ccysy's Profile

秋風起，又到打邊爐既季節～好耐都冇食過火鍋放題，今日我地一家四口決定食得滿足啲，去打返個靚邊爐阿媽話事指定要點的豬骨湯底，湯入面好足料，味道都幾清甜，打邊爐一流食物質素同選擇放題店黎講都算幾好～包括有肥牛、鮮牛肉片、豚肉、羊肉及其他海鮮類等等，全部都新鮮及有水準餐廳仲設有一個火鍋料自助區，有各項蔬菜及丸類等等，當然點少得響鈴同炸魚皮放題店點少得任食甜品，估唔到呢度有榴槤雪條，簡直係為豐富嘅火鍋大餐畫上完美句號～…Read More

疫情期間冇得去台灣，又想食下台灣野就揀左呢間叫外賣。都預計到外賣點都會爭d，但真係估唔到會咁差！！！鹽酥雞：超厚炸粉，望落係好大舊，但雞肉得手指尾一節咁大，其它全部炸粉，而且好多舊都係翻炸，好失望大腸麵線：味道過酸，大腸唔似大腸，食左幾啖已經吞唔落鹽水雞：味道尚可接受，但雞肉好「鞋」，正宗烚雞肉，配菜多過雞醉酒溏心蛋：真心未食過咁差既溏心蛋，花雕味太濃，由蛋白到蛋黃都有講唔出既怪鹹味，半個都食唔到就掉左…Read More

呀媽突然間話想打邊爐，仲提議去屋企附近果啲酒樓既火鍋放題，追求食物質素嘅我當然反對見就嚟係佢嘅生日，我就索性請佢食餐好嘅！入到黎坐低之後就係必備嘅混醬時間。呢間火鍋店除打邊爐之外，值得一提嘅係飲品都頗具特色。而餐廳嘅格局亦都好似一間吧咁，黎飲嘢都唔錯。我哋先叫咗一札菊花蜜，不過不失，不會過甜。湯底我哋就叫咗龍蝦海鮮鍋～侍應炒熱鍋底材料嘅時候火焰紅紅，勁有氣勢黑毛豬有驚喜！肉味非常香濃～仲有好少見嘅牛骨髓自家製韭菜餃皮薄餡靚，牛丸亦濃味彈牙。打邊爐我至愛食油麥菜～…Read More

一班friend 幫老友慶生，有人一早提議黎食呢間日式放題，話佢選擇多質素好，食完果然係冇介紹錯！自助飲品區嘅選擇係超級多！花多眼亂，諗飲咩都諗左成分鐘先揀得落手！甜品有各式各樣嘅自家製蛋糕及啫喱等，另外仲有一個凍櫃放有雪糕雪條，選擇一樣多！食日式放題主打當然係食刺身，呢間嘅質素非常之高～魚生肥美可口，睇得出來貨新鮮。有啲刺身嘅款式要壽司先有～但原來佢嘅壽司都做得不錯👍🏻飯唔會做得好大舊，亦有足夠嘅酸醋味。放題都有任食炆花膠～正！芒果糯米飯用咗紫米來做，略嫌有啲太硬，芒果都算鮮甜。呢個椰汁燉燕窩好好味！…Read More

一班朋友聚會，梗係唔少得搵個可以傾計既地方，朋友推薦呢間food factory，話環境氣氛食物都唔錯，結果我地一行6人就黎試下喇oreo脆脆朱古力冰沙，超邪惡但又真係好好味，呢個份量啱啱好香橙西柚佰爵茶，酸酸地好開胃玫瑰蘋果佰爵茶，味道好清新藍糖乳酸蘇打，賣相吸引，飲落酸酸甜甜煙三文魚紅醋沙律，沙律好新鮮，配上紅醋特別醒胃墨魚胡麻芥末沙律，胡麻醬配上芥末醬味道好夾至尊手工pizza，材料豐富餅底又鬆脆，正安格斯肉眼扒，7成熟食落一d都唔韌而且好香牛味小食拼盤，人少少食都唔錯，我地人多就每人試少少全蜆忌廉義大利麵，好滑好creamy海膽海鮮炒飯，材料豐富而且炒飯質地啱啱好，唔太淋又唔太硬啤酒鴨，原隻上太影好相後，店員就會拎入廚房幫我地切好，啤酒鴨肉質鮮嫩，又唔會太肥，配上酸梅汁額外開胃…Read More

