ccty的個人專頁

今日經過大埔 之前有食過生煎包 今日見有時間打算坐低試試因為係下午茶4,5點時間 食客唔夠 樓面眼見都有4,5個人職員嚟到叫我哋自己QR code 落單我哋叫左三樣野 生煎包 炸醬撈麵 小籠包生煎包保持應有水準 但係令到我打左個突反而係個炸醬麵 （可惜冇影相) 個醬”傑達達又少醬 麵勁淋 我問職員有冇得拎多多少少醬 佢話得麻醬 所謂麻醬係平時食沙律個啲麻醬 其實佢可以直接話冇 唔係是但俾個醬我哋 完全唔夾 然後 我哋又問另一位男職員 有冇紙巾 佢答一句”無” (完全冇尾音) 嘩 我心諗咩態度？ 講句唔好意思我哋冇或者要俾錢買都好呀？我哋已經完全俾佢哋啲服務態度搞到冇哂食慾 只係想快啲食完走 個個職員好似死老豆咁嘅面口 埋單連句多謝都冇 完全冇禮貌可言 我發誓以後唔會再食呢間野 完全受氣 …查看更多

本身我都食過呢間茶檔幾次 質素相對其他茶餐廳真係算高質 加上又係屋企附近 有時候放假都會幫襯下。今朝好忙冇時間煮早餐 所以打定電話落去叫定外賣 心諗可以落到去俾錢就走得。我大概過咗10分鐘之後落到去 我話我叫咗外賣嚟拎 對單之後俾錢諗住即刻有得拎 點知冇咁唔緊要啦 可能都係等多陣啦 咁我張票係6號 眼見等咗10分鐘之後連9號都出埋外賣走得 我就開始有點嬲 我問我仲要等幾耐？女收銀: 6號餐得未?廚房: 一早出咗啦 女收銀: 你擺係邊？ 我見唔到廚房: 擺係出面 女收銀: 冇喎 係咪又俾人拎咗？我聽到呢度已經嬲爆 我話我已經遲哂到等唔到 你不如退翻錢俾我啦女收銀即刻退錢俾我 不過一個sorry 都冇 印象極差 以後都唔會再幫襯！一個餐 足足呆等咗10分鐘 我唔問 可能再等多20分鐘…查看更多

已經有段時間冇幫襯呢間懷舊茶餐廳，對於每逢放假都差唔多每隔一個禮拜會嚟幫襯的街坊，前一排我仲以為佢唔做感到十分失落。但當知道佢開翻我真係覺得好開心，可以食翻至愛的南乳雞翼炒公仔麵和家鄉炒飯，實在太好了！新的裝修的確比以前望落乾淨和寬敞咗。少了老闆，加了新的面孔和餐牌，感覺截然不同。我一心嚟食家鄉炒飯，當然二話不說就點了這個和一杯奶茶。等了幾分鐘，我的家鄉炒飯來了！驟眼睇我以為佢俾錯炒飯，因為以前上面的魚乾仔唔見咗，飯望落亦唔夠乾身，同以前有明顯差別我拎起匙羹，食一啖，以前的鑊氣無咗，飯的質感也唔同咗，一種食落好香口的味道消失咗 ，我好失望。以前食呢個飯我永遠唔會加調味，避免影響到本身飯的味道，同埋好夠味。但今日我嗌咗碟辣椒油送飯總括而言，我唔能夠講話呢碟炒飯好難食，只係如果同我一樣有食過以前德如鼎鼎有名的家鄉炒飯，應該會完全明白我依家呢種差落感。。。。如果有”舊街坊”見到我呢篇食評，有其他意見不妨分享下，好想知道間餐廳係咪已經換哂廚房？小小題外話，其實我堂食前個禮拜，外賣已經叫咗南乳雞翼炒公仔麵，感覺也是一樣今日諗住俾多次機會，結果都一樣…查看更多

