都幾濃。醬料款式都幾多，實有款岩口味。呢個套餐包海鮮，有海蝦4隻、花甲6-8隻、西班牙無激素豬頸肉、手包韭菜餃4粒，當日冇手打鯪魚滑所以轉左雲吞。打邊爐當然都唔少得山根同烏冬啦！再加左忌廉($18)同可樂($18)，計埋醬料($18x2)同加一，total 係$733。本身驚會唔會唔夠飽，最後係太飽！…Read More

其實食左咁多餐廳，五勺真係成日比到驚喜我。我已經去過都5+次以上，有同男朋友去，有同朋友去，就算係2個人好定一大班人好，每次大家都好滿意。佢d刺身好新鮮，日本象拔蚌($360)爽口、活赤貝($72)、白身魚薄切(10片)($128)超推薦、吞拿魚赤身刺身($98)、北海道海膽(40)g ($240)有甜味。因為太中意食海鮮，仲叫左個海鮮紙鍋($128)，個湯清得嚟好好味。燒味醂魚乾($88)係成日都叫，上碟時仲係熱lar lar(呢個對我嚟講好重要)，唔係整好左攤係度凍左拎出嚟serve客。免治雞肉棒($38)都係我另一個次次叫，配埋隻蛋perfect。之後仲叫左汁燒赤雞橫膈膜串($36)、雞皮($32)同埋芝士甲羅燒($148)。最後最後，一定要叫甜品作結，菠蘿雪葩($58)同埋桃雪葩($48)一定唔會令人失望。…Read More

#睇波 #傾偈 #飲野 必去 環境好有氣氛，同朋友仔一齊嚟啱晒，而且仲好有萬聖節特色。食物質素好好👍🏻而且廚師好有心機咁擺得好靚，一次過上晒，比大家參考下我哋叫左咩：培根年糕卷牛油果豚肉燒玉子燒招牌燒法國鵝肝雞肉軟骨棒金菇牛肉卷安格斯牛肉蘆筍串燒羊架炭燒牛板腱香蒜芝士半殼扇貝香蒜燒鮮鮑魚鹽燒雞皮黑加侖子味啤酒 🍻呢個好易入口 而且有黑加侖子味，好特別😙下次都會再揀呢個，佢仲有隻山茶花味，都想試試佢🤣…Read More

好耐冇打卡喇wuwu。今個weekend去左係一間好「全能」嘅餐廳，因為佢個環境、裝潢、食物質素、份量同埋服務都好好，唔係打卡only，係食得好滿足。我同男朋友叫咗斑馬2人餐 ($698)，入面有小食、主食兩款、甜品同埋飲品，但我其實覺得呢個餐ge份量係3人，甚至係細食ge 4人餐！小食拼盤入面有腸、芝士波、芝士條、薯條、番薯條，配左黑松露醬，岩岩炸起就上，要襯熱食，芝士仲可以拉到好長好長。慢落豬 (+$20)主食揀左慢煮ge豬串燒，肉好淋食落唔會鞋，每舊肉中間仲夾左椒，balance返成個口感同減低油膩感覺。仲有番薯條，我個人嚟講係好中意食番薯條多過薯條。牛油果忌廉蟹肉意大利飯個蟹肉係成個ball咁多，唔係出面果d放兩條就話係蟹肉意大利飯，味道都好好。因為份量太多，拎左返屋企，第2日叮返都仲好好味。甜品叫做「西西里的檸檬向日葵」，上碟係一朵向日葵，中間係雪糕，帶有檸檬酸，好fresh。飲品就叫左西柚紅石榴乳酸梳打同埋青瓜檸檬奇亞籽梳打，唔會好甜，幾清。好有heart的水🤣…Read More

最近見到一個社交平台post，好似係一對中學生，女朋友中意(餐餐)食牛排，但係男朋友就會帶下佢食tam jai，end up男仔就被分左手。搞笑得嚟又覺得搵到一個願意陪你食你中意ge野ge人，都係一種幸福。無聊野講完，今日想講一間我幾中意食ge平民小店，叫山東小城(太子)。雖然係叫太子店，但其實係近旺角，果日係MOKO行完街過去都非常近。店面細細，不過都坐滿唔少人。黑糖醋豬軟骨菜飯 ($53)黑糖甜味算重，豬軟骨好淋。不過我想提ge係佢個菜飯，出面好多都係切得好大粒ge菜(好似冇切過一樣)，但係呢度係一絲絲ge菜，食落舒服好多。牛肋肉擔擔麵 ($58)牛肋肉一樣好淋，擔擔麵味唔算好濃，配埋小食同埋佢地特製菜圃岩岩好。麻辣魚皮 ($40)呢度除左主食之外，仲有20+種類ge小食，我地叫左麻辣魚皮，魚皮夠爽，麻辣又出，而且份量唔少。羊肉餡餅 ($34)羊肉餡餅係我個人favourite，即叫即整，個皮係脆，入面d肉唔會乾，反而係爆汁，而且好多餡，食到好滿足。飲品方面就叫左百香果梳打 ($22)同埋凍百香果蜜 ($14)，解辣一流。下次再嚟ge話我會想試佢餃子同埋多d小食。…Read More

