yumilht's Profile

朋友bookmark嘅餐廳 話想試下新加坡菜一行三人叫咗個2人set再加個麵同咖央多士 2人set: HKD388-辣椒螃蟹醬配饅頭 （🔆大推）-囉喏 （🔆大推）-參岜魔鬼魚 （無魚味但特別）-咖啡骨 （重咖啡味 舊骨唔細但都有肉）-馬來風光 （意外地辣嘅炒通菜） 另加：-月光河粉 HKD118 （打卡100分唔惹味炒河）-咖椰爆醬HKD68 （極級甜多士）-斑蘭奶茶 HKD30 （冇斑蘭味嘅奶茶） 🔆辣椒螃蟹醬配饅頭 辣椒螃蟹醬分量勁多 原本擔心會唔會太辣 點知完全唔辣 好好味 想叫個飯撈嚟食🤣 饅頭就正常炸饅頭 記得趁熱食 🔆囉喏 好特別嘅小食 個汁甜中帶鹹 鹹中帶酸 配埋水果好夾 值得一試！ 好少會食到👍🏻 🔆參岜魔鬼魚好少會食魔鬼魚 啲肉係一條條 冇咩魚味 但配參岜醬就幾好味 食完唔會覺得好特別 好快已經唔記得係咩味🤣 🔆咖啡骨見食評多人推薦就試下 咖啡味好出 有驚喜 但就唔係其他人講到咁少骨同多肉 都幾大舊骨同埋肉質可以再淋啲 好多肉都黐住啲骨 食完淨係覺得咖啡味重 冇乜特別 🔆馬來風光冇諗過最辣係依道菜🤣 我唔係好食到辣 食咗少少就停咗手 普通炒通菜 叫二人set嘅可以試下 但覺得唔需要單叫 🔆月光河粉打卡100分 但食完0印象嘅炒河🤣 作為炒河忠實fans 好少會食完炒河但無感想 記唔起個醬汁係咩味🤣海鮮配料都足料 蛋黃做唔到昇華嘅效果 純打卡 總結就係唔惹味嘅炒河 🔆咖椰爆醬打卡100分系列 層次分明 食到晒牛油、花生醬、朱古力醬同咖央嘅味 加埋一齊係極級甜 個味覺好神奇🤣 成個感覺就係「甜甜甜」但又食得出所有味 不過太似食緊流心嘅糖 一次就夠 建議多啲人先好叫 一人一舊啱啱好 如果下次試會想叫返普通嗰款 🔆斑蘭奶茶大失望 同朋友一人一杯 但大家都唔係好飲到斑蘭味 單純係一杯淡淡地嘅奶茶 個奶味仲要係奶粉個種 會expect足料少少 🔆總結值得一試嘅新加坡餐廳 打卡度十足 呢個價錢嚟講份量都好足料 環境都乾淨 但去洗手間個環境就略差 要上一層環境有啲陰森🤣 食物方面就得兩至三道菜係推薦 其他菜式味道略嫌不足 睇賣相會以為好惹味 但味道同期望有好大落差 黎一次就夠 到而家都唔明點解個炒河可以無咩味 但又唔係難食🤣…Read More

行街臨近三點好多餐廳都落咗場 見佢新鋪仲開緊就試吓 有驚喜！ 當日叫咗兩個lunch set：-武藏野風豚汁沾烏冬*2-天婦羅拼盤 （推薦）-炸豚肉 （推薦） 🔆武藏野風豚汁沾烏冬賣相幾好 烏冬好彈牙 有好多片豚肉圍住個沾麵汁 個沾麵汁係比較稀個款 唔會好掛汁 似係用湯包整出嚟 唔似其他拉麵鋪好濃同杰身 夏天食嘅話都幾清新 但個人希望個汁可以再濃啲 而家似食緊拉麵多過沾麵 同埋個汁好快凍 建議搵方法令佢保溫 🔆跟餐小食： 天婦羅拼盤&炸豚肉雖然個沾麵就略為失望 但反而小食有驚喜 喺香港普通餐廳食到嘅天婦羅到好厚粉 但依間小店個天婦羅係做到炸皮好薄又脆👍🏻 個炸豚肉都出色 份量正常🔆總結順路可以試下嘅餐廳 或者住附近嘅話都可以當做飯堂 不過除咗小食之外 個拉麵真係超級一般 係街坊港式日本野小店嘅質素 如果對麵有要求嘅建議唔使食 套餐HKD118嚟講都唔係貴 但冇記錯有啲小食要加錢 🤣 如果要額外加錢嘅話 會寧願用依個價錢淨食有質素嘅拉麵 …Read More

