Watashi_WA's Profile

早前搵日本餐廳時已save低過依間餐廳，今日放假有時間可以黎試下喇🙂餐廳係1樓，到達後需要從地下行樓梯上去。入到去感覺環境都幾舒服，有落地玻璃，枱同枱之間都有啲距離，唔會好迫。坐低後用QR code自助落單，食物種類同飲品既選擇都夠多。而且有假日set menu，款式都吸引。👍🏻我地叫咗2個set同2杯飲品🤓嗌咗一陣後飲品就黎喇，分別係伯爵茶同日式凍烏龍茶。伯爵茶用咗Twinings茶包，都有啲誠意~烏龍茶就正正常常。但係野飲黎咗之後，野食一路都未黎(已30分鐘左右)。於是問下店員野食既情況，佢話繁忙時間野食要等40分鐘以上。(我地去既時候大約1點半) QR code下方都有寫明，不過用餐體驗上的確會扣分。大家如果係平日放lunch或者好肚餓就唔建議喇，可能會餓親或者遲哂到先返到公司。 大約8個字左右野食就到齊哂喇! 三文魚三文魚子親子丼 $108 有沙律，中華沙律同麵鼓湯。鱼生飯都新鮮，味道唔錯👍🏻雜錦角切魚生丼 $88一樣有湯同沙律，魚生足料唔會切到好細粒。份量適中，食完岩岩好。整體而言食物質素唔錯，不過繁忙時間需等候較耐，可能比較岩平日下午茶時間黎。…Read More

今晚本身想試T.O.P入面既紅葉酒場，但係去到發現好似熄咗燈咁，話要係紅葉茶屋安排入座。過到黎先發現原來隔離無開，睇嚟暫時只做返茶屋(?) 不過入到黎都照食晚飯啦🙂今晚叫咗2樣野同一個飲品，兩個都係茶漬飯。第一個係火炙刺身三文魚茶漬飯😋依個飯可以揀跟蝦湯同鰹魚湯，我就揀咗跟蝦湯，味道會濃啲香啲。飯都有跟2個小配菜，外觀影相都唔錯。刺身新鮮，不過飯煮得有少少爛，有啲失望。但係整體都唔錯，價錢$148。另一個係豪華原條鰻魚茶漬飯🐟依個係第一次叫既飯，同樣可跟蝦或鰹魚湯，鰹魚湯味道比蝦湯會清淡啲，不過鰻魚味道都濃，所以食起上黎都可以接受。依條鰻魚都大條，無骨，食落係啖啖肉，好食😋 價錢係$188。另外叫咗一杯冰芒果百香果茶入面真係有幾舊雪到變冰既芒果，慢慢融咗後可以食到果肉。配搭百香果茶，感覺清新，唔會太甜，有驚喜☺️ $42整體用餐體驗唔差，食物都多選擇，可以一試☺️…Read More

星期日黎到黃埔，5點半左右拎飛，大約8點9左右先入得。星期日真係特別多人，不過平日既紅磡店較為容易有位。🤓一段時間無食，黎到見到有啲新野決定試下😎第一樣係人氣三貫盛，將平日多人揀既壽司放埋一齊，$39食到依3樣都算抵玩😌另外仲試咗佢既周打蜆肉湯麵🍜平時去壽司郎都未嗌過麵食，不過今日個位凍凍地，有啲熱野落肚好似開心啲，於是叫黎試下。價錢同其他麵食差不多，$32/碗，份量不算大，一個女仔食完應該都食到其他壽司😝味道同平時飲開既蜆湯差不多，麵就係拉麵底，入面既蜆唔會太細隻，數量大概6-8隻左右，整體味道都唔錯。唯一有啲可惜係唔夠熱，如果熱啲可能會更好食。有興趣既都可以一試！最後一樣係脆皮朱古力香蕉味雪糕蛋糕🍰平時都係食開卡達拉娜，但見到有新野梗係要試下😎 蛋糕黎到聞到好香既香蕉味，上面有朱古力網紋脆皮，入面都有朱古力碎。食落口感都好豐富，蛋糕同雪糕融合得黎又夠綿密，而且唔會太甜😚 鍾意香蕉🍌既絕對可以一試！整咗黎講都保持到平日水準，想試新野既可以放心試😉😉…Read More