餃子真係時不時就會食，見到門面裝修得好和風，就揀左入去試喇，仲有好多猫猫公仔。雖然舖頭唔係好大，但係每張枱都相隔一啲距離，坐得舒服。湯餃套餐(6隻）韭菜豬肉餃 ($83.0)配花膠雞絲湯麵 ($35.0) 花膠好淋身，個湯飲落冇味精嘅感覺，配湯餃，比較岩怕熱氣又想食得健康嘅人。煎餃套餐(6隻)鮮蝦帶子餃併（煎)芝士辣雞餃 ($88) 麻辣雞絲拌麵 ($30.0)轉冷麵當然都試一試煎餃，表面都煎得幾香脆，真係會見到有細細粒帶了喺餃子入面。另外，我都幾中意個辣雞餃，因為仲有芝士喺入面。而煎餃嘅配搭就梗係冷麵，個麻辣好過癮。野飲方面就叫左洛神花茶（凍）($10.0)同可樂（凍）($8.0)，解一解辣。涼拌菠菜 ($20)最後叫左個小食，佢特別之處係加左柚子醬，個配搭係好清新。今餐食得幾滿足，仲不時聽到有街坊落嚟買生餃返屋企。…Read More

好耐冇出街食飯喇！今日又係去尖咀好多野食ge街，食個正宗韓國料理！星期日大約2點左右去到舖頭，唔洗等位，2個人安排左4人枱，坐得好舒服。去親食韓國野其實我都係例牌要食炸雞，但係食主菜之前，先食左佢ge前菜先，一共有3款。醬油炸雞 ($120)炸雞外脆內軟，醬油份量岩岩好，唔會令個雞淋左，表皮仲係好脆，口感幾好。花蛤大醬湯 ($103)食韓國料理除左炸雞，一定係叫佢ge鍋，試下佢個湯。雖然花蛤個份量就唔多，不過第一次飲大醬湯，就覺得幾特別。蠔仔薄餅($153)佢個薄餅唔係泡菜煎餅ge texture，類似係用蛋漿包住成隻蠔再拎去煎咁，屬於比較淋身ge薄餅嚟。飲品方面我地就叫左柚子茶($23)同埋korean sweet coffee ($18)，咖啡幾夠奶味，唔會好苦。食完飯仲去左donki行，shopping下，滿足。…Read More

平時真係好鍾意食麻辣 ，就算烚個菜食都會落少少🤏而今次去左食川菜 ，滿足。佢堂食宜家都多左位，around 30個左右，坐得都幾舒服。超級大愛係佢個藤椒魚皮 ($48)，超級爽口同入味，辣嘅感覺好正，一定要叫。我心目中排第二係佢個吉祥套餐($54)，有六樣餸，基本上仲平過車仔麵，最緊要係佢個湯底，秘製香辣湯，超級過癮。另一個生椰蕃茄湯，行比較清新路線，都唔錯。餸方面，我自己鍾意蓮藕、男朋友鍾意牛丸，豆腐串都非常之唔錯，因為充滿啲湯汁。六個餸再加埋個主食，一定會夠飽。食川菜通常都會揀米線，的確係個好選擇，反而薯粉就會比較煙靭。之後我想講吓佢個烏梅冰粉，當你食完好辣嘅嘢嘅時候，整返一啖，係即刻解晒辣，呢個係真係perfect match。嘢飲方面，我哋揀左酸梅青檸烏龍茶、山楂蘋果洛神花，本身諗住兩個都揀烏龍茶，但好彩有揀洛神花，驚喜地佢有山楂都唔酸，反而烏龍茶個酸梅味仲更濃。兩者都各有千秋。總結係，我掛住佢個藤椒魚皮🤣…Read More

呢幾日放假，終於有時間講返上星期我喺#灣仔 #銅鑼灣 發掘到嘅外賣店！喺#打小人 嘅 #鵝頸橋 附近。我同同事見到樣樣都好想食，所以喪叫左好多小食，但又驚唔夠，再叫多個便當🍱但想講我地分別食左兩餐先食得完😂韓式辣豬肉午餐盒（$78）有好多前菜，仲有埋熱湯，白飯上仲有一塊蛋卷，最緊要係個辣豬肉真係味道好好，個湯拎埋返公司都仲係好熱。炸雞🍗細份($47)啖啖肉之餘，佢外皮香脆，食落冇油膩感。辣豬肉紫菜飯捲 ($50)飯捲食落好light，因為佢菜嘅分量好多，反而飯量相比其他少，食落口感好豐富，岩晒想輕食嘅人。海鮮煎餅（$58）啲料都幾多，但我自己就覺得可以香口多少少。最後一人叫左罐桃來飲，好鬼滿足。值得一提係，佢除左做外賣之外，仲有做啲凍肉類，等外賣嘅同時又可以睇下，岩晒收工無時間買餸嘅人！…Read More