昨日與男友趁疫情稍緩 決定支持黄店見杜汶澤都黎過介紹 就諗住一試點知顛覆左我對Omakase的第一印象 一去到餐廳要準時6點入座 餐牌有分7 或 12 道主菜 只叫了7道 再追加了海膽$200侍應一而再再而三的強烈推薦加刺身 $200 再加$200海膽 不過因為第一次黎 而男朋友不太食刺身 所以無叫到12道 先黎一個櫻花茶 有點苦 不過配合番生食 每食完一道菜可以沖淡口味第一度菜 係魚子加梳打水 呢個係將D魚子倒落杯度飲 魚子尚算新鮮有口感 第二度菜 生菜加水煮蛋沙律 加份牛油果廚師好貼題支持香港 用維港夜景做背景 不過食物真係好一般 有點HEA叫做一道菜第三度菜 鮮魚刺身 食落4件有2件都有根 好失望 唯一有花過心思係醬汁方面 用海鮮"淆製" 味道好鮮 為刺身畫龍睛 可惜主菜欠奉 再好都無用刺身過後 眼見時間已經過左45分鐘 男友開始追單 追咗單之後5分鐘就上牛肉乾 第四度菜 "牛肉乾" 係創意方面呢度菜有驚喜驚喜在於原來張牛肉乾係食得同埋 件牛肉真係乾得離譜 (見圖) 飲茶個啲仲有牛味過佢廚師個心應該係覺得牛肉同菠蘿味道係夾 不過呢碟菜最差係個汁度係酸到好似醋一樣 我接受唔到第五度菜 追加海膽($200) 本人覺得呢碟菜係叫做最有藝術氣息海膽用花瓶蓋住 味道尙可 叫做對得住個價錢 但好新鮮就稱不上第六道菜 "咸魚白菜也好好味 "鹽燒魚係全餐最好食，新鮮又燒得岩岩好 不過男朋友食到有骨 呢啲算係廚師幾大的過失 有待改善 旁邊豆腐菠菜味道一般 個豆腐汁都無咩驚喜第七道菜  米餅加甜酸魷魚加小小魚刺身唔識形容 見圖第八道菜   蟹籽壽司< 甜酸苦辣 >沙律醬帶少少辣味 加少少類似薯片的幾有口感 蟹籽的甜味 咖啡的苦 酸薑既酸而且好辣 不過好食既第八道菜  魚蝦蟹 吉列魚肉蟹肉蝦肉 小食店炸物水平 牙膏係酸甜醬 但無咩味 創意+1最後 普通綠茶雪糕一個總括而言 睇得出店主係想帶出香港主題 同香港人搵共鳴不過係食物方面真係好強差人意 質素十分一般GIMMICK係7道菜 $780買一送一 我唔能夠話要做到出面1XXX-2XXX 一位OMAKASE的水平 但以我所知OMAKASE係指廚師發"板"一般OMAKASE餐廳廚師會以當日最新鮮或當做的材料黎做不過就住呢8道菜而評論 我睇唔到呢樣野埋單加1一共 $1156 每位$578 呢個價錢我會寧願去BUFFET食好D 起碼食物質素唔會太參差另外 亦想帶出侍應服務問題 侍應好多 不過見到你呆等咗咁耐都唔識追單 眼見隔離枱情侶都係等咗45分鐘 又係叫7道菜其實餐廳唔應該讓食客覺得叫7道同埋叫12道的服務水平係有偏差 介紹餐牌的侍應重複又重複強推12道菜 令到客人整體感覺唔太舒服話怕如果唔加錢或唔叫12道菜 食物會有落差 (事實係俾心理準備你)唯一要讚既侍應係上某啲菜前都會略略講解度菜 …查看更多

去完路環市區, 我地就順便搭車去黑沙海灘食最多 "笑臉"既法蘭度餐廳!法蘭度餐廳近於海灘,環境都好好.... 一入到去已經見到好多人等更位 我地都係係waiting list上... 可想而知有幾出名...等左30分鐘左右,我地版安排到角落的位置就座.. 好多蚊我地叫左最馳名既燒乳豬,馬介休球,燒沙甸魚同埋炒蜆其中燒沙甸魚太咸,可能鹽放太多係面... 不過其實燒得幾靚幾香佢本身有薯蓉同沙律伴碟,相信伴住食味道會岩岩好,無咁咸係上餐前每枱都會送兩個人頭咁大既包包的質感相信一般香港人未能夠接受, 因為又乾又硬.. 但外國人可能中意呢種而馬介休亦無咩特別,可以不試 .. 重點推介既係燒乳豬同炒蜆!!!!!!!!! 因為廚房上碟的時間都幾快, 魚又要熱食先得,所以開始食乳豬個時已經唔係熱.. 但出奇地係佢even唔係好熱但都保持脆皮好食!!!另外炒蜆個汁真係好好味道!!!!!!!! 雖然個包好乾,但點埋蜆汁就變得好好味!!!! 我地仲叫左sangria 飲... 比想像中差... 稀到似飲果汁ps: anyway, 呢間餐廳會再去!!!!!!!!!!!  …查看更多

