IanKwok's Profile

早排喺好多平台見到人推港香自助餐，講到非常咁吸引，終於忍唔住今日一試，準時6點半入座，座位寬敞舒適，唔會覺得迫夾到唞唔到氣，環境不俗～**冰鎮海鮮區**  海鮮劃分兩區擺放，有琵琶蝦、鮑魚、翡翠螺、麵包蟹、青口、蜆等，雖然冇生蠔我早知，但冇長蟹腳就真係出乎意料，失望到一個點！花蟹鮮甜，鮑魚新鮮彈牙，而琵琶蝦可以用發育不良形容，肉質偏薄，太削了**熱盤區**熱食選擇算多，試咗清蒸龍蝦，肉質鬆散，食咗三轉都係咁，我比晒機會。其他食品有辣酒花螺、茅台醉蝦、砵仔焗蠔、燒牛柳、燒味拼盤、即煮粉麵（加料自選）、酸菜魚、天婦羅、炆花膠、蒸花蟹，仲有各式點心如蝦餃、燒賣。燉湯出爐時，會要搖鈴鈴通知，五星酒店可以不要這樣嗎！仲要個湯得個「咸」字**沙律區**中東風味沙律賣相靚，色彩繽紛，健康人士之選**刺身＆壽司區**  刺身有三文魚、吞拿魚、油甘魚、甜蝦等，雖然款式唔算超多，但最吸睛係三文魚子任食！粒粒飽滿，爆汁鮮甜，自製三文魚子丼飯，哇，一絕！玉子燒有幾款口味，啱晒小朋友**飲品區** 飲料都幾齊全，雜果賓治、西柚檸檬茶、橙汁、奶茶、凍咖啡，熱茶等。無限暢飲真係爽！**甜品＆雪糕區**  甜品簡直係藝術品，賣相靚到唔捨得食！試咗桂花豆腐芝士蛋糕、芒果蛋糕、朱古力蛋卷，每款都唔錯，甜度剛好唔膩。雪糕有多款口味，去到後段成半款式已售罄，想encore烏龍茶雪糕都冇，餐廳真係要多備貨做後備，否則結尾太掃興呀！總括嚟講，食物水準合格以上，而且環境不俗，若遇到平台做優惠，可以一試！…Read More

隨著撈海鮮自助在國內逐漸興起，呢股熱潮亦席捲香港，瞬即爆紅。收費大致跟國內相近，但因為車費同時間都慳咗好多，所以吸引大量顧客光顧。先後到訪過九龍灣同荃灣分店，九龍灣嗰間較擠迫，荃灣就寬敞些，兩間氣氛同樣熱鬧自助區分為以下幾個部分：**魚池**生猛海鮮係最大亮點，包括蝦、大頭蝦、蟹、蜆、花螺、鮑魚等，凡是自己撈嘅新鮮感更高！場內有店員幫手洗淨海鮮，令大家放心食用😃**火鍋配料** 琳瑯滿目嘅丸類、花膠、水魷、鯇魚片、生蠔，甚至不常見嘅紫羽衣甘藍都一應俱全。自己最like花生芽，吸收湯底精華，超級好味😋！**熟食區** 有烤榴槤、小龍蝦、點心、涼拌菜等，款式豐富多樣，適合不同口味👍🏻**飲品** 選擇多到數唔晒：罐裝飲品、果汁、清酒、梅酒、咖啡、茶、熱飲都齊全**甜品** 大福、泡芙、布甸、芝士蛋糕、雪糕等，滿足甜品控**下單食品** 燒乳鴿、燒生蠔、燉木瓜、鵝肝多士都不俗👍🏻，牛肉就較為平平，即使係澳洲M5和牛，肉質韌，咬感較柴👎🏻🩷🩷小貼士🩷🩷午市用餐時間約3小時，較為寬鬆，可以慢慢享受。晚市只有2個小時，要留意時間…Read More

