foodie_ceci's Profile

今天天氣又熱又焗，和朋友看到招牌寫着豆漿任飲就立即入去。其他餐廳一杯飲品根本都唔夠飲。雖然是生煎包專門店但菜品也很多選擇，亦見到很多人一起包生煎包同小籠包，真係新鮮，叫咗幾個嘢食，包括原味小籠包、麻醬手撕雞粉皮擔擔麵、雞絲酸辣湯、蟹皇生煎包。4粒小籠包，粒粒外皮薄透，餡料豐滿，調味帶有微微咸，肉餡鮮香，最鐘意咬下去時鮮美的湯汁爆晒出嚟，好飲好食。搭配埋少少醋和姜絲更加好食，做得幾傳統。麻醬手撕雞粉皮啲麻醬香濃、粉皮的Q彈。手撕雞肉質鮮嫩，令人食唔停。朋友食咗招牌擔擔麵，擔擔麵花生高湯底濃郁，麵條索汁又有咬口，每一口都充滿了花生的風味，非常滿意。雞絲酸辣湯的酸辣平衡得非常好，湯底清爽卻又帶點微微的辣意，初次嚐試嘅我覺得幾特別，而雞絲令成碗湯更加豐富。蟹皇生煎包外皮金黃酥脆，內餡鮮美，湯汁濃郁，而且食嗰陣仲見到好幾大粒蟹膏，真係有啲驚喜。特濃豆漿口感滑順，濃厚的豆香，任飲都做得一啲都唔求其。…Read More

今次初體驗感覺新鮮，因為不只是美食，更和可愛的女僕有唔同嘅互動。點了兩個套餐，套餐有配飲品一杯、野菜柚子沙律、2份小食、主食。在等待食物的期間，女僕會主動和我們一起玩卡片遊戲，女僕非常有耐性地和我們介紹規則，遊戲簡單有趣，我哋都玩得幾開心。玩嘅中途，食品都不斷送到，玩完後主食就剛好送上了。而上菜時會與女僕一同諗咒語施展魔法，非常有趣。點了紅酒汁蛋包飯套餐（$188），她在蛋包飯上面用茄汁細心地繪畫了一隻可愛大貓咪，一開始都覺得可愛到唔捨得食。蛋飯和紅酒汁配搭令口感覺味道口感都很濃郁，融合得很好。小食花枝丸和炸香腸炸到金，花枝丸口感彈牙，味道都幾鮮。草莓乳酸也不錯。另一個套餐是冬蔭功海鮮意粉（$168），味道獨特的泰式意粉，冬蔭功酸辣的味道重，喜歡吃辣的可以品嚐一下，意粉本身口感彈牙，小食炸魚和炸洋蔥圈同樣美味，芒果梳打是芒果甜味適中，很清爽解渴。作為女仔都覺得佢哋女僕都服務員們穿得很可愛，笑容親切，服務都好周到。除此之外，女僕餐廳仲有即影即有相片服務，，留下美好回憶。女僕們也會表演歌舞，令人真心驚喜，亦看得出她們的努力訓練的成果。呢次的女僕餐廳體驗不同，服務真的很好，感覺到被重視，賓至如歸的感覺。…Read More

呢幾個月，每次去維多利亞園打完網球都會嚟這間餐廳食，因為環境舒適寧靜，而佢哋嘅海南雞飯真的非常之嫩滑，我特別喜歡他們自制的酸甜醬，入面除咗酸酸甜甜之外還有淡淡的芫茜味，配搭這些嫩雞非常美味，爽滑，而這裏油飯加了特別配料，非常有層次。泰式無骨鳳爪唔太酸亦唔太辣, 適合我舅父食因為佢有胃病。佢食過都話好食又唔怕食多。他們的健康人生套餐亦有加配一杯飲品，一碗老火湯，鮮魚湯浸生菜，成個餐只係73蚊，非常之抵食。…Read More

今日去到尖沙咀做嘢，工作完結後想吃返啲嘢補補身子，喺網上見揾到有間食藥膳湯麵，望落似比較舒適就入去了。的而似確，店舖係乾淨企理，燈光冷氣就柔和，坐得舒服嘅。叫咗個藥膳桃膠農場雞手工麵午膳套餐，包涷飲品，呢間藥膳就無咁重中藥材味，因為落嘅紅棗比較多，反而係有少少偏紅棗味藥膳湯。每一啖湯底都帶有少少紅棗的甜味。而碗麵的桃膠唔係得幾粒，都半個拳頭咁多，食到最後都仲有，補充返晒膠原蛋白。而啲手工麵條，口感亦少少煙韌彈牙，同時都索咗少少藥膳湯汁入去，食咗唔少麵好少可以做到咁樣，呢個手工麵做得唔錯。農場雞雞味濃郁，肉質鮮嫩滑口；肉多骨少！雞件又多，雞胸，雞翼，雞翼尖都有齊！叫咗兩個小食，鹽酥墨魚春卷，墨魚保有墨魚鮮味，鹽酥的味粉可口惹味。藥膳上湯大甲芋頭貢丸，貢丸新鮮之餘都有一粒粒分明的芋頭粒，兩者很不錯。特別叫咗個特飲愛文芒果茉莉花茶，飲落比較甜，比較偏向芒果甜味，但仍然飲到淡淡的茉莉花香味。…Read More

