ggkkdd's Profile

去完跑馬地養和檢查，唔知去邊度食乜。養和嘅餐廳就實在太好食，又實在太貴。去街市頂樓，只得一間餐廳可以選擇，又係食埋食去嗰啲嘢。附近有啲餐廳嘅，咁但係冇乜邊間真係零舍好食囉。我意思系話要有一間性價比高，又好食嘅餐廳就難啲。之前去過牛奶冰室都幾正，所以再想試吓。但係今次真係唔係好掂，我叫咗個人參雞。本身個湯勁鹹。問題係佢成舊雞放落去，我究竟用咩切呢？ 因為舊雞實在太韌。只可以成舊雞，放落個口度用牙咬! 我難以想象女士，如何吃用。咁個味道真係非常一般啦。呢個菜式應該要取消，做唔到韓國咁好，就應該取消…Read More

有啲事要走去銅鑼灣。唉，其實好怕去銅鑼灣，因為食飯又貴，又唔好食，service又差。系曬到飛起嘅中午，兜咗成條渣甸坊，冇一間食肆吸引我。再行遠少少見到呢間鋪，裝修好似有啲特色。裏面客人又唔少，咁咪走入去試吓囉。點咗個水門雞椰菜花雞飯，一上台，瀨嘢，以為有椰菜花原來係冇嘅。我問waiter咁同普通嘅雞飯有乜分別呢？佢話就係少咗碟豉油，同埋個飯不是油飯，健康啲。咁我一食落個飯，濕立立，有陣味好難食。好在waiter俾左碟醬油我，因為啲雞系完全冇味，唔點醬油唔知點食。等咗好耐都冇杯水飲，叫waiter拎杯水，佢俾左杯滾水我，唔知點飲...呢餐我都覺得幾賴嘢。咁多好評，可能我唔識點餸喇…Read More

有一段時間冇嚟金銘，因為佢哋唔收八達通，只收現金。而今時今日仲有邊個會帶現金出街呢？後來，佢哋收返八達通，咁我先至嚟返。金銘開咗50年，由黃大仙做到呢度，都保持住一定嘅質素。嗱，記住，我講係一定嘅質素，唔係話好好嘅質素。牛腩粉係唔錯，如果件牛腩可以切細啲更加好。崩紗腩更加好食，價錢亦更加驚人。但係你睇圖片個part同我碗普通牛腩差唔多。叫啲菜裏面成日夾雜啲粉，真係好鬼核突! 而金铭由始至終都係，不是很乾淨，(服務就是沒有服務)，這也是讓我最討厭的..作為金銘老顧客，超過十多20年。下期入嚟逸東，都要轉下其他餐廳…Read More

好驚去尖沙咀食嘢，又貴又唔好食。本來喺啓德，諗住去九龍城食嘢。但係趕住去文化中心睇show，焗住要去尖咀食。一家大細都要搵個地方舒服少少，加上有啲quality，咁咪去海港城囉。但係都係好驚去海港城啲餐廳，因為又係嗰句超貴，但唔好食。我見到呢間餐廳。 幾個post都話性價比高，咁諗住去試吓。首先坐喺度，張梳化凳呢，啱啱好喺條中間位，坐得非常不舒服。想換去隔離台，點知又係咁，個梳化位又係喺中間，都唔知點設計？點咗個套餐，首先，個冬陰公湯得個辣字。之後個咖喱雞完全冇雞味，應該話好大陣雪藏味。個通菜差到離曬大譜，根本你同我都炒得出，隨便炒一炒，再攞罐酸甜醬加少少落去。豬頸肉就勁肥，串燒好普通。奶茶太甜，味道還可。食呢餐飯真係好慘，貴又唔好食(其實五舊系尖咀唔算貴，問題係真係唔好食)…Read More

啱啱落機，唔知食乜。機場啲餐廳都好鬼貴，而家香港啲服務態度又差，真係冇興趣食啲乜! 周圍行下，遺留咗呢間唐記，性價比高，又可以食啲香港嘢! 一於幫襯! 點咗個咖喱雞飯辣到飛起，淨系得個辣字咖喱就冇乜味! 大熱天時，諗住點返個凍甜品食，點知好多甜品都冇凍! 唯有點只得一款揀嘅雪耳糖水，價錢唔貴，好似22蚊，但係品質都一般，料都幾足嘅其實。只係個糖水好傑。飯一個膠袋，甜品一個膠袋，真係好唔環保。我話唔要甜品膠袋，收銀就同我講，話熱飯一個膠袋、凍甜品一個，唔想一個凍一個熱放埋一齊。佢係講得啱，但係態度語氣可以好少少。加上，其實佢都唔使咁多解釋，幫我收翻個膠袋咪得囉。喺機場工作，俾多啲笑容，係好緊要…Read More

尖東好多好嘢食，唔知去邊間，本來唔想搵茶餐廳。但係行到好攰，所以費事搵就入咗呢間茶餐廳。入去都係一般茶餐廳格局，蒸魚雲非常好食! 亦非常大碟，蒸得啱啱好。燒肉飯走汁亦都非常之大份，非常好。青菜就好難食好老，同收銀講佢叫我第時叫炒菜喎，但係要70蚊一碟。五宝飯亦都麻麻地，燒鵝同雞嘅部份都好差吓。嘢飲要加五蚊八蚊，好抵喎，外面净飲可能20幾蚊，即使跟套餐亦都冇可能咁平，呢度算好抵食。希望可以再作改善，第時嚟開尖東，都可以再去翻呢間鋪…Read More