一直對木糠布甸都有鍾情開既我... 見OPENRICE大家對九如坊的評價唔錯,所以就決定黎試試最賣得的焗鴨飯和木糠布甸!先黎上枱既係木糠布甸,望落原來都幾大份!食落就更加不得了!!!! 真係好creamy 好好食!! 從未食過咁好食既木糠布甸!!!雖然$68係有點兒貴, 但仍然值得一試!!! 另外焗鴨飯仍是水準之作!  飯入面有鴨肉, 飯更有瓦煲焗過的味道!!! 食左兩樣野合共$268 , 如果真係想食飽又平既話我建議黎呢間..大家可以好似試下我咁,沿途食多少少野墊底再黎食呢2樣野! …查看更多

聽人講話呢間蛋牛治出名,為食既我當然要黎試試食三文治我例牌要烘底 一出到黎見到個賣相已經好吸引 加上牛肉個香味已經撲鼻令人更加垂涎三尺!!從照片所見,材料十足,牛同蛋的分佈亦都好均勻一咬已經知道個方包烘得好靚 好脆岩岩好要烘到呢個效果相信唔係間間都做得到另外我都試左西多士同奶茶 但無咩特別感覺 不過不失 可以不試下次會試過食出名的豬手麵和試下個公司三文治相信也會令我有驚喜! …查看更多

話說約左前老闆食飯聽講話呢間d吉列豬扒好有水準所以都決定黎呢度一試!我地叫左個$398既刺身拼盤所有刺身都好新鮮呀...絕對值得一試但份量就略為少左d,值唔值呢個價就見人見智我地4個人, 就叫左2個2人吉列豬扒和豬柳套餐有飯和麵x湯,仲有椰菜絲係面飯和椰菜絲可以無限追加,兩樣野都好好味其實2個2人套餐d豬扒同豬柳可以多到成座山咁多4個人食都食唔哂... 要打包醬汁任你選擇...有4種醬汁,我最中意係有酸酸地味個隻佢另外有個芝麻俾你自己慢慢磨, 其實個豬扒蘸d黎食好香口可以試試呢餐各樣都好滿意,有機會絕對會再去!…查看更多

話說同男友去試新野,去之睇OR評價好似都唔錯,所以決定左買黎試下我知道這裹的RIB EYE SANDWICH 最出名,所以便叫了一個而男友便叫了個熱狗,隨餐附上薯條和COKE先講講個肉眼扒三文治 ,整體來說算不錯豬扒包外脆內軟,相信是即時做!  但也有略為遜色的地方, 就是蛋黃醬太少和肉眼扒沒有太大的質感然後就是熱狗,我一咬下去第一個反應就是跟男朋友說.."凍左啦...個包硬哂..." 男友: "我食個時都係咁硬..."從相片可見SIZE其實都頗大,都幾抵食熱狗的精髓"腸"反而不錯..仍保持脆皮,味道都好好最後就要講到薯條在全個餐之中,我反而覺得薯條最為值得一試我和男友都認為薯條有"薯"味,唔似m記個d咁一d薯味都無而且應該係即叫即做 攞黎個時都係燙口外脆內軟一樣... 非常唔錯..本身我份人唔太喜茄汁,所以我都特意叫侍應俾d芥辣我芥辣味不太辣,但都幾好味,可以一試最後我都仲另外叫左個焗薯係酸忌廉煙肉焗薯酸忌廉本身好多而且都好滑好好味!但焗薯我嫌佢唔夠"林" ,好似生得左d不過呢d可能係我個人口味姐.我男友就話好好味整體來說,以團購的價錢換取呢餐都算唔錯! 下次再有團購會再次到訪,試試其他!…查看更多