好耐冇嚟，光猛咗好多，以前好鍾意嚟呢度，因為地方就腳，散水又快冰鎮海鮮有即開生蠔、龍蝦、長腳蟹、蝦、翡翠螺、青口、蜆、蟹鉗，生蠔最為突出，爽而甜熱盤有佛跳牆，和牛，燒物🔥竟然有燒鱔🤩，燒牛排、羊架、蒸魚等，最正係片皮鴨，忍唔住口食咗幾件刺身&壽司多款刺身選擇，最喜歡赤蝦和帶子，壽司賣相精美，一d都唔馬虎甜品款式唔多，試咗幾款都好食，最LIKE個葡撻仔， 一啖一個飲品自助形式，有咖啡、茶、水等........不過要彈下，洛神花茶唔係人人啱飲，應該加返D大路嘢，如橙汁，蘋果汁※總結※食物款式及口味迎合大眾，難得我老公話樣樣啱食，今餐絕對收貨…Read More

酒店位於九龍站，交通方便，今次同班好姐妹嚟食假日lunch buffet，餐廳環境舒適，大面積玻璃設計，大部份位置可以看到靚景🍹🟠冰鎮海鮮有長腳蟹、麵包蟹、小龍蝦、蝦、蜆、青口、翡翠螺，全部新鮮，不過去到中後段時間，只有少量供應，連蟹腳也沒有，要開口問才作少量補給，尾段都未到喎🤨🔴熱盤有咖哩、燒牛肩胛、點心、鹵味、烤物等，大部份菜式都唔吸引，大家好快停手🖐🏻🟡飲品自助形式，有果汁、汽泡酒、紅白酒等👍🏻🟢沙津&涼拌多款涼拌都係同一個味，就唔好分咁多盤，難道為排場？🔵刺身&壽司兩者款式少得好可憐，令人失望🟣甜品相對比其他出色，款式多而精緻，加返些少分💁🏻‍♀️環璄取勝，食物麻麻，整體一般 …Read More

Bookmark呢間cafe有一段時間，幸好一早訂了位，去到門口已見人潮，店員準時安排入座，舖頭細細，座位密密麻麻，枱與枱之間非常緊貼，穩穩陣陣叫個2人set，唔使左諗右諗牛油炒野菌｜份量適中，菇菌爽脆🍄‍🟫白酒煮蜆 ｜新鮮無沙，味道適中💜水牛城雞翼 ｜粉漿頗厚，味道似韓式甜辣醬，不太欣賞芝士/蒜蓉焗生蠔｜唔算大隻，有點腥，芝士味道較好龍蝦汁虎蝦闊條麵｜份量不大，龍蝦汁亦唔算濃， 麵質亦一般  美國安格斯肉眼牛扒｜七成熟，焦香肉嫩，有水準👍🏻窩夫伴雪糕 ｜香脆外層，內層軟熟帶點煙韌，配以雪糕簡單配搭，不錯 🩷香蕉朱古力冰沙｜口感粗糙，冰沙未打至順滑，影響口感總結☘️｜食物質素👌🏻，店員態度親切有禮，略嫌座位空間逼夾…Read More

姐妹們邀約食飯，咁梗係試新嘢，上年開業「殿•大喜屋」見有不少好評，我哋選擇中午時段，貪有3小時用餐，餐廳位置非常就腳，環境較同區另一間姐妹店光猛得多，座位亦算寬敞，夠鐘一開波，個個九秒九上身出去攞嘢食自助吧冷盤、多款熟食、前菜、水果、點心等，其中最吸睛係兩盤榴槤蓉，鍾意食嘅朋友仔唔好錯過，蟲草烏雞湯亦係推介之一😍各式飲料及甜品款式非常多，各款酒類、汽水、茶、咖啡、連銀菊露亦有供應刺身併盤各樣都幾平均，除咗蟹腳可以唔使點，因為發育未完成，其中金槍魚腩最出色，encore咗好幾轉😋多款壽司我哋主攻海膽軍艦🌟，唔會太大舊飯，啃多幾舊都冇問題熱食有不少貴價食品😍，如避風塘炒蟹、咖哩大頭蝦、清酒煮蜆、炸乳鴿、燴花膠、醉鮑魚、龍蝦伊麵、煎鵝肝、比目魚、金蒜蒸扇貝、燒生蠔等，要彈一下係扇貝同生蠔都係放一大咋炸蒜，口感不佳，一係就用生蒜或是生熟蒜，相信味道會提升不少椰皇燉蛋白原個棷皇燉，我覺得好有誠意，仲幾食好食🤤☘️個人認為💁🏻‍♀️純以放題夾說，食物質素不俗，款式又多，可能未必每樣都好好食，但一定唔會失望…Read More