朋友推薦話依間泰國菜好出名 就帶我試下🤤上次朋友排咗好耐隊 所以今次就預先book位 個日放工一到餐廳 已經大排長龍 好彩好快就入得😚 -醉貓炒河 HKD88-燒牛肉 HKD138-串燒拼盤 HKD158-芒果蟹肉炒飯-蒜蓉包 HKD58-芒果糯米飯-泰式奶茶/椰青/青檸梳打 🔆醉貓炒河 最signature嘅菜式 個分量三個女仔食啱啱好 少少辣得黎好惹味 雖然無咩配料 但連埋啲肉碎本身都好好味 食完一啖又一啖 🔆燒牛肉 分量好足 牛肉偏淋 唔係出面燒到好乾個種 但牛味略嫌不足 個醬汁好辣 點少少已經經夠開胃 都值得一試 🔆串燒拼盤 普通拼盤 唔會話好味過其他餐廳 多人食可叫 🔆芒果蟹肉炒飯個芒果幾甜 個飯無咩調味 唔特別 但又可以一啖一啖咁繼續食🤣 但我哋最後都食淨咗少少 🔆蒜蓉包 大失望 外表睇落似新鮮焗起 但實際上勁靭 一啲都唔脆 好難先咬得開 似出面擺咗成晚嘅包 🔆芒果糯米飯個飯分量好多 芒果都大大舊同甜 食得泰國嘢就必叫嘅甜品🤤 坐嘅位置對正個冷氣 但又冇其他位可以調 本身個侍應話啲嘢食到咗就會好熱㗎喇 點知除咗醉貓炒河之外 其他嘢都只係暖 加埋個冷氣 啲食物好快已經凍咗⋯食泰國嘢啲菜唔夠熱 係大扣分嘅位依間餐廳值得一試，但淨係可以叫佢最signature嗰幾樣餸 其他少人推薦嘅唔建議食 …Read More

同同事一行四人，為咗梳乎厘班戟慕名而來食個lunch❤️ 🔅記得lunch time一定要book位主食（4碟）：-明太子大蝦燴飯-蒜香忌廉蟹肉意粉-牛油果軟殼蟹燴飯-虎蝦長通粉甜品（一鹹一甜）：-海鹽芝士牛角窩夫-特濃吉士焦糖梳乎厘班戟 🔆牛油果軟殼蟹燴飯牛油果味偏淡 炸軟殼蟹係出面餐廳普遍食嗰款 整體正常發揮 但牛油果加軟殼蟹嘅配搭 次次都忍唔住會嗌🤣 少少膩 🔆虎蝦長通粉冇記錯係茄汁長通粉 有三隻虎蝦 虎蝦唔霉 喺餐廳咁多好膩嘅意粉入面 虎蝦長通粉算係比較開胃 🔆蒜香蟹肉意粉好重蒜香味 蟹肉份量好足料 鍾意蒜香意粉嘅必叫 但因為另外幾款意粉都比較多醬 加埋好油嘅蒜香意粉 唔係好食得曬 🔆明太子大蝦燴飯明太子燴飯最後上枱 但四個女仔食完前面三個意粉其實已經飽曬 明太子仲要配勁多忌廉 成件事極級膩🤣 🔆海鹽芝士牛角窩夫原本淨係想叫梳乎厘 但牛角窩夫都好吸引，最終都叫咗個鹹嘅甜品 鹹芝士味好 牛角窩夫新鮮出爐 切落去個下聽聲已經feel到好脆 之前喺葵涌廣場食過同款牛角窩夫 勁淋 依間Cafe令我對牛角窩夫改觀 🔆特濃吉士焦糖梳乎厘班戟外觀100分💯 個面嘅焦糖切落去會有脆嘅聲響 同出面嘅比較 係屬於高身較窄款 睇Menu以為好細 但實物其實好大份 雖然我哋四個女仔食完主食已經極飽 但甜品係另一個胃 最後都食得曬🤤 不過個日上完牛角窩夫之後 仲要等多10分鐘先有梳乎厘 如果lunch time冇咩時間嘅話要早啲叫佢上定 🔆總括嚟講 價錢不便宜 但物有所值嘅工廈Cafe 主食足料兼分量多 甜品亦都出色 上碟都有設計 但全部都係紅菜頭汁畫兩撇 🤣 明顯都係普通無咩創意嘅cafe 但勝在有良心一定會食得飽同質素都算幾好 唔係單純打卡掠水但由於香港Cafe都大同小異 主食都無特別之處 呢間餐廳會歸類為黎觀塘值得一試 但冇特別原因就唔會再食 …Read More

