Sloppy Joe's Profile

一行 12 人聚餐，正苦惱應選擇邊間餐廳，發現Flame @ Towngas Avenue 在中港城開新店，第一時間去幫襯！我地 order 左好多野，不過唔可以 upload 哂所有相上o黎。 比較鍾意既食物有：Antipasto，包羅萬有，ham，salami，tuna，olive，等等，一個好o既 starter！Black Truffle Risotto with Wild Mushrooms，味道非常香濃的 Risotto！Bucatini Tossed with Tomato, Baby Spinach and Forest Mushroom，少少辣，有咬口，好味！Grilled Australian Lamb Rack，嫩，入味，不過如果生少少重正。主 dinning area 有十幾張檯，點點燭光，最o岩情侶撐檯腳！另外有間 private party room，開 party 唔怕嘈襯人，我地 12 人o岩o岩好！餐廳對出有個 patio，雖然海景未算無敵，不過有一個咁既 view ，無論食野或飲野都寧舍開胃！一次過可以滿足三個願望，加上食物及服務都很好，有機會一定再o黎！…Read More

估佢唔到，以為呢區o既東南亞食店，一係貴到死，一係呃老外，唔係見到雜誌介紹，路經都未必會入去。 冇祈望之下，食完反而有點驚喜！兩個人o黎 lunch，坐底會有生果味既水，唔使迫你飲 bottled water。 叫左 Pomelo Salad ($78)， seafood Phad Thai ($85) 同埋 deep fried seabass ($140)。Pomelo Salad 有兩隻大蝦，除了柚子以外，廚師加左好惹味既醬汁同埋薄荷葉，味濃但不失柚子沙律的清新，是很開胃的前菜。 Seafood Phad Thai 好大碟，炒得乾身，酸甜適中，不過豆腐乾比較硬。 Seabass 有一整條，雖然唔新鮮魚，不過炸過之後，外皮脆卜卜而肉質唔老，完全唔油膩，加上酸酸甜甜o既醬汁，送飯一流！呢到每碟菜既 portion 都算大，相對美心集團的勁細碟食物，好似 Rice Paper 或 Lian，Koh Thai 食物的 size 接近以上餐廳的一倍！唔知係咪因為 lunch 既關係，埋單冇加一，兩個人食左 $303，如果多 d 人o黎，一定可以平 d 及試多 d 食物。 以蘭桂坊區，這間泰國菜餐廳食物有相當水準，價錢都唔算貴，相當抵食！…Read More

見到這店鋪很多人稱讚，加上最近跟 blog 友研究那裡的雞蛋仔好食，所以遠道來到筲箕灣一試這個「低調高手」雞蛋仔。從店主手中接下剛出爐既雞蛋仔，在充滿祈望之下，很快發覺完全不對勁：當我試途摘下一“粒”雞蛋仔的時候，發覺雞蛋仔異常地軟身，要完整地摘下一“粒”雞蛋仔確實有難度。 再放入口一試，開始的時候好像蛋味幾豐富，不過食落就會覺得過甜，味道失去平衡。 當然越放得久，會越來越軟身…食完「低調高手」，覺得這店要改名做「高調低手」，或者「眼高手低」。最後要向 blog 道歉，原來新鮮出爐的雞蛋仔未必一定是脆的。…Read More

如果要我到湯飽皇只食一樣食物，我一定會揀羊肉湯麵。 拉麵應該唔係手拉，不過有咬口，唔會太淋，羊肉碎加上菜絲，芫荽等，重有甜美既羊肉濃湯，連李純恩都讚不絕口。叫得做湯飽皇，當然要試佢地既湯飽。 睇相未必可以睇到比例，不過呢到既湯飽係正常 size 既小籠包既兩倍。湯飽肉汁豐富，鮮肉嫩滑，水準比出名上海食肆既小籠包不遑多讓，不過衰在太大件，包皮未可以完全支持到大大份既肉餡，好多時一夾就穿！ 如果做番細些少可能重好。呢到既炒拉麵同拌麵最正既係食完唔會一碟都係油，最o岩著重健康o既人！ 三十多元又有可以叫到雲吞或水餃擔擔麵套餐。 咁平真係好抵食。 呢到既擔擔麵比我食開既翡翠冇咁濃味，有 d 似詠藜園既擔擔麵，當然有一段距離，不過都算 okay。 食過冇咁濃味既擔擔麵，反而覺得翡翠既濃得有點過份。炸醬麵只是二十多元，不過水準一般，可以不理。 So far 始終鍾意京香餃既炸醬麵。 呢到亦都有客飯供應，雖然唔夠呢到既拉麵出色，不過三十多元一份，有湯有豆漿送，不可以要求太多。如果人多的話，可以試呢到既套餐，一百蚊一個人都唔使，搵齊人食就最抵！湯飽皇既大部份既麵食只是三十多元，小食十多二十元，重要係好味道，值得推介！…Read More

