tsoc8815's Profile

難得放假，同老虎食返餐二人前，講份量的話絕對足夠，味道就可以更好，（比D進步空間佢，希望下次會有驚喜），唯一做得唔夠好就係賣相一般，這對於我老虎係相機食先的就有少少失望！…Read More

-海蜇蘿蔔絲很普通-薰蛋👍🏼-素鵝還好-甜豆是必吃，蝦仁是配角-砂窩餛飩雞，中規中矩-東坡牛肉👍👍-薺菜炒年糕很入味-蜜汁烤雙方是炸腐皮及蜜汁金華火腿，不錯-水果及桂花糕是送的。擂沙湯圓要俾錢，好好味。…Read More

公司同組食團年飯，去返間傳統酒家book返一圍。十二人套餐，承惠$2588，都係啲經典菜式，不過係幾抵食又幾好味。簡略紀錄下較有記憶的菜式。北京烤鴨，皮脆肉嫩，當日MVP配烤鴨的薄餅，正正常常上湯龍蝦配烏冬。龍蝦算新鮮，但由細到大都食開伊麵，配烏冬始終覺得有啲唔夾節瓜瑤柱浦，清清地但同時啲汁又幾入味清蒸龍躉，肉又嫰又厚，係正既…Read More

前排有新同事入職，大伙就話迎新不如去遠少少食好啲。其中一個好鍾意食日本菜的同事就提議話呢間開左無耐，仲可以望住維港海景，啲賣相又睇落唔差咁，就決定呢間啦。每人叫左一個「御膳」，即係定食咁。再加一份「霜燒壽司御膳」share。小弟好奇一問侍應咩係霜燒，原來係用連皮火炙食材，再立即浸入冰水入面，再切成刺身。個做法都算繁複，用料都新鮮。難怪份量如此少，不過就係所有餐入面最貴（$288）。我就叫左個「美國安格斯牛柳溫泉蛋鍋飯」。牛柳幾大粒，咬落去唔韌有牛味，溫泉蛋同下面好大堆既洋蔥令成個飯唔會好乾 👍其他同事個啲餐賣相都幾吸引，忍唔住影埋落黎。有啲可惜係今次坐既位唔係對正海景，如果約人撐檯腳食lunch，呢度算係不錯既地方。…Read More

冬大過年，冬至個日同屋企人出去食好少少是常識吧。浙江軒的冬至菜單傳統得來質素高，岩哂屋企幾大長老。蟹粉燒餅 👍👍👍 蟹味超濃郁，夾落燒餅一齊食，中和左味道，一啲都唔夠膩，成盆蟹粉比我地清哂咁濟。火朣雞燉大排翅。小弟睇見菜單唔知咩係火「朣」，請教完google大神一輪，相信正字應該係「火瞳」，取金華火腿中段位置，亦係整隻火腿膠質與香氣最豐厚的部位，難怪同平時飲到的雞湯有些少分別，鹹香味特別濃郁！酒糟蒸鰣魚。魚很肥美。長老們話是平時難得吃到的傳統菜式，亦蒸得很到位。東坡牛肉，一個字：超正！醬汁非常入味，東坡牛肉入口即融。冬荀豆苗。簡單的菜式。但荀同豆苗皆十分嫩，食左咁多濃味野，食甜品之前清一清。各大長老都十分滿意。:)…Read More

食物味道整體而言很好，表面看上去雖然是潮流西餐廳，但其中融入不少亞洲風味及元素，頗有特色。亦有不少雞尾酒選擇，幾個大男人喝了不少。最可惜的就是好多菜式無影相。值得再去。…Read More

一行6人幫friend慶祝生日，近近地，就試呢間打邊爐。雖然價錢係電氣道同以打邊爐黎講偏貴，但一分錢一分貨湯底有好多好多好多款揀！（重要的事情要講三次）佢個牛魔王真係不可不食！雪花同肉比例啱啱好，而且擺盤好精美，成朵牛肉花咁。佢個手打蝦滑真係係食到我地個個「嘩嘩聲」，又大又滑又彈牙！呢個個炸魚皮真係不得了，第一次係火鍋店食到咁脆嘅魚皮！係香港打邊爐食火鍋，中式日式都有好多平價選擇，但比多少少去享受返新鮮一倍同埋用心處理既食材，呢度係值既…Read More

返工最重要事情之一就係諗lunch食咩，雖然每次結果都係去到見到邊間唔多人就食邊間。而呢間就係當日最少人排隊，唔洗五分鐘就坐低咗。但服務質素完全解釋到呢個現象⋯⋯個人認為連譚仔都更勝一籌。我地五個人，就可以每樣都試少少，最招牌就一定係小籠包啦！完全keep到水準，不過望望個價錢⋯咦！兩個月前嚟食都唔係呢個價，咁就加咗$5，加得仲快過地鐵！但唔知係咪連廚師都轉埋！？味道完全跌晒watt！炸菜肉末好淡味、莧菜又偏老！唯獨覺得招牌小籠包同埋山東燒雞尚算可以。其實呢個價錢，出面真係好多選擇。再唔改善就真係永遠無下次。希望管理層睇到！…Read More

每次來利苑都不會失望，因為水準一直保持到，今晚是為朋友慶祝牛一，所以利苑請客不會失禮。醬油脆皮燒雞外脆內嫩，水準穩定。香煎和牛味道非凡，值得推介！花彫珊瑚蟹腳很鮮美，比皇帝蟹抵食好多。咕嚕肉也很夠水準。另外，每次來都必定會預訂杏汁豬肺湯。滋潤又燉得很到位，極力推薦！…Read More

【碳烤牛肉配檬粉夾餅】好襯，夾埋金不換葉倍感清香～👍 【軟殼蟹米紙卷】都唔錯，中規中矩。【炸蝦餅】一般般⋯可以再香脆D。 【燒雞肉】還算嫩，有一兩件較乾，總體都幾好，唔會失望。…Read More