老友報料話帝都酒店開咗間buffet，見收費唔算太貴，即時訂位 餐廳唔算大，環境👌🏻冷盤🟢 龍蝦、蟹腳、青口、翡翠螺、海蝦，蜆，其中龍蝦欠鮮味，攞咗一轉就停手，眼見refill亦較慢，冷盤質素一般般，即開生蠔，新鮮但蠔味淡，轉去另一戰場飛驒牛飛驒牛🟠 廚師用10秒時間煎一塊薄切牛比客人，難怪人龍不滅，塊飛驒牛又確係好好食🩷，唯有死死地氣又再排，去到7點半打後，竟然變咗牛頸脊，WTH? 食落完全兩回事，牛扒亦有呢個問題，頭輪嗰塊牛扒超得，之後換咗第二舊又另一回事熱盤🟣 片皮鴨、炒蝦球、炒龍蝦鉗、蒸扇貝、酸菜魚、豉汁蒸鱔等，個人認為熱盤相對較出色，菜式吸引之餘仲幾好食🤤沙津🔵 款式算多，唔知邊個諗出嚟將parma ham放上蜜瓜面，可能覺得擺盤靚啩，可惜食客只夾走火腿，淨返晒D瓜，嘥晒🙂‍↔️應該分開擺至啱飲品🟡 果汁、紅白酒、清酒、香檳、茶、即調cocktail & mocktail (分時段供應)，酒類任飲唔使加錢，我就好滿意👍🏻刺身🔴 三文魚、青魚、𩶘魚、魷魚、紅蝦、八爪魚、帶子等，仲有即製手卷、唔知嗰日係咪多太多人，少部份刺身供應不足，如紅蝦食咗一轉，之後就沒有了，轉了帶子，再出去攞時又話未溶得切，叫個吞拿魚蓉手卷，又話呢個係last one，雖則如此，刺身質素平均幾好，隻帶子仲好大粒😊甜品⚪️ 賣相不俗，試咗兩件唔太甜，我最鍾意係即製pancake，好煙韌😋，破例食咗兩轉，仲有即製心太軟，可免費代寫祝福語，話時話咁似Mr. Steak🤔總結☘️食物質素唔差，個人較欣賞其熱盤及餐酒，餐廳始終新開業，尚有進步空間…Read More

人多食飯最頭痛，呢個想食烤魚，嗰個又話食雞煲，咁點搞? 搵一間乜都有咪得囉，一個價錢包晒，任飲任食，呢間有齊烤魚及雞煲任食😋，仲有羊腩煲(一次性)烤魚 任食嚟講好有水準，拍得住其他烤魚店，我們點了香辣味，可選辣度，魚夠大條，肉質鮮味🤤，另點了泡椒酸湯口味，相對沒有香辣咁出色，出面叫條烤魚閒閒哋都兩三百蚊，呢度係任食，相當化算，雞煲味道夠濃，但雞肉唔夠滑，羊腩煲炆得入味，唔錯牛肉併盤  餐廳先奉上一份併盤，有安格斯、封門柳、牛板腱、牛舌，其中安格斯超高質，入口軟腍，大家都話安格斯堅好食，呢款食唔停😋刺身估唔到連刺身都有得食，質素一般，叫做多個選擇小食 泰式鳳爪、炸曼頭、燒雞肉串、雞翼、豬頸肉、牛仔骨等，燒物放上枱時係熱辣辣，唔係預先制定，唔錯👍🏻火鍋配料 肉類、餃子、丸類、蔬菜、粉麵等，其中香煎午餐肉好食🌟飲品及雪糕 飲品自助形式，有罐裝啤酒、汽水、茶等，留意到牆壁胋上九時入座有紅白酒任飲，食夜場嘅朋友不妨問下店員😉整體🌸食物真心冇投訴，三百幾蚊有咁多嘢食，尤其是烤魚同安格斯牛肉超有水準，缺點係唔跟單執嘢，點少少就來大大份，後期上菜較慢等情況，由於下單時間為90分鐘，若發現食物未到就盡早向店員詢問，以免錯過下單時間…Read More