將軍澳中心都唔少食肆，要搵間好嘅都唔容易。又要好食，又要性價比高。宜家啲餐廳間間都好鬼貴，都唔係咁易揾。我都係睇openrice食評，搵到呢間個個都點贊。所以試吓。羊架還可以。雞胸西西里意粉，雞胸好好食，意粉就好唔掂，差過大快活。煙三文魚都好普通，好細份。卡邦尼煙肉意大利粉好好食，但啲意粉就有啲硬，要軟翻啲先好。水牛城雞翼一睇個look就唔掂，不如整返烤雞翼算。朱古力心太軟配雪糕正常好食，oreo奶昔亦可以。環境簡潔，服務亦非常不錯，以香港今時今日嚟講…Read More

行過好幾次，都想食素，但次次行過，到最後都走咗去吃肉(茶餐廳粉麵店)。有時外面行過覺得，裡面咁簡陋嘅，又好似無乜裝修、燈光昏暗，都唔知掂唔掂。咁今次都係行過，已經過咗一兩步，睇到門口有特價牌。终於的起心肝，走入去。睇下餐牌，最後都係叫特價飯加素湯。湯還可以，足料，淡少少更好。菜係苦瓜頭菇，即炒，非常掂。好食，估唔到，因為一般素吃麻麻地。所以即炒，係零舍唔同! 碗飯都有quality, 仲好大碗，下次可以少飯。桌椅非常乾淨。其實一週吃一次半次，或一個月吃兩三次，也不過份。少殺生，健康，清腸胃! 推薦…Read More

點了兩個兒童餐，汁燒豬肉凍冰冰，難食到冇人有。餃子皮好厚，硬到離譜。咖喱雞飯稍為好啲，但都係凍嘅。整體嚟講，只有米飯比較好，可能用咗日本米。價錢唔係貴， 但係整體質素真係好差…Read More

装修係唔錯，地方系細啲，不過香港系咁㗎啦。入座後即時點餐，過咗冇耐就上菜啦，算快手。但係呢水都冇一杯，然後問佢叫水，4個人又俾咗三杯水我。叫杯水都叫咗兩三次都好鬼攰。嚟到只雞髀真係唔熟，我問我太太要唔要換，佢話算啦。如果俾我就一定換啦。之後我太太話啲飯冇味、啲辣椒唔夠辣、隻雞髀亦都冇味。太太仲話杯咖啡唔夠濃，唔夠咖啡味。 我話杯咖啡太甜喎，我太太話係比較甜，其實係啱嘅無問題。串燒亦都太一般了。叻沙ok未到好食，價錢實在太高了，不過喺香港大商場系咁架啦，只係食物水準不配這價錢囉…Read More

想找一間高質小吃，係地鐵附近走嚟走去，都揾唔到乜小吃。荃灣不是很多小吃嗎？是否經濟不好執哂？見角落有幾個客等，唸住實好吃。叫了串鱼蛋，有幾種辣，试了小小辣，魚蛋係掂嘅。再叫了價值40大洋兩溝，翅ok, 魚肉差到不得了! 魚肉好滑，完全不似魚肉! 口感勁差! 40蚊可以食兩餸飯喇…Read More

行過海防道，唸住平平哋入大排檔食，其實唔平。点了滑蛋牛，伙計好乜大聲問，飲咩呀，点了凍檸茶。碟飯一上，未見過咁细碟，牛肉勁薄勁碎。好在而家年紀大，食唔到多嘢。以前成吋厚嘅牛肉，今時今日香港，可能已經再见不到了。檸茶飲兩啖沒有了。一碟飯58元，不便宜! 凍飲加三蚊，唔知点解收2元，共60元。同老闆倾下，問好生意嗎？佢話而家幾好。週五下午接近兩点，坐滿，多得大陸遊客。你問我，不會有下次，因為碟飯真的吃不飽。…Read More

見成條街有多人等位，呢間少人D，係咪代表不好，又唔係。只是稍贵，68元一碗。湯好濃，好大碗，食唔哂。雞也大件，只是冰鲜雞始終味道一般，而且煮太熟。如果可以另外上，可能好D。冬天吃好，暖胃。地方算濶落。很適合女性，補吓。…Read More

有一段時間無去太興，鑊鑊去都係食燒味，今次想轉下。加上一碟烧味飯成七八九十蚊，lunch嘅話，真係食唔起。点個餐蛋通，餐肉好咸，D湯仲咸。而家D人食得好清淡，咁咸港人真唔啱!…Read More

以前長期爆，店外多人等位。D檯细，我好憎超迫。後期習慣咗，算。而家，唔知係咪北上消費，上次中秋前，同昨天，都無乜人。鴨腿湯飯，唔掂，無乜味。鴨腿煮太熟太硬。條菜更加唔掂，唔夠靚。Service一直都無，食完水都無一杯! 好難再嚟。之前一直吃茶餐，條腸quality very bad, like plastic. It seems there is no improvement, while the service is getting worse…Read More