通菜街兩邊都有好多食店，今次去左一間新新地嘅居酒屋。而且裝修得幾清雅，坐得都幾舒服。本身想食個日式飯就算，但係見佢有串燒食(esp. 我最愛ge免治雞肉棒)，最後就叫左好多串燒。先講左飯先啦，我同男朋友叫左：照燒牛肉丼配溫泉蛋同埋咖哩炸吉列廣島蠔飯。炸蠔有5粒咁多，食過好多餐廳比3粒細細地你就算。我叫左少飯，但仍然份量都好多，唔洗驚唔夠食。之後就係我最愛嘅串燒，免治雞肉棒($38)、鹽燒白鱔($38)、蒲燒鰻魚($38)、雞軟骨($28)同埋日本甜薯仔($16)。免治雞肉棒食落口感好好，同埋最好係佢有蛋一齊上，呢個係一定要，如果唔係就唔好食。白鱔同鰻魚串都唔錯，白鱔都幾爽口，同埋唔係度度有得叫。當然，食左咁多都要飲返杯野，我地叫左菠蘿檸檬同埋白桃檸檬，兩杯都唔會太甜，解膩唔錯。…Read More

好耐好耐冇食海鮮，今次嚟到cwb，要好好慰勞下自己！雖然見到好多枱都食烤魚雞煲，但係我地就叫晒海鮮同埋燒烤。避風塘澳洲龍蝦 ($198)呢個龍蝦真係必食，避風塘好惹味，但係d肉係一d都唔乾，你食到佢嫩滑嘅感覺。金湯花膠雞絲翅撈飯 ($68)宜家做緊試食價，梗係叫嚟試試佢。翅撈飯呀，第一次食，兩個人成碗食晒啦，好足料呀！豉椒炒蜆($88)份量好多，味道好濃，完全冇沙，食得好開心。香蒜+麻辣燒生蠔 ($138/半打)兩款味我自己就中意食香蒜多d ，因為仲食到個蠔嘅味，百幾蚊有6隻，其實真係好抵。蒜香牛油扇貝($38/2隻)處理得好乾淨，蒜香爆燈。燒烤時間嚟喇，有蒜香燒茄子($48)，原條上，又係滿滿蒜香，唔知食左人地幾多個蒜頭。仲有，又係蒜香牛油金菇($38)，佢係一個外賣盒咁多，牛油係滿滿，好正。當然唔少得有肉，孜然牛肉($23)同埋燒腩肉($20)。最後，我男朋友最愛，講左好多次好味嘅係佢：脆焦糖燒菠蘿($48)，下次一定再叫。因為燒烤同食左好多蒜，我地加左每人$28要飲品放題，我就揀左金鳳烏龍仲有桂花茶解膩，今餐食得好滿足。…Read More

店舖裝修好特別，一入去就見到一片紅色，好岩打卡。食食下野仲聽到有人唱K，原來係可以包房。今次火鍋叫左經典鴛鴦湯底，有辣有唔辣，而去四川火鍋店就一定要食麻辣啦(我就叫左小辣)。野食方面就叫左少量肉，有牛肉、雞肉，兩款肉類都算滑。另外叫左個小郡肝，爽口。當然唔少得菜啦，包括：腐竹、油麥菜、蘿白同藕片。其實本身仲叫左魷魚，不過可能太新鮮，冇游到去我張枱。飲品方面就唔係一般汽水，而係台式飲品，係百香果檸檬茶。餐廳環境都大，宮廷風岩晒打卡，不過人手唔算好多，見到佢地都好忙呀。兩個人，連埋茶水、醬料食左$700左右。…Read More

Captain House有唔少分店，今次竟然開左係圍方，仲要好大裝修得好靚！ Seafood Combo ($598)可以揀5種海鮮，今次我就揀左蜆、小蟶子、鮑魚仔、小龍蝦同埋扇貝，再加埋佢地signature辣辣地ge醬 (Cajun Garlic Sauce)，係好滿足！今次已經係我第2次返來食喇。New York Cheese Cake ($78)最令我有驚喜係個cheese cake，超級creamy 又唔會死實實同埋太甜，冇諗過呢度甜品都咁出色。之後同男朋友有叫左兩杯野飲，Pink Pussy ($55) 幾重士多啤梨味ge咖啡同埋叫左杯熱English Breakfast Tea ($40)配cheese cake~…Read More