一直有人話再臨閣自助餐平靚正，睇價錢確係吸引，平過五舊水，亦促使我幫襯咗兩次，講下入座安排，18:30開始用餐，輪候位置相當擠迫，餐廳有需要作出改善，或可提前讓客人入座，餐廳地方比我想像中細，景觀唔錯，雖然大半維港景色被文化中心遮咗😅冷盤🟣龍蝦、長腳蟹、龍蝦、翡翠螺、蝦、蜆等，海鮮真心唔錯，補給亦快，第二次到訪有琵琶蝦，但只供應了短時間，卻是眾多款海鮮中最出色，超爽甜彈牙🤤，我只攞到兩隻咁大把，之再冇再出過熱盤🟠鐵板燒、即製壽司軍艦及刺身、慢煮鮑魚、蒸魚、炒時蔬等，我一向好少攞粉麵，但好友不停讚個龍蝦湯意粉好正，仲話冇老點，咁我又試下，湯底幾濃配以海鮮作配搭，而第二次嚟就轉咗叻沙，吸引度大減🙂‍↔️，燒西冷亦係另一樣要讚嘅，口感好嫩，冇過熟問題沙津吧🟡蔬菜新鮮，選擇唔算多，第二次嚟仲要冇咗Parma Ham，得返沙樂美腸嗰咋，即時大打折扣甜品🔴款式唔多，但賣相幾精緻，試咗幾款，唔算太甜，唔錯飲品🔵自助形式供應、咖啡、果汁、檸檬茶，一應俱全總結☘️由於我幫襯咗兩次，有感存在差別，是指食物供應比較飄忽｜服務方面，侍應殷勤有禮👍🏻 (相片是首次到訪時拍下，給大家作參考)  …Read More

石門算係近年崛起嘅美食天地，兩幢商場有不少大大小小食肆，個人一向較少評價小店，主因近年經濟下滑，現今環境經營困難，未去到太垃圾嘅食店都費事寫，而今次係想讚下FOOD LAB，講真我唔係咁鍾意食拉麵，但老公話想食就陪下佢✿ฺ白湯豚骨拉麵✿ฺ個湯底超濃，直頭有點杰，真係啖啖精華🤤，叉燒夠晒淋，重口味嘅朋友一定啱✿ฺ特濃雞白湯拉麵✿ฺ湯底冇豚骨咁濃，但味道更為鮮甜👍🏻，配以有田雞叉燒，口感似嫩雞胸，✿ฺ章丸燒✿ฺ熱辣辣，外脆內軟，美味可口✿ฺ芝士燒雞肉軟骨棒✿ฺ面層蓋上水牛芝士，yummy😋🎈以上拉麵跟配小食，並送罐裝飲品，一個餐講緊七十幾蚊，仲要唔係揸流攤，得閒路過真係要試吓…Read More

諗住去葵廣掃街，但實在太墟撼，轉場去咗隔離新都會廣場，可能過咗午巿繁忙時段，但馬屋唔使等位，揀咗日本產黑毛和牛放題套餐，店員問有冇興趣加多幾十蚊升級特選和牛，我又覺得冇咁嘅必要，肉未到之前出去自助區夾下D配料，講真款式唔多，但有些特色蔬菜出面係比較少見，至於丸類略為普通， 牛肉上枱第一視覺😎🉐️，油花分佈唔錯，咋咋臨隊入鍋先，入口非常軟淋 😋，三百幾蚊有呢個質素，個人認為值得，咪住……🥴last分開order嗰3碟就出事，油花比例明顯跌watt，口感嚡，睇圖會見到好大分別飲品區🍹有罐裝茶、水果茶、熱茶、汽水、jolly shandy等💁🏻‍♀️要彈一彈個雪糕櫃，成日見人𢳂雪糕要排好耐，好奇心驅使下出去八下，原來D雪糕堅硬無比，見前面位靚女為咗試齊四款口味， 費盡九牛二虎之力，勉強完成任務，由於太硬關係，好多人都係撳住個雪糕筒邊嚟𢳂，其實都幾唔衛生😑，依家好多餐廳都已轉用軟雪糕機或提供杯裝雪糕，係時候要變下…Read More