今天和朋友慶祝生日，去了呢間火鍋店，這裡的裝潢簡潔、乾淨，店內的燈光溫暖柔和，地方闊落，讓整個空間顯得格外舒適。他們提供了多種湯底選擇，主打藥膳養生湯底，同時亦有蕃茄湯、壽喜燒、麻辣湯，每種湯底都有其獨特的風味和特色，讓人難以抉擇，最後還是選擇了藥膳花膠湯底。這種湯底滋陰之餘，還可以補充骨膠原養顏，補身之選！這裏食料的新鮮度令人有非常好的印象，蔬菜菇類色澤鮮豔乾淨，而選擇的美國prime grade 極上牛頸脊加西班牙伊比亞黑毛豬新鮮且切片均勻，兩者肌肉多較結實，肉味亦比較濃，非常啱我們的口味！食多多都不怕太肥！丸類款式應有盡有，粒粒都爽口彈牙，食得出新鮮而用料十足。特別推薦墨魚滑，除了手打墨魚漿還少見地混合的粒粒分明的墨魚粒。飲品方面有大量的自家製冷泡茶，梳打飲料，亦有提供熱飲，暖飲，十分貼心。其中我比較喜歡烏梅山渣茶，不但開胃而且解膩，一飲就知用料很足。店員們全部服務態度親切，察覺到及滿足了我們的需要。美中不足，就是自己忘記了點雪糕食，只需加10蚊就可以食到movenpick/haagen-daz特別味道雪糕。整體嚟講，係一家值得推薦的火鍋店，我會再次光顧。…Read More

時隔一年多，我們又來到這間越菜咖啡廳，看到餐牌又推出了更多的新菜式、新飲料了！！！這次的新菜品有越式咖哩牛肋條配斑蘭椰香飯、越南蟹肉醬配脆球餅、咖啡骨、荔枝雲朵咖啡、香茅青蘋果茶！有新菜品當然要全部都來一份，首先是一個開胃前菜，越南蟹肉脆球餅。把蟹肉沙律、青瓜、蘿蔔絲放進球裏面，拍起來就是高級；一口吃下去（嘴巴小的可以弄破，夾起來吃），蟹肉沙律的蟹味濃郁新鮮，配脆餅口感不得了！現在吃東西講究儀式感，咖啡骨、惹火上身鹹檸豬頸肉就給到我滿滿的儀式感。先用咖啡把雲朵沖下去豬軟骨，再夾起來品嚐，咖啡加棉花糖的味道都進去了軟骨裏面，就是好吃！！惹火豬頸肉的火點起來當刻讓人非常驚喜，我就最愛看這種，然後豬頸肉燒得很剛好！配了shake shake雞軟骨炸物當小吃，保持了水準，加入紅椒碎一起搖，非常惹味！男朋友點了一越式咖喱牛肋斑蘭飯，外觀別緻，份量不少，咖哩的椰味濃郁，飯上有些紅椒碎粒，並有淡淡的斑斕味道。好吃的程度是連怕辣的他也能一口接一口地吃，最後才不斷的找水喝。荔枝雲朵咖啡，來到看到雲朵泡沫上有些玫瑰花碎覺得很可愛，很漂亮，帶荔枝味的冰咖啡也不錯喝。香茅青蘋果茶直接喝好喝但較甜，倒在加冰杯了裏喝就剛好。…Read More

自從一次上網找自助餐時，知道這間素食自助餐，就和男朋友來了這裏不少於10次，因為不論環境整潔，舒適，店舖位置，食物的質素都很不錯。銅鑼灣d1出口附近，唔使2分鐘就行到，非常方便。去過咁多次都好少話要等好耐，因為座位夠多，最啱我和男朋友肚餓時又想食好啲健康啲嘅時候去。這間素食自助餐食款實在太多樣，近排食物款式仲多了素中式點心，尤其是香芋粉果好足料，薑汁紅棗糕口感軟韌，味道清甜。而沙律吧的沙律菜新鮮爽口乾淨，非常難得是有鷹嘴豆，紅腰豆，藜麥，還有多種沙律醬配搭，男朋友嚟呢度都會食返兩碟，是健康之選。仲有非常多款的炸物，味道多樣，各有不同，我最推薦的是綠茶餅，因為綠茶皮入面是香芋蓉。各款壽司，前菜也很不錯，每次嚟一定會食返幾舊。飲嘅方面有老火素湯，中式糖水，健康生津自家製飲品，亦有咖啡機。價錢也非常合理，一個自助午餐都是只需要一百幾蚊，是一間性價比高，又食得健康的自助餐廳。…Read More