同好友飯聚點梗係要搵間環境舒服可以慢慢傾計既地方，之前試過觀塘既mini friday覺得唔錯，今次就黎試試旺角既分店一坐低就有墨西哥脆脆，好味有脆脆點少得order酒精，我地就叫左around the world，酒精味唔算太重，易入口餐湯order左兩款唔同，分別係黑松露野菌湯同鮮蟹濃湯，兩個都好好飲，個人特別喜愛尤野菌湯，材料豐富，每一啖都係雜菌前菜係紅菜頭雜果沙律，紅菜頭健康清新，配埋雜果好fresh重頭戲黎喇，德國鹹豬手，以前一向麻麻地豬手，但試過一次真係上左癮，呢個火焰豬手仲會即場燒表演完仲會貼心切好晒，肉質外脆內軟，一d肥膩感都冇，好好味另一重頭戲係威靈頓牛柳，淨係外表已經好吸睛一切開已經流晒口水，外層酥皮包住牛柳，實屬誠意之作，牛柳火候控制啱啱好，好味最後既甜品有蘋果金寶，即時焗熱辣辣香噴噴，加埋雪糕中和好好味…Read More

一班朋友飯聚一定要打邊爐，唔想食任食咁hea就搵左間高質素d既邊爐，決定豪食一餐鍋底好多選擇，今晚想清清地，大家就揀左椰子雞煲椰子雞煲會用新鮮椰子水，加上湯即場烹調，煮好既椰子雞湯味好香好清甜黑毛豬豚肉，肥瘦分佈均勻，食到豚肉既香味又唔會覺得肥膩黑柏葉，陸到一縮埋就食得，好爽脆冰豆腐，靚既湯底一定要有吸味系列，煲到咁上下索晒d湯味好正紫菜響鈴，又一索湯系列，加上紫菜味真係有別一般既響鈴韭菜餃，麻辣牛肉餃，芝心牛丸，每款都好新鮮好味雲吞餡包到大大粒，好有誠意午餐肉係友人最愛，用既係靚午餐肉魚麵，新鮮彈牙有好香魚味雜菌拼盤有多款菇類，相當新鮮薯粉就要煮耐少少去入味，煙煙韌韌好有咬口…Read More

約左閨蜜食飯，一早聽聞有間樓上貓貓cafe好正，今日就一齊去食野同玩貓貓一上到黎cafe，基於以上衛生原因 第一時間就係需要著鞋套食物有多款選擇，呢度就係小食類紫薯黑糖拿鐵，熱愛紫薯既朋友應該都會鍾意，味道唔會太甜荔枝紅茶，大大一壺真係可以慢慢飲足一晚黑醋煙三文魚野菜沙律，黑醋配上新鮮蔬菜好清新開胃楓糖漿蕃薯條，甜甜蕃薯味好好味法式芝士焗蠔，生蠔大大隻，配上濃厚芝士豐富味蕾黑魚子海膽墨魚意粉，意粉入口好滑而家好彈牙，味道好有層次，份量啱啱好，食到停唔到Cafe真係好多貓貓，每隻都好乖乖，有幾隻為食貓見到你張台有野食仲會跳上黎tim，好可愛，雖然多貓貓，但完全唔會有怪味，真係可以放心食放心玩…Read More

朋友相約食放題，梗係要搵間坐得舒服又好味既食啦，朋友揀左樂天大喜屋，book左6點，唔太多人座位坐得舒服食物多選擇飲品區好多個雪櫃，款式多又齊全，有多款韓國飲品第一時間梗係要order刺身，刺身份量黎得啱，夠新鮮泰式燻蹄，唔會覺得肥膩雞軟骨夠脆口牛舌爽口燻魚味道唔錯黑松露燉蛋，有濃濃黑松露味配滑蛋每次放題都少不了牛油粟米芝士帆立貝，濃濃芝士味一試就會愛上自助區有好多小食，真係每樣試d都飽左連甜品雪糕都好多選擇…Read More

約埋朋友一齊去元朗食泰國嘢，朋友介紹話呢間唔錯，今次仲要係新裝修左添，位置坐得舒服，唔會迫。餐牌入邊有唔同嘅食物種類，主菜、小食、甜品同特色飲品都有，任君選擇食泰國嘢唔少得嘅係菠蘿炒飯，原隻菠蘿上，賣相已經好吸引，炒飯炒到粒粒分明，再加埋啲蝦肉、菠蘿粒同腰果，好有咬口，都好開胃再嚟到小食啦，叫咗雞肉同牛肉串燒，啲肉好大塊，都燒到好入味，肉質鮮嫩，再溝埋秘製嘅醬汁，更帶出肉質嘅鮮味今次叫咗椰汁西米糕做甜品，絕對係好驚喜呀，椰汁同西米嘅份量好平均，唔會比是但一邊搶左個味，一啖咬晒兩層入口，食到粒粒嘅西米，令人食完仲想再食…Read More

