為食火柴人的個人專頁

雲吞牛坑腩撈面牛坑腩炆得好淋，好入味，但八角味太重，而且牛腩得三舊，四舊會合理ｄ。蘿白亦炆得好淋，推介之作。而隨撈面配上的清湯就好一般，用味粉開的。…查看更多

Sunshine Dry Beef好似牛肉乾，但肉沖仍可保留。一定要配醬汁來吃，非常美味。不過份量太少了， 再多一倍會更合理。店舖環境幾好，坐位舒適，桌子夠大，亦有outdoor section。上菜速度算慢，但服務一流，雖然是新店，問及服務員對菜式的細節亦對答如流！…查看更多

土耳其雞肉炒蛋做到好似滑蛋,但就超多洋蔥(近八成都係洋蔥)而雞肉碎唔超過十舊…….不過要讚既係洋蔥整到好”淋”,幾易入口。另外叫左土耳其牛肉粒卷,及轉轉烤雞肉卷。兩個卷都係落左勁多生洋蔥,唔鐘意食洋蔥既一定要叫走洋蔥,但我已經叫左走洋蔥,點知都係有勁多蔥…….雞肉卷冇乜味,d肉真係冇雞味的……..而且牛肉粒實在太硬了!因為店內抽風不良,食完走出門口,成身油煙味。總括來說,呢間店唔係唔好,只係不適合我。…查看更多

晚飯叫任食火鍋,地方都幾大,坐位好舒服,餐桌夠大,setting幾好,抵讚。竹蔗水幾乎飲唔到竹蔗茅根味,淨係飲到糖水味,叫侍應加左三分一jan冰,都仲係覺得過甜(我本身都食得甜的)鮮茄+芫茜湯底鮮茄湯底保持中上水準,不過太油炸魚皮打邊爐必order的食物之一。但第一次食到係有腥味的,同埋d魚皮好碎,要另外加錢都做到咁,唉……..午餐肉特登叫黎試,點知一食就開心死。記得兩年前d罐頭午餐肉勁加價,之後打邊爐就好少食到質素好的午餐肉。但譚魚頭既午餐肉就有d似三花牌果陣味。正!!炸腐皮好油,好腥。腐皮卷得兩三層,一放落湯到就散晒。同小肥羊既爭幾皮。雲吞包得幾實,放左落湯差唔多半個鐘都冇散,但d料好明顯唔新鮮,而且蝦太少。…查看更多

辣肉腸長通粉食第一啖已經覺得好辣，唔鐘意食辣的一定唔好叫。長通粉份量適中，Ｄ汁就好一般，茄汁底加tabassco，得個辣字幾冇誠意。整體黎講呢道菜完全不合格。夏威夷薄餅一路都覺得水世界既pizza做得幾好，今次都冇失望。Pizza直徑８吋，都算抵食，用料份量適中，但D菠蘿好明顯係唔新鮮，建議洋蔥絲可以再一切幼D。整體來說，呢個pizza係中等水準。…查看更多

牛腩雲吞河份量：雲吞3粒；牛腩大約7舊。 雲吞不過不失，一般水準，用料都幾足。牛腩有中上水準，機乎完全無肥肉，女仕一定唔覺肥。而且炆得幾入味，但質素唔 平均，有些仲好硬。腩汁湯底幾夠味，幾香，又唔太味精。河粉就絕對推介，非常新鮮。…查看更多

正斗Dinner手抓豬仔骨炸得好乾身，好香，內裏唔太油。但味道好鬼淡，如果有醬跟埋會好D。 青檸芝麻蝦球 D蝦好大舊，好足料。出面層炸粉好香囗，有加蛋黃。但D汁就好怪，配上炸蝦食好 格格不入。浪費左美味既蝦球。呢道又敗在個汁度。乾炒牛河 牛腍肉控制得幾好，有少少入囗即溶既感覺。洋蔥同份量剛剛好，絕無＂呃稱＂。味道炒得均衡，碟底過左起碼十分鐘仍然無油。唯一美中不足既係，河粉有d會chi埋，未能做到全部一條條。…查看更多