係Beecrazy度買左2張潛艇餐, 見唔係好貴賣相又好似幾吸引,所以諗住去試試!係JORDAN站落,行到好熱好攰,終於都俾我地搵到間野,個位勁隱蔽最不可思議既係間舖好細,仲要無冷氣!!! 我同我男朋友都無奈環境差D,但都希望野食能夠彌補不足! 可惜...仲差!!!!因為我地好熱,所以首先叫左杯野飲... 佢竟然話得紙包飲品同可樂....OK FINE.. 我地都話飲可樂.... 佢係雪櫃度拎杯野黎... 我見到有隻烏蠅係個杯頂度...我男朋友話算啦,都係用飲筒... 咁我問個個人拎左支飲筒就算數.. 點知隻烏蠅飛左入去入面...我好無奈..叫個負責人換個杯俾我... 咁佢都有換既...Ok...入正題 由於呢排H7N9,無雞..所以得牛肉同蔬菜潛艇... 我黎到個蔬菜潛艇真係好差...一D都唔好食牛肉潛艇都可以接受, 仲有個D沙律其實都係D洋蔥,菜同番茄... 無SAUCE仲要...唉... 我同BF快快趣趣咬幾啖就算... 到左甜品...同樣失望...自問我係一個甜品控... 基本上係甜品我都擺入口.... 但佢地所謂既tiramisu就只係一層唔知係咪CREAM既野,加D勁水的係底... 我真係食左一啖就算... 台上面個砂糖樽入面仲要有烏蠅..其實個環境衛生都已經無哂食慾..如果已經買左團購既你地...希望你地GD LUCK! 未買既...希望睇我呢篇野再考慮去唔去啦..!!!…查看更多

是次同友人打算去食日本放題，但又唔知邊個好食，決定上openrice睇下有咩好介紹。誤打誤撞，就睇到呢間野！打去訂位等左大約10分鐘度就覆左電話啦，效率幾高！一去到，我同友人就即叫刺身！最感到意外既就係竟然會有希靈魚！其他放題多數都係刺身好遲先黎，熟食先到，不過呢間好唔同！d刺身裝飾到靚哂先上碟！本人好中意食甜蝦，呢間d甜蝦絕對值得一試！另外，熟食方面我推介芝士年糕同埋羊鞍。如果你係芝士愛好者，相信呢個年糕可以令你一試愛上！羊鞍雖然唔算嫩，不過有好重既香草味！唔錯！…查看更多

好耐無去過九龍灣,突然心血來潮想去番以前成日去既地方。而心入面不期然咁諗起呢個野既椒鹽豬扒飯,即使已經不再住係九龍區,但依舊為左呢碟野由港島搭車去九龍灣,再轉小巴到呢間令人懷念既地方!!!去到個時,裝修無太大既改變,依然算係乾淨企理入到去2話不說,即刻叫左個我一直期待同久違既椒鹽豬扒飯!等左唔係好耐,一碟香噴噴既即叫即整既椒鹽豬扒飯就已經係我眼前!豬扒依然係有D脆口,椒鹽味亦都心足!!!!! 少少辣,好開胃 岩哂中意食辣既我!唯一不足既應該只有飯唔夠一粒粒,有少少濕。不過,整理黎講,我仍然係不得不讚既,因為我都已經差唔多成3年幾無黎過呢度啦!總之無叫我失望而回!!! …查看更多

我同友人甘岩游完水，念住食少少野醫下個肚。。。。。行行下，我地見到門口有間糖水舖，仲好多明星幫襯下，咪念住嘗試下個榴蓮椰汁冰，個榴蓮味好重好香，我特別中意淋既榴蓮，所以都幾好！我同友人其實都幾嘴刁，大家都認為下次可以再次黎過！…查看更多

一去到，係見到好多人，咁唯有坐出面街，都唔算太熱好彩。跟住我同友人就叫左個咸蛋肉餅同口水雞加兩碗飯。飯硬到啃胃！一d都唔好食個口水雞都無咩特別，最尾我地差不多食左半碗飯先黎碟咸蛋蒸肉餅。肉餅勁鹹！！根本撈飯都覺得鹹。下次都唔會再去！…查看更多