巿道麻麻，想食buffet又想慳住荷包，搵間$500⬇️酒店自助餐真係唔容易，突然想起紅煙窗，呢間有齊三寶🤤生蠔、鱈場蟹腳、龍蝦，你話去邊度搵，話說當晚未夠六點，職員已安排客人優先入座，抵讚👍🏻出去氹咗一轉，基本嘢一定有❁自助水吧❁果汁、奶茶、咖啡等❁海鮮冷盤❁ 凍蝦大隻又爽、翡翠螺鮮味十足💜、鱈場蟹腳大隻鮮甜😋、龍蝦亦唔錯👍🏻❁生蠔❁ 美國生蠔🔸️幾大隻，口感creamy澳洲生蠔🔹️蠔味濃，好鮮甜😍❁刺身❁ 大路嘢，冇乜驚喜🤷🏻‍♀️❁沙津❁ 最鍾意雜果沙津，好好食❤️，起碼唔會加D薯仔同紅蘿蔔😋❁熱盤❁ 鴨肝多士、肉眼扒、炸物、燒物、即淥粉麵、炒時蔬、蒸魚等，質素一般❁磯煮鮑魚❁ 每位贈送兩隻，口感好乾又韌，鮑魚都係炆先好食❁甜品❁款式較少，賣相不太吸引，雪糕有Haagen-Dazs ＆ Movenpick，仲有爆谷車，初初以為佈置裝飾😅🌟當日做緊二送一優惠，四百幾蚊一位，推薦👍🏻…Read More

難得平日放假，搵下好姐妹聚一聚，之前路過北角匯，幾鍾意呢度環境，由於大家想食粉麵，入咗咖吔試試｜新加坡喇沙摻摻｜新加坡喇沙味道偏甜，因為加入椰奶煮出湯底，湯頭係喇沙靈魂，但呢個湯底味道明顯偏淡，完全唔達標😑｜老街咖哩麵｜咦……同頭先嗰碗咁似嘅，試下個湯，wow一樣味😅｜燒豬頸肉｜好乾又柴，唔掂👎🏻｜香茅青檸荔枝梳打｜幾清新，飲落唔太甜👍🏻｜芒果汁配芒果雪糕｜雪糕下面係用果汁打成💁🏻‍♀️口感似刨冰，飲落好有藥水feel😖🍁總結🍁環境不錯，坐得舒服，只係食物質素未如理想，可能餐廳出名菜式並不是這些🙄 …Read More

網上看到一鼎做緊澳洲200天穀飼牛套餐午巿半價優惠，無理由唔試㗎😎，而且優惠只做到12月底，去到門口已見人頭湧湧，幸好一早訂咗位，套餐可選90或120分鐘，餐廳會先上第一輪頭盤，所以唔使急住點🧏🏻‍♀️♡肉類♡澳洲200天穀飼牛🔅肉質偏鞋，即使輕輕一灼，都係差唔多😑澳洲嚴選牛🔅肉質比200天的嫩口，估佢唔到😅丹麥梅花肉🔅肉質算嫩👌🏻牛舌🔅一般餃子🔅幾鍾意佢個韭菜餃😋好食♡自助區♡多款蔬菜、丸類、響鈴、炸魚皮、麵食等♡小吃♡款式比想像中多，其中炸豆腐較出色，好滑嫩，其他小食多是預熱好，大部份上枱只呈微暖♡飲品♡每人包一杯手搖飲品，揀咗黑糖珍珠牛乳，好飲😍，其他飲品有冷泡茶、罐裝飲品☘️☘️今次半價優惠享用此套餐，個人認為抵食，若以正價收費就不太值了，主要是牛肉質素普通…Read More

心血來潮想食韓燒，一於出旺角，此店位置優越，地鐵站一出就到，入座後店員講解任食套食內容，自助區一眼見晒，細得可憐，不過冇所謂，此行烤肉為主，滿足到我就得，飲品選擇也太少了吧😰，得汽水機同熱麥茶🆘️，唯一可取之處係個爆谷機，即制爆谷香脆可口帶有濃厚焦糖味，正👍🏻肉類拼盤➡️賣相不俗，有澳洲安格斯牛板鍵、牛脷、豬扒、五花腩、豬頸肉、雞肉、一口牛，若你問我有邊款好食，真係噏唔出🙆🏻‍♀️，不至於難食，但真係好一般，ORDER咗幾款牛肉，肩胛翼、封門柳、牛板鍵、牛頸脊，望落款款都差唔多樣，估唔到食落口都係差唔多😅小食➡️泡菜煎餅、魚片串、炸雞等……反而小食仲好食過D肉🍀🍀整體性價比不高🍀🍀，食物質素及飲品款式有待提高🧏🏻‍♀️…Read More