見咁多好評就同同事一行四人去食 12:15去到落單叫咗：（1）豚肉定食 HKD 72（2）炸雞定食 HKD78 *2 加HKD5 轉烏冬（3）鯖魚定食 HKD 75前菜有一份好細嘅沙律同麵豉湯 （1）豚肉定食最快上到 正常水準 （2）炸雞定食等咗15分鐘 炸雞新鮮炸唔錯 但加錢轉嘅烏冬勁細碗 應該得半個烏冬 本身都成HKD78 額外加錢咁細碗烏冬嚟講 有啲搵笨（3）同事叫嘅鯖魚定食等咗超過40分鐘 等咗15分鐘嘅時候同侍應講咗 但冇任何有用嘅回覆 再之後25分鐘嘅時候 同咗另一個侍應講 得到嘅回覆係「因為鯖魚定食係即叫即整 所以正常要等15分鐘」 如果係咁嘅話menu應該要特別寫明 始終lunch time唔係個個人都有咁多時間等15分鐘 同埋最後佢等咗超過40分鐘先上到 就算味道唔錯，但都令人冇晒胃口同場有幾枱客人 由原本傾偈有講有笑 等到最後已經黑晒面 希望餐廳接唔到咁多客 就預先同客人講定上菜需時 唔好坐低等咗半個鐘先知伏咗 就好似個鯖魚定食咁 唔係我哋問都唔知原來要等至少15分鐘 另外喺白飯俾咁多嘅情況下，其他人額外加HKD5先得個拳頭咁細嘅烏冬 落差太大 建議增加個份量…Read More

咁啱同事搵到依間茶餐廳有流心蛋包飯食 即刻二話不說lunch time去試吓🤤 - 流心蛋包飯 HKD 68- 特濃沙嗲牛肉飯 HKD 50- 特濃沙嗲牛麵 常餐 HKD 45- 脆爆奶茶 跟餐HKD 10 🔆流心蛋包飯依個價錢嚟講食到流心蛋包飯 真係好難得 其他餐廳一係貴 一係就排長龍 首先講一講個流心蛋 係真係做到流心嘅效果 外面嗰層都幾厚 食得出係落咗好多隻蛋 亦都唔係溝咗好多奶或者水原本擔心個炒飯會好dry 點知有勁多配料 每一啖都食到火腿同雞肉 個炒飯汁都好惹味 就算食到好飽都忍唔住越食越多啖🔆特濃沙嗲牛肉飯個沙嗲汁真係好濃 撈飯食好好味 🔆脆爆奶茶叫咗無糖 都重茶味 但阿華田粉唔係好融合到喺個奶茶度 可能係因為叫咗走甜先咁 加HKD10唔係貴 可以試一次 但下次應該唔會叫 整體來講 雖然係只係茶餐廳 但只要叫啱嘢食 其實係出色同特別過出面其他餐廳 呢個價錢都好良心價 觀塘工廈好多餐廳$80但唔足料又難食…Read More