去 Elements 睇完戲之後o黎左 Olive 食 lunch。 Olive，前身為 Malouf，相信係同一集團，不過唔知點解改左名。坐底後首先呢叫左熱檸茶 ($30)。 哈！ 乜個茶壺咁過癮？ 成棧《阿拉丁神燈》咁？跟手叫左兩個 lunch，每個 $128，雖然唔連 drink，不過食完之後覺得絕對係 value for money！首先o黎個 Chicken Thread salad… 嘩！ 乜 appertizer 份量咁大！ 蛋下面係 chicken thread，口感似 minced chicken。 之下再有 salad！ 蛋係半生熟，雖然冇做到溫泉蛋咁 soft，不過我已經好滿意！Main course 係 Salmon。 相中角度絕對睇唔到件 salmon 有幾大，不過可以講比你知係超大！ 比我在隔離 Stormies 食o既大三倍，重有…好食三倍！ Salmon 剛剛熟，完全冇 overcook，食落肉質嫩滑。 Side dish 有蕃薯蓉，重有 d 沙律，我張相又係完全影唔到原來 salad 係經細心放置，讚！ 呢個 main course 無論色、香、味我都比非常高分！ 甜品叫左 Panna Cotta。 Panna Cotta 本來只係“一舊奶”，不過在 Olive 廚師的加工下，為佢加上白色的“頭髮”，令平凡o既 Panna Cotta 變得不平凡！另一份午餐頭盤叫左蕃茄濃湯，湯中有好多…龍蝦肉！ 使唔使咁重手？ 雖然係雪藏貨色，不過未飲已經覺得好經貴！ Main course 係羊，叫左至知唔係羊扒或羊架。 原來裡面係用蛋白加少許芝士焗，當然有羊啦，不過係 minced lamb。 甜品係 chocolate tart。 雖然冇試到，不過個 presentation 又係贏哂分！ 對今次 Olive o既經驗非常滿意，下次絕對會再o黎食 lunch！…Read More

很高興得知我喜愛的大廚小館開分店！ 這裡的位置與舊鋪一樣隱蔽，不過面積比舊鋪大得多，坐位寬敞，有室外坐位，能容納比舊鋪多一至兩倍的食客。三人來吃午飯，叫了四人套餐，有原煲老火湯，一款前菜小食，三款小菜及四個白飯，只是 $208 的價錢，算是很抵食。 老火湯忘記了是參鬚煲甚麼肉，一口喝下去，很濃的參味之中不乏肉味，果然好喝，是少有的例湯。 香橙小排骨的排骨切到 bite size ，充滿橙香，大家都很欣賞。 不過醬燒翡翠雞片的雞片則帶有很大的雪味，而薑蔥牛肉煲不太突出。 但是總括來說，以 $208 的價錢，算是"值回票價"第二天再到很久沒有拜訪的大廚小館舊鋪午飯，小菜價錢只是 $38-$40，比較新鋪的 $48-58 平；菜式上亦舊鋪比較多創意，而新鋪則著重家庭式小菜。 最不同的是，舊鋪有九度菜的「大廚菜」(需預訂)而新鋪則沒有。 再向廚房一望，見到“紋身大廚”尚在這裡！ 就是這原因，我想我還是 prefer 舊鋪罷！…Read More

海港茶餐廳是一間完全不‘起眼’的茶餐廳，若不是同事介紹，我相信不會入去進餐。這裡的叉燒煎蛋飯水準很高，叉燒雖然不是厚切，但是肉質鬆化，整齊地在飯與蛋上面排列著，無論賣相和食味都立刻將其他茶餐廳的叉燒比下去；煎蛋有兩隻，蛋白輕輕將只有二、三成熟的蛋黃包裹，乎合自已喜歡較生雞蛋的要求；白飯熱辣辣，加上適量帶甜味的豉油，完全包含了好吃叉蛋飯的元素！記得第一次與同事來吃的時候，其中有兩位經常有厭食症「上身」的女仕，三扒兩撥已將整碟叉蛋飯扒進她們的肚裡！ 可以想像好吃的程度。 $27 元包一杯熱飲，也是一個很合理的價錢！要批評的是這裡不能久留，若在繁忙時候你食完飯也賴著不走，老闆娘對你的態度絕不友善，小心！ 另外白飯不是每次都軟綿線，時硬時軟，要看你的彩數了。…Read More

好多人都反對新既天星碼頭啟用，不過新既天星碼頭最大貢獻就係頂層開左呢間 Pier 7 餐廳！Pier 7 既環境一流，有一半以上坐位係 out-door，秋天首選！餐廳既一邊係新o既天星碼頭大鐘，每 15 分鐘有‘提示’，唔會因為食得太開心而唔記得返工！ 另一邊係 IFC 同 four seasons hotel，我估夜晚黎會有另一番景象。對著藍天白雲既環境用膳，真係食欲倍增 講返食物，呢到星期一至五既 lunch 會供應 buffet，一個 course $68，兩個 courses $98，三個 courses $128。 無論叫幾多個 course 都會跟餐飲。 今次叫左兩個 courses。 先食 salad。 有十多種選擇，最開心就係有我鍾意既 beetroot！ 我一共食左兩碟 salad，食完已經半飽…呢到既 carvery 每日都會唔同，當日係燒牛肉。 睇相都可以見到 d roast beef 燒得岩岩好，肉質嫩滑，加上 gravy 及 mustard，非常之美味！ roast beef 一共食左兩塊！而 side dish 亦都係自助既形式，當日有 penne 同埋一個用 cheese 煮成既蔬菜，大胃王都一定食得飽。 咖啡就唔係好 impress，okay 啦。 重有呢到係唔需要加一，正！…Read More