呢間餐廳嘅環境氣氛唔錯，一入到去就有好多台灣嘅風味，牆上面都有唔少嘅佈置。食物嘅選擇都多，冬天仲新增左火鍋套餐添，不過我哋今次都係試翻特色嘅台灣菜。首先，我哋叫咗一個紅燒牛肉麵，大大碗啲料都好足，牛腩炆得好入味而且好淋，湯底完全食到冇味精味，真材實料！其次，叫左台灣鹽酥雞，分量一樣唔孤寒，好特別嘅係佢會比好多種唔同嘅粉，俾你自己調配份量，同埋選擇自己鍾意嘅口味！炸粉唔算多，咬落去肉質鮮嫩，再配埋調粉，口感更豐富！唔少得嘅係試吓佢呢度嘅甜品，今次試咗草莓雪糕鬆餅，佢係即叫即整嘅，所以會等得比較耐少少，如果唔想等太耐可以預先叫定。個買相已經好吸引啦，咬落去口感好鬆軟，再配埋啲cream同士多啤梨喺上面好開胃，唔會覺得好流！總括今次食得好滿足，環境同食物都滿意！…Read More

最愛打邊爐既我試左好多間唔同既邊爐，一直覺得胡爐既食物質素係名列前茅，今日帶朋友黎試試，朋友們都大讚首選推介龍蝦鍋底，大大隻即煮新鮮生猛龍蝦，絕對夠晒誠意猛火煮過後龍蝦肉質更鮮甜，湯底非常濃郁，真係不得不試A5飛驒和牛刺身，都係必食之選，配埋醬汁帶出晒和牛香味，冇得輸廣島蠔，好大隻而且份量多，抵食白鱔片，肉質甜之餘仲好爽脆，好味到自己一個都食得晒一碟A5和牛肉眼，肉質嫩滑冇得彈午餐肉係朋友至愛，朋友表示非常ok脆腕魚片，咬落真係脆架打邊爐唔少得既蟹柳，陸兩陸就食得響鈴熱辣辣上台，配埋龍蝦湯正薯粉份量多，索晒龍蝦湯好入味…Read More

對食辣野情有獨鍾的我，知道觀塘開左間食川菜的私房菜，就決定要帶埋屋企人黎試試蔡瀾都推薦嘅食店，品質一定有相當嘅保證前菜先叫咗一碟野生椒仙爪，比想像中辣，但十分開胃，作餐前開胃菜一流！干鍋肥腸，用咗大量嘅洋蔥、青辣椒、雜菌等配菜，非常香口惹味，豬腸亦十分鮮嫩入味。酸菜毛血旺，即係牛柏葉、黑柏葉及豬紅等，酸菜湯底十分惹味，用黎送飯一流！而家出面已經好少有得食既豬腦其實食落都ok, 蛋白質非常豐富，值得一試！…Read More

天氣涼涼地又係打邊爐既季節，今次openrice搵到呢間吞pop火鍋，見到9點半後火鍋配料小食有半價，梗係要去試試餐牌既雞煲好吸引，尤其螺片花膠雞煲，點都要試下，果然真係冇失望呢度打邊爐用既係gas爐，明火打邊爐特別好味真係要大讚呢個花膠雞煲，奶白色既湯底，從來未試過打邊爐會有咁多花膠，而且全部大大舊好有咬口，好正泰式生蝦刺身，生蝦新鮮，泰式汁亦夠正宗十全大寶丸，有蟹粉墨丸，松露墨丸，海膽黑墨丸，鵝肝蝦丸，芝心牛丸，手打丸每粒都爽口彈牙，而且味道好正滑嘟嘟，有蟹子墨魚滑，蟹子蝦滑，鯪魚滑，全部都新鮮彈牙爆芝響鈴，呢個真心必食推薦，響鈴入面加芝士浸埋湯真係芝味無窮脆肉皖片，魚味香濃好新鮮安格斯牛小排，肉質肥瘦均勻，入口嫩滑，絕對值得一試呢個價錢食到超高質素既邊爐真係好抵，最後值得一讚就係店員服務好好，真心推薦既高質邊爐…Read More

舊同學約咗我食晚飯，佢係中環一帶返工，提議我哋黎蘇豪區嘅呢間西餐食飯。餐聽旁邊有酒吧區，另外就係用膳區。店舖不算大。但裝修精美，好有浪漫氣氛。餐廳主打食生蠔。我哋每人叫咗三隻嚟食，生蠔非常鮮甜味美雞肝醬配多士，雞肝醬非常香濃，一啲都唔腥！配埋多士食係一個好正嘅餐前小菜。龍蝦海鮮湯嘅湯底非常濃郁，亦有唔少嘅海鮮配料，十分豐富！燒海鮮拼盤-每款海鮮都非常鮮甜彈牙，尤其是虎蝦同八爪魚，選料非常新鮮，值得一讚！呢個慢煮厚切豬鞍扒亦都十分驚喜！豬肉很嫩滑，非常好吃！最後嘅甜品時間，店員推薦我哋食佢哋自家製嘅tiramisu ,跟平時食嘅很不一樣我鍾意佢做得唔係太甜，為呢餐豐富嘅晚餐畫上完美句號。…Read More