Book mark咗呢間餐廳好耐終於喺OpenRice book咗weekend lunch去食Weekend Lunch Set HKD138-前菜三品： 雞肝多士、枝豆春卷、麥粒味噌青瓜-串燒： 蟹肉牡蠣 +HKD2雞尾+HKD2白鱔 +HKD8-虎蝦濃湯麵 +HKD 50-雞白湯素麵+HKD 10🔆 前菜三品三樣前菜都好有驚喜 特別係味噌青瓜 個配搭特別又好味 枝豆春卷個豆蓉好夾 我唔好枝豆都覺得好味 雞肝多士就正常發揮🔆串燒/炸物蟹肉牡蠣唔錯 好多好多蟹膏同肉 雖然個蠔都幾重急凍味 但呢個價錢嚟講算係咁 個白鱔唔錯 冇咩骨 雞尾係Menu推薦 正常發揮🔆虎蝦濃湯麵終於到重頭戲 個虎蝦濃湯麵 賣相一百分💯 但除咗打卡之外 無值得讚嘅地方 個湯底的確好濃郁 但湯底似罐頭龍蝦湯 無蝦嘅鮮味 喺湯底咁杰嘅情況下 個麵質又好淋 令到個人好易滯 虎蝦的確好大隻 肉質爽口 比櫻花蝦包實曬 炸得好鬆脆 但食落口其實得櫻花蝦味 食一兩啖已經厭咗 建議叫一個同人share🔆雞白湯素麵知道個虎蝦濃湯麵好濃郁 所以叫咗個雞白湯麵消滯 可惜味道令人失望 個湯底好淡味得黎有一浸好奇怪嘅酸味 應該唔只係麵上嘅檸檬影響 個麵照樣係淋嘅質感 雞肉同糖心蛋就正常 冇咩特別 建議可以唔使試整體嚟講 前菜出色 但主食（麵）對比佢嘅賣相落差十分大 淨係賣相都係值得一試嘅餐廳 但唔會回頭…Read More

平時都鍾意周圍搵好餐廳 只係太懶唔會寫食評 但今次都忍唔住幫佢寫返個 特別見佢新開🤣首先叫咗個六隻生蠔拼盤 （$188）加house white wine 今晚不幸地得兩款蠔 但每隻都好大隻好飽滿同食得出好新鮮 兩款蠔都各有特色 最後同朋友再叫多一盤 好滿足另外叫咗三款小食： 青口（$92），蒜香大蝦 （$138）同炸魷魚 （$88）份量適中 同出面啲西班牙餐廳食嘅差唔多 依個價錢來講都抵食Paella兩個人食份量啱啱好 喺香港都食過唔少餐廳嘅Paella 唔好味/正常普通嘅都試過 但佢係少有一間食第一啖係有喺西班牙食Paella嘅感覺!! 之前係港島食過幾間外籍廚師主理嘅西班牙餐廳 但都只係預期中香港會食到嘅味 無咩驚喜 所以今餐我同朋友都覺得好正最後甜品叫咗Burrata ($82), 通常都係前菜先食到 好少見係甜品個頁 入口第一啖好驚喜 以為食緊蛋糕🤣 佢有兩款醬 一款甜啲 另一款苦澀少少 個人鍾意甜啲個邊未食甜品前就覺得間餐廳係高質 但未去到想短期再食 始終會想試新野 而佢地menu又貴精不貴多 但加埋個甜品就轉咗諗法 值得近期再帶朋友黎試試佢😚…Read More

第二次係依間買外賣 上次打定電話落單最後都等咗9個字 已經唔打算再係到食 但今次因為地方便就試多次 Lunch叫咗個大盛海鮮丼 折咗都過一百 啲刺身得四款勁薄仲要得每樣兩片 平時係apm間居酒屋買海鮮丼唔洗一百 但啲刺身款式同數量多過依間 又切得厚勁多 唔expect係觀塘比多過$100去食啲咁嘅嘢 好似另一個comment咁講 真係茶餐廳式日本嘢…Read More