園景軒位於當勞道基督教女青年會6 樓。 點去？ 搭地鐵到金鐘站，C1 出口再行去 Ruth's Chris 出面搭 12A。 唔計金鐘 Ruth's Chris o既站，第二個站落車，行返轉頭大概半分鐘就到，一 d 都唔難去。講環境，呢到一 d 都唔差，地方寬敞，最好就係檯同檯之間好多空間，同中環既 Al Dente 有好大對比。窗外景緻開陽，遠眺中環景色。食物中方面，有 d 剩係用蔬果做食材，素食者也可到訪。好鍾意佢既三文治用厚切既麥麵包，重係烘底添！ 沙律有幾片 cold cut，包括 salmon。 蔬菜好新鮮，好味既重有分開上既 mustard salad dressing，一 d 都唔辣，比起用 thousand island o黎得有新意。 午餐有 pasta，當天既 Carbonara 出奇地好味，不過份量少左 d。加 $10 要左 LaVazza 咖啡。 絕對唔係心理作用，呢到既 LaVazza 比其他餐廳 serve 既好味！ 重有一定要讚既係，跟咖啡o既奶係 pre-heat 左，咁就唔會因為 d 奶係凍就減低咖啡o既熱度，好多餐廳都冇做到呢樣野！ 食完飯食埋甜品至叫完美。 Order 左呢到學員做既 cookies，送咖啡一流。 再加多個白朱古力蛋糕。 雖然白朱古力比較甜，不過比起普通餐廳 serve 既 已經好得多， 越食越好味！ 聽聞佢地重會整 Tiramisu，真係希望有機會試到。園景軒係一間給予知障青年職業培訓的餐廳，不過唔好以為因為食物係智障人仕準備就唔好食，個 pasta 及 白朱古力蛋糕水準比好多地方好得多！ 雖然 service 未必夠一般餐廳快，不過對這班弱勢社群的 support，就算服務慢一點，餐廳地方遍遠一點，到這裡吃午飯或下午茶，比起其他餐廳來得更有義意，絕對係誠意推介！…Read More

朋友介紹，就即本試下，食既時候已經覺得 d 粥味道有不正常既甜美，特別係瑤柱白粥，一入口就覺得甜得黎好唔自然，同埋其他生滾粥，食完之後都口喝到不得了。 呢到既腸粉太軟身，好難夾得起。 唯一可取既係佢地既炸腸，即叫即整，裡面既油炸鬼好脆。 …Read More

昌記既賣點係多士超厚，有1.5 吋！麵包重有麥包同普通白麵包揀，大大塊只係賣$10 蚊，正！今次叫既係呢到出名既油沙麥，即係牛油加沙糖，麥包底。多士雖然好厚，不過能夠做到外面卜卜脆，裡面軟綿綿，正！要挑剔既係牛油同沙糖都唔夠多，不過為左健康，少d 都冇所謂啦。重有個奶茶一飲之下，嘩！好耐冇飲過奶茶咁有茶味，記憶中比蘭芳園重好！讚！呢間鋪出名既重有鮮雪菜肉絲通，不過上次冇試到。…Read More

雞少皮多，雖然雞有d 雞味，不過唔夠滑；雞油飯帶金黃色，叫做okay；而個東瓜湯則唔錯。但係$48 一客有d 貴。行過些少既茶餐廳$50 已經可以有即炒套餐食，好味又抵食好多。…Read More

星加坡朋友訪港，一行四人去左試加太賀。星期日晚去晚飯，都有八成滿，不過相信唔訂位都得。食物就真係唔多掂，得個大字，食味好一般，但又唔係平喎。差不多食飽既時候，我再叫左個加州卷。拎黎既時候好似好好樣，不過之後友人尖叫下，大家至發覺有兩條非常粗壯，好似菜蟲既蟲蟲響壽司同埋奇妙醬上爬動！！！後來須然佢地同我地道左歉，又送左一碟小食，再比埋九折我地，不過都已經對成餐飯同間餐廳打哂節扣，最慘係嚇親我既星加坡友人！…Read More

呢間餐廳應該條歌賦街上晚餐最平既選擇，5 courses set dinner 大部份只係$88-$98 一位，連埋加一都只係一百多Ｄ。　食物方面，叫左個salmon feteccini, 味道還可以。友人則叫左個燒羊架晚餐($158)，好大堆頭，不過食味只係一般。餐後咖啡亦ok。須然個main course 只係一般，不過以咁既價錢，算係好抵食。…Read More

呢間餐廳應該係歌賦街上裝修最搶眼既一間：純白色既主調，高貴得黎又簡潔。午餐算幾多選擇。自已叫左個牛柳，友人叫左豬扒，兩個主菜都合格，不過唔算特出。要讚既係餐飲咖啡用Lavazza，比街上大部份餐廳好。…Read More